Ոսկի և Մարգարիտա Ավագյաններ

Ինչպես վրացին միանգամից երկու հայուհու սիրահարվեց. երկվորյակ քույրերի արկածները Թբիլիսիում

160
(Թարմացված է 14:41 25.12.2018)
«Վրաստանը օտարերկրացու աչքերով» նախագծի հերոսուհիները հայ աղջիկներ են։ Ուսանողուհիները խոսել են վրաց ժողովրդի հանդեպ իրենց վերաբերմունքի, նոր ընկերների մասին, նաև իրենց անձնական կյանքից զվարճալի պատմություն են պատմել։

ԵՐԵՎԱՆ, 26 դեկտեմբերի — Sputnik. Մարգարիտա և Ոսկի Ավագյան երկվորյակ քույրերը ծնողների հետ Հայաստանից Վրաստան են տեղափոխվել հինգ տարի առաջ։ Սկզբում աղջիկները վրացերենի հետ կապված խնդիրներ ունեին, բայց սրտացավ մարդիկ օգնեցին նրանց ու հիմա նրանք թբիլիսյան բուհերում են սովորում։ Sputnik Գրուզիայի թղթակիցները հանդիպել են քույրերն ու խոսել նրանց հետ նոր բնակավայրի, ընկերների ու անձնական կյանքի մասին։

Սկզբում Ավագյանների ընտանիքը Նինոծմինդա էր տեղափոխվել։ Ծնողները շատ էին հավանում նոր բնակավայրը, այնտեղ արդեն տուն ունեին, աշխատանքն էլ Վրաստանի հետ էր կապված։ Իններորդ դասարանի աշակերտուհի աղջիկները տեղի սկսեցին տեղի դպրոց հաճախել։

Воски и Маргарита Авакяны
© Sputnik / Alex Shlamov
Ոսկի և Մարգարիտա Ավագյաններ

«Դա հայկական դպրոց էր, այդ պատճառով ես ու Մարգարիտան զգում էինք մեզ ինչպես ձուկը ջրում», – ասում է Ոսկին։

Նրանք վրացերեն չգիտեին։ Ստիպված էին զրոյից սովորել լեզուն։

«Ահավոր էր։ Այդ դժվար տառերը, բառերը... ես գիտեի միայն «Բարև, անունս Ռիտա է», – հիշում է Մարգարիտան։

Ամեն ինչ փոխվեց, երբ դպրոց եկավ վրացերենի երիտասարդ ուսուցչուհի Նինո Բաբալաշվիլին։ Նա տեղացի չէր, ապրելու տեղ էլ չուներ։ Այդ ժամանակ Ավագյանները որոշեցին նրան հրավիրել իրենց տանն ապրելու։ Ուսուցչուհին համաձայնվել էր, ձեռքի հետ էլ աղջիկներին լրացուցիչ դասեր էր տալիս։

Воски Авакян
© Sputnik / Alex Shlamov
Ոսկի Ավագյան

Հենց Նինոյի շնորհիվ նրանք բազում նոր բաներ իմացան Վրաստանի մշակույթի ու պատմության մասին։ Թբիլիսիում կրթությունը շարունակելու գաղափար առաջացավ, թեև ի սկզբանե նման ծրագրեր չկային։

«Մենք հետաքրքրվեցինք... Նա ամենալավն է, ամեն ինչ պատմում էր մեզ, ցույց էր տալիս, Վրաստանի պատմություն էր սովորեցնում։ Նա այնպես ներկայացրեց Վրաստանը, որ մեզ այդ գաղափարը շատ դուր եկավ», – ասում է Ոսկին։

Մարգարիտան որոշեց ընդունվել Իլյա Ճավճավաձեի անվան համալսարան, քանի որ Նինոն հենց այդ բուհն էր ավարտել։ Իսկ Ոսկին` Վրացական տեխնիկական համալսարան` լրագրության ֆակուլտետ։

Маргарита Авакян
© Sputnik / Alex Shlamov
Մարգարիտա Ավագյան

Առաջին իսկ օրը զվարճալի դեպք եղավ. Ոսկին այնքան էր հուզվել, որ շփոթել էր խմբերն ու երեք օր սխալ ուսանողների հետ էր դասախոսությունների գնում։

