Սամսոն Գրիգորյան

Իշխանությունը խաբո՞ւմ է. ինչու է հեռանում ՊԵԿ «վերնախավը»

662
(Թարմացված է 16:14 20.07.2021)
«Կասեցում» քաղաքացիական շարժման համակարգող, գործարար Սամսոն Գրիգորյանը Sputnik Արմենիայի եթերում անդրադարձել է ՊԵԿ-ում հնարավոր պաշտոնանկություններին, նշել, թե ինչը կարող էր նման որոշման պատճառ լինել։ 
Իշխանությունը ստո՞ւմ է. ինչու է հեռանում ՊԵԿ «վերնախավը»

Եթե իշխանություններն անընդհատ խոսում են հարկային եկամուտների աճի մասին, նշանակում է կառավարությունն ընդհանուր առմամբ գոհ է ՊԵԿ-ի աշխատանքից, բայց որոշել է ղեկավարությանը փոխել՝՝ այստեղ որևէ լոգիկա չկա, միակ պատճառը կարող է քաղաքական լինել։ Sputnik Արմենիայի հետ զրույցում նման կարծիք հայտնեց գործարար Սամսոն Գրիգորյանը` մեկնաբանելով ՊԵԿ նախագահի, նրա տեղակալի մասին հնարավոր պաշտոնանկությունների վերաբերյալ մամուլում տարածված տեղեկությունները։

«Քաղաքական իշխանությունն անընդհատ շեշտում է, որ աշխատատեղեր են ավելացել, հարկային եկամուտներն են անընդհատ ավելանում, և մեկ տարում կաշառակերության 1-2 դեպք է ԱԱԾ-ն բացահայտել։ Կարծում եմ`դա հրաշալի ցուցանիշ է, և տվյալ ՊԵԿ նախագահին կարելի էր շատ բարձր պարգևների ներկայացնել»,- ասաց նա։

Ի դեպ, ըստ որոշ տեղեկությունների, ՊԵԿ-ում աշխատակիցների «կոտորածի» պատճառներից մեկն էլ Զանգեզուրի պղնձամոլիբդենային կոմբինատն է, որտեղ ՊԵԿ ղեկավարները «պատշաճ հարկային տեռոր չեն իրականացրել»։ 

Գրիգորյանը սա ևս հնարավոր սցենար է համարում։ 

«Չեմ բացառում, որ համապատասխան պաշտոնյանները չկարողանան գտնել լծակներ թեկուզ Զանգեզուրի պղնձամոլիբդենայինի վրա, և դրա պատճառով ամեն ինչ լինի այսպիսին։ Ամեն ինչ հնարավոր է»,- նշեց նա։

Գրիգորյանը մեկ այլ վարկած էլ է առաջ քաշում. եթե քաղաքական իշխանությունը նման որոշում է կայացրել` չի բացառվում, որ այս ընթացքում կառավարությունն ու ՊԵԿ-ը խաբեությամբ են զբաղվել։

«Հնարավոր է` մեզ խաբել են. իրականում ամեն ինչ այդքան էլ լավ չի եղել, կոռուպցիան ավելի շատ է եղել, կամ հավաքագրումներն են քիչ եղել»,- ընդգծեց գործարարը։

Անկախ նրանից, թե ինչպիսին կլինի վերջնարդյունքը, գործարարը ՊԵԿ նախագահ Էդուարդ Հովհաննիսյանի և բոլոր փարձառու մասնագետների վերաբերյալ մեկ դիտարկում ունի. ազնիվ չէ, երբ որևէ պաշտոնյա իր ոլորտում մեծ առաջընթաց է գրանցում և հանկարծ հեռանում է այդ ոլորտից։

ՊԵԿ պաշտոնատար անձինք կաշառք են պահանջել խախտումները չնկատելու համար. ԱԱԾ

Նշենք, որ մամուլը գրում է, որ ՊԵԿ նախագահ Էդուարդ Հովհաննիսյանին փոխարինելու է արդարադատությայն նախարար Ռուստամ Բադասյանը. Հովհաննիսյանն աշխատակազմին արդեն իսկ տեղեկացրել է իր հեռանալու մասին։ Տեղեկություններ են շրջանառվում նաև նրա առաջին տեղակալ Ռաֆիկ Մաշադյանի պաշտոնանկության վերաբերյալ։

