Արմեն Բադալյան

Փաշինյանը մի զարկով երկու նապաստակ խփեց. ի՞նչ տվեց Գրիգորյանի նշանակումը ՌԴ-ին և ԱՄՆ-ին

706
(Թարմացված է 22:32 17.07.2021)
Արմեն Բադալյանի կարծիքով` Գրիգորյանին ԱԳՆ առաջին տեղակալ նշանակելով` Փաշինյանը երախտագիտություն հայտնեց ԱՄՆ-ին։
Արմեն Բադալյան․ Փաշինյանը մեկ զարկով երկու նապաստակ խփեց. ինչ տվեց Գրիգորյանի նշանակումը ՌԴ-ին և ԱՄՆ-ին

Հայաստանի արտաքին քաղաքականության վեկտորը որոշում է մեկ մարդ` ՀՀ վարչապետի պաշտոնակատար Նիկոլ Փաշինյանը` անկախ նրանից, թե ովքեր են նշանակվել կամ պաշտոնավարում տվյալ գերատեսչության վերին օղակներում։ Sputnik Արմենիայի հետ զրույցում նման կարծիք հայտնեց քաղտեխնոլոգ Արմեն Բադալյանը։

Նրա խոսքով` արևմտամետ հայացքներ ունեցող և իր հայտարարություններով Ռուսաստանին, նաև ՀԱՊԿ-ին տորպեդահարող Արմեն Գրիգորյանի նշանակումը չի կարող լուրջ ազդակ լինել ՀՀ արտաքին գերատեսչության քաղաքականության փոփոխության հարցում։

Ըստ քաղտեխնոլոգի` Գրիգորյանին ՀՀ անվտանգության խորհրդի քարտուղարի պաշտոնից ազատելով` Փաշինյանը Ռուսաստանին հաճոյանալու քայլ արեց, քանի որ Հայաստանի դաշնակցի համար կարևոր նշանակություն ունեն, թե ովքեր են Հայաստանի ուժային կառույցների` ԱԽ-ի, ԱԱԾ-ի և ՊՆ–ի ղեկավարները։

«Ռուսաստանը միշտ էլ ձգտում էր, որ ինքն ազատվեր այդ պաշտոնից, քանի որ այն ենթադրում է իրավական գաղտնի փաստաթղթերի առկայություն և դրանց մեջ եղած ինֆորմացիայի ծանոթացում, իսկ Ռուսաստանը վստահ չէ, որ գաղտնի փաստաթղթերը, հայտնվելով Արմեն Գրիգորյանի ձեռքում, չեն կարող հայտնվել մեկ այլ երկրի շահագրգիռ կազմակերպությունների մոտ»,- ասաց նա։

Ըստ Բադալյանի` Գրիգորյանին նոր պաշտոնում նշանակելով` Փաշինյանը նաև երախտագիտություն հայտնեց ԱՄՆ-ին, որն ըստ օդում կախված լուրերի` այդքան էլ անմասն չի մնացել հունիսի 20-ի ընտրական գործընթացից։

«Քվեների հաշվման ժամանակ բազմաթիվ մարզերում լույսերը հանկարծակի անջատվեցին, և այդ անջատումը կապված էր Վրաստանում տեղի ունեցած ինչ-որ խնդիրների հետ, իսկ Վրաստանից լույսը կարող էր անջատվել մեկ այլ երկրի աջակցությամբ, ինչը նպաստեց գործող իշխանությունների վերարտադրմանը»,- նշեց Բադալյանը։

Ավելի վաղ հայտնել էինք, որ ՀՀ արտգործնախարարի պարտականությունները դրվել են հուլիսի 14-ին արտգործնախարարի առաջին տեղակալ նշանակված Արմեն Գրիգորյանի վրա։

Հիշեցնենք, որ արտաքին քաղաքական գերատեսչության նախկին ղեկավար Արա Այվազյանը հրաժարական էր տվել մայիսի 27-ին՝ Նիկոլ Փաշինյանի կողմից Ադրբեջանի հետ շփման գծում իրավիճակի ապաԷսկալացման ծրագրի հրապարակումից հետո։

Նույն օրը տեղեկություն տարածվեց, որ հրաժարականի դիմումներ են գրել նաև բոլոր փոխարտգործնախարարները`Գագիկ Ղալաչյանը, Ավետ Ադոնցը, Արտակ Ապիտոնյանը և Արմեն Ղևոնդյանը։

Հունիսի 8-ին ՀՀ վարչապետի պաշտոնակատար Նիկոլ Փաշինյանի որոշմամբ նախարարի տեղակալներ Ավետ Ադոնցը, Արտակ Ապիտոնյանն ու Գագիկ Ղալաչյանն ազատվեցին զբաղեցրած պաշտոններից:

Արմեն Ղևոնդյանի հրաժարականը Փաշինյանը չէր ընդունել, և նա ժամանակավորապես կատարում էր նախարարի պարտականությունները։

706
թեգերը:
Հայաստան, Նիկոլ Փաշինյան, Արմեն Գրիգորյան, պաշտոն, Արմեն Բադալյան
Ըստ թեմայի
Նիկոլ Փաշինյանն Անահիտ Ավանեսյանին ու Արմեն Մելքոնյանին Հունաստան է գործուղում
ԱՄՆ–ում ՀՀ դեսպանին հետ են կանչել, բայց նա արդեն նոր պաշտոն ունի
Զանգեզուրի պղնձամոլիբդենային կոմբինատի 38 աշխատակցի ազատել են աշխատանքից. «Առավոտ»
Արման Բադալյան

