Մհեր Հակոբյան

Ինչու է ադրբեջանական կողմը սահմանային սադրանքների դիմում. պարզաբանում է փորձագետը

205
(Թարմացված է 15:16 20.07.2021)
Ռազմական փորձագետ Մհեր Հակոբյանը Sputnik Արմենիայի հետ զրույցում անդրադարձել է հայ-ադրբեջանական սահմանին Երասխի հատվածում ստեղծված իրավիճակին։
Ինչ խնդիր է լուծում Ադրբեջանը Երասխի հատվածում. Հակոբյանը` սահմանին փոխհրաձգության մասին

Ադրբեջանական կողմը լարելով իրավիճակը սահմանին՝ ճնշում է գործադրում ՀՀ ղեկավարության վրա ապագայում ինչ-ինչ զիջումներ կորզելու համար։ Sputnik Արմենիայի հետ զրույցում նման կարծիք հայտնեց ռազմական փորձագետ Մհեր Հակոբյանը։

Զիջումներից մեկն էլ լինելու է, այսպես կոչված, «Զանգեզուրի միջանցքի» հետ կապված խնդիրը, որտեղ շատ կարևոր է, թե ինչպես կարձագանքեն շահագրգիռ կողմ հանդիսացող միջազգային խաղացողները։

«Միջանցքի խնդիրը շատ բարդ, բազմաբովանդակ և շահերի մեծ բախման բերող խնդիր է։ Օրինակ` ռուսական կողմի շահագրգռվածությունն այդ հարցում միանշանակ չէ, որքան էլ հակառակ կարծիքներ կան։ Շահագրգռված չէ իրանական կողմը, միանշանակ շահագրգռված է թուրք-ադրբեջանական կողմը, բայց հիմա եծ հարց է, թե այս խաղացողներն ինչպես կկարողանան իրենց շահերն առաջ մղել և գործնական մակարդակում դրանք պաշտպանել»,- ասաց նա։ Դիտարկմանը, թե Հայաստանի ներուժը բավարա՞ր է իրավիճակը մինչև վերջ վերահսկողության տակ պահել և թշնամուն թույլ չտալ առարկայական հաջողությունների հասնել` Հակոբյանն այսպես արձագանքեց.

«Վստահ չեմ, որ թշնամին խնդիր է դրել Երասխի հատվածում առաջխաղացում ունենալ, սակայն որոշակի լոկալ թեժ գոտի է ստեղծվում»,- նշեց նա։

Փորձագետը դժվարանում է հստակ վերլուծել, թե հետպատերազմական շրջանում ինչ պոտենցիալ ունեն հայկական և ադրբեջանական բանակները։

Եվրամիությունը մտահոգված է Հայաստանի սահմանային իրադրության սրմամբ. Թոյվո Կլաար

«Պատերազմը որոշակիորեն անակնկալ ավարտ ունեցավ ժամանակի առումով, և մենք չենք կարող հստակ ասել, թե հայկական և ադրբեջանական բանակներն ինչ են կորցրել և այս ընթացքում ինչ են ձեռք բերել»,- հավելեց Հակոբյանը՝ չբացառելով, սակայն, լայնամասշտաբ էսկալացիայի հավանականությունը։

Հիշեցնենք, որ հուլիսի 19-ին ադրբեջանական զինված ուժերը մի քանի ժամ շարունակ տարբեր տրամաչափի հրաձգային զինատեսակներից գնդակոծել են հայ-ադրբեջանական սահմանի Երասխի հատվածում տեղակայված հայկական դիրքերը: Պարբերաբար կիրառվել են նաև ականանետներ։

Երասխի դիրքերում հակառակորդի արձակած կրակոցից ուսի հատվածում վնասվածք է ստացել Երասխ համայնքի ղեկավար Ռադիկ Օղիկյանը:

Սահմանային լարվածությունն ու Ալիևի մոսկովյան այցը փոխկապակցված են. Պողոսյան

Հուլիսի 14-ին հայ-ադրբեջանական սահմանի այս հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:

Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։

205
թեգերը:
Սահման, Հայաստան, Ադրբեջան, հրաձգություն
Ըստ թեմայի
Տեղ գյուղի կոմբայնավարը, ապակողմնորոշվելով տեղանքում, հայտնվել է ադրբեջանցիների մոտ. ՊՆ
Ինչո՞ւ է ԵՄ–ն 2,5 մլրդ եվրո տալիս Հայաստանին. Ադրբեջանի հետ խաղաղության պայմանագիր կկնքվի՞
Ադրբեջանական զինված ուժերի կրակոցները ՀՀ Երասխի հատվածում հանցավոր են. Արման Թաթոյան
Արման Բադալյան

«Դուք գնացեք, թող իրենց հերթ չհասնի». համաճարակաբանը՝ Covid-ի դեմ պատվաստումների մասին

