Հայաստանի և Վրաստանի վարչապետները

«Հայաստանը փրկել է վրացական բիզնեսը». հին կապերը կփոխեն Թբիլիսիի հետ հարաբերությունները

152
(Թարմացված է 21:35 08.05.2019)
Միջկառավարական տնտեսական հանձնաժողովը կարևոր է երկկողմ ձևաչափում Հայաստանի և Վրաստանի հարաբերությունների ամրապնդման համար։ Նրա առաքելությունը գործարարների համար երաշխիք և հենարան դառնալն է։

Լաուրա Սարգսյան, Sputnik Արմենիա

Ժամանակն է, որ Հայաստանն ու Վրաստանը խոսքերից գործողությունների անցնեն և մի շարք խնդիրների լուծում գտնեն, որոնք անհրաժեշտ են երկկողմ հարաբերությունների խորացման համար։ Սրա համար խթան կհանդիսանա միջկառավարական տնտեսական հանձնաժողովի նիստը, որը թույլ կտա կարգավորել ոչ միայն մի շարք խնդիրներ, այլև կբարձրացնի փոխգործակցության մակարդակը։

Մեծ ընդմիջումից հետո միջկառավարական տնտեսական հանձնաժողովի առաջին նիստը կկայանա առաջիկայում։ Այս մասին օրեր առաջ հայտարարվել էր Երևանում Հայաստանի և Վրաստանի ԱԳՆ ներկայացուցիչների հանդիպմանը։

Փորձագետները ինչպես Թբիլիսիում, այնպես էլ Երևանում բազմիցս ընդգծել են նիստի անցկացման կարևորությունը։  Հարցը արդիական դարձավ հատկապես 2018 թվականի սեպտեմբերին Վրաստանի վարչապետ Մամուկա Բախտաձեի երևանյան պաշտոնական այցից հետո։ Վրաստանի վարչապետն ամբիցիոզ առաջարկ էր արել հայկական կողմին` ապրանքաշրջանառությունը հասցնել մինչև 1 մլրդ դոլար։

Վրաստանի նախագահի աշխատակազմի նախկին ղեկավար Պետրե Մամրաձեն Sputnik  Արմենիայի թղթակցի հետ զրույցում ընդգծեց նիստի անցկացման կարևորությունը` հատկապես բիզնեսի ոլորտի ներկայացուցիչների միջև հարաբերությունների զարգացման համար։

«Հանձնաժողովը պետք է երաշխավոր դառնա կառավարության անունից բիզնես նախագծերի նորմալ առաջխաղացման համար։ Իհարկե, ավելի լավ է, երբ բոլոր օրենսդրական խնդիրները լուծված են, ամեն ինչ քննարկված և միջոցներ ձեռնարկված, այդ ժամանակ արդեն բիզնեսը ռելսերի վրա կկանգնի և կսկսի զարգանալ առանց որևէ ցուցումների և հանձնաժողովների», – ասաց Մամրաձեն։

Սակայն ներկայիս իրողության մեջ, հանձնաժողովը պետք է ստանձնի համակարգողի, գործարարների օգնականի առաքելությունը` ինչպես համատեղ ձեռնարկություններ բացելու, այնպես էլ շփումներ հաստատելու նպատակով։

Նա հիշեցրեց, որ Վրաստանում Միխեիլ Սաակաշվիլու օրոք բիզնեսի նկատմամբ վերահսկողություն էր սահմանվել, շատերը ստիպված էին փակել իրենց ձեռնարկությունները։ Այդ ժամանակ վրաց գործարարներին բառացիորեն կոլապսից փրկեցին հայ գործընկերները։

«Հայաստանն ու հայ գործարարները օգնեցին մեր գործարարներին։ Շատերը հայերի հետ համատեղ ձեռնարկություններ էին բացում ձեր երկրում։ Դա մեր գործարարների համար փրկություն էր», – ասաց Մամրաձեն։

2016 թվականի տվյալներով, Հայաստանում վրացական կապիտալով 180 ձեռնարկություն էր գործում։ Ի դեպ, նրանց համար պարզեցված է ԵԱՏՄ երկրների շուկա հայկական ընկերությունների հետ համատեղ արտադրված արտադրանքի մատակարարումը։

