Ջագեթյանի երկվորյակ տները

Թբիլիսիում այսպիսի տուն չկա․ ինչո՞վ էին հայտնի վաճառական Ջագեթյանի երկվորյակ տները

163
(Թարմացված է 23:46 14.04.2019)
Եթե դուք հայտնվեք Թբիլիսիում և գնաք գինու պատկերասրահ, որը գտնվում է շքեղ շենքում, նշանակում է դուք երկրորդ գիլդիայի վաճառական Ալեքսանդր Ջագեթյանի տանն եք։ Նրա մասին պատմել է Sputnik Գրուզիայի սյունակագիր Եկատերինա Միկարիձեն։

ԵՐԵՎԱՆ, 15 ապրիլի — Sputnik. Թբիլիսիի հայտնի Ջագեթյանի երկվորյակ տները հիրավի կարող են մտնել Թիֆլիսի յոթ հրաշալիքների ցուցակի մեջ։ Քաղաքում երկրորդ նմանը չես գտնի, համոզված է Sputnik Գրուզիայի սյունակագիր Եկատերինա Միկարիձեն։ Երկրորդ գիլդիայի վաճառական Ալեքսանդր Ջագեթյանն անտառահատման գործարան է ուներ Մադաթովի կղզում։ Գործարարը նաև երկու որդի ուներ։ Դիզելով հարստություն՝ վաճառականը երկու միանման տներ է կառուցել` յուրաքանչյուր որդուն մեկ տուն։

Джагетяновский особняк
© Sputnik / Ekaterina Mikaridze
Ջագեթյանի երկվորյակ տները

Դրանք կառուցվել են Ցինամձգվրիշվիլու և Նադիրաձեի փողոցների խաչմերուկում 1909թ-ին՝ ճարտարապետ Պավել Զուրաբյանի նախագծով ու միացել միահարկ, գեղեցիկ տնով՝ ձգված մեկից մյուսը։ Այնտեղ նույնիսկ ախոռ է եղել, խորհրդային շրջանում՝ հրշեջ ծառայություն, իսկ մեր օրերում՝ գինու սրահ։

Միկարիձեին հաջողվել է տունը տեսնել ներսից։ Նրան «դիմավորել» են ալիքաձև պատշգամբները, պտուտակաձև աստիճանները, որոնք բակում չորսն են։ Բակը հետաքրքիր ձևով կառուցապատվել է տներով։

Джагетяновский особняк
© Sputnik / Ekaterina Mikaridze
Ջագեթյանի երկվորյակ տները

Ճարտարապետի մտահղացմամբ տները ներսից նույնպես միացել են երկար պատշգամբով։ Այդ «պարանոցն» այն ժամանակ նախատեսված է եղել ծառաների համար և փողոցի կողմ դուրս չի եկել։ Դրա հաշվին էլ ստացվել է փորագրված փայտից ալիքաձև էֆեկտը։

Շքամուտքը հարուստ է որմնանկարչությամբ։ Առաջին հարկում նկարը ձգվում է պատով մեկ։ Դրա վրա պատկերված է տղա, որը ջորի է քշում փոշոտ ու գեղատեսիլ ճանապարհով։ Ասում են, որ նկարը ներկայացնում է այդ ընտանիքի պատմությունը։ Ինչպես է փայտ վաճառող փոքր տղան եկել Թիֆլիս, որտեղ սկսել է աշխատել, սովորել, իսկ ավելի ուշ ամուսնացել է, հարստացել և այսպիսի հրաշք կառույց հիմնել։

Джагетяновский особняк
© Sputnik / Ekaterina Mikaridze
Ջագեթյանի երկվորյակ տները

Սյունակագիրը ծանոթացել է տան հարկերից մեկի բնակիչ Կարինայի հետ։ Նրա տանը պահպանվել է հնամենի վառարան՝ երեսապատված սպիտակ սալիկով և բարելիեֆով, այստեղ կա նաև վառարան։

Ինչպես ասում է Կարինան, բուխարիները պահպանվել են բոլոր հարկերում։ Շենքի յուրաքանչյուր հարկի խոհանոցներում կա գաղտնի վառարան՝ ներկառուցված պատի մեջ։ Դա թույլ է տալիս տարատեսակ ճաշատեսակներ պատրաստել, նույնիսկ` գրիլ, բարբեքյու։ Նման վառարան ոչ մի տեղ չկա։ Տարիներ առաջ երկրորդ հարկում ապրել է Ջագեթյան եղբայրներից մեկի ծոռնուհին։ Նրա անունը Մարինա է եղել։ Մարինան դստեր հետ 15 տարի առաջ գնացել է Մոսկվա։

Джагетяновский особняк
© Sputnik / Ekaterina Mikaridze
Ջագեթյանի երկվորյակ տները

Թբիլիսիի քաղաքապետարանը ծրագրում է վերանորոգել տան արտաքին ճակատը։ Ամենայն հավանականությամբ, վերակառուցումն իրականացվելու է 2020թ-ին, սակայն առանց ներքին աշխատանքների։

163
թեգերը:
Վրաստանի Հանրապետություն
Ըստ թեմայի
Նման բան դեռ չի եղել. Թբիլիսիի հեռուստաաշտարակը հայկական եռագույնով է ներկվել. տեսանյութ
Ի՞նչ աղմուկ է բարձրացել Թբիլիսիի «Սուրբ Նշան» հայկական եկեղեցու շուրջ
Ո՞վ կփրկի Մանթաշյանցի տունը. Թբիլիսիի հայկական մարգարիտը վաճառքի են հանել