Բաքու

Վիճաբանություն ադրբեջանցի լրագրողների և ԵԱՀԿ դիտորդների միջև. ասուլիսն ընդհատվել է

127
Ադրբեջանում լրագրողները փորձել են տապալել ԵԱՀԿ դիտորդների` արտահերթ նախագահական ընտրությունների վերաբերյալ ասուլիսը։

ԵՐԵՎԱՆ, 12 ապրիլի — Sputnik. ԵԱՀԿ դիտորդների հատուկ համակարգող Նիլզա դե Սենան հայտարարել է, որ Ադրբեջանում նախագահական ընտրություններն անցկացվել են անբավարար մրցակցության պայմաններում, իրավունքների և ազատությունների սահմանափակմամբ։ Այս մասին հաղորդում է ՌԻԱ Նովոստին:

«Ադրբեջանի Հանրապետությունում նախագահական ընտրություններն անցկացվել են իրավունքների և ազատությունների սահմանափակման պայմաններում և անբավարար մրցակցությամբ»,- ասել է նա Բաքվում կայացած մամուլի ասուլիսի ժամանակ:

Ասուլիսին մասնակցող ադրբեջանցի լրագրողներն ընդհատել են ԵԱՀԿ դիտորդների խոսքը:

Ադրբեջանական «Սես» գործակալության ղեկավար Բահրուզ Գուլիևն մեղադրել է դիտորդներին, ասելով, որ եզրակացությունները նախապես պատրաստված են եղել: Սկսվել է վիճաբանություն:

Ասուլիսն ընդհատվել է, բայց մի քանի րոպե անց դիտորդները վերադարձել են և շարունակել հայտնել իրենց գնահատականները:

Հիշեցնենք, որ ապրիլի 11–ին Ադրբեջանում կայացած արտահերթ նախագահական ընտրությունների նախնական արդյունքներով՝ Իլհամ Ալիևը հավաքել է ընտրողների ձայների 86,03 տոկոսը:

Ադրբեջանի ընդդիմադիր «ժողովրդավարական ուժերի ազգային խորհուրդը» և «Մուսավաթ» կուսակցությունն արդեն հայտարարել են ընտրությունների արդյունքները չճանաչելու մասին:

127
Ըստ թեմայի
Բաքվի «սև ցուցակը» խոչընդոտ չէ. հայտնի շեֆ խոհարար Բուրդենը CNN–ով կներկայացնի Արցախը
Իլհամ Ալիևի հայտարարությունը ոչ մի քննադատության չի դիմանում. Զատուլին
Իլհամ Ալիևը ձայների մեծամասնությամբ վերընտրվեց նախկին պաշտոնում