Հալեպ

Հալեպի հայերը վերադառնում են խաղաղ կյանքին. ՀՀ դեսպանը` Սիրիայի իրավիճակի մասին

204
Սիրիայում Հայաստանի դեսպանը մի քանի օր առաջ աշխատանքային այցով եղել է Հալեպում, հանդիպել է հայկական մարդասիրական առաքելության ներկայացուցիչների հետ։

ԵՐԵՎԱՆ, 11 մարտի — Sputnik, Աշոտ Սաֆարյան. Հայ մասնագետները Սիրիայում մարդասիրական ականազերծում են իրականացնում բացառապես այն տարածքներում, որոնք հեռու են մարտական գործողություններից։ Հայկական առաքելության միակ խնդիրն է օգնել բնակիչներին վերադառնալ խաղաղ կյանքի։ Այդ մասին Sputnik Արմենիայի հետ հարցազրույցում ասաց Սիրիայում Հայաստանի արտակարգ և լիազոր դեսպան Տիգրան Գևորգյանը։

Հիշեցնենք, որ փետրվարի 8–ին ՀՀ պաշտպանության նախարարությունը հայտնել էր, որ 83 հոգուց բաղկացած մասնագետների խումբը Հայաստանից մեկնել է Սիրիա։ Խմբի կազմում ներգրավված են հումանիտար ականազերծման մասնագետներ, բժշկական անձնակազմ և մասնագետների անվտանգությունն ապահովող բրիգադներ։

Դեսպանը պատմեց, որ հայ բժիշկները հիմա աշխատում են Հալեպի կենտրոնական հիվանդանոցում, նրանցից մի քանիսն առաջիկա օրերին աշխատանքի կանցնեն Հալեպի համալսարանական հիվանդանոցում։ Հայ բժիշկները ցուցաբերում են խորհրդատվական և վիրաբուժական օգնություն։

Գևորգյանը մի քանի օր առաջ աշխատանքային այցով եղել է Հալեպում, այնտեղ նա հանդիպել է մարդասիրական առաքելության ներկայացուցիչների հետ, այցելել առաքելության կենտրոնակայան։ Նրանց աշխատանքային պայմանները լավն են, ամբողջ նյութատեխնիկական օգնությունը տրամադրում է ռուսական կողմը։ Ռուսները նաև տրանսպորտային միջոցներ են տրամադրել։ Ականազերծման ենթակա տարածքները նշում են սիրիացի զինվորականները։ Հայ մասնագետներն աշխատում են բավական մեծ տարածքում խաղաղ բնակչության կողքին։

Անդրադառնալով երկրում ճգնաժամի վերջնական կարգավորման հեռանկարներին` Գևորգյանը նշեց, որ վերջին երկու տարում սիրիական կառավարական բանակը և օժանդակ ուժերը կարողացել են իրենց վերահսկողության տակ վերցնել երկրի տարածքի մոտ 80 տոկոսը։

«Իհարկե, Սիրիայում պահպանվում են քաղաքական լարվածության և մարտական գործողությունների որոշ տարրեր։ Ինչպես հայտնի է, առանցքային խնդիր է Իդլիբ նահանգում տիրող իրավիճակը», – հավելեց նա։

Եթե Ռուսաստանին, Իրանին և Թուրքիային հաջողվի հասնել Իդլիբի ապառազմականացմանը, ապա դա հնարավորություն կտա մոտ երեք միլիոն մարդու վերադառնալ խաղաղ կյանքին։

Կարգավորվում է նաև հայ համայնքի կյանքը։ Ճիշտ է, պատերազմի տարիներին համայնքը զգալիորեն նոսրացել է. միայն Հայաստան են ժամանել մոտ 30 հազար հայրենակիցներ, նրանցից մոտ 10 հազարն այնուհետև տեղափոխվել է արևմտյան երկրներ, առավելապես ԱՄՆ և Կանադա։

Սիրիայի հայերի հիմնական մասն ավանդաբար կենտրոնացած է եղել Հալեպում։ Մարտական գործողությունների արդյունքում նրանցից շատերը դարձել են վերաբնակիչներ` տեղափոխվելով Տարտուս, Լաթաքիա և այլ ավելի անվտանգ շրջաններ։ Ինչպես նշեց դիվանագետը,  հիմա նրանք աստիճանաբար վերադառնում են տուն`Հալեպ։

