Թադևոս Ավետիսյան

Գնաճը Հայաստանում միջազգայինից կրկնակի բարձր տեմպ ունի. ինչ է փորձում կոծկել իշխանությունը

133
(Թարմացված է 16:41 21.07.2021)
Տնտեսագետ, ՀՅԴ բյուրոյի տնտեսական հետազոտությունների գրասենյակի համակարգող Թադևոս Ավետիսյանը Sputnik Արմենիայի եթերում անդրադարձել է առաջին անհրաժեշտության պարենային ապրանքների շարունակական գնաճին։
Ավետիսյան. «Սննդամթերքի գնաճը շարունակաբար զուգորդվում է մարդկանց եկամուտների չափի նվազմամբ»

Թադևոս Ավետիսյանի դիտարկմամբ` թեև ներկրվող ապրանքների մեծ մասի պարագայում դրանց ձեռքբերման արտաքին շուկաներում կա գնաճ, սակայն ՀՀ–ում այդ ապրանքների գներն ավելանում են երկու անգամ ավելի բարձր տեմպով, քան միջազգային շուկաներում, առավել ևս, որ ազգային արժույթն էլ վերջին շրջանում կայունացել է։

Գնաճի ֆոնին աշխատավարձերը նվազում են, տնտեսությունը` աճում. ի՞նչ է կատարվում Հայաստանում

Ըստ Ավետիսյանի` հիմնական պատճառը ներմուծման ոլորտում մենաշնորհացման պահպանվող բարձր աստիճանն է և առիթից օգտվելով` դրա գործադրումը հայաստանյան փոքր շուկայում։

«Որքան էլ օրվա իշխանությունները փորձեն կոծկել այս իրողությունը, միևնույնն է, մենաշնորհացման գործընթացը խորանում է։ Իսկ երկրորդ պատճառը կապված է տնտեսության իրական ցուցանիշների անկման հետ, այսինքն` որոշակիորեն նվազում է պահանջարկը, որովհետև մարդկանց եկամուտները չեն աճում, գնաճն էլ իր հերթին բերում է մարդկանց իրական եկամուտների չափի նվազման։ Պահանջարկը կրճատվում է, և տնտեսվարողները դրանից դրդված ու նաև շահույթները պահպանելու նպատակով փորձում են գնալ ապրանքների թանկացման ճանապարհով»,– ասաց տնտեսագետը։

Ավետիսյանի կարծիքով` սննադամթերքի գնաճն անհանգստացնող է ոչ միայն տնտեսական առումով, այլև հատկապես սոցիալական հետևանքների առումով, հետևաբար կառավարությունը պետք է առաջնորդվի ոչ թե լոկ մանիպուլյացիաներով կամ հայտարարություններով, այլ արդյունավետ գործիքակազմի կիրառմամբ։ Առաջին հերթին անհրաժեշտ է նվազեցնել ներկրման ոլորտում բարձր մենաշնորհացման աստիճանն ու բացառել դիրքի չարաշահումը, որպեսզի ականատես չլինենք արհեստական գնաճի շարունակականությանը։

Տնտեսագետի համոզմամբ` պետությունը պետք է գյուղատնտեսության ոլորտին ցուցաբերի թիրախավորված աջակցություն հատկապես պարենային անվտանգության ապահովման համատեսքտում, ուստի անհրաժեշտ է պետական օժանդակությամբ առավելագույնի հասցնել հողատարածքների ներուժի օգտագործումը` խթանելով տեղական ապրանքների արտադրությունը ներկրվող թանկ բնամթերքի համեմատ։

Ըստ նրա`շատ կարևոր է, որ պետությունն ունենա նաև պարենային անվտանգության հստակ կոնցեպտ, ինչը թույլ կտա գնաճը կասեցնող և կարգավորող գործառույթներ իրականացնել։

Նշենք, որ 2020 թվականի դեկտեմբերի համեմատ 2021 թվականի հունիսին սննդամթերքի միջին գներն աճել են 5,4 տոկոսով, սակայն ՀՀ դրամն արժևորվել է շուրջ 10 տոկոսով։

