Սիրիայի Արաբական Հանրապետության Մեծ Մուֆթի, դոկտոր Ահմադ Բադր ալ-Դին Հասունի գլխավորած պատվիրակությունն այցելել է Հալեպում տեղակայված Հայաստանի Հանրապետության մարդասիրական առաքելության խմբի կենտրոն

Սիրիայի Մեծ Մուֆթին ՀՀ իշխանություններին և ժողովրդին փոխանցել է իրենց երախտագիտությունը

72
(Թարմացված է 16:18 19.07.2019)
Մեծ Մուֆթի, դոկտոր Ահմադ Բադր ալ-Դին Հասունը խոսել է սիրիահայ համայնքի առանձնահատուկ դերի մասին` նշելով, որ հայերը եղել են և միշտ կմնան սիրիական հասարակության անբաժանելի մասը:

ԵՐԵՎԱՆ, 19 հուլիսի — Sputnik. Սիրիայի Արաբական Հանրապետության Մեծ Մուֆթի, դոկտոր Ահմադ Բադր ալ-Դին Հասունի գլխավորած պատվիրակությունն այցելել է Հալեպում տեղակայված Հայաստանի Հանրապետության մարդասիրական առաքելության խմբի կենտրոն:

Ինչպես տեղեկացնում են Հումանիտար ականազերծման և փորձագիտական կենտրոնից, հանդիպման ընթացքում Մեծ Մուֆթի, դոկտոր Ահմադ Բադր ալ-Դին Հասունը խոսել է սիրիահայ համայնքի առանձնահատուկ դերի մասին` նշելով, որ հայերը եղել են և միշտ կմնան սիրիական հասարակության անբաժանելի մասը: Նա անդրադարձ է կատարել Սիրիայի մշակույթի, գիտության և կրթության ոլորտներում հայերի ունեցած մեծ ավանդին, շեշտելով այն հանգամանքը, որ Ցեղասպանությունից փրկված հայերը ոչ միայն փրկության ափ գտան Սիրիայում, այլև, որպես նշան մեծ երախտագիտության,ամբողջությամբ լծվեցին Սիրիական Հայրենիքի շենացման և բարգավաճման գործին`բարեկամության կամուրջներ կառուցելով երկու եղբայրական երկրների` Սիրիայի և Հայաստանի միջև:

Великий Муфтий Сирии Ахмад Бадр аль-Дин Хасуни посетил центр гуманитарной миссии Армении (18 июля 2019). Алеппо
Սիրիայի Արաբական Հանրապետության Մեծ Մուֆթի, դոկտոր Ահմադ Բադր ալ-Դին Հասունի գլխավորած պատվիրակությունն այցելել է Հալեպում տեղակայված Հայաստանի Հանրապետության մարդասիրական առաքելության խմբի կենտրոն

Անդրադառնալով ՀՀ հումանիտար առաքելության խմբի գործունեությանը` Սիրիայի Մեծ Մուֆթին Հայաստանի Հանրապետության իշխանություններին և ժողովրդին փոխանցեց սիրիական իշխանությունների երախտագիտությունն ու շնորհակալական խոսքերը, միաժամանակ շեշտելով, որ խմբի մարդասիրական աշխատանքները թե առողջապահության, և թե հումանիտար ականազերծման ոլորտներում արժանացել են Սիրիայի ժողովրդի մեծ համակրանքին և բարձր գնահատականին:

Հալեպում ՀՀ գլխավոր հյուպատոսն իր հերթին նշել է, որ սիրիական ճգնաժամի ողջ ընթացքում Դամասկոսում և Հալեպում գործող Հայաստանի դիվանագիտական ներկայացուցչություններն աշխատել են ամբողջական ծավալով` Սիրիայի ժողովրդի հետ հավասարաչափ կիսելով պատերազմի ողջ զրկանքներն ու դառնությունները: Հայաստանի կառավարության և ժողովրդի անունից բազում մարդասիրական  օգնություններ են ուղարկվել սիրիայի բարեկամ ժողովրդին` այն առաջին հերթին դիտարկելով որպես բարոյական պարտքի դրսևորում:

Գլխավոր հյուպատոսությունում ՀՀ հումանիտար առաքելության խմբի ներկայացուցիչ Արկադի Տոնոյանը, շնորհակալություն հայտնելով Մեծ Մուֆթի դոկտոր Ահմադ Բադր ալ-Դին Հասունին կենտրոն այցելության, ինչպես նաև բարձր գնահատականի և վստահության համար, ասաց, որ մեր հայրենակիցների նկատմամբ ցուցաբերված մեծ մարդասիրությունը չի մոռացվել համասփյուռ հայ ժողովրդի կողմից, և, որ խմբի գործունեությունը Հայաստանի Հանրապետության աջակցությունն է պատերազմական Սիրիային` միտված Սիրիայում բնակվող ժողովրդի հոգսերի կրճատմանն ու կարիքավոր քաղաքացիներին բժշկական անվճար ծառայություններ տրամադրմանը:

Հիշեցնենք, որ 83 հոգուց բաղկացած մասնագետների խումբը Հայաստանից Սիրիա է մեկնել փետրվարի 8-ին։ Խմբի կազմում ներգրավված են հումանիտար ականազերծման մասնագետներ, բժշկական անձնակազմ և մասնագետների անվտանգությունն ապահովող բրիգադներ։