«Հետո բոլորն ինձ վրա ծիծաղում էին, մինչև հիմա էլ ծիծաղով ենք հիշում` ոնց կարող էի սեփական խումբն ուրիշինի հետ խառնել։ Հետո իմացա` որտեղ պետք է լինեմ ու չեք պատկերացնի, ինչպես է բախտս բերես կուրսեցիների ու դասախոսների հարցում», – հիշում է նա։

Մի պահ Ոսկիին թվաց, որ լրագրողի մասնագիտությունն իր համար չէ, բայց նա հանդիպեց բարի ու սրտացավ մարդու` դասախոս Ելիզավետա Պավլովնային, ով համոզեց աղջկան չթողնել ուսումը։

«Հիմա այնքան շնորհակալ եմ նրան, դեռ չեմ ավարտել համալսարանն ու արդեն աշխատում եմ մասնագիտությամբ», – խոստովանում է նա։

Մարգարիտան նույնպես գոհ է համալսարանի իր ուսումից։ Այստեղ նա հասկացավ, որ վրացիները շատ շփվող են, նա շատերի հետ ընկերացել է։ Ասում է, որ Վրաստանում հինգ տարի ապրելու ընթացքում ոչ մի առիթ չի եղել վրացիների մասին կարծիքը փոխելու համար։ Երկվորյակ քույրը համամիտ է ու ավելացնում է, որ Վրաստանում մարդկանց հարցում նրանց բախտը բերել է։

«Այո։ Կարող եմ վստահ ասել, որ վրացիները պատրաստ են օգնել ցանկացած իրավիճակում, կարող են օգնության ձեռք մեկնել։ Կհուշեն` ինչպես դուրս գալ այս կամ այն իրավիճակից», – ասում է Ոսկին։

Իհարկե, թբիլիսյան կյանքում զվարճալի պատահարներ էլ են լինում։ Աղջիկներն իրենց անձնական կյանքից մի դեպք պատմեցին։

Մարգարիտան խոստովանում է, որ իր վրացի կուրսեցին սիրահարվել էր իրեն։ Տղան անձամբ ծանոթ չէր նրա հետ ու չգիտեր, որ նա երկվորյակ քույր ունի։

Մի անգամ տղան որոշել է խոսել Մարգարիտայի հետ, բայց աղջիկը նրան չէր հավանում։

«Կարճ ասած, ես ցրեցի նրան ու գնացի տուն։ Բայց պարզվեց` նա հետևել է ինձ մինչև տուն։ Ու սպասում էր` երբ եմ դուրս գալու», – ասում է աղջիկը։

Քիչ անց տնից դուրս է գալիս Ոսկին, այլ ոչ թե Մարգարիտան։

«Դեպի մետրո եմ գնում, իսկ այդ տղան կանգնեցնում է ինձ, ծաղիկները ձեռքին և ասում. «Ռիտա, Ռիտա, արի խոսենք»։ Սիրո խոստովանություն է անում Ոսկուն (իրականում ինձ). «Չէ որ ես սիրում եմ քեզ։ Ինչքո՞ւ ես ինձ հետ այսպես վարվում»։ Կանգնած լռում եմ», – շարունակում է Ոսկին։

Ոսկին, իհարկե, հասկացել էր, որ տղան շփոթել է իրեն քրոջ հետ, բայց սկզբում չի կողմնորոշվում` ինչ ասել։

«Իսկ նա շարունակում էր, ասում էր, որ արդեն մեկ տարի է հետևում է ինձ, որ ես շատ լավիկն եմ։ Ես կանգնեցրեցի նրան ու ասացին. «Ես Ռիտան չեմ»։ Նա շատ զարմացավ, հարցրեց. «Իսկ ո՞վ ես»։ Նույնիսկ վարդերի փունջն իջեցրեց ու մեկ անգամ էլ հարցեր` ուր է Ռիտան։ Այսպես նա իմացավ, որ Ռիտան երկվորյակ քույր ունի։ Այդ դեպքից հետո մենք շատ լավ շփվում ենք», – ծիծաղելով պատմում է Ոսկին։