«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ

Պաշտոնական վիճակագրության համաձայն` ներմուծվող առաջին անհրաժեշտության ապրանքների գնաճի միջին տեմպը մեր երկրում շուրջ 2 անգամ գերազանցում է միջազգային շուկաներում արձանագրվածին։

Հավելենք, որ 2021 թվականի հունվար-մայիսին 2020 թվականի նույն ժամանակահատվածի համեմատ միջին աշխատավարձն էլ աճել է սննդամթերքի գնաճից 2 անգամ պակաս չափով՝ ընդամենը 4,4 տոկոսով։ 

Համաշխարհային շուկայում նորից գնաճ է նկատվում. Հայաստանն անմասն մնալ չի կարող. ԿԲ նախագահ

133
թեգերը:
գնաճ, Հայաստան, տնտեսագետ, Իշխանություն, Թադևոս Ավետիսյան
Ըստ թեմայի
«Կապիտալը փախչում է երկրից». Ավետիսյանը` ներդրումների և կարանտինի երկարաձգման մասին
Բյուջեի կատարողականի բեմականացումը, կամ բոլորը մեղավոր են, բացի իրական պատասխանատուից
Ադրբեջանից բենզի՞ն է ներկրվում. տնտեսագետը բենզինի գնաճի հիմնավորումներին չի հավատում
Հովհաննես Քոչարյան

Պետությունը պետք է պաշտպանի իր ծառայողներին. Քոչարյանը` հայհոյանքը քրեականացնելու մասին

50
(Թարմացված է 22:17 30.07.2021)
ՀՀ ոստիկանապետի նախկին տեղակալ Հովհաննես Քոչարյանը Sputnik Արմենիայի եթերում անդրադարձել է Ազգային ժողովի կողմից հայհոյանքը քրեականացնելու մասին նախագծի ընդունմանն ու կիրառական նշանակությանը։
Հովհաննես Քոչարյան. «Որպեսզի օրենքն աշխատի, կաևոր է նաև կայուն դատական պրակտիկայի ձևավորման խնդիրը»

ՀՀ ոստիկանապետի նախկին տեղակալ Հովհաննես Քոչարյանը ողջունում է հայհոյանքը քրեականացնելու մասին նախագծի ընդունումը։

Նրա կարծիքով` եթե խոսքը վերաբերում է, օրինակ, պետական ծառայողներին, ապա պետությունը պետք է կարողանա իր ծառայողներին պաշտպանել հարձակումներից։ Դա կարող է լինել երկու ճանապարհով` կա՛մ վիրավորանքի ու զրպարտության դեպքում պետությունը ստանձնի իր ներկայացուցիչների պաշտպանությունը դատարանում քաղաքացիական կարգով վեճեր լուծելիս, կա՛մ պետք է քրեականացնի հայհոյանքը, ինչն արվեց։  

«Ոստիկանությունում աշխատելու տարիներին բազմիցս տեսել եմ, թե ինչպես են պաշտոնյաները դառնում զրպարտչական, վիրավորական հարձակումների թիրախ։ Ոչ մի պաշտոնական, պետական հերքում էլ արդյունք չէր տալիս։ Կարծում եմ, որ այս օրենքի ընդունումը մասնավորապես պետական ծառայողների պաշտպանության համար է, և, անկախ նրանց դիրքից և զբաղեցրած պաշտոնից, ճիշտ քայլ է։ Երբեմն թվում է, թե գործ ունենք մասնավոր դեպքերի հետ, բայց իրականում դա կապված է պաշտոնատար անձանց հանրային գործունեության հետ»,– ասաց ՀՀ ոստիկանապետի նախկին տեղակալը Sputnik Արմենիայի եթերում։

