Ավտոբուսներ

Վրաստանի իրաւապահները ձերբակալած են Մոսկուա–Երեւան հանրակառքի վարորդը

384
Մոսկուայէն Երեւան ուղեւորուող հանրակառքի գործով անսպասելի շրջադարձ տեղի ունեցած է:

ԵՐԵՒԱՆ, 25 յունիսի — Sputnik. 48 ուղեւորով Մոսկուայէն Երեւան ընթացող «Աւազառ Բուս» հայկական ուղեւորափոխադրող հանրակառքի վարորդներէն մէկը վրացական Մցխէթ քաղաքի քննչական մեկուսարանին մէջ է: Այս մասին Sputnik Արմենիայի թղթակիցին հետ զրոյցին ըսաւ անոր փաստաբանը` Գոչա Տեդիաշուիլին:

Երէկ յայտնի դարձած էր, որ յունիս 22–ին Մոսկուայէն մեկնած հանրակառքը հատած էր Ռուսաստանի սահմանը, սակայն վրացի սահմանապահները չէին ձգած անոր շարունակել ճանապարհը, քանի որ սրահին մէջ արգիլուած ապրանք յայտնաբերուած էր: Հանրակառքին մէջ մօտ կէս քիլոկրամ թմրանիւթ  եղած է:

«Վրաստանի դատախազութեան գործողութիւններն անհասկնալի են: Եթէ  վարորդ մը ձերբակալած են, ապա միւսն ալ պէտք է ձերբակալէին: Միաժամանակ կը պնդեմ, որ ձերբակալուածը մեղաւոր չէ: Ես որպէս ապացոյց տեսագրութիւն ունիմ», – ըսաւ Տեդիաշուիլին:

Անոր խօսքով` տեսանիւթին մէջ կ’երեւի` ինչպէս  Մոսկուայի մէջ վերահսկիչը տուփ մը վարորդին կը փոխանցէ: Տուփին վրայ հեռախօսահամար կայ, այդ համարով պէտք է զանգահարէին մարդուն, որ Երեւանի մէջ ստանային ապրանքը:

Այս պահուն վարորդը Մցխէթի մեկուսարանին մէջ է, երկրորդին վարորդն ու կասկածեալ ուղեւորի անձնագիրները վերցուցած են, որ անոնք մինչ քննութեան աւարտը չլքեն Վրաստանը:

Անտառներ հատելու կարիքը չըլլար. Հայաստանի մէջ վառելիքի նոր արտադրութիւն կ’ընդլայնուի

Երէկ բոլոր ուղեւորներուն, բացի մէկէն, ձգած էին անցնիլ: Կ’ենթադրուի, որ հէնց ան  բեռը կ’ուղեկցէր: Փաստաբանը համոզուած է անով:

Տեդիաշուիլին կը պահանջէ, որ գործին միջամտէ Վրաստանի մէջ ՀՀ արտակարգ եւ լիազօր դեսպան Ռուբէն Սադոյեան:

Մենք կապ  հաստատած ենք նաեւ ընկերութեան ղեկավարութեան հետ: Այս պահուն ուղեւորներուն համար եկած հանրակառքը Դիլիջան է: Անոնք Երեւան կ’ուղեւորուին:

 

384
թեգերը:
ավտոբուս, Ռուսաստան, Վրաստանի Հանրապետություն, Հայաստան
թեմա:
Sputnik Արմենիան` արևմտահայերենով (229)
Ըստ թեմայի
Պոլսոյ մէջ բացուած է Հրանդ Տինքին նուիրուած «Յիշողութեան կեդրոն»
Հայերու դերը Վալերի Կերկիեւի, որպէս երաժիշտ կայանալու հարցին մէջ
Հայաստանի մէջ ճաշարան մը բացուած է, ուր մատուցողները թոշակառու կանայք են. լուսանկարներ