Արարատ լեռ

Ամուսնության բիբլիական առաջարկ. հայերը բարձրանում են Արարատ լեռը, թուրքերը`լռում այդ մասին

491
(Թարմացված է 20:44 05.07.2019)
Արարատ լեռը բարձրանալն ուխտագնացություն է աշխարհի բոլոր հայերի համար: Շատերը համոզված են, որ դրանով նրանք հարգանքի տուրք են մատուցում նախնիների հիշատակին: Ու՝ դեպի լյառն Մասիս:

ԵՐԵՎԱՆ, 5 հուլիսի — Sputnik, Լաուրա Սարգսյան. Ջութակ նվագել կամ ամուսնության առաջարկ անել բիբլիական և բոլոր հայերի համար սրբազան Արարատ լեռան վրա. թեպետ այն հիմա չի գտնվում ժամանակակից Հայաստանի տարածքում, այլ շողշողում է Թուրքիայի փակ սահմանից անդին: Սովորաբար, այդ մղումներով են թելադրված լեռ բարձրանալու ցանկությունները: Այդ մասին Sputnik Արմենիայի թղթակցի հետ զրույցում ասաց Հայաստանի Ալպինիզմի ֆեդերացիայի փոխնախագահ Սուրեն Դանիելյանը:

Вершина горы Арарат
© Sputnik / Dmitrii Pisarenko
Արարատ լեռը

Նրա խոսքով` Արարատ լեռ բարձրանում են ինչպես Հայաստանի քաղաքացիները, այնպես էլ սփյուռքահայերը: Խումբը Հայաստանից այս տարի առաջին անգամ Արարատ է բարձրացել հունիսի 25–ին: Վերելքի մասնակիցները իրենց հաղթահարած ամենաբարձր կետում՝ 5137 մետր բարձրության վրա բարձրացրեցին Հայաստանի դրոշը (Արարատի բարձրությունը 5165 մետր է):

«Այս տարի դա առաջին վերելքն է: Տարվա ընթացքում 5-6 այդպիսի վերելք է լինում», – ասաց Դանիելյանը:

Вид на Малый Арарат со стороны Турции
© Photo : Arsen Tumasyan
Արարատ լեռը

Աշխարհի տարբեր երկրներից տարվա ընթացքում Արարատ է բարձրանում մինչև 100 մարդ: Ցանկացողները հիմնականում հայերն են: Նրանց համար լեռը բարձրանալը հարգանքի տուրք է նախնիներին, ևս մի ապացույցը նրա, որ, չնայած պատմությանը, Հայոց ցեղասպանությանը, հայերը շարունակում են ապրել և պահպանվել որպես ազգ:

«Գեղեցկությո՜ւն». Վադիմ Տակմենևը ոգեշնչված է Խոր վիրապից բացվող Արարատի տեսարանով

Դանիելյանը նշեց, որ լեռան վրա յուրաքանչյուրը կատարում է իր ցանկությունը: Մեկն ամուսնության առաջարկ է անում, մյուսը` Հայաստանի դրոշը բարձրացնում, ոմանք ջութակ կամ այլ երաժշտական գործիք են նվագում:

Լեռ բարձրանալու ընթացքում զավեշտալի դեպքեր չեն լինում. Արարատը կատակների տեղ չէ, այստեղ անհրաժեշտ է լիարժեք կենտրոնացում: Սովորական վերելքը տևում է 5-6 օր, որից 3 օրն արշավախումբն անցկացնում է լեռան վրա:

Гора Арарат. Армяно-турецкая граница
© AFP 2020 / HAKOB BERBERYAN
Արարատ լեռը

«Թուրքիայում ոչ մի կերպ չեն արձագանքում հայերի` Արարատը բարձրանալուն։ Բնականաբար, գիտեն, սակայն լռում են: Նրանց ձեռնտու չէ ինչ-որ բան խոսելը, քանի որ նրանց համար դա լրացուցիչ եկամտի աղբյուր է», – բացատրեց Դանիելյանը:

