ԵՐԵՎԱՆ, 2 սեպտեմբերի — Sputnik. «Ռուսաստանի հետ С-400–ի վերաբերյալ գործարք ենք կնքել։ Ոմանց դա մտահոգում է։ Կներեք, սակայն մենք որևէ մեկից թույլտվություն չենք հարցնելու», – ասել է նա։
Ավելի վաղ Էրդողանը հայտարարել էր, որ երկիրը հույս ունի ԶՀՀ ստանալ մոտ ժամանակներում՝ անկախ ԱՄՆ ճնշումների։
Նշենք, որ երկու երկրների միջև վարկային համաձայնագիրը ստորագրվել էր 2017 թվականի դեկտեմբերին։ Անկարան С-400 երկու մարտկոց կգնի և ինքնուրույն կսպասարկի դրանք։
ԱՄՆ–ն և ՆԱՏՕ–ի արևմտյան գործընկերները բազմիցս մեղադրել են Թուրքիային այդ գործարքի համար։ Հայտնում էին, որ ամերիկացի կոնգրեսականները մտադիր են կասեցնել F-35 մատակարարումները թուրք գործընկերներին` կապված С-400 վերաբերյալ Անկարայի ծրագրերի հետ։
С-400 «Տրիումֆը» մեծ հեռահարության նորագույն հակաօդային պաշտպանության զենիթահրթիռային համակարգ է։ Նախատեսված է ավիացիայի, թևավոր և բալիստիկ, այդ թվում՝ միջին գործողության շառավղով հրթիռների ոչնչացման համար, ինչպես նաև կիրառվում է ցամաքային օբյեկտների դեմ։ С-400-ի հեռավորությունը 400 կիլոմետրի է հասնում, այն կարող է ոչնչացնել մինչև 30 կիլոմետր բարձրության վրա գտնվող թիրախներ: С-400 «Տրիումֆը» համալրել է ռուսական բանակի սպառազինությունը 2007 թվականին:
