ԵՐԵՎԱՆ, 28 մարտի — Sputnik. Մեծի Տանն Կիլիկիո կաթողիկոս Արամ Առաջինը վաղը կմեկնի Հալեպ` օծելու Սուրբ Քառասնից Մանկաց եկեղեցին։ Այս մասին տեղեկանում ենք Մեծի Տանն Կիլիկիո կաթողիկոսարանի պաշտոնական կայքէջից։
Արամ Առաջինի` Հալեպ այցին կընկերանան միաբան հայրեր, ինչպես նաև Ազգային կենտրոնական վարչության ներկայացուցիչներ։
Հալեպում նախատեսված են մի շարք հանդիպումներ, այցելություններ։ Վեհափառը Հալեպում կմնա 4 օր։
Հալեպի Քառասնից Մանկանց հայկական եկեղեցին ռմբակոծվել և ավերվել է 2015 թվականի ապրիլին:
Եկեղեցին պայթեցվել է ներսում փորված և այնտեղ տեղադրված ռումբերի միջոցով: Չի փլուզվել միայն զանգակատան մի փոքր հատվածը: Եկեղեցու համալիրում կան բազմաթիվ սրբապատկերներ՝ հիմնականում 17-րդ դարի, նրա կազմում ներառված է նաև հայկական դպրոց, ինչպես նաև Սուրբ Աստվածածին եկեղեցին:
Եկեղեցու վերականգնման աշխատանքները մեկնարկել են 2018–ի մայիսին։
