Եկեղեցի Թուրքիայում

Մալաթիոյ հայկական եկեղեցւոյ վերականգնման աշխատանքները դադրեցուած են

64
Տարիներ առաջ փլուած է անտարբերութեան մատնուած հայկական եկեղեցւոյ գմբէթը, իսկ եկեղեցին յայտնուած էր գանձագողերու թիրախին մէջ եւ թալանուած:

ԵՐԵՒԱՆ, 7 յունիսի-Sputnik. «Alevinet» լրատուական կայքը «Մէկ առ մէկ կը ջնջուին հայ ժողովուրդի հետքերը» վերնագիրը կրող յօդուածին մէջ անդրադարձած է Մալաթիա գտնուող Սուրբ Երրորդութիւն (Թաշհորան) հայկական եկեղեցւոյ նկատմամբ թրքական իշխանութիւններու անտեսուած  վերաբերմունքին: Այս մասին կը փոխանցէ «ermenihaber» կայքը:

Կայքը կը գրէ, որ «Ակօս» թերթի հիմնադիր Հրանդ Տինքի ծննդավայր Մալաթիոյ մէջ գտնուող Սուրբ Երրորդութիւն հայկական եկեղեցիին` 2012-ին սկսած վերականգնման աշխատանքները կիսատ  մնացած են:

Կը նշուի, որ եկեղեցին անցած է Մալաթիոյ քաղաքապետարանի, Հիմնադրամներու գլխաւոր վարչութեան եւ Անշարժ գոյքի ազգային գլխաւոր վարչութեան վերահսկողութեան տակ: 5 տարի առաջ պատմական շէնքին յենած են մետաղական շինարարական սանդուխ եւ կիսատ ձգած են աշխատանքները:

Հայկական եկեղեցւոյ վերաբերեալ արձանագրութիւնները ժամանակի ընթացքին ջնջուած են եւ այդ իսկ պատճառով յայտնի չէ, թէ երբ եւ որուն կողմէ  այն կառուցուած է:

Տարիներ առաջ փլուած է անտարբերութեան մատնուած հայկական եկեղեցւոյ գմբէթը, իսկ եկեղեցին յայտնուած էր գանձագողերու թիրախին մէջ եւ թալանուած:

Եկեղեցւոյ վերականգնման շուրջ լուրերը ուրախացուցած էին հայութիւնը եւ թաղամասի բնակիչները:

Եան Կիլան արդէն Գիւմրիի պատուոգիր ունի. անոր նաեւ կ’ուղեկցի «Նարեկ»-ի զօրութիւնը

Թաղամասի բնակիչներու փոխանցմամբ` Սբ . Երրորդութիւն եկեղեցւոյ վերականգմամբ զբաղուող կազմակերպութիւնը դադրեցուցած է աշխատանքները չֆինանսաւորուելու պատճառով:

Անդրադառնալով մալաթիահայութեան, կ’ըսուի, որ 1970-ական թթ. Մալաթիոյ մէջ բազմաթիւ հայեր կ’ապրէին, սակայն այդ ժամանակաշրջանին տեղի ունեցած յարձակումներուն եւ 1980-ի ռազմական յեղաշրջումէն յետոյ վերջին հայ ընտանիքները ստիպուած կ’ըլլան հեռանալ քաղաքէն:

64
թեգերը:
Հայ Առաքելական Եկեղեցի, Հայաստան, Թուրքիա
թեմա:
Sputnik Արմենիան` արևմտահայերենով (221)
Ըստ թեմայի
Երկու հայուհիներ՝ Forbes ամսագիրի հրապարակած ամենահարուստ կանանց վարկանշային աղիւսակին մէջ
Սիւնիքի մէջ ափրիկեան ժանտախտ տարածուա՞ծ է. ինչու կը սատկին Սամուէլ Ալեքսանեանի խոզերը
«Ատիկա ցնցող էր». ինչ կը սպասուի ՀՀ հիւրերուն եւ բնակիչներուն ոչխար խուզելու փառատօնին