Գազատար

Հայաստանը, Ռուսաստանը, Վրաստանը և Իրանը գազի հարցը կքննարկեն Թեհրանում

112
Թե՛ Իրանի նախագահի, թե՛ ՀՀ վարչապետի կողմից տրվել են հանձնարարականներ համագործակցության հարցերը կարգավորելու և հարթելու համար:

ԵՐԵՎԱՆ, 28 Փետրվար — Sputnik. Մենք իրանական կողմից ստացել ենք առաջարկ՝ էլեկտրաէներգիայի ու գազի տարանցման համագործակցություն ծավալելու Վրաստանի և Ռուսաստանի հետ: Պայմանավորվածություն կա ապրիլին Թեհրանում քառակողմ` Հայաստան, Ռուսաստան, Վրաստան և Իրան հանդիպում կազմակերպելու վերաբերյալ։

Այս մասին Իրանի Սպահան քաղաքում լրագրողների հետ զրույցում ասել է վարչապետի մամուլի քարտուղար Վլադիմիր Կարապետյանը:

Վլադիմիր Կարապետյանն ասաց, որ թե՛ Իրանի նախագահի, թե՛ ՀՀ վարչապետի կողմից տրվել են հանձնարարականներ համագործակցության հարցերը կարգավորելու և հարթելու համար:

«Պայմանավորվածություն ձեռք բերվեց միջկառավարական տնտեսական հանձնաժողովի գործունեությունը ակտիվացնելու վերաբերյալ: Առաջիկայում կլինի նիստ, որտեղ կքննարկվեն էներգետիկայի, տրանսպորտի ոլորտներին վերաբերող հարցերը: Նման մակարդակի հանդիպումները ձևավորում են փոխվստահության մթնոլորտ, որը հնարավորություն է տալիս պատասխանատու գերատեսչություններին անկաշկանդ աշխատել՝ ունենալով նաև հանձնարարականը»,–ասաց Կարապետյանը: Նրա խոսքով` հանդիպումը ծառայեց խոչընդոտները վերացնելուն:

Հիշեցնենք, որ Հայաստանի վարչապետ Նիկոլ Փաշինյանը պաշտոնական երկօրյա այցով Իրանի Իսլամական Հանրապետությունում է։

112
թեգերը:
Ռուսաստան, Վրաստանի Հանրապետություն, գազ, Նիկոլ Փաշինյան, Հայաստան, Իրանի Իսլամական Հանրապետություն
թեմա:
Հայաստան–Իրան գործակցություն (80)
Ըստ թեմայի
Իրանի շուրջ իրադարձությունները հուզում են ՀՀ–ին. Փաշինյանը` ԱՄՆ–ի պատժամիջոցների մասին
Հայաստանի ու Իրանի հարաբերությունները նպաստում են տարածաշրջանի կայունությանը. Փաշինյան
Կարևոր է հայ համայնքի դերը նահանգի զարգացման գործում. ՀՀ վարչապետն այցելել է Սպահան