662
թեգերը:
Պետական եկամուտների կոմիտե (ՊԵԿ), Սամսոն Գրիգորյան
Ըստ թեմայի
Հայաստան ներկրված ավտոմեքենաներն առանց մաքսազերծելու մասնատել են. ՊԵԿ–ի տեսանյութը
ՊԵԿ-ը բացահայտել է աշխատողի չձևակերպման ու ՀԴՄ-ի կիրառման կանոնների խախտման դեպքեր
ՊԵԿ–ը 34 կգ քաշով դեղամիջոցների անօրինական ներմուծման դեպք է բացահայտել
Ներսես Շադունց

Ի՞նչ իրավիճակ է Տեղ գյուղում. համայնքի ղեկավարը մանրամասներ է ներկայացրել

152
(Թարմացված է 21:02 31.07.2021)
Սյունիքի Տեղ համայնքի ղեկավար Ներսես Շադունցը Sputnik Արմենիայի եթերում նշել է, որ համայնքում կամավորական ու զինվորական թիկունք թիկունքի կանգնած հսկում են, որ թշնամին ոչ մի սանտիմետր առաջ չգա։
«Երկիրը վտանգված է, մեզ ավելի շատ համախմբվել է պետք». Շադունց

Սյունիքի Տեղ համայնքում և Խոզնավարի հատվածում թշնամու կողմից ժամանակ առ ժամանակ ակտիվություն է նկատվում, բայց վերջին օրերին այս հատվածում լուրջ միջադեպեր  չեն գրանցվել։ Տեղեկությունը Sputnik Արմենիայի հետ զրույցում հայտնեց Տեղ համայնքի ղեկավար Ներսես Շադունցը։

«Երբեմն ակտիվանում են, երբեմն պասիվ են լինում։ Տեխնիկայի շարժ չեմ նկատել, բայց որ ինժեներական աշխատանքներ անում են, դա փաստ է»,- ասաց նա։

Տեղում ամեն վայրկյան պատրաստ են թշնամու սադրանքներին դիմակայելու։ Կամավորական ու զինվորական թիկունք թիկունքի կանգնած ամեն օր հսկում են, որ թշնամին ոչ մի սանտիմետր առաջ չգա։

«Վտանգը միշտ էլ եղել է, կա, կարծում եմ` դեռ կլինի։ Սպասենք, տեսնենք ինչ է լինելու։ Պատերազմի առաջին օրից մինչև օրս, երբ զանգում ենք, մեր կամավորականները գալիս են, մարտական հերթապահություն ենք իրականացնում»,- նշեց Շադունցը։

Նրա խոսքով` Սյունիքն ու սյունեցին, սակայն, ավելի հանգիստ կլինեն, եթե համայնքների` կալանավորված ղեկավարներն իրենց տեղերում լինեն։

«Ճիշտ կլինի, որ այդ քննություններն արագ ավարտվեն, այդ մարդկանց ազատ արձակեին, յուրաքանչյուրը գնա իր գործին։ Այս պահին մեզ ավելի շատ համախմբվել է պետք, քանի որ երկիրը վտանգված է»,- եզրափակեց Շադունցը։

Հիշեցնենք, որ ադրբեջանցի զինվորականները մայիսի 12-ից Հայաստանի Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։ Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն չունի։ 

Լիսկայի տունը խուզարկել են. Սյունիքի նախկին և ներկա մարզպետների որդիները հետախուզվում են

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցություններն արդյունք չտան։

152
թեգերը:
Սահման, Սյունիք, Տեղ, Գյուղ, Ադրբեջան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Եթե մի պոստը տվեցիր, հաջորդը չես կարա պահես. Երասխում թշնամու սադրանքներից չեն ընկճվում
Ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել
Գեղարքունիքում ծանր վիրավորված զինծառայողի վիճակը բավարար է. նա տեղափոխվել է հիվանդասենյակ
Երեմ Սարգսյան

Սյունիքի համայնքապետների բողոքների քննության հարցում կիրառվում է ընտրովի արդարադատություն