Մարգարիտան նշում է, որ տղան մինչ այժմ էլ լավ չի տարբերում նրանց ու խնդրում է տարբեր գույների հագուստ հագնել։

160
թեգերը:
Վրաստանի Հանրապետություն
Սուրեն Պապիկյան

Հայաստան–Իրան 3-րդ ԷՀԳ շինարարությունը նախատեսվում է ավարտին հասցնել տարեվերջին. Պապիկյան

2
Նախարարը նշել է, որ մի քանի ամսվա հարկադիր պարապուրդի պատճառով Էլեկտրահաղորդման գծի շինարարության աշխատանքները կարող են հետաձգվել:

ԵՐԵՎԱՆ, 27 մայիսի – Sputnik. Հայաստանի և Իրանի միջև 3-րդ  էլեկտրահաղորդման գծի (ԷՀԳ)  շինարարությունը նախատեսվում է ավարտին հասցնել 2020 թվականի վերջին: Տեղեկությունը հայտնեց ՀՀ տարածքային կառավարման և ենթակառուցվածքների նախարար Սուրեն Պապիկյանը։

«Ծրագրով նախատեսված է աշխատանքներն ավարտել մինչև 2020 թվականի վերջը։ Մի քանի ամսվա պարապուրդը (կորոնավիրուսի պատճառով – խմբ.) ժամկետների հետ կապված խնդիրներ կառաջացնի, սակայն մենք կանենք ամեն ինչ և հույս ունենք, որ կհասցնենք աշխատանքներն ավարտին հասցնել նախատեսված ժամանակահատվածում»,– ասաց Պապիկյանն ԱԺ–ում` պատասխանելով պատգամավորներից մեկի հարցին։

Նա հիշեցրեց, որ կորոնավիրուսի համավարակի և երկու երկրների կիրառած սահմանափակումների պատճառով իրանցի գործընկերներին երեք ամիս չէր հաջողվում Հայաստան ժամանել։

«Սակայն այսօր (շինարարությունն իրականացնող – խմբ.) ընկերության նախագծի մենեջերը արդեն Հայաստանում է: Հունիսի 1-ին Հայաստան կժամանեն ևս 5 ինժեներներ, իսկ երկու շաբաթվա ընթացքում նախատեսվում է, որ ամբողջ թիմը, շուրջ 60 հոգի, տեղում կլինեն, և շինարարական աշխատանքները կշարունակվեն»,– նշեց նախարարը։

Ի՞նչ է լինելու Հայաստան–Իրան էլեկտրագծի հետ, եթե սահմանը երկար փակ մնա

Նախարարը հավելեց նաև, որ ՀՀ կառավարությունը  իրանցի մասնագետներին ազատել է վիզայի վճարներից։

Ավելի վաղ Հայաստանի իշխանությունները հայտարարել էին, որ 400 կիլովոլտանոց 3-րդ ԷՀԳ–ի շահագործումը թույլ կտա եռակի ընդլայնել հայ–իրանական՝ «գազ` էլեկտրաէներգիայի դիմաց» ծրագիրը։

Հայաստանում պաշարների բազան ընդլայնելու համար 2007թ-ին բացվել է Իրան-Հայաստան գազատարը։ Երկու երկրների միջև համաձայնագրի համաձայն` 20 տարվա ընթացքում Իրանը Հայաստան կմատակարարի 36 մլրդ խմ բնական գազ` պայմանագրի գործողության ժամկետը 5 տարով երկարացնելու և գազի առաքումների ընդհանուր ծավալը մինչև 47 մլրդ խմ ավելացնելու հնարավորությամբ։
Կորոնավիրուսն օգնել է Իրանին. Հայաստանի հետ էլեկտրահաղորդման գծի շինարարությունը կվերսկսվի

2
թեգերը:
կորոնավիրուս, Սուրեն Պապիկյան, Իրանի Իսլամական Հանրապետություն, Հայաստան
Ըստ թեմայի
Ինչու է հետաձգվում «Իրան-Հայաստան» էլեկտրահաղորդման գծի կառուցումը. պարզաբանում
Հայաստանը նոր նախագիծ կկազմի էլեկտրահաղորդման կարևորագույն գծի համար
Հայաստան-Իրան էլեկտրահաղորդման նոր գծի կառուցումն ուզում են մինչև 2021 թվականն ավարտել
Դավթյան. «2020թ–ի առաջին կիսամյակում կունենանք 15-20% էլեկտրաէներգիայի անկում»
Գազի խողողվակ

