Կարմիր խաչ

Կարմիր խաչի ներկայացուցիչները Ստեփանակերտում և Բաքվում այցելել են գերիներին

56
Կազմակերպության աշխատակիցները պարբերաբար այցելում են այդ մարդկանց` նրանց մնալու պայմաններին ծանոթանալու, ինչպես նաև նրանց` հարազատների հետ կապ պահպանելու հնարավորություն տալու նպատակով։

ԵՐԵՎԱՆ, 16 ապրիլի — Sputnik. Կարմի խաչի միջազգային կոմիտեի ներկայացուցիչներն Արցախում և Ադրբեջանում այցելել են ադրբեջանցի ու հայ գերիներին։ Այդ մասին Sputnik Արմենիային տեղեկացրեց ԿԽՄԿ արցախյան ներկայացուցչության աշխատակից Էթերի Մուսայելյանը։

Ներկա պահին Ադրբեջանում են գտնվում Հայաստանի քաղաքացի Զավեն Կարապետյանը և Արցախի բնակիչ Արսեն Բաղդասարյանը։

Արցախում պահվում են երկու ադրբեջանցիներ` ցմահ ազատազրկման դատապարտված Դիլգամ Ասկերովը և 22 տարվա ազատազրկման դատապարտված Շահբազ Գուլիևը, որոնք մեղադրվում են լրտեսության, պետական սահմանը հատելու, անօրինական կերպով զենք պահելու, մարդկանց առևանգելու և սպանության մեջ։

«Կարմիր խաչի միջազգային կոմիտեի ներկայացուցիչները մարտի վերջին և ապրիլի սկզբին հերթական այցելությունն են կատարել ԼՂ հակամարտության հետ կապված բանտարկված անձանց: Մենք շարունակում ենք այս մարդկանց այցելել պարբերական ռեժիմով: Իր մանդատի համաձայն՝ ԿԽՄԿ-ն բանտարկյալներին այցելում է նրանց պահելու պայմանների, նրանց նկատմամբ վերաբերմունքի մոնիթորինգ անցկացնելու համար, ինչպես նաև նրանց հարազատների հետ կապ պահպանելու հնարավորություն տալու նպատակով»,- նշեց Մուսայելյանը։

Նշենք, որ դեռ ընթացիկ տարվա փետրվարին Ադրբեջանի գերիների, պատանդների և անհայտ կորած անձանց հարցերով պետական հանձնաժողովի քարտուղար Իսմայիլ Ախունդովը հայտարարել էր, որ Բաքուն դիմել է մի քանի միջազգային կազմակերպությունների` Դիլգամ Ասկերովին և Շահբազ Գուլիևին ազատագրելու հարցով։ Փոխարենն ադրբեջանական կողմը պատրաստակամություն է հայտնել դիտարկել հարցը` Ադրբեջանում պահվող հայերին ազատ արձակելու դիմաց։

56
Ըստ թեմայի
Կարմիր խաչի աշխատակիցներն այցելել են Բաքվում բանտարկված երկու հայերին
Կարմիր խաչի ներկայացուցիչները Բաքվում այցելել են Զավեն Կարապետյանին
Կարմիր խաչի ներկայացուցիչներն այցելել են հայ ռազմագերուն