Ավտոբուս

Ավտոբուսի հայ վարորդից վրացիներն անձնագիրը վերցրել են, որ վկայություն տա. դեսպանություն

57
(Թարմացված է 14:22 10.07.2019)
Վրաստանում Հայաստանի դեսպանությունը դիմել է Վրաստանի ԱԳՆ՝ ավտոբուսի վարորդ, ՀՀ քաղաքացի Արտյոմ Խաչատրյանի անձնագիրը հնարավորինս արագ տիրոջը վերադարձնելու խնդրանքով:

ԵՐԵՎԱՆ, 10 հուլիսի — Sputnik. Արդեն 16 օր է Վրաստանում Հայաստանի դեսպանությունն անմիջական կապ է պահպանում և՛ ՀՀ քաղաքացի, Մոսկվա-Երևան ավտոբուսի վարորդ Արտյոմ Խաչատրյանի, և՛ Վրաստանի իրավապահ մարմինների հետ։

Դեսպանությունը գրությամբ դիմել է Վրաստանի ԱԳՆ՝ դրան կցելով Վրաստանի դատախազություն ուղարկված բողոքը, որպեսզի ՀՀ քաղաքացու անձնագիրը հնարավորինս արագ վերադարձվի։

Ինչպես ավելի վաղ տեղեկացրել ենք՝ հունիսի 24-ին ռուս-վրացական սահմանով անթույլատրելի բեռ տեղափոխելու կասկածանքով Վերին Լարսի անցակետի վրացական հատվածում կանգնեցվել էր հայկական ուղևորափոխադրող ընկերություններից մեկին պատկանող ավտոբուսը։

Խոշոր չափով ծանր թմրանյութ տեղափոխելու համար նախ ձերբակալվել էր ավտոբուսի վարորդ Արտյոմ Խաչատրյանը, ապա հարցաքննվելուց հետո ազատ էր արձակվել, իսկ նրա փոխարեն ձերբակալվել էր ավտոբուսի ուղևորը։ Արտյոմ Խաչատրյանից վրացի իրավապահները վերցրել էին նրա անձնագիրը, որպեսզի նա մնա Վրաստանում և որպես գործով անցնող կարևորագույն անձ՝ հարկ եղած դեպքում հարցաքնվվի և վկայություններ տա։

Դեպքից երեք օր անց նրան հրավիրել են դեսպանություն, որտեղ նա հանդիպել է դեսպանին և ներկայացրել հարցը։ Նրան առաջարկվել է ֆինանսական օգնություն, որից նա հրաժարվել է։

Բանտից դուրս է եկել, հաշիվ մաքրել ընկերուհու նոր ընկերոջ հետ. դանակահարություն Վանաձորում

Դեսպանության իրավաբանը ամենօրյա ռեժիմով կապ է պահպանում նաև գործով զբաղվող քննիչի և դատախազի հետ։

Գործի շրջանակներում ամենօրյա ռեժիմով հարցաքննություններ են ընթանում, որպեսզի պարզվի, թե ով էր արգելված բեռն անցկացնողը։

 

 

57
թեգերը:
թմրանյութ, ավտոբուս, վարորդ, Վրաստանի Հանրապետություն
Ըստ թեմայի
Դիվանագետները սնունդ են տարել Վերին Լարսում մնացած ավտոբուսի ուղևորներին
Վերին Լարսում կանգնեցված ավտոբուսի ուղևորները տեղափոխվում են Հայաստան