Հալեպ

Հալեպի հայերը վերադառնում են խաղաղ կյանքին. ՀՀ դեսպանը` Սիրիայի իրավիճակի մասին

204
Սիրիայում Հայաստանի դեսպանը մի քանի օր առաջ աշխատանքային այցով եղել է Հալեպում, հանդիպել է հայկական մարդասիրական առաքելության ներկայացուցիչների հետ։

ԵՐԵՎԱՆ, 11 մարտի — Sputnik, Աշոտ Սաֆարյան. Հայ մասնագետները Սիրիայում մարդասիրական ականազերծում են իրականացնում բացառապես այն տարածքներում, որոնք հեռու են մարտական գործողություններից։ Հայկական առաքելության միակ խնդիրն է օգնել բնակիչներին վերադառնալ խաղաղ կյանքի։ Այդ մասին Sputnik Արմենիայի հետ հարցազրույցում ասաց Սիրիայում Հայաստանի արտակարգ և լիազոր դեսպան Տիգրան Գևորգյանը։

Հիշեցնենք, որ փետրվարի 8–ին ՀՀ պաշտպանության նախարարությունը հայտնել էր, որ 83 հոգուց բաղկացած մասնագետների խումբը Հայաստանից մեկնել է Սիրիա։ Խմբի կազմում ներգրավված են հումանիտար ականազերծման մասնագետներ, բժշկական անձնակազմ և մասնագետների անվտանգությունն ապահովող բրիգադներ։

Դեսպանը պատմեց, որ հայ բժիշկները հիմա աշխատում են Հալեպի կենտրոնական հիվանդանոցում, նրանցից մի քանիսն առաջիկա օրերին աշխատանքի կանցնեն Հալեպի համալսարանական հիվանդանոցում։ Հայ բժիշկները ցուցաբերում են խորհրդատվական և վիրաբուժական օգնություն։

Գևորգյանը մի քանի օր առաջ աշխատանքային այցով եղել է Հալեպում, այնտեղ նա հանդիպել է մարդասիրական առաքելության ներկայացուցիչների հետ, այցելել առաքելության կենտրոնակայան։ Նրանց աշխատանքային պայմանները լավն են, ամբողջ նյութատեխնիկական օգնությունը տրամադրում է ռուսական կողմը։ Ռուսները նաև տրանսպորտային միջոցներ են տրամադրել։ Ականազերծման ենթակա տարածքները նշում են սիրիացի զինվորականները։ Հայ մասնագետներն աշխատում են բավական մեծ տարածքում խաղաղ բնակչության կողքին։

Անդրադառնալով երկրում ճգնաժամի վերջնական կարգավորման հեռանկարներին` Գևորգյանը նշեց, որ վերջին երկու տարում սիրիական կառավարական բանակը և օժանդակ ուժերը կարողացել են իրենց վերահսկողության տակ վերցնել երկրի տարածքի մոտ 80 տոկոսը։

«Իհարկե, Սիրիայում պահպանվում են քաղաքական լարվածության և մարտական գործողությունների որոշ տարրեր։ Ինչպես հայտնի է, առանցքային խնդիր է Իդլիբ նահանգում տիրող իրավիճակը», – հավելեց նա։

Եթե Ռուսաստանին, Իրանին և Թուրքիային հաջողվի հասնել Իդլիբի ապառազմականացմանը, ապա դա հնարավորություն կտա մոտ երեք միլիոն մարդու վերադառնալ խաղաղ կյանքին։

Կարգավորվում է նաև հայ համայնքի կյանքը։ Ճիշտ է, պատերազմի տարիներին համայնքը զգալիորեն նոսրացել է. միայն Հայաստան են ժամանել մոտ 30 հազար հայրենակիցներ, նրանցից մոտ 10 հազարն այնուհետև տեղափոխվել է արևմտյան երկրներ, առավելապես ԱՄՆ և Կանադա։

Սիրիայի հայերի հիմնական մասն ավանդաբար կենտրոնացած է եղել Հալեպում։ Մարտական գործողությունների արդյունքում նրանցից շատերը դարձել են վերաբնակիչներ` տեղափոխվելով Տարտուս, Լաթաքիա և այլ ավելի անվտանգ շրջաններ։ Ինչպես նշեց դիվանագետը,  հիմա նրանք աստիճանաբար վերադառնում են տուն`Հալեպ։

