Դավիթ Գարեջայի վանական համալիրը Վրաստանում

Սկանդալի հետքերով․ սահմանազատման վերաբերյալ բանակցությունները Բաքվի հետ դժվար են լինելու

156
(Թարմացված է 22:40 05.05.2019)
Վրաստանի վարչապետը վստահ է, որ Դավիթ Գարեջայի վերաբերյալ բանակցություններն Ադրբեջանի հետ բարեհաջող ավարտ կունենան։

ԵՐԵՎԱՆ, 5 մայիսի — Sputnik. Վրաց-ադրբեջանական սահմանի վիճելի հատվածների սահմանազատման ու սահմանագծման գործընթացը բարդ է լինելու։ Ինչպես փոխանցում է Sputnik Գրուզիան, այս մասին այսօր Վրաստանի վարչապետ Մամուկա Բախտաձեն ասել է Imedi հեռուստաընկերության եթերում։

Վրաց-ադրբեջանական սահմանի սահմանազատման ու սահմանագծման թեման արդիական է դարձել սահմանի վիճելի հատվածի հետ կապված միջադեպից հետո։ Հենց այդ հատվածով է անցնում Ուդաբնո վրացական վանքի ճանապարհը։ Ադրբեջանցի սահմանապահները մի քանի օրով փակել էին վանք տանող ճանապարհը։ ԱԳՆ-ների մակարդակով բանակցությունների արդյունքում ճանապարհը բացեցին, սակայն ԶԼՄ-ների տվյալներով, հիմա տարածքին կից հատվածում ադրբեջանցի սահմանապահների քանակն աճել է։

Վանքը վիճելի հատվածին մոտ գտնվող հին վրացական Դավիթ Գարեջայի քարանձավափոր համալիրի մի մասն է։

«Մենք հանձնաժողով կստեղծենք, որի կազմում կընդգրկվեն բոլոր գերատեսչությունների ներկայացուցիչներն ու կսկսենք սահմանազատման ու սահմանագծման գործընթացը։ Դա բավականին բարդ ու ժամանակատար է, ու մինչ հստակ որոշումներ չկայացվեն, տեղաշարժը սովորական ձևով կիրականացվի», - ասել է Բախտաձեն։

Վարչապետի խոսքով՝ ադրբեջանական կողմի հետ համաձայնություն է ձեռք բերվել, ըստ որի Վրաստանն ու Ադրբեջանը հանձնաժողով կստեղծեն։ Վրաստանի դեպքում, Բախտաձեի խոսքով,  դա կլինի նորացված հանձնաժողով, որը կհաստատվի կառավարության առաջիկա նիստում։

Վրաստանն ու Ադրբեջանը 446 կիլոմետր երկարությամբ ընդհանուր պետական սահման ունեն, դրա մեկ երրորդը սահմանազատված չէ։ Պետական սահմանի սահմանազատման ու սահմանագծման հարցերով երկկողմանի վրաց-ադրբեջանական միջկառավարական հանձնաժողովը ստեղծվել է 1996 թվականին։

Դավիթ Գարեջայի VI դարի վրացական քարանձավափոր վանքերի համալիրը գտնվում է վրաց–ադրբեջանական սահմանի վրա։ Հիշեցնենք` համալիրի մի մասը, որի մեջ մտնում է նաև Ուդաբնոյի վանքը, գտնվում է ադրբեջանական կողմի հսկողության տակ։ Համալիրը կազմված է 20 ժայռափոր վանքից։ Դրա գլխավոր համալիրը Սուրբ Դավիթի վանքն է։

Ադրբեջանական աղբյուրները Դավիթ Գարեջայի համալիրն անվանում են Քեշիկչիդաղ ու այն «Ադրբեջանի քարե պատմությունն» են համարում։ Նրանց պնդմամբ՝ համալիրը «Կովկասյան Ալբանիայի պատմության մաս է»։

156
թեգերը:
Ադրբեջան, Վրաստանի Հանրապետություն
Ըստ թեմայի
«Մոսկվայում նման բան չէին անի». ինչու են ռուսաստանցիները Հայաստան գալիս
Վրաստանում Թուրքիայի դեսպանատունը փորձել է տապալել ցեղասպանության զոհերի հիշատակի ակցիան
Վրաստանի նախագահը սկանդալի մեջ է հայտնվել. նրան իմպիչմենտով են սպառնացել
Հայաստանն իր պոտենցիալը չի իրացրել. փորձագետը՝ Իրանի շուկայի վերաբերյալ
Ամբերդ և պար «Բերդ»․ ինչպես է տպավորվել Հայաստանը ռուս զբոսաշրջիկի աչքերում
Էլմար Մամեդյարով