Մամրաձեն ընդգծեց, որ մեծամասամբ այդ ամենին նպաստեցին սերտ հարաբերություններն ու փոխադարձ վստահությունը։

Վրաստանի հարցերով փորձագետ Ջոնի Մելիքյանն իր հերթին նշեց, որ վերջին տարիներին հանձնաժողովի գործունեությունը սառեցված էր, այդ պատճառով բազմաթիվ հարցեր են կուտակվել, որոնք կողմերը պետք է քննարկեն։

«Անհրաժեշտություն կա հավաքելու և արձանագրելու ընթացիկ հայ–վրացական առևտրատնտեսական հարաբերությունների բոլոր ձեռքբերումները։ Այնուհետև արդեն, հաշվի առնելով այն ինչ ունենք, ճանապարհային քարտեզ և առևտրային հարաբերությունների խորացման պլան մշակել», – ասաց Մելիքյանը։

Նա ընդգծեց, որ Թբիլիսին և Երևանն արդեն ուշացել են հանձնաժողովի նիստ անցկացնելու հարցում։ Առանց դրա բազմաթիվ հարցեր «օդում կախված» են մնում։ Հանձնաժողովը թույլ կտա ներգրավել բոլոր պրոֆիլային նախարարությունները, որոնք կարող են մասնակցել առևտրատնտեսական ոլորտի զարգացմանը։

«Ավելի համալիր մոտեցում է անհրաժեշտ։  Միջկառավարական շփումների նախկինում գոյություն ունեցող մեխանիզմն արդեն հնացած է և չի համապատասխանում առկա իրողություններին», – ասաց փորձագետը։

Նա ընդգծեց երկկողմ ներուժի առավելագույն օգտագործման անհրաժեշտությունը, ինչպես նաև համատեղ բիզնես–ֆորումների անցկացման կարևորությունը։

Հիշեցնենք, որ 2019 թվականի հունվարին ՀՀ վարչապետ Նիկոլ Փաշինյանը հայտարարեց, որ մայիսին Դիլիջանում հայ–վրացական բիզնես–ֆորում կանցկացվի։ Այդ մասին Փաշինյանը գրել էր Facebook–ի իր էջում` Վրաստանի գործընկեր Մամուկա Բախտաձեի հետ Բոլնիսում կայացած ոչ պաշտոնական առաջին հանդիպումից հետո։

Sputnik Արմենիայի տեղեկությունների համաձայն, ֆորումը կկայանա, բայց ոչ մայիսին, ինչպես հայտարարվել էր, այլ հունիսին։

152
թեգերը:
Հայաստան, Վրաստանի Հանրապետություն
Ըստ թեմայի
Վիրահայ համայնքը դիմում է Վրաստանի իրավապահներին և կառավարությանը
Հայաստանն իր պոտենցիալը չի իրացրել. փորձագետը՝ Իրանի շուկայի վերաբերյալ
Սկանդալի հետքերով․ սահմանազատման վերաբերյալ բանակցությունները Բաքվի հետ դժվար են լինելու
Վրաստանում եզակի ապակե կամուրջ կկառուցեն. զբոսաշրջիկների հոսքը մեկ միլիոնով կավելանա
Ոսկյա իրեր

Հայաստանի երկու քաղաքացիներ ձերբակալվել են Վրաստանում ոսկու մաքսանենգության համար

52
(Թարմացված է 16:09 18.06.2021)
Քննության տվյալներով՝ ձերբակալվածները կարողացել են «Սարփի» անցակետով ավելի քան կես կիլոգրամ ոսկյա իրեր տեղափոխել Թուրքիայից Վրաստան։

ԵՐԵՎԱՆ, 18 հունիսի - Sputnik. Հայաստանի երկու քաղաքացիներ ձերբակալվել են Վրաստանում՝ Թուրքիայից մեծ խմբաքանակ ոսկյա իրերի մաքսանենգության համար։ Տեղեկությունը հայտնում է Sputnik Վրաստանը։

