Վրաստանի ոստիկանություն

Սարսափելի սպանություն Թբիլիսիում․տղամարդը մորթել է խորթ աղջկան նրա երեխաների աչքերի առաջ

369
Տղամարդը կտրել է իր նախկին կնոջ դստեր կոկորդը ու թաքնվել դեպքի վայրից։ Ողբերգությունից առաջ սպանվածի մայրը պաշտոնական հրամանագիր էր ստացել, որն արգելում էր այդ մարդուն մոտենալ իրենց, սակայն դա չփրկեց նրա դստերը։

ԵՐԵՎԱՆ, 15 ապրիլի — Sputnik. Սարսափելի ողբերգություն է տեղի ունեցել Թբիլիսիում։ Տղամարդը մորթել է խորթ աղջկան` նրա երեխաների աչքերի առաջ։ Այս մասին հայտնում է Sputnik Գրուզիան՝ հղում անելով Վրաստանի ներքին գործերի փոխնախարար Նաթիա Մեզվրիշվիլիին։

«Թբիլիսիի կենտրոնում ոստիկանության աշխատակիցները ձերբակալել են 25 տարեկան կնոջ սպանության մեջ մեղադրվողին։ Տղամարդը կտրել է 25-ամյա աղջկա կոկորդը նրա երեխաների աչքի առաջ, որից հետո թաքնվել է հանցագործության վայրից։ «Կանխամտածված սպանություն» հոդվածով քրեական գործ է հարուցվել։ Այդ հոդվածը նախատեսում է 7-ից 15 տարի ազատազրկում», — հայտնում է Վրաստանի ՆԳՆ։

Դեպքը դատի է ունեցել Թբիլիսիի կենտրոնական փողոցներից մեկում՝ ապրիլի 13-ին։

Կասկածյալը նախկինում դատված է եղել ընտանեկան բռնության մեղադրանքով, սակայն նա ժամանակից շուտ է ազատ արձակվել։ Մասնավորապես, նա սպանվածի մորը ծանր առողջական վնաս էր պատճառել, որի համար 2015 թվականին դատարանը նրան մեղավոր է ճանաչել ու կալանքի դատապարտել։  Նրան ներում է շնորհվել ու 2017 թվականի մայիսի 25 –ին նա ազատ է արձակվել։

Ոստիկանությունը ձերբակալել է կասկածյալին Թեթելի գյուղում (Քվեմո Քարթլիի մարզ) ու առգրավել է նրանից սպանության ենթադրյալ գործիքը։ Համապատասխան փորձաքննություն է նշանակվել։ ՆԳՆ-ում չեն ճշտել՝ արդյո՞ք մեղադրյալն ընդունում է իր մեղքը։

Բացի այդ, քննությունը հայտնաբերել է, որ սպանությունից մի քանի ժամ առաջ աղջիկը մոր հետ ոստիկանության էր դիմել ու մոր համար պաշտպանական հրամանագիր խնդրել։ Նա մորից շուտ է լքել ոստիկանության բաժանմունքը՝ պատճառաբանելով դա անձնական գործերով։ Սպանության մասին ահազանգը եկել է պաշտպանական հրամանագիրը տալուց մի քանի ժամ անց։

369
Ըստ թեմայի
Դաժան սպանություն Արմավիրի մարզում. սպանելուց հետո տղամարդու դին վառել են իր իսկ տանը
Սպանություն Ֆլորիդայում. տուժել է շերիֆի տեղակալի որդին, 4 մարդ ծայրահեղ ծանր վիճակում են
Ողբերգություն Ամերիկայում. դպրոցականը զանգվածային սպանություն էր ծրագրել, 17 զոհ կա