Ադրբեջանում ձերբակալվել է նախարար Էլմար Մամեդյարովի մտերիմ ընկերը. նա ԱԳՆ պաշտոնյա է

54
(Թարմացված է 14:44 03.07.2020)
ՊԱԾ-ից խոստացել են լրացուցիչ տեղեկություններ տրամադրել հետաքննության, կասկածյալների, ինչպես նաև կատարված հանցագործությունների մասին:

ԵՐԵՎԱՆ, 3 հուլիսի — Sputnik. Ադրբեջանի պետանվտանգության ծառայությունը հատուկ գործողություն է իրականացրել երկրի ԱԳՆ-ում, հայտնում են տեղական ԶԼՄ-ները։

«Պետական անվտանգության ծառայությունը ստացած տեղեկատվության հիման վրա իրականացնում է քննչական-օպերատիվ միջոցառումներ։ Տեղեկության համաձայն` Ադրբեջանի Հանրապետության արտաքին գործերի նախարարության որոշ պաշտոնատար անձինք չարաշահել են իրենց պաշտոնեական դիրքը և իրենց լիազորություններն օգտագործել են ծառայության շահերի դեմ, թույլ են տվել բազմաթիվ անօրինական գործողություններ, որոնք զգալի վնաս են հասցրել պետության շահերին», - ասված է հայտարարության մեջ:

ՊԱԾ-ից նշում են, որ լրացուցիչ տեղեկություններ կտրամադրեն հետաքննության, կասկածյալների, ինչպես նաև կատարված հանցագործությունների մասին:

Նշենք, որ լրատվամիջոցներում տեղեկություն է հայտնվել, որ ձերբակալվել է ԱԳ նախարար Էլմար Մամեդյարովի մտերիմ ընկեր, ԱԳՆ գործերի վարչության պետ Ֆարհադ Մոլլազադեն։

Ավելի վաղ պետանվտանգության ծառայությունը ձերբակալել էր Ադրբեջանի մշակույթի նախարարության մի շարք բարձրաստիճան պաշտոնյաների, իսկ մինչ այդ՝ երկրի մի քանի շրջանների ղեկավարների:

54
թեգերը:
Պետանվտանգության ծառայություն, Արտաքին գործերի նախարարություն (ԱԳՆ), Ձերբակալում, Էլմար Մամեդյարով, Ադրբեջան
Իբադուլլա Աղաևը

«Գյուղում եմ, ոչինչ չգիտեմ»․ Ադրբեջանի գլխավոր համաճարակաբանը՝ COVID-19-ի իրավիճակի մասին

103
(Թարմացված է 13:10 03.07.2020)
Ադրբեջանի գլխավոր համաճարակաբան Իբադուլլա Աղաևը լրագրողներին խորհուրդ է տվել երկրում կորոնավիրուսի հետ կապված իրավիճակի մասին տեղեկատվություն ստանալու համար զանգահարել առողջապահության նախարարություն։

ԵՐԵՎԱՆ, 3 հուլիսի – Sputnik. Ադրբեջանի գլխավոր համաճարակաբան Իբադուլլա Աղաևը մեկնել է գյուղ և չի հետևում երկրում կորոնավիրուսով ստեղծված իրավիճակին, հայտնում են ադրբեջանական ԶԼՄ-ները։

«Ես Բաքվում չեմ, մարզում եմ։ Ոչինչ չգիտեմ։ Գյուղում եմ, այստեղ ո՛չ հեռուստացույց ունեմ, ո՛չ ինտերնետ»,-ասել է Աղաևը իրեն զանգահարած լրագրողին։

Լրագրողի նկատառմանը, թե նա գլխավոր համաճարակաբանն է, Աղաևը պատասխանել է, որ ինքը «նույնպես մարդ է»։

«Ես էլ մարզերում ազգականներ ու հարազատներ ունեմ։ Զանգեք ԱՆ»,-խորհուրդ է տվել Աղաևը։