Անդրադառնալով մասնավորապես համացանցում, օնլայն հարթակներում հաճախ հնչող հայհոյանքներին` Քոչարյանն ընդգծեց, որ նշված տիրույթում վերահսկողության հետ կապված հարցի առթիվ ունի վերապահում, քանի որ իրավապահ մարմինները ծախսելու են մեծ ռեսուրսներ նույնականացնելու համար այն անձին, ով տարածում է հայհոյանքը համացանցում, հատկապես եթե քողարկված օգտատեր է։ Հետևաբար` այստեղ օրենքը կարող է լիարժեք չգործել, և այդ անձին ժամանակին հայտնաբերելը կարող է լինել խնդրահարույց։  

«ՏՏ ոլորտի մասնագետները քողարկված օգտատերերին բացահայտելու հնարավորությունն ունեն, բայց եթե հայհոյանքը դրսից է հասցեագրվում անձին կամ տեղեկատվական հարթությունում արվում է քողարկված կերպով, ապա այստեղ կարող են առաջանալ մեծ բարդություններ։ Սա խնդիր է, որն օրենքի լիարժեք կիրառման համար խոչընդոտ կհանդիսանա»,– նշեց ՀՀ ոստիկանապետի նախկին տեղակալը։  

«Հայհոյանքը քրեականացնելու ժամանակ դեռ կլինի». Զոհրաբյանը նյարդային ելույթ ունեցավ ԱԺ–ում

Քոչարյանի կարծիքով` կոնկրետ հայհոյանք բառի ձևակերպման ու եզրույթների հետ կարող են լինել անորոշություններ, սակայն չարժե բացարձականացնել հարցը, քանի որ Մարդու իրավունքների եվրոպական դատարանը և մեր Վճռաբեկ դատարանը վիրավորանքի և զրպարտության հատկանիշների վերաբերյալ բավականին հարուստ դիրքորոշումներ են կուտակել և այսօր էլ, երբ մարդու նկատմամբ կիրառվում է քաղաքացիական պատասխանատվություն, դա արվում է հենց այդ իրավական դիրքորոշումների շրջանակում։ 

Ըստ նրա` այժմ նույն իրավական դիրքորոշումներով պետք է քրեական արդարադատություն իրականացվի, և պետությունն այստեղ անզոր չէ այդ ինստիտուտը կիրառելու հարցում։ Ամեն դեպքում կայուն դատական պրակտիկայի ձևավորման խնդիր կա առաջիկայում, եթե օրենքն աշխատի և եթե ճիշտ դատական պրակտիկա ձևավորվի Եվրոպական դատարանի լույսի ներքո, ապա խնդիրը չի ծանրանա այն աստիճան, որ օրենքի վերանայման հարց առաջանա։    

Նշենք, որ Ազգային ժողովն այսօր ընդունեց հայհոյանքը քրեականացնելու մասին նախագիծը, որի համաձայն` հայհոյանքը, անգամ հեռավար պայմաններում (օնլայն), առաջացնում է պատիժ`տուգանքից մինչև կալանք։

Օրենքն ընդունվեց 75 կողմ ձայնով, ձեռնպահ և դեմ քվեարկողներ չկային։

50
թեգերը:
Հայաստան, ԱԺ, հայհոյանք, Օրենք
Ալեքսանդր Մարկարով

Ի՞նչ հարցեր են քննարկելու նոր գումարման ԱԺ–ի առաջին նիստում

42
Քաղաքագետ, ԱՊՀ ինստիտուտի հայաստանյան մասնաճյուղի տնօրեն Ալեքսանդր Մարկարովը Sputnik Արմենիայի եթերում անդրադարձել է Ազգային ժողովի ներկա գումարման վերջին նիստում քննարկված օրինագծերին, ինչպես նաև հաջորդ գումարման ԱԺ–ի օրակարգում ընդգրկվելիք հարցերին։
Ալեքսանդր Մարկարով. Օրակարգային հարցեր, որոնց մասին խոսում են ոչ այնքան ներքին, որքան արտաքին դերակատարները