Ռուսաստանից Վրաստան ներկրվող գազի գինը կիջնի. «Գազպրոմի» հետ նոր պայմանավորվածություն կա

175
(Թարմացված է 23:14 26.05.2020)
Կոմերցիոն գաղտնիքի նկատառումներից ելնելով՝ նախարարը չի խոսել հստակ թվերից, սակայն նշել է, որ բնական գազի գինը կնվազի 15%-ով։

ԵՐԵՎԱՆ, 26 մայիսի  – Sputnik. Վրաստանի իշխանությունը վերանայել է «Գազպրոմի» հետ ընթացիկ պայմանագիրն ու ներկրվող գազի գնի նվազեցման մասին պայմանավորվածություն է ձեռք բերել։ Այս տեղեկությունը վրացի լրագրողների հետ զրույցում հայտնել է Վրաստանի էկոնոմիկայի ու կայուն զարգացման նախարար Նատիա Տուրնավան։

«Հաշվի առնելով բարձր մրցակցությունն  ու նաև նավթամթերքի գնի անկումը՝ մենք վերանայել ենք պայմանագիրը «Գազպրոմի» հետ։ Դա կնպաստի գազի գնի նվազեցմանը», - ասել է Տուրնավան։

Կոմերցիոն գաղտնիքի նկատառումներից ելնելով՝ նախարարը հստակ թվեր չի ասել, բայց նշել է, որ բնական գազի գինը կնվազի 15%-ով։

Նա հավելել է նաև, որ անհրաժեշտության դեպքում հնարավոր կլինի գինն ավելի իջեցնել, ամեն ինչ կախված է շուկայից։

2019 թվականին Վրաստանը հայտնել էր «Գազպրոմից» քիչ ծավալով գազ գնելու պայմանագիր կնքելու մասին։ 2019 թվականին Վրաստանը 160 խորանարդ մետր գազ է գնել, ինչը կազմել է ներմուծման ընդհանուր ծավալի մոտ 5%-ը։ Նշենք, որ Վրաստանը 2006 թվականից Ռուսաստանից գազ չէր գնում։

Հիշեցնենք՝ մինչ 2016 թվականը «Գազպրոմը» բնամթերքով էր վճարում գազի տարանցման դիմաց․ Վրաստանը գազի ֆիքսված ծավալ էր ստանում դեպի Հայաստան տարանցումն իրականացնելու համար։ 2016 թվականից Վրաստանը փոխել է մոտեցումը  բոլոր այն երկրների հետ, որոնց հետ տարանցման պայմանագրեր ունի։

Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին

Ընդդիմությունը մեղադրում էր իշխանությանը, որ նպաստում է ռուսական ընկերության ներթափանցմանը վրացական շուկա, հատկապես, որ նոր համաձայնագրով Վրաստանը մի քանի տասնյակ միլիոն դոլար պակաս է ստացել։

Նշենք, որ Ռուսաստանի ու Հայաստանի միջև կնքված պայմանագրի համաձայն՝ տարեկան մինչև 2,5 միլիարդ խորանարդ մետր գազ է մատակարարվում մեր երկիր։ Ավելի վաղ ՀՀ վարչապետ Նիկոլ Փաշինյանը հայտնել էր, որ Հայաստանի համար ռուսական գազի գինը նվազեցնելու հնարավորություն կա։ 2019 թ-ի հունվարի 1-ից ռուսական գազի գինն աճել է հազար խորանարդ մետրի դիմաց 150-ից մինչև 165 դոլար, բայց բնակչության համար սակագինը մնացել է նույնը՝ ընկերության ծախսերի կրճատման հաշվին։

 

175
թեգերը:
«Գազպրոմ Արմենիա» ընկերություն, Ռուսաստան, գազի սակագին, գազ, Վրաստանի Հանրապետություն