Սովորաբար, լեռը բարձրանալուց հետո, խմբերն այցելում են Արևմտյան Հայաստանի տարբեր քաղաքներ:

Դրախտ եք որոնո՞ւմ, այցելեք Հայաստան․ իսպանացիները նշել են 10 վայր, որ պետք է տեսնել

Արշավախումբը ձևավորվում է բարձրանալուց կես տարի առաջ: Այդքան է անհրաժեշտ մի քանի փուլից բաղկացած նախապատրաստության համար: Հրահանգիչները պետք է հասկանան, թե կարող է արդյոք մարդը դիմանալ օդի պակասին ծովի մակարդակից  5 հազար մետր բարձրության վրա, երկար տեղաշարժվել 20 կիլոգրամանոց ուսապարկով:

Альпинисты на горе
Из личного архива Э.Навасардяна
Արշավ դեպի Արարատ լեռ

Մարզումները տեղի են ունենում Հայաստանի լեռներում՝ Արագածի, Աժդահակի, Զանգեզուրի և այլն: Վերջին փորձությունն Արագած լեռը բարձրանալն է:

Եթե բոլոր փուլերն անցել են, և առողջական հակացուցումներ չկան, ապա խումբը պատրաստ է նվաճել բիբլիական լեռը:

Տեսնել և՛ Արագածը, և՛ Արարատը. Հայաստանում ուզում են յուրատեսակ ճոպանուղի կառուցել

Արշավախմբերը սկսել են Արարատ բարձրանալ 10 տարի առաջ: Այս տարիների ընթացքում մոտ 50 արշավախումբ է եղել: Լեռը բարձրանալու համար յուրաքանչյուրը պետք է պատրաստ լինի ծախսել 300-700 դոլարին համարժեք գումար:

Альпинисты на горе
Из личного архива Э.Навасардяна
Արշավ դեպի Արարատ լեռ
491
թեգերը:
հայ, Արարատ լեռ, Թուրքիա, Հայաստան
Ըստ թեմայի
Մուսա լեռան վերջին «մոհիկանները». ամերիկյան հայացք` Թուրքիայի հայկական գյուղի ուղղությամբ
Արցախի լեռան բարձր գագաթին ամենահամարձակները հայկական քոչարի են պարում
Համահայկական խաղերի ջահը վառվեց հերոսական Մուսա լեռան գագաթին
Հայ-թուրքական սահման

Թուրքիայում կարծում են, թե Հայաստանին դա ավելի շատ է պետք․ Սաֆրաստյան

1139
(Թարմացված է 23:36 03.12.2020)
Անկարան մինչև օրս կողպած է պահում հարևան երկրի հետ 330 կիլոմետրանոց սահմանը՝ Երևանին մեղադրելով «ադրբեջանական տարածքների օկուպացիայի» համար։

ԵՐԵՎԱՆ, 3 դեկտեմբերի – Sputnik, Աշոտ Սաֆարյան։ Թուրքիայում սկսել են խոսել Հայաստանի հետ հարաբերությունների կարգավորման հնարավորության մասին։ Թուրքիայի արտգործնախարարի կարծիքով՝ Արցախի հարցով պայմանավորվածությունները կարող են դրական ազդեցություն ունենալ հայ-թուրքական հարաբերությունների վրա։

Արցախի գործոնը, ինչպես հայտնի է, միշտ էլ այդ երկխոսության բացակայության պատճառներից մեկն է եղել։ Վերջիվերջո, ՀՀ նախկին նախագահ Սերժ Սարգսյանի ձեռնարկած «ֆուտբոլային դիվանագիտությունը» ձախողվեց մեծամասամբ նաև ղարաբաղյան հակամարտության պատճառով։

