Ահաբեկիչներին վերացնել, փախստականներին օգնել. Պուտինի մեսիջները Սիրիայի հարցով
ԵՐԵՎԱՆ, 14 փետրվարի –Sputnik. Սիրիայի Իդլիբ շրջանում ահաբեկիչների ներկայությունը հանդուրժել չի կարելի, անհրաժեշտ է քայլեր ձեռնարկել նրանց ոչնչացնելու համար։ Ինչպես հայտնում է ՌԻԱ Նովոստին, այս մասին հայտնել է ՌԴ նախագահ Վլադիմիր Պուտինը Սոչիում կայացած գագաթնաժողովի ժամանակ, որին մասնակցել են Իրանի և Թուրքիայի նախագահներ Հասան Ռոուհանին և Ռեջեփ Թայիփ Էրդողանը։
©
AFP 2020 / Delil SOULEIMAN
«Մենք պետք է պայմանավորվենք նաև այն մասին, թե ինչպես ապահովել Իդլիբում վերջնական դեէսկալացիան։ Գավառում հաջողվում է պահպանել ռազմական գործողությունների դադարեցման ռեժիմը, սակայն դա չի նշանակում, որ մենք պետք է հաշտվենք Իդլիբի շրջանում ահաբեկչական խմբավորումների առկայության հետ։ Այդ պատճառով առաջարկում եմ կոնկրետ պրակտիկ քայլեր ուսումնասիրել, որոնք Ռուսաստանը, Թուրքիան և Իրանը կարող էին միասին ձեռնարկել ահաբեկչական օջախն ամբողջությամբ վերացնելու համար», – ասել է Պուտինը։
Պուտինն ընդգծել է կարևորությունն այն բանի, որ առաջիկայում սկսի գործել Սիրիայի հարցով սահմանադրական կոմիտեն։
«Մեր երկրների դիվանագետները սիրիական կողմերի և ՄԱԿ–ի համակարգմամբ լուրջ աշխատանք են տարել սահմանադրական կոմիտեի կազմը ձևավորելու հարցում։ Կարևոր է, որ կոմիտեն հնարավորինս շուտ սկսի գործել», – հայտարարել է Պուտինը։
©
Photo : official site of the PM of RA
Նա նաև հայտնել է, որ այժմ երկրի գրեթե ամբողջ տարածքում պահպանվում է հրադադարի ռեժիմը, հետևողականորեն նվազում բռնության մակարդակը:
«Սա մեր համատեղ կոնկրետ և անկասկած՝ դրական արդյունք է», – ասել է Պուտինը։
Շուրջ 1 մլն սիրիացի փախստական օգնության կարիք ունի, ՄԱԿ–ն ավելի ակտիվ դերակատարում պետք է ունենա սիրիացիներին աջակցություն ցուցաբերելու հարցում, ավելացրել է Պուտինը։
«Պայմաններ են ստեղծվել մարդասիրական օգնության անվտանգ և անխոչընդոտ մատակարարմանը այն շրջաններ, որոնք տուժել են հակամարտության հետևանքով։ Նման օգնություն ստանալու հնարավորությունից զրկված սիրիացիների քանակը եռակի կրճատվել է, այնուամենայնիվ, շուրջ 1 մլն մարդ դեռ օգնության կարիք ունի։ Հույս ունենք, որ ամբողջ միջազգային հանրությունը, հատկապես ՄԱԿ–ն ու իր պրոֆիլային գործակալությունները, ավելի ակտիվ դեր կխաղան բոլոր սիրացիներին օգնելու հարցում՝ առանց քաղաքականացման և նախապայմանների», – ասել է Պուտինը։
©
AFP 2020 / NICHOLAS KAMM
Նրա խոսքով` Սիրիային մարդասիրական աջակցություն ցուցաբերելու հարցն ամենալուրջ ուշադրության է արժանի։ «Ռուսաստանը, Իրանը, Թուրքիան ջանքեր են գործադրում երկիրը նորմալ կյանքի վերադարձնելու համար և օգնելու սիրիացիներին բարելավել երկրի վիճակը հետհակամարտական շրջանում։ Արդեն կոնկրետ արդյունքներ կան։ Միայն վերջին 6 ամսվա ընթացքում ավելի քան 130 հազար սիրիացի փախստական կարողացել է բարեհաջող տուն վերադառնալ», – նշել է Պուտինը։