Հետաքննությունը պարզել է, որ ձերբակալվածները գաղտնի կերպով Թուրքիայից չհայտարարագրված թանկարժեք իրեր են տեղափոխել Վրաստան «Սարփի» սահմանային անցակետով:

Առգրավվել են 508,66 գրամ կշռող ոսկյա իրեր։ Մաքսանենգ ապրանքի ընդհանուր արժեքը գերազանցել է 56 253 լարին (17,8 հազար դոլար):

Քրեական գործը հարուցվել է «Վրաստանի մաքսային սահմանով ապրանքների տեղափոխման հետ կապված կանոնների խախտում, որը կատարվել է մի խումբ անձանց կողմից նախնական համաձայնությամբ» հոդվածով։ Հանցանքը պատժվում է ազատազրկմամբ ՝ 8-11 տարի ժամկետով:

52
թեգերը:
մաքսանենգություն, Ոսկի, Ձերբակալություն, Վրաստանի Հանրապետություն, Հայաստան
Երկաթգիծ

Միայն երկու ճանապարհ կա. ապաշրջափակման դեպքում Հայաստանը «կկապի» Թուրքիան և Ադրբեջանը

320
(Թարմացված է 10:47 18.06.2021)
Պաշտոնական Երևանը պնդում է, որ ներկա պահին չի դիտարկում Բաքվի հետ ավտոմոբիլային հաղորդակցությունը բացելու հարցը։ Հայաստանը կարող է կապել Թուրքիան և Ադրբեջանը երկու երթուղով, որոնք փոխադրումների միայն երկաթուղային տեսակն են ենթադրում։

ԵՐԵՎԱՆ, 17 հունիսի – Sputnik, Լաուրա Սարգսյան. Հայաստանում տրանսպորտային հաղորդակցությունների ապաշրջափակման տակ հասկանում են երկաթուղային հաղորդակցությունների վերականգնում կամ բացում։ Մասնագետները երկու պոտենցիալ երթուղի են նշում, որոնք կարող են անցնել մեր տարածքով և Թուրքիայից Ադրբեջան ու Հայաստանից Ռուսաստան բեռներ հասցնել։

Դեռ մայիսին` Ապարանում, ՀՀ վարչապետի պաշտոնակատար Նիկոլ Փաշինյանը հայտարարեց, որ ապաշրջափակումը ենթադրում է խորհրդային տարիներին գործող երկաթուղային հաղորդակցությունների բացում, ընդգծելով, որ խոսքը ավտոմոբիլային ճանապարհների մասին չէ։

Հայաստանի երկաթուղային վետերանների խորհրդի նախագահ Լևոն Հակոբյանը, որը քաջածանոթ է խորհրդային տարիներին գործող երթուղիների հետ, Sputnik Արմենիայի թղթակցի հետ զրույցում նշեց, որ հստակ պայմանավորվածություններ չկան, թե որտեղով են անցնելու երթուղիները։ Երկու տեսականորեն հնարավոր ճանապարհ է դիտարկվում։ Մեկը` առավել կարճը, անցնում է Իջևանով, երկրորդը` ավելի երկարը` Մեղրիով։ Մասնագետի խոսքով`Երևանից (Հայաստան) Դերբենդ (Ռուսաստան) ճանապարհի երկարությունը Մեղրիով և Բաքվով շուրջ 1075 կմ է։ Միևնույն ժամանակ ավելի կարճ (մոտ 300 կմ–ով) ու շահավետ է Իջևանով անցնող ճանապարհը։

Երկաթուղային ճանապարհը Հայաստանից Ադրբեջան Իջևանով
© Sputnik / Shushanik Avdalyan
Երկաթուղային ճանապարհը Հայաստանից Ադրբեջան Իջևանով

«Հնարավոր է, որ թուրքական Դողուքափից շարժակազմերը մտնեն Ախուրյան, որտեղ ենթադրաբար կլինի անցակետը, որտեղ ստուգվելու են շարժակազմերը։ Այնուհետև վագոնները ճանապարհը կշարունակեն Գյումրիի, Իջևանի միջով (Ֆիոլետովո–Վանաձոր հատված)», – ասաց Հակոբյանը։