Անկարան մինչև օրս կողպած է պահում հարևան երկրի հետ 330 կիլոմետրանոց սահմանը՝ Երևանին մեղադրելով «ադրբեջանական տարածքների օկուպացիայի» համար, բացահայտ թշնամական քաղաքականություն է վարում, իսկ Արցախում վերջին պատերազմի ընթացքում թուրք գեներալներն ու մասնագետները ակտիվորեն մասնակցել են ռազմական օպերացիաների մշակմանը։ Բայց արժե՞ արդյոք վստահել Մևլութ Չավուշօղլուն, ի՞նչ է թաքնված նրա ելույթների հետևում։

Ֆրանսիայի Սենատն արձանագրել է Ադրբեջանի ու Թուրքիայի իրական քաղաքականությունը. ԱԳՆ

ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը չի շտապում կարգավորման վերաբերյալ հեռուն գնացող կանխատեսումներ անել։ Sputnik Արմենիային տված հարցազրույցում նա հայտարարեց, որ հիմա ինչ-որ երկխոսության հաստատման հեռանկարների մասին խոսելը դեռ չափազանց վաղ է, դրա համար իրական հիմքեր դեռ չկան։

«Եթե դատենք, հիմնվելով տարածաշրջանում և մասնավորապես Հայաստանի նկատմամբ Թուրքիայի վարած քաղաքականության վրա, Թուրքիայի ներկայիս ղեկավարների աշխարհաքաղաքական տեսլականի վրա, ապա կարելի է ասել, որ Երևանի հետ հարաբերությունները լավացնելու իրական ցանկություն նրանք չունեն։ Թուրքերը երբեք հարևանների հետ հարաբերությունների քաղաքականություն չեն վարել, ելնելով ինչ-որ հույզերից և զգացմունքներից»,-ասում է փորձագետը։

Անկարան առաջնորդվում է միանգամայն հստակ աշխարհաքաղաքական հաշվարկներով։ Իսկ հաշվարկը կայանում է նրանում, որ Հայաստանն առավել հետաքրքրված է Թուրքիայի հետ հարաբերությունների կարգավորմամբ։ Հենց այդ պատճառով էլ Երևանն ինքը պետք է զիջումների գնա, կարծում են Թուրքիայի մայրաքաղաքում։ Հարաբերությունների կարգավորման հեռանկարը շատ հարցերում կախված է Հայաստանի զիջողականությունից։

Հայաստանի հետ երկխոսության բացակայությունը Թուրքիային չի խանգարում Հարավային Կովկասում վառ արտահայտված էքսպանսիոնիստական քաղաքականություն վարել։ Եվ հետաքրքրական է, որ դա տեղի է ունենում ՆԱՏՕ-ի լռելյայն աջակցությամբ։ Ժամանակ առ ժամանակ եվրոպական մայրաքաղաքներից Թուրքիայի ուղղությամբ հնչող «սաստումները», ագրեսիայի և ապակառուցողական գործողությունների մեղադրանքները, մասնավորապես՝ ղարաբաղյան հակամարտության գոտում, չարժե հաշվի առնել, ասում է մեր զրուցակիցը։

ՄԻԵԴ–ը վերացրել է Թուրքիայի նկատմամբ կիրառված միջանկյալ միջոցը

Ավելին՝ Հյուսիսատլանտյան դաշինքի համար շատ ավելի շահավետ է, որ իր առաջատար մասնակիցներից մեկն ամրանում է Հարավային Կովկասում։ Ընդ որում՝ ՆԱՏՕ-ի ռազմավարական խնդիրներից մեկը Ռուսաստանին զսպելն է, այդ թվում՝ Թուրքիայի օգնությամբ։

Ի դեպ, վերոնշյալը կիրառելի է ոչ միայն Կովկասի, այլ նաև Ղրիմի համար։ Թուրքիան երբեք չի թաքցրել իր հակառուսական դիրքորոշումը Ղրիմի միացման կապակցությամբ, ասում է Սաֆրաստյանը։