Նրա խոսքով` վերջին շրջանում հաջողվել է լուծել էներգետիկ և սոցիալական բնույթի մի շարք խնդիրներ։ Սակայն վերադարձած հայերի ստույգ թիվ նշելը դժվար է, և չի կարելի ասել, որ վերադարձի գործընթացը զանգվածային բնույթ է կրում։ Դեսպանը նշեց, որ սիրիահայերի մեծ մասը, որն այդ տարիներին տեղափոխվել է պատմական հայրենիք, կարճ ժամանակում ինտեգրվել է և ադապտացվել կյանքի նոր պայմաններին։

204
թեգերը:
Հայաստան, Սիրիա
Ըստ թեմայի
Հայաստանը՝ Սիրիայի ռազմական գործողություններում. Տոնոյանի մեսիջը հասել է հասցեատիրոջը
Էրդողանը երազում է վերստեղծել Օսմանյան կայսրությունը. Սիրիայի նախագահի խորհրդական
«Իրականում». Սիրիայի հայ համայնքին հումանիտար օգնությունը կենսական անհրաժեշտություն էր
Սուրբ Սոֆիայի տաճար,  Ստամբուլ

Էրդողանը չեղարկել է Սուրբ Սոֆիայի տաճարը թանգարան դարձնելու մասին Աթաթուրքի որոշումը

132
(Թարմացված է 20:12 10.07.2020)
Թուրքիայի Պետխորհրդի որոշման համաձայն՝ Սուրբ Սոֆիան կարող է օգտագործվել որպես մզկիթ։

ԵՐԵՎԱՆ, 10 հուլիսի – Sputnik. Էրդողանը չսպասեց հուլիսի 15-ին՝ Սուրբ Սոֆիան դարձավ մզկիթ։ էրդողանը վերջնական մտավ Թուրքիայի պատմության մեջ։ Այս մասին Facebook-ի իր էջում գրել է թուրքագետ Վարուժան Գեղամյանը և հրապարակել որոշման լուսանկարը:

Ավելի վաղ CNN Turk թուրքական հեռուստաալիքը հայտնել էր, որ Թուրքիայի Պետական խորհուրդը չեղարկել է Սուրբ Սոֆիայի տաճարը թանգարանի վերածելու մասին 1934 թվականին ընդունված որոշումը։

Հեռուստաալիքը նշում է, որ Թուրքիայի Պետխորհրդի որոշման համաձայն՝ Սուրբ Սոֆիան կարող է օգտագործվել որպես մզկիթ։

Օրեր առաջ Թուրքիայի նախագահ Ռեջեփ Թայիփ Էրդողանը հայտնել էր, որ սպասում է Պետխորհրդի՝ Սուրբ Սոֆիայի տաճարի կարգավիճակի փոփոխության ու այն թանգարանից մզկիթի վերածելու վերաբերյալ որոշմանը։

2019 թվականի մարտին Թուրքիայի նախագահն ասել էր, որ տաճարի կարգավիճակի փոփոխությունը մուսուլմանների պատասխանն է Իսրայելում ԱՄՆ-ի գործողություններին։ Այսպիսով՝ Թուրքիան դեմ է, որ ԱՄՆ-ն սատարում է Գոլանի բարձրունքների հանդեպ Իսրայելի ինքնավարությանը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

Տաճարը կառուցվել է VI դարում Բյուզանդիայի կայսր Հուստինիանոսի օրոք։ 1453 թվականին թուրքերի կողմից Բյուզանդական կայսրության մայրաքաղաքի գրավումից հետո Սուրբ Սոֆիայի տաճարը վերածվեց մզկիթի և մնաց այդ կարգավիճակում մինչև 1934 թվականը։ Այնուհետև Քեմալ Աթաթուրքի որոշմամբ՝ մզկիթը դարձավ թանգարան։ Տաճարը համարվում է համաշխարհային ճարտարապետության նշանավոր հուշարձաններից մեկը, և անկախ թանգարանի կարգավիճակից, շարունակում ընկալվել որպես քրիստոնեության մեծագույն սրբություններից մեկը։

Հայերի ստեղծած գլուխգործոցները Թուրքիայում. ինչի՞ մասին զբոսաշրջիկներին չեն պատմում