Նրա խոսքով` վերջին շրջանում հաջողվել է լուծել էներգետիկ և սոցիալական բնույթի մի շարք խնդիրներ։ Սակայն վերադարձած հայերի ստույգ թիվ նշելը դժվար է, և չի կարելի ասել, որ վերադարձի գործընթացը զանգվածային բնույթ է կրում։ Դեսպանը նշեց, որ սիրիահայերի մեծ մասը, որն այդ տարիներին տեղափոխվել է պատմական հայրենիք, կարճ ժամանակում ինտեգրվել է և ադապտացվել կյանքի նոր պայմաններին։

204
թեգերը:
Հայաստան, Սիրիա
Ըստ թեմայի
Հայաստանը՝ Սիրիայի ռազմական գործողություններում. Տոնոյանի մեսիջը հասել է հասցեատիրոջը
Էրդողանը երազում է վերստեղծել Օսմանյան կայսրությունը. Սիրիայի նախագահի խորհրդական
«Իրականում». Սիրիայի հայ համայնքին հումանիտար օգնությունը կենսական անհրաժեշտություն էր
Վրաստան, շտապօգնություն

«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն

1017
(Թարմացված է 09:04 29.05.2020)
Հայաստանն ու Վրաստանը աջակցում են միմյանց շատ հարցերում, և COVID-19-ի դեմ պայքարը բացառություն չի լինի։

ԵՐԵՎԱՆ, 28 մայիսի – Sputnik. Եթե Հայաստանին որևէ օգնություն պետք լինի, այդ թվում նաև նոր տիպի կորոնավիրուսով վարակված պացիենտների բուժման հարցում, Վրաստանը պատրաստ է օգնել։ Այս մասին ճեպազրույցի ժամանակ ասել է Վրաստանի Հիվանդությունների վերահսկման ազգային կենտրոնի տնօրեն Ամիրան Գամկրելիձեն։

Գամկրելիձեն պատասխանում էր հարցին, թե արդյո՞ք Վրաստանը կարող է ծայրահեղ ծանր վիճակում գտնվող հիվանդներ ընդունել Հայաստանից, ինչպես Գերմանիան էր ընդունում հարևան երկրներից։

«Գիտեք, անցած շաբաթ փոքրիկ թյուրիմացություն տեղի ունեցավ։ Մենք եղբայրական ժողովուրդներ ենք, միշտ աջակցում ենք միմյանց և լավ հարաբերություններ ունենք Հայաստանի Հիվանդությունների վերահսկման և կանխարգելման կենտրոնի հետ»,-ասաց Գամկրելիձեն։

Նա ընդգծեց, որ երկու կենտրոնները հաճախ են տարբեր դեղամիջոցներ, պատվաստանյութեր փոխանակել, երբ ունեցել են դրա կարիքը։

Վրաստանի անկախության տոնին Հայաստանն անակնկալ է մատուցել հարևանին

«Եթե հայկական կենտրոնը մեզ դիմի օգնության խնդրանքով, ապա մենք մեր իրավասությունների շրջանակում ամեն ինչով պատրաստ ենք օգնել․նաև թեստավորման կամ այլ հարցերով»,-ասաց Գամկրելիձեն։

Պացիենտների բուժման հարցում էլ, եթե Հայաստանն այսօր դրա կարիքն ունենա, Գամկրելիձեի խոսքով, Վրաստանի կառավարությունն ու առողջապահության նախարարությունը ոչ միայն պատրաստ են օգնել, այլև կանեն ամեն հնարավոր բան։

«Այդ հարցը առաջին հերթին Հայաստանի Առողջապահության նախարարությունը պետք է բարձրացնի։ Վստահ եմ, որ Վրաստանը պատրաստակամությամբ կընդունի առաջարկը»,-ասաց Գամկրելիձեն։

Նա հիշեցրել է, որ 1988թ․-ի երկրաշարժից հետո վրացիներն առաջինն են եղել, որ հասել են օգնության։ «Մենք միշտ ձեր կողքին ենք»,-եզրափակել է նա։