Ադրբեջանի կառավարության որոշմամբ` երկրի շրջանների մեծ մասում, կորոնավիրուսով պայմանավորված, մինչև հուլիսի 10-ը, ժամը 06։00-ը խիստ կարանտինային ռեժիմ է գործում։ Կասեցված են բոլոր ոլորտների, այդ թվում և սպասարկման և առևտրի ոլորտի աշխատանքը, ինչպես նաև հանրային տրանսպորտի և ավտոմեքենաների տեղաշարժը։ Մարդկանց տեղաշարժը թույլատրվում է միմիայն հատուկ թույլտվություն ստանալուց հետո։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19-ի բռնկումը հայտարարել էր համավարակ։ Կազմակերպությունը բոլոր երկրներին կոչ էր արել միանալ վարակի դեմ ակտիվ պայքարին։

Հայաստանում կորոնավիրուսից մահացել է ևս 10 մարդ. ամենաերիտասարդը 56 տարեկան է

Համաշխարհային վիճակագրության Worldometer կայքի տվյալներով՝ հուլիսի 3-ի դրությամբ COVID-19-ով վարակման հաստատված դեպքերի թիվը կազմում է 10 990 249:  Համավարակի զոհ է դարձել 524 176 մարդ։

Աղբյուրի համաձայն՝ Ադրբեջանը վարակի տարածման ցուցանիշներով 55-րդ տեղում է։ Երկրում կորոնավիրուս է հայտնաբերվել 18 684 մարդու մոտ։ Մահացել է 228 վարակակիր։

103
թեգերը:
Գյուղ, կորոնավիրուս, ադրբեջանցի, Ադրբեջան
թեմա:
Կորոնավիրուսը Չինաստանում և աշխարհում
Ըստ թեմայի
Գիտնականները կորոնավիրուսը «սպանող» ռոբոտ են ստեղծել
Աֆրիկայում 350 փիղ է սատկել. պատճառներից մեկը կարող է կորոնավիրուսը լինել
Հայաստանում գրանցվել է կորոնավիրուսի 662 նոր դեպք. վարակվածների թիվը հասավ 27 320-ի
Боевая позиция Армии обороны Карабаха

Սահմանին կրակոցների թիվն ավելացել է. ՊԲ

0
(Թարմացված է 13:58 04.07.2020)
Հունիսի 28-ից հուլիսի 4-ն ընկած ժամանակահատվածում հակառակորդը հայ դիրքապահների ուղղությամբ արձակել է շուրջ 2000 կրակոց` նախորդ շաբաթվա 1600-ի փոխարեն։

ԵՐԵՎԱՆ, 4 հուլիսի — Sputnik. Արցախի պաշտպանության նախարարությունը տեղեկացնում է, որ այս շաբաթ արցախա-ադրբեջանական հակամարտ զորքերի շփման  գոտում հակառակորդի կողմից հայ դիրքապահների ուղղությամբ կրակոցների թիվն ավելացել է։

«Հունիսի 28-ից հուլիսի 4-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 200 անգամ՝ տարբեր տրամաչափի հրաձգային զինատեսակներից հայ դիրքապահների ուղղությամբ արձակելով  շուրջ 2000 կրակոց»,–նշված է հաղորդագրության մեջ։

ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել իրականացնել մարտական դիրքերի հուսալի պահպանություն:

Հիշեցնենք, որ հունիսի 21-ից  27-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 190 անգամ` հայկական դիրքերի ուղղությամբ արձակելով շուրջ 1600  կրակոց:

Զոհրաբ Մնացականյանն Արցախում է. նրան դիմավորել է Մասիս Մայիլյանը

0
թեգերը:
Ադրբեջան, կրակոց, Արցախի պաշտպանության բանակ (ՊԲ), Ղարաբաղյան հակամարտություն, Լեռնային Ղարաբաղ, Արցախ, Սահման
թեմա:
Սահմանին տիրող իրավիճակը
Ըստ թեմայի
«Ադրբեջանի իշխանությունները կճանաչեն Ղարաբաղը, եթե նրանց ստիպեն». Գալինա Ստարովոյտովա
Արմատական առաջխաղացում չկա․ Զախարովան` ղարաբաղյան բանակցությունների մասին
Ղարաբաղի հարցում փուլայնությունը նորություն չէ․ 3 հիմնական հարց է քննարկվում