132
թեգերը:
Ռեջեփ Թայիփ Էրդողան, որոշում, մզկիթ, Թուրքիա, Ստամբուլ, Սուրբ Սոֆիայի տաճար
Ըստ թեմայի
Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է
Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա
Կրեմլը մեկնաբանել է Թուրքիայում գտնվող Սուրբ  Սոֆիայի տաճարի կարգավիճակի հարցը
Էլմար Մամեդյարով

Սկանդալ Ադրբեջանում. Մամեդյարովը հրաժարվել է մեկնաբանել իր հրաժարականի մասին լուրերը

200
(Թարմացված է 18:09 10.07.2020)
Մեկ շաբաթ առաջ պետական ​​անվտանգության ծառայությունը հատուկ գործողություն էր իրականացրել Արտաքին գործերի նախարարությունում: Արդյունքում՝ բարձրաստիճան պաշտոնյաներ են ձերբակալվել: Ըստ ՊԱԾ-ի՝ վարչության որոշ աշխատակիցներ դիտավորությամբ չարաշահել են լիազորությունները:

ԵՐԵՎԱՆ, 10 հուլիսի - Sputnik. Ադրբեջանի արտգործնախարար Էլմար Մամեդյարովը հրաժարվել է մեկնաբանել իր հնարավոր պաշտոնանկության մասին լուրերը ԱԳՆ-ում տեղի ունեցած զարգացումների ֆոնին, բայց արձագանքել է բարձրաստիճան պաշտոնյաների ռեզոնանսային ձերբակալություններին: «Уникал» կայքին տված հարցազրույցում Մամեդյարովը նշել է, որ ցավում է տեղի ունեցածի համար:

«Ես չեմ ուզում խոսել այդ մասին, քանի որ դա նախաքննական գաղտնիք է պարունակում: Իմ հայտարարությունները կարող են ազդել քննության ընթացքի վրա: Ինչ մնում է ձերբակալություններին, ապա ես ցավում եմ», - ասել Մամեդյարովը՝ հրաժարվելով մեկնաբանել իր հավանական հրաժարականի մասին խոսակցությունները:

Մեկ շաբաթ առաջ պետական ​​անվտանգության ծառայությունը հատուկ գործողություն էր իրականացրել Արտաքին գործերի նախարարությունում: Արդյունքում՝ բարձրաստիճան պաշտոնյաներ են ձերբակալվել: Ըստ ՊԱԾ-ի՝ վարչության որոշ աշխատակիցներ դիտավորությամբ չարաշահել են լիազորությունները:

Միևնույն ժամանակ, ընդամենը մի քանի ժամ առաջ հայտնի դարձավ, որ ձերբակալվել են Ադրբեջանի արտաքին գործերի նախարարության ևս երկու բարձրաստիճան պաշտոնյաներ`Ֆայիկ Բաղիրովը և Իլգար Ալիևը:

Պաշտոնյաները ձերբակալվել են ավելի վաղ ձերբակալված Արտաքին գործերի նախարարության աշխատակիցների ցուցմունքների հիման վրա:

200
թեգերը:
Հրաժարական, Ձերբակալում, Ադրբեջան, Էլմար Մամեդյարով
Ըստ թեմայի
Ադրբեջանի հատուկ ծառայությունների աշխատակիցը կապ է հաստատել ՀՀ բարձրաստիճան սպայի հետ․ ԱԱԾ
«Գյուղում եմ, ոչինչ չգիտեմ»․ Ադրբեջանի գլխավոր համաճարակաբանը՝ COVID-19-ի իրավիճակի մասին
«Վտանգավոր է»․ ադրբեջանցի հաքերները հասել են ՀՀ պաշտպանության նախարարության փաստաթղթերին
Ադրբեջանի գլխավոր համաճարակաբանը լքել է պաշտոնը․ Աղաևն այդպես էլ «չվերադարձավ» գյուղից
Արման Սարգսյան

ՀՀ ոստիկանապետը ծառայողական քննություն է նշանակել իր նախորդին վերաբերող նյութերի հիման վրա

0
(Թարմացված է 20:49 11.07.2020)
Քննությունն ավարտվել է և, համաձայն ոստիկանության հրապարակած արդյունքների, հաստատվել է, որ Արման Սարգսյանի հրամաններով անվանական զենքերով են պարգևատրվել ոստիկանության ոչ թե 51, այլ 7 ծառայողներ:

ԵՐԵՎԱՆ, 11 հուլիսի – Sputnik. ՀՀ ոստիկանության պետ Վահե Ղազարյանի՝ հուլիսի 7-ի հրամանով ծառայողական քննություն է անցկացվել ոստիկանության նախկին պետ Արման Սարգսյանի վերաբերյալ մամուլում առկա որոշ տեղեկությունների վերաբերյալ: Ըստ ՀՀ ոստիկանության հրապարակած հաղորդագրության` քննության արդյունքում հաստատվել է, որ Արման Սարգսյանի հրամաններով ոստիկանության 7 ծառայողներ պարգևատրվել են անվանական զենքերով:

«Արձանագրվել է, որ հիշյալ ծառայողների զենքով պարգևատրումները հիմնավորված են, մասնավորապես՝ դրանք տրվել են ՀՀ ոստիկանությունում երկարամյա, օրինակելի և անբասիր ծառայության, ինչպես նաև ծառայողական պարտականությունները կամ հատուկ առաջադրանքները բարեխիղճ կատարած ծառայողներին, ինչը վկայում է, որ ՀՀ ոստիկանության պետի հրամանները բացառապես բխել են օրենսդրական պահանջներից և եղել են իրավաչափ»,- ասված է ոստիկանության հաղորդագրության մեջ:

Կայքերից մեկը գրել էր, որ պարգևատրվել են ոստիկանության 51 ծառայողներ, որոնց թվում՝ անձինք, որոնք ըստ կոչումների ենթակա չեն նման պարգևատրման: Նույն հրապարակման համաձայն` ՀՀ ոստիկանության նախկին պետ Ա. Սարգսյանն ու ոստիկանության պետի տեղակալներ Ա. Մարտիրոսյանն ու Հ. Մհրյանը 30 միլիոն դրամ են դուրս գրել ոստիկանության ծառայողներին հավելավճարներ վճարելու համար, բայց այդ գումարը ևս նպատակին չի ծառայել:

Ծառայողական քննության ընթացքում պարզվել է, որ այս տեղեկությունը ևս իրականությանը չի համապատասխանում:

«ՀՀ ոստիկանության գաղտնագրված ծառայողների աշխատանքի վարձատրությունը յուրաքանչյուր ամիս կատարվում է օրենսդրությամբ սահմանված կարգով, ժամկետներում և չափով, ու ամենևին համեմատելի չէ հրապարակված գումարի հետ»,- նշված է ոստիկանության հաղորդագրության մեջ:

Քննության ընթացքում վճարումների բոլոր հասցեատերերը հայտնաբերվել են:

Իսկ ապատեղեկատվություն հրապարակած կայքի տնօրենն ասել է, որ հրապարակման հետ կապված հանցագործության վերաբերյալ հաղորդում ներկայացնել չի ցանկանում, հիշյալ տեղեկություններն ապացուցող փաստական տվյալներ չի կարող ներկայացնել, նշված տեղեկությունն էլ հրապարակել է կայքի նկատմամբ հետաքրքրությունը մեծացնելու ակնկալիքով:

Ինչո՞ւ են 1․8 մլն դրամով պարգևատրվել Երևանի քաղաքապետարանի պաշտոնյաները․ պարզաբանում

Հիշեցնենք՝ Արման Սարգսյանը Հայաստանի ոստիկանության պետի պաշտոնից ազատվեց ՀՀ վարչապետի՝ հունիսի 8-ի հրամանով: Նույն օրը նրան այդ պաշտոնում փոխարինեց ներկայիս ոստիկանապետ Վահե Ղազարյանը:

«Կորոնավիրուսն էլ կանցնի...». պարգևատրումներ նախագահականում. լուսանկարներ

0
թեգերը:
Վահե Ղազարյան, Արման Սարգսյան, Ոստիկանություն, Հայաստան
Ըստ թեմայի
Քննչական կոմիտեի 32 աշխատակից դիմակ չկրելու համար զրկվել են մեկ ամսվա պարգևավճարից
«Narek Sargsyan» օգտատերը հայհոյել է ուղիղ եթերում. քրգործն ուղարկվել է դատարան
«Շտապօգնության» բոլոր աշխատակիցները դրամական պարգևներ են ստացել «Տաշիր» ընկերությունից