1139
թեգերը:
Թուրքիա, Հայաստան
Ըստ թեմայի
Ֆրանսիայի խորհրդարանը Ղարաբաղը ճանաչելու կոչով բանաձև ընդունեց
Ադրբեջանի մոնիթորինգի կենտրոնում Ռուսաստանի և Թուրքիայի զինվորականների թիվը հավասար կլինի
Ավելի քան 900 սիրիացի վարձկաններ հեռացել են Ադրբեջանից՝ չնայած Թուրքիայի ջանքերին
Արաքս գետն Արցախի, Ադրբեջանի ու Իրանի միջև

Իրանցի սահմանապահները ահաբեկիչների են ձերբակալել Արևմտյան Ադրբեջան նահանգում

189
(Թարմացված է 00:32 03.12.2020)
Սահմանապահերը գրոհայիններից մեծ քանակությամբ զենք, զինամթերք և կապի միջոցներ են առգրավել: 

ԵՐԵՎԱՆ, 3 դեկտեմբերի - Sputnik. Իրանի Իսլամական հեղափոխության պահապանների կորպուսի (ԻՀՊԿ) զինծառայողները 3 ահաբեկչի են ձերբակալել երկրի Արևմտյան Ադրբեջան նահանգում, տեղեկացնում է MEHR գործակալությունը։

Ձերբակալվածները պատրաստվում էին ահաբեկչական գործողություներ իրականացնել Իրանի տարածքում։

Նրանցից մեծ քանակությամբ զենք, զինամթերք և կապի միջոցներ են առգրավվել:  

Ռուսաստանին և Իրանին ձեռնտու չէ Արցախը թուրքոմաններով և վարձկաններով բնակեցնելը

Հիշեցնենք, որ նոյեմբերի կեսերին իրանցի երեք սահմանապահ է զոհվել սահմանը խախտած գրոհայինների հետ մարտի ժամանակ։

189
թեգերը:
Սահման, ահաբեկիչ, Իրանի Իսլամական Հանրապետություն
Ըստ թեմայի
Իրանը հարված է հասցրել հյուսիսարևմտյան սահմանի մոտ գտնվող գրոհայինների դիրքերին
Հաջորդ «նպատակը» կարող է Իրանը լինել. Թեհրանին լրջորեն անհանգստացնում են Անկարայի ծրագրերը
Իրանը Լեռնային Ղարաբաղի վերականգնմանը մասնակցելու պատրաստակամություն է հայտնել. Ջահանգիրի

Ինչպես են ՌԴ մասնագետներն ականազերծում Շուշի–Լիսագոր ճանապարհը. տեսանյութ

0
(Թարմացված է 09:36 05.12.2020)
ՌԴ պաշտպանության նախարարությունը տեսանյութ է հրապարակել և ներկայացրել ինժեներական հետախուզման ու ականազերծման աշխատանքների արդյունքները։

Ռուսաստանի Դաշնության խաղաղապահները ինժեներական հետախուզում և տեղանքի ականազերծում են իրականացրել Լեռնային Ղարաբաղի Շուշի–Լիսագոր ճանապարհի երկայնքով։ Տեղեկությունը հայտնում է ՌԴ պաշտպանության նախարարությունը։

«Մաքրվել է 4,8 հա տարածք և 2,5 կմ ճանապարհ, հայտնաբերվել և ոչնչացման համար դուրս է բերվել 35 պայթուցիկ իր»,– նշված է հաղորդագրության մեջ:

Լեռնային Ղարաբաղի հակամարտության գոտում աշխատող ինժեներական ստորաբաժանումներն արդեն ականազերծել են մոտ 50 հա տարածք, 17 կմ ճանապարհ, հայտնաբերել և վնասազերծել են մոտ 1150 պայթուցիկ իր։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
ականազերծում, խաղաղապահ, Շուշի, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներն ականազերծել են Ստեփանակերտի դպրոցի տարածքը
Ստեփանակերտում ռուս խաղաղապահները մոտ 100 պայթյունավտանգ առարկա են վնասազերծել
Ռուս խաղաղապահներն ամեն ինչ անում են Ղարաբաղում խաղաղության պահպանման համար․ Շոյգու