Բարխուդարլուից արդեն Ադրբեջանի տարածքով գնացքները կհասնեն Դերբենդ։ Հակոբյանը նշեց, որ ճանապարհի ընդհանուր երկարությունը Իջևանից մինչև Դերբենդ 750 կմ է։

Թուրքական Դողուքափից Ախուրյան մոտ 700 մետր է, Ախուրյանից Գյումրի` 13 կմ, իսկ Գյումրիից Իջևան` մոտ 100։ Նույնիսկ նման դասավորվածության պարագայում, եթե Թուրքիան միանա երթուղուն, Իջևանով ճանապարհը (Դողուքափից Դերբենդ ընդհանուր երկարությունը մոտ 870 կմ է – խմբ.) ավելի կարճ է, քան Նախիջևանով։

Երկաթուղային ճանապարհը Հայաստանից Ադրբեջան Նախիջևանով
© Sputnik / Shushanik Avdalyan
Երկաթուղային ճանապարհը Հայաստանից Ադրբեջան Նախիջևանով

Հակոբյանը նշեց, որ Իջևանով ճանապարհը ձեռնտու է ոչ միայն Հայաստանին, այդ ճյուղը` Ադրբեջանից Թուրքիա՝ Գյումրիով՝ Կարսից Բաքու, ամենամոտ երկաթուղային ճանապարհն է։

Նա հիշեցրեց, որ խորհրդային տարիներին Հայաստանը բեռների 80%–ը ստանում էր Ադրբեջանից երկաթուղային ճանապարհով։ Դերբենդից Բաքվով դեպի Ջուղա (ադրբեջանական) տանող ճանապարհը հասնում էր մինչև Նորաշեն, այնտեղից` Երևան։ Բեռների մնացած 20% Երևանը ստանում էր Թբիլիսիով։

Հակոբյանը նշեց, որ Հայաստանը Հարավային Կովկասի միակ երկիրն էր, որը 4 երկաթուղային սահմանակետ ուներ. Թուրքիայից` Ախուրյան, Վրաստանից` Այրում և Ադրբեջանից երկու հատ` Իջևանում և Երասխում։

Մասնավորապես խորհրդային տարիներին Ադրբեջանից Հայաստան երկաթգծով վառելու մազութ, դիզվառելիք, բենզին, յուղ, նավթամթերք էին տեղափոխում։ Երևանից Բաքու՝ ոսկյա իրեր, բույսերի քիմիական պաշտպանության նյութեր, մի շարք կենցաղային ապրանքներ։

Մեղրիի ճանապարհը Իջևանի ճանապարհին զիջում է միայն երկարությամբ և կանգառների թվով։ Երևանից շարժակազմերը կարող են հասնել Երասխ (Հայաստան), այնուհետև Նախիջևան Սադարակ–Նախիջևան–Ջուղա–Օրդուբադ (մոտ 190 կմ) երթուղով, կրկին մտնել Հայաստան Կարճևան–Նռնաձոր հատված, այնուհետև ուղևորվել Բաքվով Դերբենդ։

Այդ դեպքում Հայաստանը ստիպված կլինի Կարճևան–Նռնաձոր հատվածում վերականգնել երկաթուղային ճանապարհի 41 կմ–ը։ Իջևանի ուղղության պարագայում վերականգնելու ենթակա է 32 կմ` Ֆիոլետովո գյուղից մինչև Վանաձոր ընկած ճանապարհահատվածը։ 

320
թեգերը:
երկաթուղի, Ռուսաստան, Ադրբեջան, Թուրքիա, Հայաստան
Ըստ թեմայի
Չի բացառվում, որ Հայաստանն օգտագործի Կասպից ծովում ադրբեջանական նավահանգիստները. Օվերչուկ
«Մեզ անհրաժեշտ է ճանապարհ, խոսքը դեռ երկաթուղու մասին է». Փաշինյան
Հայաստանն ու Վրաստանը վերականգնել են երկաթուղային հաղորդակցությունը

