Ստամբուլ

«Արթուրը կնքուած է եւ կը յաճախէ հայկական եկեղեցի». հայ տղուն մօր պարզաբանումը

123
(Թարմացված է 19:56 15.05.2019)
Օրերս հայկական եւ թրքական լրատուական ու ընկերային տիրոյթին մէջ մեծ աղմուկ բարձրացուցած է Թուրքիոյ մէջ 13-ամեայ հայ տղուն` ուղիղ եթերի ժամանակ «իսլամութիւն ընդունելու» միջադէպը:

ԵՐԵՒԱՆ, 15 մայիսի-Sputnik. Մայիս 11-ին Սթամպուլ բնակող 13-ամեայ Արթուրը մասնակցած է թուրք աստուածաբան Նիհաթ Հաթիփօղլուի հաղորդման, ուր յայտնած է, որ կը ցանկայ իսլամութիւն ընդունիլ: Հաղորդավարը պնդած է, որ իրենք կապ հաստատած են Արթուրի մօր եւ խորթ հօր հետ եւ ստացած վերջիններուս համաձայնութիւնը երեխայի կրօնափոխութեան հարցով:

Միջադէպի մանրամասները ճշդելու համար «Ermenihaber.am»ը կապ հաստատած է Արթուրի մօր` Ալինա Ենգիբարեանի հետ: Վերջինս հերքած է որդիին կրօնափոխ ըլլալու հանգամանքը` ըսելով. «Արթուրը կնքուած է. Կը յաճախէ հայկական եկեղեցի»:

Անչափահասին մայրը նաեւ աւելցուցած է, որ ինք իրականութեան մէջ տեղեակ չէ եղած, թէ ինչ հաղորդման կը մասնակցի որդին:

«Ես իմացած եմ, որ Արթուրը ներկայ պիտի գտնուի հաղորդման, բայց չեմ պատկերացուցած, որ ան բեմ կը բարձրանայ եւ այդպիսի բան տեղի կ’ունենայ: Եթէ ես տեղեակ եւ համաձայն ըլլայի, ես ինքս այնտեղ կ’ըլլայի»,-ըսած է Ալինա Ենգիբարեան:

Ալինան նաեւ նշած է, որ իրեն զանգած են հաղորդումէն, բայց ինքն ալ չէ հասկցած թէ ինչ հաղորդում է եւ ինչ բանի մասին է խօսքը:

Ան շեշտած է, որ երեխան գիտակցուած չէ գործած, զուտ երեխայական հետաքրքրասիրութիւն է եղած է:

«Իմ երեխաս չէ հասկցած, թէ ինչ տեղի ունեցած է: Հետաքրքրութենէն դրդուած իր ընկերոջ հետ գացած է այդ հաղորդման, միամտութիւն ըրած է : Ան ինծի կ’ըսէ . «Մամ տեսար, մեզի հեռուստացոյցով ցոյց տուին, մենք յայտնի դարձանք: Ես անոր կը բացատրեմ, որ իր միամիտ քայլին պատճառով մենք վատ վիճակի մէջ յայտնուած ենք: Ան դեռ երեխայ է, չի հասկնար»:

Կինը նաեւ հերքեց, որ Արթուրը խորթ հայր ունի` շեշտելով, որ խօսքը ընտանիքի` ազգութեամբ թուրք ծանօթի մասին է, որուն հեռախօսահամարը գտած են Արթուրի հեռախօսին մէջ եւ զանգահարած են` թոյլտւութիւն ստանալու համար:

123
թեգերը:
Թուրքիա
թեմա:
Sputnik Արմենիան` արևմտահայերենով (165)
Ըստ թեմայի
Թուրքիոյ մէջ հայ տղան բռնի իսլամութիւն ընդունած է. ի՞նչ պէտք է ձեռնարկէ ՀՀ իշխանութիւնը
Զինադադարէն 25 տարի ետք, հակամարտութեան գօտիին մէջ նախկինին նման կը հնչեն կրակոցներ
Իսլամութիւն ընդունած տղուն դէպքը Փայլան կ’որակէ երեխայի շահագործում