53
(Թարմացված է 18:20 31.07.2021)
Փաստաբան Երեմ Սարգսյանի խոսքով`Վերաքննիչ դատարանում ամեն ինչ հատուկ է արվում, որ հանրային հետաքրքրություն ունեցող գործերի մակագրումները դատարանի նախագահի ձեռքով տակով անցնեն։
«Այո՛, պետք է ազատ արձակվեն». փաստաբանը` մանդատ ստացած Սյունիքի համայնքապետերի մասին

Օգոստոսի 2-ին «Հայաստան» դաշինքի պատգամավորներից առնվազն երկուսը չեն մասնակցի 8-րդ գումարման ԱԺ առաջին նիստին. Մեղրիի նախկին քաղաքապետ Մխիթար Զաքարյանն ու Քաջարանի համայնքապետ Մանվել Փարամազյանը, չնայած Կենտրոնական ընտրական հանձնաժողովից ստացել են իրենց մանդատները, սակայն շարունակում են կալանավորված մնալ։

Նրանց կալանավորելու մասին որոշումը խորհրդարանի աշխատանքների մեկնարկից սկսած կորցնո՞ւմ է ուժը, արդյո՞ք նրանք ձեռք չեն բերում պատգամավորական անձեռնմխելիություն` հետաքրքրվեցինք Մխիթար Զաքարյանի փաստաբան Երեմ Սարգսյանից։ Սարգսյանը, գործի քննության շահերից ելնելով, նախընտրեց ձեռնպահ մնալ։ Խոստացավ հարցին անդրադառնալ Վերաքննիչ դատարանում իր վստահորդի կալանավորման դեմ բողոքի քննությունից հետո։

«Ճիշտ չեմ համարում բացահայտել այն հիմնավորումները, որոնք ես պատրաստվում եմ ներկայացնել, բայց պնդում եմ` այո՛, պետք է նրանք ազատ արձակվեն»,- Sputnik Արմենիայի հետ զրույցում ասաց Սարգսյանը։

Փաստաբանը, սակայն ուշադրություն է հրավիրում Սյունիքի համայնքապետների բողոքների քննության հարցում կիրառվող ընտրովի արդարադատության վրա։ Ասում է` տպավորություն է, որ մինչև տվյալ դատավորից երաշխիք չեն ստանում ցանկալի որոշում կայացնելու համար, գործը նրան չեն մակագրում։

«Մխիթար Զաքարյանի գործը մակագրված է Ռուզաննա Բարսեղյանին։ Դատավորի մասով այս պահին ոչինչ չեմ ասի։ Բայց, եթե վիճակագրությունը նայենք, կտեսնենք, որ ընդհանարապես այն դատավորները, որոնք աչքի են ընկնում ակնհայտ անկախությամբ, նրանց որևէ նման գործ չի մակագրվում»,- նշեց Սարգսյանը։

Վերաքննիչ քրեական դատարանում հուլիսի 22-ից բոլոր բողոքները ձեռագիր են մակագրվում. ԱԱԾ աշխատակիցները` ի թիվս այլ համակարգիչների, առգրավել են նաև համակարգիչը, որով գործերն ավտոմատ համակարգի միջոցով մակագրվում էին դատավորներին։

Փաշինյանը Մեղրիի համայնքապետի ԺՊ է նշանակել ՔՊ–ականի

Նշենք, որ 8-րդ գումարման ԱԺ առաջին նիստը նախատեսված է օգոստոսի 2-ին. նույն օրը` ժամը 16։30, Վերաքննիչ դատարանը կքննարկի Մխիթար Զաքարյանի կալանավորման դեմ բողոքը։

Հիշեցնենք, որ հուլիսի 11-ին ՀՀ ԿԸՀ–ն բավարարել էր դատախազության միջնորդությունը՝ Մեղրի համայնքի նախկին քաղաքապետ, «Հայաստան» դաշինքի պատգամավորության թեկնածու Մխիթար Զաքարյանի նկատմամբ քրեական հետապնդում հարուցելու ու նրան կալանավորելու թույլտվություն տալու մասին:

Հուլիսի 9–ին Մխիթար Զաքարյանը հրաժարվել էր համայնքի ղեկավարի պաշտոնից և նշել, որ ամենայն հավանականությամբ կգնա խորհրդարան։

Նշենք, որ Քաջարանի քաղաքապետ Մանվել Փարամազյանը կալանավորվել է հուլիսի 10-ին՝ երկու ամիս ժամկետով։ Նրան մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախության օժանդակելը կամ կազմակերպելը), 311-րդ հոդվածի (կաշառք ստանալը) և 154.2-րդ հոդվածի (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը) հատկանիշներով։

Փարամազյանն առաջադրված մեղադրանքները չի ընդունում. գտնում է, որ այս ամենն իր նկատմամբ սանձազերծված քաղաքական հետապնդման շղթայի մի մասն է:

 

53
թեգերը:
Սյունիք, Մեղրի, Քաջարան, Երեմ Սարգսյան, Մխիթար Զաքարյան, Մանվել Փարամազյան
Ըստ թեմայի
Բոլոր նորմերն անցել են. փաստաբանը` Մեղրիի նախկին համայնքապետին բերման ենթարկելու մասին
Ստանդարտ սցենարով. Մեղրիի նախկին համայնքապետն էլ կալանավորվեց
Ինչո՞ւ է կալանավորվել Մեղրիի նախկին համայնքապետը. ՔԿ–ն հաղորդագրություն է տարածել
Բելառուսի նախագահ Ալեքսանդր Լուկաշենկոյի թոռնուհին ամուսնացել է

Բելառուսի նախագահ Ալեքսանդր Լուկաշենկոյի թոռնուհին ամուսնացել է

0
(Թարմացված է 22:57 31.07.2021)
Հարսանեկան հանդիսությանը ներկա էին միայն հարազատներն ու մտերիմները։ Պաշտոնական տեղեկատվության համաձայն ՝ հյուրերի ընդհանուր թիվը 70 է եղել։

ԵՐԵՎԱՆ, 31 հուլիսի - Sputnik. Բելառուսի նախագահի ավագ որդու՝ Ալեքսանդր Լուկաշենկոյի ավագ դուստրը՝ 23 - ամյա Վիկտորյան, ամուսնացել է։ Ալեքսանդր Լուկաշենկոյի հետ նորապսակների լուսանկարը հրապարակել է պետության ղեկավարի մամուլի ծառայությանը մոտ գտնվող «Пул Первого» Telegram-ալիքը:

Պապը թոռնուհուն՝ Վիկտորիային և նրա ամուսնուն, շնորհավորել է հարսանիքի օրվա առթիվ։

«Դուք գրում եք ձեր պատմությունը...», - ասել է Ալեքսանդր Լուկաշենկոն:

Հարսանիքը տեղի է ունեցել ընտանեկան նեղ շրջանակում. ներկա են եղել 70 հյուրեր: Փեսայի անձնական կյանքի, գործունեության մասին տեղեկություններ չկան։

Վիկտորյա Լուկաշենկոն Ալեքսանդր Լուկաշենկոյի ավագ որդու՝ Ալեքսանդրի  դուստրն է, ով այժմ զբաղեցնում է Ազգային օլիմպիական կոմիտեի նախագահի պաշտոնը։ Վիկտորիան մասնագիտությամբ տնտեսագետ-միջազգայնագետ է։ Խաղացել է մի քանի ֆիլմերում։ Ընդհանուր առմամբ, Ալեքսանդր Լուկաշենկոն ունի յոթ թոռ։

0
թեգերը:
Բելառուս, Ալեքսանդր Լուկաշևիչ, թոռ, հարսանիք, ամուսնություն
Ըստ թեմայի
Բրազիլացի սիրահարները հոգնել են սպասելուց. զանգվածային հարսանիք` համավարակի ֆոնին
Քարաբերդում տարածված անեկդոտն ու գյուղի վերջին հարսանիքը. այստեղ մնացել են միայն տարեցները
Չաղ Ռուստամը և Փաշինյանը` նույն սրահում. ովքե՞ր են եղել Հայկ Սարգսյանի հարսանիքի հյուրերը