Ավելի վաղ ՀՀ առողջապահության նախարար Արսեն Թորոսյանը Հանրային Խորհրդի նիստում խոստովանել էր, որ Վրաստանում ընդունված և դեռևս գործող սահմանափակումներն ավելի խիստ և արդյունավետ են եղել։ Սակայն միաժամանակ նա կասկած էր հայտնել վարակակիրների հաշվարկի մեթոդաբանության վերաբերյալ,` նշելով, որ Հայաստանում հակահամաճարակային համակարգն ավելի լավ է զարգացած, քան հարևաններինը։

Թորոսյանի խոսքերը մեծ իրարանցում էին առաջացրել Վրաստանում, բժշկական հանրությունը պահանջում էր ներողություն խնդրել։ Ավելի ուշ ՀՀ Առողջապահության նախարարությունը դիվանագիտական ճանապարհով պաշտոնական Թբիլիսիին փոխանցել էր, որ ափսոսում է արված հայտարարության համար։

Տևական ժամանակ Վերին Լարսում գտնվող քաղաքացիները տեղափոխվել են Հայաստան

Մայիսի 28-ի դրությամբ Հայաստանում կորոնավիրուսով վարակման դեպքերի թիվը հասնել է 8216-ի։ Մեկ օրվա ընթացքում վիրուսի բարդացումներից մահացել են 7 տղամարդ և 8 կին։ Մահացածներից ամենաերիտասարդը 43 տարեկան էր, ամենատարեցը՝ 92։ Այդպիսով, կորոնավիրուսից մահացածների թիվը Հայաստանում կազմում է 113 մարդ։

1017
թեգերը:
թեստ, համավարակ, վարակ, կորոնավիրուս, Վրաստանի Հանրապետություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բերդի կարի արտադրամասում կորոնավիրուսի օջախ է հայտնաբերվել. 80 հոգի թեստավորվել է
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
Կոլապսն անխուսափելի է. կորոնավիրուսն Ամերիկայի «մեջքը կոտրեց»
Սուրեն Պապիկյան

Հայաստան–Իրան 3-րդ ԷՀԳ շինարարությունը նախատեսվում է ավարտին հասցնել տարեվերջին. Պապիկյան

40
Նախարարը նշել է, որ մի քանի ամսվա հարկադիր պարապուրդի պատճառով Էլեկտրահաղորդման գծի շինարարության աշխատանքները կարող են հետաձգվել:

ԵՐԵՎԱՆ, 27 մայիսի – Sputnik. Հայաստանի և Իրանի միջև 3-րդ  էլեկտրահաղորդման գծի (ԷՀԳ)  շինարարությունը նախատեսվում է ավարտին հասցնել 2020 թվականի վերջին: Տեղեկությունը հայտնեց ՀՀ տարածքային կառավարման և ենթակառուցվածքների նախարար Սուրեն Պապիկյանը։

«Ծրագրով նախատեսված է աշխատանքներն ավարտել մինչև 2020 թվականի վերջը։ Մի քանի ամսվա պարապուրդը (կորոնավիրուսի պատճառով – խմբ.) ժամկետների հետ կապված խնդիրներ կառաջացնի, սակայն մենք կանենք ամեն ինչ և հույս ունենք, որ կհասցնենք աշխատանքներն ավարտին հասցնել նախատեսված ժամանակահատվածում»,– ասաց Պապիկյանն ԱԺ–ում` պատասխանելով պատգամավորներից մեկի հարցին։

Նա հիշեցրեց, որ կորոնավիրուսի համավարակի և երկու երկրների կիրառած սահմանափակումների պատճառով իրանցի գործընկերներին երեք ամիս չէր հաջողվում Հայաստան ժամանել։

«Սակայն այսօր (շինարարությունն իրականացնող – խմբ.) ընկերության նախագծի մենեջերը արդեն Հայաստանում է: Հունիսի 1-ին Հայաստան կժամանեն ևս 5 ինժեներներ, իսկ երկու շաբաթվա ընթացքում նախատեսվում է, որ ամբողջ թիմը, շուրջ 60 հոգի, տեղում կլինեն, և շինարարական աշխատանքները կշարունակվեն»,– նշեց նախարարը։

Ի՞նչ է լինելու Հայաստան–Իրան էլեկտրագծի հետ, եթե սահմանը երկար փակ մնա

Նախարարը հավելեց նաև, որ ՀՀ կառավարությունը  իրանցի մասնագետներին ազատել է վիզայի վճարներից։