72
թեգերը:
Սփյուռք, հայեր, հայ, բժիշկ, Սակրավոր, Հայաստան, Սիրիա
Ըստ թեմայի
Սիրիայում վնասվածք ստացած հայ սակրավորին տեղափոխել են Երևան
Սիրիայում հայ մասնագետները ականազերծել են 25.290 քմ տարածք
Հայ ռեժիսորը Սիրիայում XXI դարի բարբարոսների մասին ֆիլմ է նկարահանում
Ոստիկանություն, Սերբիա

Սերբիայում ձերբակալել են Ադրբեջանի դեսպանին

187
(Թարմացված է 18:27 13.08.2020)
Նրան կասկածում են բյուջետային միջոցները վատնելու և պաշտոնեական լիազորությունները չարաշահելու մեջ։

ԵՐԵՎԱՆ, 13 օգոստոսի - Sputnik. Սերբիայում ձերբակալվել է Ադրբեջանի դեսպան Էլդար Հասանովը։ Նա կասկածվում է խոշոր գումարի յուրացման ու բյուջետային միջոցների վատնման մեջ։ Տեղեկությունը հայտնում է ՌԻԱ Նովոստին՝ հղում անելով Ադրբեջանի Պետանվտանգության ծառայությանը։

Պետական անվտանգության ծառայությունը տեղեկացնում է, որ ֆինանսական ստուգումների ընթացքում հիմնավոր կասկածներ են առաջացել, որ Սերբիայում, Չեռնոգորիայում, Բոսնիա և Հերցեգովինայում Ադրբեջանի դեսպանը ոչ բուն նպատակով զգալի բյուջետային միջոցներ է ծախսել ու այլ իրավախախտումներ կատարել։

Փաստի առթիվ հարուցվել է քրեական գործ։ Հասանովը ձերբակալվել է կասկածյալի կարգավիճակում։

Մինսկում ձերբակալվել է նաև RT-ի թղթակիցը

187
թեգերը:
Ադրբեջան, Դեսպան, Ոստիկանություն, Սերբիա
Ըստ թեմայի
Մոսկվայում պետական դավաճանության կասկածանքով «Ռոսկոսմոսի» պաշտոնյա է ձերբակալվել
Ձերբակալվել է Ադրբեջանի ՊՆ նախկին ղեկավարը
Մոսկվայում հարձակվել են հայերի վրա. մի խումբ ադրբեջանցիներ են ձերբակալվել
Ռոբերտ Նազարյանը միակը չէ. հանձնաժողովի նախկին անդամներ էլ են ձերբակալվել
Գերեզմանոց, արխիվային լուսանկար

Անկարայում քանդել են հայկական գերեզմանոցներն ու աճյունները հանել շիրիմներից

128
(Թարմացված է 18:11 13.08.2020)
Ի պատասխան տեղի հայ համայնքի բողոքի՝ Անկարայի քաղաքապետը հայտնել է, որ իրենք զբաղվում են այդ հարցով։

ԵՐԵՎԱՆ, 13 օգոստոսի - Sputnik. Թուրքիայի մայրաքաղաք Անկարայի Սինջան թաղամասում գտնվող հայկական Սուրբ Փրկիչ և Սուրբ Քառասուն մանուկ եկեղեցիներին կից գտնվող հայկական գերեզմանոցը ավերել են: Լուրը հայտնում է ermenihaber.com-ը։

Ըստ աղբյուրի՝ աճյունները դուրս են բերվել շիրիմներից, ամենուր մարդկային ոսկորներ են ցրիվ տրված։

Նախկին փոխվարչապետ Ալի Բաբաջանի հիմնադրած «Ժողովրդավարություն և առաջընթաց» կուսակցության փոխնախագահ Մուսթաֆա Յեներօղլուն այս հարցով դիմել է Անկարայի քաղաքապետ Մանսուր Յավաշին։

«Գերեզմանից հանված ոսկորները պետք է նորից թաղվեն, և տարածքը պետք է պաշտպանված լինի: Քաղաքակրթության պահանջներից մեկն է գերեզմանատների և մշակութային ժառանգության պահպանությունը», - ասել է Յեներօղլուն` քաղաքապետի հետ զրույցում, գրում է թուրքական Aktif Haber պարբերականը։

Ի՞նչ են պատմում տապանաքարերը, կամ տարբեր ժամանակների գերեզմանաքարերի պահած գաղտնքիները

Պարբերականի փոխանցմամբ՝ Անկարայի քաղաքապետը տեղեկացրել է, որ իրենք զբաղվում են այդ հարցով։

Թուրքիայում առաջին դեպքը չէ, երբ հայկական գերեզման է պղծվում։ Այս տարվա փետրվարին Անկարայի քրիստոնյա քաղաքացիներին պատկանող Օրթագյուղի գերեզմանատանն անհայտ անձինք քանդել են 19 գերեզմանաքար։

128
թեգերը:
Թուրքիա, հայ, գերեզման
Ըստ թեմայի
Թուրքիայում հայկական և ասորական գերեզմանոցի վրա հարսանյաց սրահ և զբոսայգի են կառուցում
Թուրքերին ինչո՞ւ են պետք հայկական հողերը․ Վանի գերեզմանոցում զուգարաններ են դրված
Լավրովի հայ նախնիների հետքերը Լոռիում. տոհմական գերեզմանոցն ու եկեղեցին պահպանող գամը
Աշտարակի քաղաքային գերեզմանոցում կրակոցներ են հնչել. կա զոհ և վիրավոր

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