Նիկոլ Փաշինյանը պաշտոնական այցով Իրանում է

Հայաստանի ու Իրանի հարաբերությունները նպաստում են տարածաշրջանի կայունությանը. Փաշինյան

119
(Թարմացված է 12:46 27.02.2019)
Վարչապետն ասել է, որ Իրանի հետ բարեկամական ու գործընկերային հարաբերությունները Հայաստանի արտաքին քաղաքականության մի մասն են, և մենք հակված ենք բարիդրացիական հարաբերությունների հետագա զարգացմանը։

ԵՐԵՎԱՆ, 27 փետրվարի — Sputnik. Հայաստանի ու Իրանի ժողովուրդների դարավոր բարեկամությունը տարբեր կրոնների և քաղաքակրթությունների երկխոսության լավ օրինակ է։ Այս մասին ԻՌՆԱ գործակալության հետ հարցազրույցում ասել է ՀՀ վարչապետ Նիկոլ Փաշինյանը, որն այսօր պաշտոնական այցով Թեհրանում է։

Փաշինյանն ասել է, որ դա տարածաշրջանում խաղաղությանն ու կայունությանը նպաստող կարևոր գործոն է։

ՀՀ վարչապետի խոսքով` Իրանի հետ բարեկամական ու գործընկերային հարաբերությունները Հայաստանի արտաքին քաղաքականության մի մասն են, և մենք հակված ենք բարիդրացիական հարաբերությունների հետագա զարգացմանը։

«Միաժամանակ պետք է նշել, որ չօգտագօրծված ներուժ կա, հատկապես`առևտրատնտեսական ոլորտում։ Վստահ եմ, որ շփումներն ու տարբեր մակարդակի երկխոսությունները նույնպես նպաստում են այդ ներուժը իրականացնելուն։ Հայ–իրանական հարաբերությունները հարուստ ու համապարփակ օրակարգ ունեն, իմ այցի նպատակն այն առաջ տանելն է։ Այս այցը կարելի է համարել մեր երկրների միջև կանոնավոր երկխոսության հերթական ուղենիշ։ Կքննարկվի փոխադարձ հետաքրքրություն ներկայացնող հարցերի լայն շրջանակ», – ավելացրել է Փաշինյանը։

Հիմա հայ–իրանական հարաբերություններում նոր բաղադրիչ է հայտնվել. դա Իրանի ու Եվրասիական տնտեսական միության միջև ազատ առևտրի գոտու մասին համաձայնագիրն է։ Վարչապետը վստահ է, որ համաձայնագիրը նոր հեռանկարներ կբացի առևտրի ու ներդրումների ոլորտում։

«Համաձայնագիրը վավերացման փուլում է։ Հուսով եմ` առաջիկայում իրավական գործընթացը կավարտվի, ու գործնական արդյունքները երկար սպասել չեն տա», – ասել է նա։

Նրա խոսքով` զարգացման համար զգալի ներուժ ունի էներգետիկայի ոլորտը։ Այդ ոլորտում երկրները համատեղ լուրջ նախագծեր են իրականացնում, օրինակ` գազ/էլեկտրոէներգիա փոխանակումը, Հայաստան–Իրան երրորդ բարձրավոլտ էլեկտրափոխանցման գծի կառուցումը։ Նաև շարունակվում են բանակցությունները կապված Մեղրիի ՀԷԿ–ի հետ։ Իրանի խորհրդարանը վերջերս վավերացրել է այն։

119
թեգերը:
Նիկոլ Փաշինյան, Իրանի Իսլամական Հանրապետություն, Հայաստան
թեմա:
Հայաստան–Իրան գործակցություն (73)
Ըստ թեմայի
Հայաստանի դեսպանը հանդիպել է Իրանի տեղեկատվական տեխնոլոգիաների նախարարին
Իրանի արտգործնախարարը հրաժարական է տվել ու ներողություն խնդրել
Երաշխիքներ են պետք. ինչի՞ մասին կխոսեն Փաշինյանն ու Ռոհանին Իրանում