Ավելի վաղ Հայաստանի իշխանությունները հայտարարել էին, որ 400 կիլովոլտանոց 3-րդ ԷՀԳ–ի շահագործումը թույլ կտա եռակի ընդլայնել հայ–իրանական՝ «գազ` էլեկտրաէներգիայի դիմաց» ծրագիրը։

Հայաստանում պաշարների բազան ընդլայնելու համար 2007թ-ին բացվել է Իրան-Հայաստան գազատարը։ Երկու երկրների միջև համաձայնագրի համաձայն` 20 տարվա ընթացքում Իրանը Հայաստան կմատակարարի 36 մլրդ խմ բնական գազ` պայմանագրի գործողության ժամկետը 5 տարով երկարացնելու և գազի առաքումների ընդհանուր ծավալը մինչև 47 մլրդ խմ ավելացնելու հնարավորությամբ։
Կորոնավիրուսն օգնել է Իրանին. Հայաստանի հետ էլեկտրահաղորդման գծի շինարարությունը կվերսկսվի

40
թեգերը:
կորոնավիրուս, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
Ինչու է հետաձգվում «Իրան-Հայաստան» էլեկտրահաղորդման գծի կառուցումը. պարզաբանում
Հայաստանը նոր նախագիծ կկազմի էլեկտրահաղորդման կարևորագույն գծի համար
Հայաստան-Իրան էլեկտրահաղորդման նոր գծի կառուցումն ուզում են մինչև 2021 թվականն ավարտել
Դավթյան. «2020թ–ի առաջին կիսամյակում կունենանք 15-20% էլեկտրաէներգիայի անկում»

Իսկ դու կարո՞ղ ես․ ռուս վարսահարդարը համաշխարհային ռեկորդ է սահմանել

0
(Թարմացված է 00:13 31.05.2020)
Կոստրոմայում բնակվող վարսավիրը սանրվածքների մարաթոն է կազմակերպել։ Նա համաշխարհային ռեկորդ է սահմանել` առանց ընդմիջման աշխատելով 48 ժամ։

Կոստրոմա քաղաքի վարսահարդարներից մեկը` Վլադիսլավ Դեմիդովիչը, շատ էր կարոտել իր աշխատանքը, և սահմանափակումների չեղարկումից անմիջապես հետո նա տղամարդկանց սանրվածքների 48-ժամյա մարաթոն է կազմակերպել։ Արդյունքում հայտնվել է Գինեսի ռեկորդների գրքում։

Ինչպես է թբիլիսահայ վարսավիր Վանյա Սիմոնյանը փրկում աշխարհը. տեսանյութ

Մարաթոնը սկսվել է մայիսի 25-ի ցերեկը։ Առաջին քսանչորս ժամում նա հասցրել է կտրել-հարդարել 50 հաճախորդի մազերը, երկրորդ օրն այդ թիվը հասել է 80-ի։ Բոլոր կամավորները գեղեցկության սրահ են մտել մեկ առ մեկ, յուրաքանչյուրից հետո աշխատանքային աթոռն ու գործիքները ախտահանվել են։ Վարսավիրն անվճար է կտրել նրանց մազերը։

Ի՞նչ են անում վարսավիրները, որ փոքրիկը հանկարծ չլացի. զվարճալի տեսանյութ

Դեմիդովիչն արդեն հայտարարել է, որ մտադիր է նոր ռեկորդ սահմանել ու ավելի երկար մարաթոն անել։ Նրա համար դա դժվար չի լինի, քանի որ հաջողացնում է սնվել հենց աշխատանքի ընթացքում, ճիշտ է՝ այդ սննդակարգը բաղկացած է լինում միայն շոկոլադի սալիկներից և մրգային խյուսից։

Պարոն ոսկե ձեռքեր․12-ամյա Էրիկը հրաշքներ է գործում վարսահարդարման ոլորտում․տեսանյութ

0
թեգերը:
տեսանյութ, սանրվածք, վարսահարդար, վարսավիր
Ըստ թեմայի
Փաշինյանի մորուքի և ատաղձագործ վարսավիրի մասին. ինչպե՞ս ռեփերական մորուքը թրենդ դարձավ
Ձեռնոցով և դիմակով. Գյումրիում որոշ վարսավիրանոցներ անակնկալով են դիմավորել այցելուներին
Իսկական «սովետ»՝ Գյումրու ամենակոլորիտային վարսավիրանոցում