Վրացական ոստիկանության մեքենա

Սկանդալ Ախալքալաքում. կանոնների խախտումը վերաճել է քաղաքացիներ-ոստիկանություն քաշքշուկի

195
(Թարմացված է 21:05 06.06.2019)
Վրաստանի ներքին գործերի նախարարությունը մեկնաբանել է Ախալքալաքում տեղի ունեցած միջադեպը։

ԵՐԵՎԱՆ, 6 հունիսի — Sputnik. Վրաստանի հայաբնակ Ախալքալաքում տեղի ունեցած ճանապարհատրանսպորտային կանոնների սովորական խախտումը սկանդալի է վերածվել. ոստիկանների ու տեղացիների միջև քաշկռտուք է սկսվել։ Այս մասին տեղեկացնում է jnews կայքը:

«Կադրերում երևում է ` ինչպես են ոստիկանները ձերբակալում քաղաքի երկու բնակիչներին։ Ականատեսների խոսքով` ամեն ինչ սկսվեց, երբ ոստիկանները մոտոցիկլետավարին կանգնեցրեցին», – նշվում է հրապարակման մեջ։

Կայքի տեղեկությունների համաձայն` Mercedes մակնիշի մեքենայի վարորդը կանգնել է ճշտելու` ինչ է եղել, սակայն պարեկային ծառայության աշխատակիցները հրամայել են նրա շարունակել ճանապարհը։ Վարորդը հրաժարվել է  կատարել պահանջն ու ասել է, որ նրա քեռին քաղաքի այդ հատվածում է ապրում։ Որից հետո ոստիկաններն ուժի կիրառմամբ հանել են նրան մեքենայից։ 

Աղմուկի վրա դուրս է եկել Mercedes–-ի վարորդի քեռին` Մեխակ Խաչատրյանը, որը սկսել է պաշտպանել իր զարմիկին։ Ոստիկանների հետ բախման ժամանակ Մեխակի ինքնազգացողությունը վատացել է ու նրան հիվանդանոց են տեղափոխել։

Ըստ Վրաստանի ներքին գործերի նախարարության տվյալների` Ախալքալաքի ոստիկանները կանգնեցրել են մոտոցիկլետը ճանապարհատրանսպորտային կանոնները խախտելու համար։ Հաղորդագրության մեջ նշվում է, որ ոստիկանները պարզապես տուգանքն էին ձևակերպում։ Մի քանի մարդ որոշել են պաշտպանել նրան ու սկսել են դիմադրություն ցույց տալ ու վիրավորել ոստիկաններին։

195
թեգերը:
Ջավախք, Վրաստանի Հանրապետություն
Ըստ թեմայի
Առաջնորդվում ենք արտաքին քաղաքականության համատեղմամբ. Մնացականյանը` ՌԴ–ի և Վրաստանի մասին
Գազամատակարարումն ավելի անվտանգ կլինի. «Գազպրոմ Արմենիան» սահմանը շրջանցող գիծ կկառուցի
Հայաստանի դիրքորոշումը ՄԱԿ ԳՎ–ում Վրաստանի բանաձևի վերաբերյալ կարևոր մեսիջ է