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

0
(Թարմացված է 22:01 19.06.2021)
  • Նուբարաշենի աղբավայր
  • Փրկարարների հերթական ջոկատը մոտենում է Նուբարաշենի աղբավայրին
  • ԱԻՆ աշխատակից
  • ԱԻՆ–ի ավտոմեքենա
  • ԱԻՆ աշխատակիցը պատրաստվում է մարել հրդեհի հերթական օջախը
  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
  • Sputnik Արմենիայի թղթակիցը զրուցում է ԱԻՆ աշխատակցի հետ
  • Հրդեհի օջախներ
  • ԱԻՆ աշխատակիցները պատրաստվում են մարել հրդեհի հերթական օջախը
  • ԱԻՆ աշխատակիցը մարում է հրդեհը
  • ԱԻՆ աշխատակից
  • ԱԻՆ աշխատակիցները մարում են հրդեհի օջախը
  • ԱԻՆ աշխատակիցը մարում է հրդեհի օջախը
  • Ինչ տեսք ունի Երևանը Նուբարաշենի աղբավայրից
Հայաստանի ամենախոշոր աղբավայրում բռնկված հրդեհը մարել են, բայց հրշեջ–փրկարարները շարունակում են հերթապահել տարածքում:

ՀՀ արտակարգ իրավիճակների նախարարության հրշեջ-փրկարարները 10 օր շարունակ 24-ժամյա ռեժիմով աշխատում էին Հայաստանի ամենամեծ աղբավայրում և մարում էին հրդեհի օջախները։

Միայն 10 անց նրանց հաջողվեց վերջնականապես մարել հունիսի 8-ին բռնկված հրդեհը։ Հրշեջ–փրկարարների աշխատանքին խանգարում էին մի շարք գործոններ ՝ չոր եղանակը, քամին, ինչպես նաև տեղանքի դժվարամատչելիությունը։

Sputnik Արմենիայի նկարահանող խումբն այցելել էր աղբավայր և սեփական աչքերով տեսել, թե ինչպես են հրշեջները պայքարում կրակի դեմ։ 

Հիշեցնենք` հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված էին Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

0
  • Նուբարաշենի աղբավայր
    © Sputnik / Aram Nersesyan

    Նուբարաշենի աղբավայր

  • Փրկարարների հերթական ջոկատը մոտենում է Նուբարաշենի աղբավայրին
    © Sputnik / Aram Nersesyan

    Փրկարարների հերթական ջոկատը մոտենում է Նուբարաշենի աղբավայրին

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ–ի ավտոմեքենա
    © Sputnik / Aram Nersesyan

    ԱԻՆ–ի ավտոմեքենա

  • ԱԻՆ աշխատակիցը պատրաստվում է մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցը պատրաստվում է մարել հրդեհի հերթական օջախը

  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
    © Sputnik / Aram Nersesyan

    ԱԻՆ աշխատակիցները մարում են Նուբարաշենի աղբավայրում բռնկված հրդեհը

  • Sputnik Արմենիայի թղթակիցը զրուցում է ԱԻՆ աշխատակցի հետ
    © Sputnik / Aram Nersesyan

    Sputnik Արմենիայի թղթակիցը զրուցում է ԱԻՆ աշխատակցի հետ

  • Հրդեհի օջախներ
    © Sputnik / Aram Nersesyan

    Հրդեհի օջախներ

  • ԱԻՆ աշխատակիցները պատրաստվում են մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցները պատրաստվում են մարել հրդեհի հերթական օջախը

  • ԱԻՆ աշխատակիցը մարում է հրդեհը
    © Sputnik / Aram Nersesyan

    ԱԻՆ աշխատակիցը մարում է հրդեհը

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ աշխատակիցները մարում են հրդեհի օջախը
    © Sputnik / Aram Nersesyan

    ԱԻՆ աշխատակիցները մարում են հրդեհի օջախը

  • ԱԻՆ աշխատակիցը մարում է հրդեհի օջախը
    © Sputnik / Aram Nersesyan

    ԱԻՆ աշխատակիցը մարում է հրդեհի օջախը

  • Ինչ տեսք ունի Երևանը Նուբարաշենի աղբավայրից
    © Sputnik / Aram Nersesyan

    Ինչ տեսք ունի Երևանը Նուբարաշենի աղբավայրից

թեգերը:
Լուսանկար, հրշեջ, Նուբարաշենի աղբավայր, Հայաստան