Հայ-թուրքական սահման

Էրդողանն ուժեղացնում է «ադրբեջանական գործոնը» Հայաստանի հետ սահմանին

333
(Թարմացված է 23:33 07.04.2019)
Թուրքական իշխանությունները քրդական բնակչության մեջ նպատակաուղղված ավելացնում են ադրբեջանցիների թիվը։

ԵՐԵՎԱՆ, 8 ապրիլի — Sputnik. Թուրքիայի ղեկավարությունը փորձում է փոխել Հայաստանին սահմանակից Կարս և Իգդիր շրջանների էթնիկական կազմը: Այս մասին Sputnik Արմենիային հետ զրույցում ասաց ԵՊՀ Միջազգային հարաբերությունների եւ դիվանագիտության ամբիոն վարիչ, պատմական գիտություննների թեկնածու, դոցենտ Վահրամ Պետրոսյանը։

Հիշեցնենք, որ Թուրքիայում անցած կիրակի կայացան ՏԻՄ ընտրություններ։ Դրանց մասնակցեցին 13 քաղաքական կուսակցություններ։ Թեև առայժմ հրապարակվել են նախնական տվյալները, բայց արդեն ակնհայտ է, որ Անկարայում և Իզմիրում Էրդողանի իշխող Արդարություն և զարգացում կուսակցությունը ջախջախիչ պարտություն է կրել ընդդիմությունից։

«Էրդողանը պարտվել է խոշորագույն քաղաքներում, բայց ավելի նշանակալի խորհրդարանական ընտրություններում նա հաղթել է», - ասաց Պետրոսյանը։

Հայաստանին սահմանակից շրջաններում՝ Կարսում և Իգդիրում, հաղթել են քրդամետ Ժողովուրդների դեմոկրատական կուսակցության թեկնածուները՝ չնայած այն հանգամանքին, որ այստեղ Էրդողանի ԱԶԿ-ն դաշինքով է հանդես եկել Ազգայնական շարժման հետ, ինչպես նաև վայելել է ադրբեջանցիների աջակցությունը։

Ինչպես նախկին ընտրություններում, Թուրքիայի իշխանությունները փորձել են օգտագործել ադրբեջանական գործոնը։ Քրդական մամուլում հաճախ հրապարակումներ են հայտնվում Հայաստանի հետ սահմանին ադրբեջանցիների պլանային վերաբնակեցման մասին։

«Թուրքական իշխանությունները հետաքրքրված են նրանով, որ ադրբեջանցիները, որոնք ներգաղթում են երկիր, այդ թվում՝ աշխատանքի որոնումների արդյունքում, բնակություն հաստատեն հենց այդտեղ։ Նրանք բավական ինտենսիվորեն և պլանավորված նպաստում են Հայաստանի սահմանակից շրջաններում ադրբեջանցիների հաստատվելուն», - նշեց Պետրոսյանը։

Ադրբեջանական գործոնը չի օգնել անցած ընտրություններում, բայց ամեն ինչ դրանով չի սահմանափակվում։ Իշխանությունները շարունակում են մեծացնել դրա դերը։ Միաժամանակ Կարսում և Իգդիրում էթնիկ ադրբեջանցիների թվի մասին լուրջ հետազոտություններ չկան։

«Սակայն թուրքական մամուլում խոսվում է այն մասին, որ նրանք կարող են զսպող գործոն դառնալ Ժողովուրդների դեմոկրատական կուսակցության համար։ Նրանք պետք է հանդես գան որպես Էրդողանի աջակցող ուժ», - նշեց Պետրոսյանը։

Թուրքիայի ընտրություններում մեծ դեր է խաղում նաև Քրդստանի  բանվորական կուսակցությունը, եթե խոսքը քրդաբնակ շրջանների մասին է։ Իհարկե, Ժողովուրդների դեմոկրատական կուսակցությունը հերքում է նրանց հետ կապերը, բայց ՔԲԿ (Քրդական բանվորական կուսակցություն) առաջնորդները բազմիցս նշել են, որ եթե իրենք չլինեին, ապա ԺԴԿ-ն այդքան ձայն չէր հավաքի։

Միաժամանակ, քրդերը երբեմն անջատ են գործում։ Իրաքյան Քրդստանի անհաջողությունից, ինչպես նաև Թուրքիայի ներսի քրդերին թուրքական իշխանությունների ակտիվ հարվածներից հետո այդ ազգության որոշ ներկայացուցիչներ անցել են Էրդողանի ԱԶԿ-ի կողմը։

Մի շարք դեպքերում քրդերն աջակցել են Ժողովրդահանրապետական կուսակցությանը (քեմալիստներին)՝ որպես չարյաց փոքրագույն Էրդողանի դեմ պայքարում։

333
թեգերը:
Հայաստան, Ադրբեջան, Թուրքիա
Ըստ թեմայի
«Իրականում». Թուրքիան ֆինանսատնտեսական և աշխարհաքաղաքական փակուղի է մտել
Պարտություն Թուրքիայի խոշոր քաղաքներում. Էրդողանը լուրջ հարված է ստացե՞լ
Էրդողանը կորցրեց իշխանությունը Թուրքիայի մեծ քաղաքներում. ի՞նչ օգուտ դրանից հայերին
Թուրքիայում կայացած ընտրությունները մի քանի անակնկալ մատուցեցին. փորձագետ
Գեղամյան. «Ստամբուլի քաղաքապետի ընտրություններում հայերն ունեցել են էական նշանակություն»
Ծանր է, երբ Գուռիարանի նման բարեկամ է հեռանում… կրկնակի ծանր, որ հեռանում է աննկատ