Թինա Կանդելակի

Վրաստանի ղեկավարությունը պետք է ներողություն խնդրի. Թինա Կանդելակին` սկանդալի մասին

351
(Թարմացված է 16:03 08.07.2019)
Հաղորդավարուհու խոսքով` հեռուստաալիքի հետ կապ ունեցող Միխեիլ Սաակաշվիլին հանցագործ է. նա պետք է դատապարտվի վրացի ժողովրդի հետ այդպես վարվելու համար։

ԵՐԵՎԱՆ, 8 հուլիսի — Sputnik. Վրաստանի ղեկավարությունը պետք է ներողություն խնդրի Ռուսաստանի նախագահից, Telegram–ում գրել է «Մատչ ՏՎ»–ի գլխավոր տնօրեն, հայ–վրացական ծագումով ռուսաստանցի հաղորդավար Թինա Կանդելակին։

Նրա խոսքով` «Ռուսթավի 2» հեռուստաալիքը, որի հետևում կանգնած է Միխեիլ Սաակաշվիլին «այնքան է ցածրացել, որ անհնար է ավելի ներքև իջնել»։

«Իր հաղորդումներից մեկի սկզբում հաղորդավարը երկար, կեղտոտ և փողոցային բառապաշարով վիրավորել է իմ երկրի նախագահին, ինչպես դա անում են առավել նողկալի ծայրահեղականները, որոնք կանգնած են Վրաստանում ամենադաժան հանցագործությունների հետևում։ Կարծում եմ` ոչ միայն «Ռուսթավի 2» հեռուստաալիքը, որը հուլիսի 18–ին պետք է վերադարձվեր իր օրինական տիրոջը, պետք է ներողություն խնդրի։ Մեր նախագահի հանդեպ նման պահվածքի համար, անշուշտ, պետք է ներողություն խնդրի Վրաստանի ղեկավարությունը», – գրել է Կանդելակին։

Նրա խոսքով` հազիվ թե Պուտինին պետք են այդ ներողությունները, բայց դա երկրի «դեմքը փրկելու» միակ միջոցն է։

«Ես 10 տարի ասում եմ` Միխեիլ Սաակաշվիլին հանցագործ է և սրիկա։ Նրա տեղը քաղաքակիրթ հասարակության մեջ չէ, այլ բանտում։ Նրա նման մարդիկ ամենաարյունալի կոտորածների պատճառ են դառնում, նրանք իրենցից հետո ավերակներ են թողնում։ Մաղթում եմ, որ նա այրվի դժոխքի կրակներում և դա վստահաբար ասում եմ վրաց ժողովրդի անունից», – ընդգծել է Կանդելակին։

Տեղի ունեցածի մասին արտահայտվել է նաև «Ռոսիա սեգոդնյա», RT և Sputnik ՄՏԳ–ի գլխավոր խմբագիր Մարգարիտա Սիմոնյանը։ Նրա խոսքով` եթե «հաղորդավարը սահմանափակվեր հայհոյանքներով, նման արձագանք չէր լինի, առաջին հերթին, հենց Վրաստանում»։

«Խնդիրը ծնողների գերեզմանի, մոր մասին ասվածն է։ Կովկասցու համար դա անհանդուրժելի վիրավորանք է, իսկական հանցագործություն, որը ամոթալի է ոչ թե վիրավորվողի, այլ այն մարդու համար, ով նվաստացել է` ասելով նման բան։ Տղամարդը նման խոսքերից հետո դադարում է տղամարդ լինել։ Եվ ընդհանրապես մարդ», – նշել է Սիմոնյանը։

Նրա խոսքով` իրենց ադլերյան գյուղում, օրինակ, նման նողկալի արարքի համար նրան ոչ մեկ իր տուն չէր թողնի, նրանց տուն հարս չէին տա, իսկ այդ ընտանիքի տղամարդկանց հետ ոչ մեկ գործ չէր բռնի։

«Անշուշտ, վրացիներն առաջադեմ ժողովուրդ են, բայց հազիվ թե նրանք այդքան հեռացել են իրենց կովկասյան արմատներից», – նշել է Սիմոնյանը։

Ինչ է խոսել Արմեն Սարգսյանը Վլադիմիր Պուտինի հետ

Վրաստանի ամենահայտնի հաղորդավարներից մեկը` Գեորգի Գաբունիան, ծրագիրը սկսել է Ռուսաստանի նախագահ Վլադիմիր Պուտինին ուղղված հայհոյանքներով։ Մեկուկես րոպեի ընթացքում Գաբունիան, մեղմ ասած, անպարկեշտ բառերով է խոսել ՌԴ նախագահի մասին։ Հաղորդավարը չի խորշել նողկալի բառեր ասել Պուտինի ծնողների հասցեին` ընդգծելով, որ նրանք արդեն ողջ չեն։

351
թեգերը:
Մարգարիտա Սիմոնյան, Թինա Կանդելակի, Վլադիմիր Պուտին, Ռուսաստան, Վրաստանի Հանրապետություն
Ըստ թեմայի
«Vladimir, thank you very much!». Օսակայում Պուտինի և Թրամփի հանդիպումը տևել է 1.5 ժամ
Արմեն Սարգսյանը Պուտինի ու Լուկաշենկոյի հետ լուսանկար է հրապարակել
Փաշինյանը Վիետնամից հեռախոսազրույց է ունեցել Պուտինի հետ