80
(Թարմացված է 16:18 01.08.2021)
Արման Բադալյանը համոզված է, որ Հայաստանում կորոնավիրուսի տարածվածության պատկերը բոլորովին այլ կլիներ, եթե բնակչության կեսը պատվաստված լիներ:
Գնացե՛ք, թող հերթն իրենց չհասնի. համաճարակաբանը` Covid- 19-ի դեմ պատվաստումների մասին

Հայաստանում պատվաստման գործընթացը բավականին դանդաղ է ընթանում, մինչդեռ արդյունքի հասնելու համար անհրաժեշտ է ապահովել մեծ ընդգրկվածություն: Sputnik Արմենիայի հետ զրույցում նման կարծիք հայտնեց համաճարակաբան Արման Բադալյանը:

«Covid-ի դեմ պատվաստումները չպետք է ինքնահոսի մատնել: Հակառակ դեպքում վիրուսը կշարունակի բազմանալ, նոր շտամներ կառաջանան: Այդ ժամանակ արդեն գործընթացն ավելի կբարդանա»,- ասաց նա։

Համաճարակաբանը նորմալ չի համարում, որ մեր երկրում օրական ավելի քան 200 մարդ է վարակվում կորոնավիրուսով, իսկ մահվան դեպքերը մոտենում են մեկ տասնյակին։ Նա համոզված է` պատկերը միանգամայն այլ կլիներ, եթե մարդիկ լսեին նեղ մասնագետներին և այսօր գոնե բնակչության կեսը պատվաստված լիներ: Առողջապահության նախարարությունն էլ ստիպված չէր լինի քաղաքացիների որոշակի խմբի հետ հարկադրանքի լեզվով խոսել:

«Շատերը ճարահատյալ պետք է պատվաստվեն կամ եթե չեն ուզում պատվաստվել, թող գնան 14 օրը մեկ թեստ հանձնեն, բերեն ցույց տան, որ վարակված չեն։ Ինչ խոսք, սա ճարահատյալ, բայց անհրաժեշտ որոշում է»,- նշեց Բադալյանը:

Համաճարակաբանը դժվարանում է ասել՝ ԱՆ-ն պարտադիր պահանջ սահմանելիս հաշվի առել է, որ, օրինակ, կարող են լինել մարդիկ, որոնց հակացուցված է պատվաստվելը: Մասնագետը, սակայն, այստեղ մեկ այլ ռիսկ էլ է տեսնում:

«Բնականաբար կան պատվաստման ժամանակավոր և բացարձակ հակացուցումներ։ Կարծում եմ, որ այդ կետը հաշվի առնված կլինի։ Դրա հիմնավորման դեպքում խնդիր չկա, թող չպատվաստվեն, սակայն վերահսկողություն էլ է պետք, որ մարդիկ առիթից չօգտվեն, նոր խնդիրներ չառաջանան»,-ընդգծեց նա:

Անդրադառնալով Հայաստանում օտարերկրացիներին, մասնավորապես հարևան իրանցիներին անվճար պատվաստելու գործընթացին՝ Բադալյանը նշեց, որ եթե մարդիկ ուզում են պատվաստվել, հնարավոր չէ նրանց մերժել:

«Միշտ ասում եմ` դժգոհում եք, որ շատ են այլ երկրներից պատվաստվողները։ Դո՛ւք գնացեք, թող իրենց հերթ չհասնի։ Դուք չեք պատվաստվում, հետո էլ դժգոհում եք, թե ինչու են մեր հարկերի հաշվին իրանցիներին պատվաստում»,-եզրափակեց համաճարակաբանը։

Նշենք, որ հուլիսի 30-ին առողջապահության նախարարությունը պատվաստումների թեմայով քննարկում էր կազմակերպել, որի ընթացքում առաջարկվել էր մի շարք հաստատություններում աշխատող կամ այնտեղ հաճախող, 18 տարեկանից բարձր անձանց կորոնավիրուսի դեմ պատվաստված լինելը հավաստող սերտիֆիկատ կամ յուրաքանչյուր 14 օրը մեկ ՊՇՌ թեստի բացասական արդյունք ներկայացնելու պահանջ սահմանել:

80
թեգերը:
Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ վրացի զբոսաշրջիկները Հայաստան չեն գալիս. մասնագետները` ոլորտի խնդիրների մասին
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը
Բոլոր պատվաստանյութերն էլ չպատվաստվելուց լավ են. Նուբար Աֆեյան
Բենիամին Մաթևոսյան

Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին

77
(Թարմացված է 13:08 01.08.2021)
Քաղաքագետ Բենիամին Մաթևոսյանը կարծում է, որ 8-րդ գումարման Ազգային ժողովի ընդդիմությունը պետք է ոչ մի վայրկյան չթուլացնի զգոնությունը։
Ո՞ր դեպքում խորհրդարանական ընդդիմությունը կարող է քաղաքական առաջընթաց ապահովել. Մաթևոսյանը` նոր գումարման ԱԺ մասին

8-րդ գումարման ԱԺ անցած ընդդիմադիր դաշինքների պատգամավորները նույնիսկ մեկ օր չաշխատելու, առավելևս սխալվելու իրավունք չունեն, հակառակ դեպքում ավելի կխորացնեն երկրում առկա քաղաքական ճգնաժամը։ Sputnik Արմենիայի հետ զրույցում նման կարծիք հայտնեց քաղաքագետ Բենիամին Մաթևոսյանը։

«Խորհրդարանական ընդդիմությունը պետք է հաշվի առնի, որ իր առջև ունի քաղաքական միավոր, որը չի խորշում ցանկացած գործողություն իրականացնել իր հակառակորդներին ճնշելու, ջլատելու քաղաքական գործընթացներից դուրս բերելու համար»,- ասաց նա։

Նոր խորհրդարանի հիմնական առանձնահատկություններից մեկն էլ այն է, որ իշխող խմբակցությունը կայուն մեծամասնություն է կազմում, բայց չունի սահմանադրական մեծամասնություն, նշանակում է` մի շարք օրենքներ ընդունելիս իշխող թիմը ստիպված է ընդդիմության հետ կոնսենսուսի գնալ։

«Սա այն տեղն է, որի վրա ընդդիմությունը կարող է որոշակի քաղաքական առաջընթաց ապահովել և ստիպել իշխանություններին գոնե համակերպվել իրենց օրակարգի հետ, բայց ժամանակը ցույց կտա` իրենք ինչ կանեն, ինչպես կանեն»,- ընդգծեց Մաթևոսյանը։

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

Քաղաքագետի կարծիքով` ընդդիմադիրները, ինչպես ԱԺ փոխխոսնակի թեկնածուի հարցում, այսուհետ ևս պետք է հանդես գան միասնաբար, մանավանդ որ նրանց մեծամասնությունը դեմ է արտահայտվել իշխանափոխությանն ու «թավշյա հեղափոխության» առաջնորդին։

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր 658 761 ձայն կամ ընտրողների ձայների 53.91%–ը, «Հայաստան» դաշինքը ստացել է 269 481 ձայն կամ 21.09%–ը, «Պատիվ ունեմ» դաշինքը 66 650 քվե կամ 5.22%։

Այս երեք ուժերը կձևավորեն ութերորդ գումարման Ազգային ժողովը։

Անելիք շատ կա. նախկին նախարարը պատգամավոր կդառնա

77
թեգերը:
Հայաստան, ԱԺ, Բենիամին Մաթևոսյան, Պատգամավոր
Ըստ թեմայի
Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»
ԱԺ «Պատիվ ունեմ» խմբակցությունը կգլխավորի Արթուր Վանեցյանը
Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում
Поединок 1/8 финала по борьбе греко-римского стиля между Артуром Алексаняном (Армения) и Узур Джузупбеков (Кыргызстан) на XXXII летних Олимпийских играх (2 августа 2021). Токио

Արթուր Ալեքսանյանը երկրորդ հաղթանակը տոնեց օլիմպիական խաղերում

0
(Թարմացված է 08:50 02.08.2021)
«Սպիտակ արջը» հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

Օլիմպիական խաղերի չեմպիոն Արթուր Ալեքսանյանը Տոկիոյի օլիպիական խաղերի քառորդ եզրափակչում 5։1 հաշվով առավելության հասավ ֆին ըմբիշ Արվի Մարտին Սավոլայնենի նկատմամաբ։

«Սպիտակ արջի» համար շատ ծանր սկիզբ ունեցավ գոտեմարտը ֆին Արվի Մարտին Սավոլայնենի հետ։ Առաջին մրցափուլում մրցավարները պասիվություն տվեցին մեր ըմբիշին ու մեկ միավոր Սավոլայնենին։ Բայց ֆիննը գլորել Ալեքսանյանին պարտերից չկարողացավ։ Բայց նվազագույնառավելությամբ հաղթեց առաջին մրցափուլը։Երկրորդ մրցափուլում

Արթուր հաստատեց իր բարձր կարգը, ու ինչպես ասում են ամեն ինչ իր տեղը դրեց։ Նախ Արթուրը վաստակեց մեկ միավոր, ու պարտերում աշխատելու հնարավորություն։ Եվ հետո, երկու անգամ գլորելով մրցակցին, առաջ անցավ հաշվի մեջ 5։1 հաշվով։ Սավոլայնենը ստիպված էր հարմարվել պարտության հետ, իսկ Արթուրը հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

0