Սիրիա

Սիրիա է մեկնել հայ մասնագետների հերթական խումբը

33
(Թարմացված է 10:57 05.06.2019)
Սիրիա հայ մասնագետների տեղափոխման, ինչպես նաև ապահովման խնդիրներն իրականացվել են ռուսական կողմի աջակցությամբ:

ԵՐԵՎԱՆ, 5 հունիսի — Sputnik. Սիրիայի ժողովրդին մարդասիրական մասնագիտական օժանդակություն ցուցաբերելու նպատակով հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած հերթական խումբը հունիսի 4-ին ժամանել է Սիրիայի Արաբական Հանրապետություն: Այս մասին հայտնում է ՀՀ պաշտպանության նախարարությունը։

«Հայ մասնագետները, բացառապես ռազմական գործողություններից զերծ բնակավայրերում, ծավալելու են հումանիտար ականազերծման, բնակչության հակաականային իրազեկման, բժշկական ծառայությունների մատուցման մարդասիրական գործունեություն»,–նշված է ՊՆ–ի հաղորդագրության մեջ։

Սիրիայի Արաբական Հանրապետություն հայ մասնագետների տեղափոխման, ինչպես նաև ապահովման խնդիրներն իրականացվել են ռուսական կողմի աջակցությամբ:

Հիշեցնենք, որ փետրվարի 4–ին էլ Սիրիայի ժողովրդին մարդասիրական մասնագիտական օժանդակություն ցուցաբերելու նպատակով հումանիտար ականազերծողներից, բժիշկներից և նրանց անմիջական անվտանգությունն ապահովող հայ` 83 մասնագետներից բաղկացած խումբը կրկին ժամանել էր Սիրիա։

Հայ մասնագետները Հալեպի բացառապես ռազմական գործողություններից զերծ բնակավայրերում ծավալում են հումանիտար ականազերծման, բնակչության հակաականային իրազեկման, բժշկական ծառայությունների մատուցման մարդասիրական գործունեություն:

33
թեգերը:
Ռուսաստան, Սիրիա, ՀՀ Պաշտպանության նախարարություն (ՊՆ), Հայաստան
Ըստ թեմայի
Սիրիայում հայ մասնագետները ականազերծել են 25.290 քմ տարածք
Զինյալները Սիրիայում գնդակոծել են ռուսական Հմեյմիմ ավիակայանը
Հայ սակրավորները Սիրիայում 25 հազար 860 քմ տարածք են ականազերծել