Ռուսաստանի, Իրանի և Թուրքիայի առաջնորդները այսօր Սոչիում անցկացրեցին սիրիական հակամարտության կարգավորմանն աջակցության Աստանայի գործընթացի երաշխավոր պետությունների ղեկավարների 4-րդ եռակողմ հանդիպումը։
թեգերը:
Թուրքիայում ռազմական ուղղաթիռ է կործանվել. կա 9 զոհ
(Թարմացված է 20:34 04.03.2021)
Նախնական տվյալներով` վթարի պատճառ կարող էին լինել կամ վատ եղանակային պայմանները կամ ուղղաթիռի տեխնիկական անսարքությունը։ԵՐԵՎԱՆ, 4 մարտի - Sputnik. Թուրքիայում ռազմական ուղղաթիռ է կործանվել, 9 զինծառայող է զոհվել, ևս 4-ը` վիրավորվել։ Տեղեկությունը հայտնում է ՌԻԱ Նովոստին`վկայակոչելով Թուրքիայի ՊՆ–ին։
«Ուղղաթիռի հետ, որը Բինգյոլից Թաթվան թռիչք է իրականացրել, կապը կտրվել է ժամը 14:25-ին։ Անմիջապես որոնողական աշխատանքներ են սկսվել՝ անօդաչուների, CN235 ինքնաթիռի և ուղղաթիռի ներգրավմամբ։ Արդյունքում պարզվել է, որ ուղղաթիռն ընկել է։ Անկման վայրում հայտնաբերվել են 9 զոհվածներ և 4 վիրավորներ»,-ասվում է ՊՆ հաղորդագրությունում։
Նախնական տվյալներով` վթարի պատճառ կարող էինինել կամ վատ եղանակային պայմանները կամ ուղղաթիռի տեխնիկական անսարքությունը։
Վթարի զոհերից մեկը Էլյազիգում Թուրքիայի ցամաքային զորքերի 8-րդ կորպուսի հրամանատար, գեներալ Օսման Էրբաշն է։
NTV հեռուստաալիքը ուղիղ եթերում ցուցադրում է կադրեր ուղղաթիռի կործանման վայրից` Բիթլիսի նահանգի դժվարամատչելի լեռնային տեղանքից։ Երևում է ինչպես են վիրավորներին տարհանում։
թեգերը:
Թուրքիան և Ադրբեջանը հերթական համատեղ զորավարժությունները կանցկացնեն
(Թարմացված է 19:14 04.03.2021)
Ադրբեջանական ստորաբաժանումներն արդեն ժամանել են Թուրքիա։ Մարզումները կտևեն 6 շաբաթ։ ԵՐԵՎԱՆ, 4 մարտի – Sputnik. Թուրքիայում կանցկացվեն թուրք-ադրբեջանական հերթական զորավարժությունները։ Ինչպես տեղեկացնում է Թուրքիայի պաշտպանության նախարարության Twitter-ի էջը, հրամանատարաշտաբային վարժանքները տեղի կունենան Ըսփարթա նահանգում։
Նշվում է, որ ադրբեջանական ստորաբաժանումներն արդեն ժամանել են Թուրքիա։ Զորավարժությունները կտևեն 6 շաբաթ։
Can Azerbaycan ile “Tek millet, İki devlet” anlayışı ile bir ve beraber çalışmaya devam ediyoruz. 6 hafta sürecek komando eğitimleri için Isparta’ya gelen Kahraman Azerbaycan Ordusuna mensup kardeşlerimizi havaalanında karşıladık. 🇹🇷🇦🇿 pic.twitter.com/rjNXhW8S8k
— T.C. Millî Savunma Bakanlığı (@tcsavunma) March 4, 2021
«Մենք շարունակում ենք համագործակցությունն Ադրբեջանի հետ «մեկ ազգ, երկու պետություն» սկզբունքով»- նշված է հաղորդագրության մեջ:
Հիշեցնենք, որ փետրվարի սկզբին թուրք–ադրբեջանական համատեղ զորավարժությունները տեղի էին ունեցել Կարսի նահանգում։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։