Վրաստանի ոստիկանություն

Վրաստանում մահացած հայի մարմինը չեն կարողանում տեղափոխել Երևան.դեսպանատան մեկնաբանությունը

181
(Թարմացված է 17:14 13.10.2018)
Վրաստանում Հայաստանի դեսպանատունը բացատրել է, թե ինչու Թբիլիսիից 30 կմ հեռավորության վրա տեղի ունեցած սարսափելի ՃՏՊ-ի հետևանքով մահացած հայի մարմինն առայժմ չի տեղափոխվել Երևան:

ԵՐԵՎԱՆ, 13 հոկտեմբերի – Sputnik. Ողբերգական ավտովթարից մահացած Հայաստանի քաղաքացի Սամվել Գևորգյանի հարազատներն այդպես էլ չեն արձագանքել օգնության մասին դեսպանատան առաջարկին: Այս մասին Sputnik Արմենիային հաղորդեցին Վրաստանում Հայաստանի դեսպանատնից:

Ավելի վաղ Shamshyan.com-ը հաղորդել էր, որ Վրաստանում հայկական բեռնատարի մասնակցությամբ սարսափելի ավտովթարի մասին՝ պնդելով, որ Վրաստանում Հայաստանի դեսպանատունը ոչ մի կերպ չի արձագանքել միջադեպին և օգնության ձեռք չի մեկնել մահացածի հարազատներին: Աղբյուրի տվյալներով՝ հարազատները և մտերիմներն արդեն երեք օր գտնվում են Վրաստանում, սակայն չեն կարողանում Սամվելի դին տեղափոխել հայրենիք:

Դեսպանատանն այս տեղեկատվությունը կտրականապես հերքում են: Մամուլի ծառայությունից հաղորդեցին, որ հարազատները օգնություն են խնդրել վթարի հաջորդ օրը՝ հոկտեմբերի 9-ին:

«Վրաստանում ՀՀ հյուպատոսը նրանց տրամադրել է  իրավաբանի հեռախոսահամար և նշել, որ իրավաբանն անվճար խորհրդատվություն կտրամադրի, բացի այդ նրանց տրամադրել է գործով զբաղվող քննիչի տվյալները», — ասացին դեսպանատնից:

Ապա դրա մասին տեղեկացվել է Վրաստանում ՀՀ դեսպան Ռուբեն Սադոյանը, ով զոհվածի բարեկամներին հրավիրել է դեսպանություն՝ նրանց հետ հանդիպելու և ցանկացած հարցով օգնելու համար։

«Սակայն բարեկամներն այդպես էլ չեն եկել դեսպանություն», — ասացին դեսպանատնից:

Ավելի վաղ տեղեկացրել էինք, որ հոկտեմբերի 8-ի լույս 9-ի գիշերը Երևան քաղաքի Շենգավիթ վարչական շրջանի բնակիչ Սամվել Գևորգյանը Freelander 11264 մակնիշի 272 ՍԼ 25 համարանիշի ավտոմեքենայով Ռուսաստանի Դաշնությունից դեպի Երևան ընթանալիս, Թբիլիսի քաղաքից 30 կմ հեռավորության վրա, կեսգիշերին դուրս է եկել հանդիպակաց երթևեկելի գոտի և մոտ 15 մետր գլորվել ձորը:

Ավտոմեքենայում, որը բարձված է եղել 22 տոննա ալյուրով, հրդեհ է բռնկվել: Մեքենան ամբողջովին վերածվել է մոխրակույտի:

181
թեգերը:
ավտովթար, Վրաստանի Հանրապետություն
թեմա:
Վթարներ, պատահարներ, սպանություններ (628)
Ըստ թեմայի
Ավտովթար Բաղրամյան պողոտայում. կա տուժած
Խոշոր ավտովթար Վայոց Ձորի մարզում. վթարի մեղավորը եղել է ոչ սթափ վիճակում
Ողբերգական ավտովթար Արարատում. 2 մարդ զոհվել են
Ավտովթար Գեղարքունիքում. Մեծ Բրիտանիայի և Հնդկաստանի քաղաքացիները տեղափոխվել են հիվանդանոց
Ողբերգական ավտովթար Երևան-Սևան ճանապարհին. Lexus-ի վթարի պատճառով կա զոհ և վիրավոր