Ազգային ժողովում կան քաղաքական դաշտի տարբեր հատվածների ներկայացուցիչներ, և նրանցից յուրաքանչյուրն ունի իր պատկերացումները ներքին ու արտաքին գերակայությունների վերաբերյալ, բայցևայնպես գալիք խորհրդարանի առաջին նիստում օրակարգային կդառնան այն հարցերը, որոնք հուզում են ամբողջ հասարակությանը և որոնց մասին խոսում են ոչ այնքան ներքին, որքան արտաքին դերակատարները։ Sputnik Արմենիայի հետ զրույցում նման կարծիք հայտնեց Ալեքսանդր Մարկարովը։

«Մենք տեսանք Մինսկի խմբի համանախագահների հայտարարությունը, Գերմանիայի խորհրդարանի հայտարարությունը, ՄԱԿ–ի կողմից հնչած անհանգստությունը, այսինքն` այն ամենը, ինչ օրակարգային է, իր անդրադարձը կգտնի ԱԺ հաջորդ գումարման հենց առաջին նիստում»,– ասաց քաղաքագետը։

Մարկարովի կարծիքով` այն հարցերը, որոնք քննարկվում էին ընթացիկ խորհրդարանի վերջին նիստում, գուցե հանրային տեսանկյունից չունեն առաջնային նշանակություն և գալիք ԱԺ–ում գուցե կունենային ավելի խորքային ու բովանդակային քննարկում, սակայն զուտ օրենսդրական նախաձեռնության ընդունման տեսանկյունից մեծամասնություն կազմած իշխող ուժը խնդիր չունի ոչ հիմա և ոչ էլ գալիք խորհրդարանում։

«Ամենայն հարգանքով Աճառյանի հանդեպ, բայց...». ԱԺ–ում վիճում են «հայհոյանք» բառի շուրջ

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

Նորընտիր Ազգային ժողովի առաջին նիստը կկայանա օգոստոսի 2-ին։

«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով

42
թեգերը:
Հայաստան, ԱԺ, Ալեքսանդր Մարկարով
Ըստ թեմայի
Պատերազմը քննելու գործը իշխանությունը և ընդդիմությունը փորձում են խլել իրարից. Սուրենյանց
«Ես նմա՞ն եմ մարդու, որ վախենում է լրագրողներից». Ալեն Սիմոնյան
Սահմանին տեսալուսանկարահանում անելու համար 100 հազար դրամ տուգանք կսահմանվի
Շտապօգնության մեքենա. արխիվային լուսանկար

Երևանում «Opel Astra» է այրվել. վարորդը հիվանդանոցում է

0
«Opel Astra»–ի հրդեհը բռնկվել է Երևան քաղաքի Գևորգ Չաուշի փողոցի թիվ 7/4 հասցեի մոտակայքում։

ԵՐԵՎԱՆ, 31 հուլիսի – Sputnik. Երևանում հրդեհ է բռնկվել «Opel Astra» մակնիշի ավտոմեքենայում, վարորդը տուժել է։ Տեղեկությունը հայտնում է ՀՀ ԱԻՆ մամուլի ծառայությունը։ 

Հաղորդագրության համաձայն` հուլիսի 30-ին, ժամը 22:43-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորաշեն թաղամասի մոտակայքում այրվում է ավտոմեքենա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Գ․ Չաուշի փողոցի թիվ 7/4 հասցեի մոտակայքում։

Հրդեհը մեկուսացվել է ժամը 22։55-ին, մարվել՝ 23։06-ին: Այրվել է «Opel Astra» մակնիշի ավտոմեքենան․ վարորդը հոսպիտալացվել է «Արմենիա» ՀԲԿ։

Հրդեհ ավտոմեքենայում. Nissan Tiida–ի 39–ամյա վարորդն այրվածքներ է ստացել

0
թեգերը:
վթար, ավտոմեքենա, վարորդ
Ըստ թեմայի
Դիլիջանի ոլորաններում մեքենաների բախման հետևանքով հրդեհ է բռնկվել. տուժածներ կան
Առայժմ անհայտ հանգամանքներում մեքենա է հրդեհվել Աբովյանում
Գյումրիում միմյանց բախված մեքենաները հրդեհվել են. կան տուժածներ