«Դուք գնացեք, թող իրենց հերթ չհասնի». համաճարակաբանը՝ Covid-ի դեմ պատվաստումների մասին

80
(Թարմացված է 16:18 01.08.2021)
Արման Բադալյանը համոզված է, որ Հայաստանում կորոնավիրուսի տարածվածության պատկերը բոլորովին այլ կլիներ, եթե բնակչության կեսը պատվաստված լիներ:
Գնացե՛ք, թող հերթն իրենց չհասնի. համաճարակաբանը` Covid- 19-ի դեմ պատվաստումների մասին

Հայաստանում պատվաստման գործընթացը բավականին դանդաղ է ընթանում, մինչդեռ արդյունքի հասնելու համար անհրաժեշտ է ապահովել մեծ ընդգրկվածություն: Sputnik Արմենիայի հետ զրույցում նման կարծիք հայտնեց համաճարակաբան Արման Բադալյանը:

«Covid-ի դեմ պատվաստումները չպետք է ինքնահոսի մատնել: Հակառակ դեպքում վիրուսը կշարունակի բազմանալ, նոր շտամներ կառաջանան: Այդ ժամանակ արդեն գործընթացն ավելի կբարդանա»,- ասաց նա։

Համաճարակաբանը նորմալ չի համարում, որ մեր երկրում օրական ավելի քան 200 մարդ է վարակվում կորոնավիրուսով, իսկ մահվան դեպքերը մոտենում են մեկ տասնյակին։ Նա համոզված է` պատկերը միանգամայն այլ կլիներ, եթե մարդիկ լսեին նեղ մասնագետներին և այսօր գոնե բնակչության կեսը պատվաստված լիներ: Առողջապահության նախարարությունն էլ ստիպված չէր լինի քաղաքացիների որոշակի խմբի հետ հարկադրանքի լեզվով խոսել:

«Շատերը ճարահատյալ պետք է պատվաստվեն կամ եթե չեն ուզում պատվաստվել, թող գնան 14 օրը մեկ թեստ հանձնեն, բերեն ցույց տան, որ վարակված չեն։ Ինչ խոսք, սա ճարահատյալ, բայց անհրաժեշտ որոշում է»,- նշեց Բադալյանը:

Համաճարակաբանը դժվարանում է ասել՝ ԱՆ-ն պարտադիր պահանջ սահմանելիս հաշվի առել է, որ, օրինակ, կարող են լինել մարդիկ, որոնց հակացուցված է պատվաստվելը: Մասնագետը, սակայն, այստեղ մեկ այլ ռիսկ էլ է տեսնում:

«Բնականաբար կան պատվաստման ժամանակավոր և բացարձակ հակացուցումներ։ Կարծում եմ, որ այդ կետը հաշվի առնված կլինի։ Դրա հիմնավորման դեպքում խնդիր չկա, թող չպատվաստվեն, սակայն վերահսկողություն էլ է պետք, որ մարդիկ առիթից չօգտվեն, նոր խնդիրներ չառաջանան»,-ընդգծեց նա:

Անդրադառնալով Հայաստանում օտարերկրացիներին, մասնավորապես հարևան իրանցիներին անվճար պատվաստելու գործընթացին՝ Բադալյանը նշեց, որ եթե մարդիկ ուզում են պատվաստվել, հնարավոր չէ նրանց մերժել:

«Միշտ ասում եմ` դժգոհում եք, որ շատ են այլ երկրներից պատվաստվողները։ Դո՛ւք գնացեք, թող իրենց հերթ չհասնի։ Դուք չեք պատվաստվում, հետո էլ դժգոհում եք, թե ինչու են մեր հարկերի հաշվին իրանցիներին պատվաստում»,-եզրափակեց համաճարակաբանը։

Նշենք, որ հուլիսի 30-ին առողջապահության նախարարությունը պատվաստումների թեմայով քննարկում էր կազմակերպել, որի ընթացքում առաջարկվել էր մի շարք հաստատություններում աշխատող կամ այնտեղ հաճախող, 18 տարեկանից բարձր անձանց կորոնավիրուսի դեմ պատվաստված լինելը հավաստող սերտիֆիկատ կամ յուրաքանչյուր 14 օրը մեկ ՊՇՌ թեստի բացասական արդյունք ներկայացնելու պահանջ սահմանել:

80
թեգերը:
Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ վրացի զբոսաշրջիկները Հայաստան չեն գալիս. մասնագետները` ոլորտի խնդիրների մասին
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը
Բոլոր պատվաստանյութերն էլ չպատվաստվելուց լավ են. Նուբար Աֆեյան
Բենիամին Մաթևոսյան

Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին

80
(Թարմացված է 13:08 01.08.2021)
Քաղաքագետ Բենիամին Մաթևոսյանը կարծում է, որ 8-րդ գումարման Ազգային ժողովի ընդդիմությունը պետք է ոչ մի վայրկյան չթուլացնի զգոնությունը։
Ո՞ր դեպքում խորհրդարանական ընդդիմությունը կարող է քաղաքական առաջընթաց ապահովել. Մաթևոսյանը` նոր գումարման ԱԺ մասին

8-րդ գումարման ԱԺ անցած ընդդիմադիր դաշինքների պատգամավորները նույնիսկ մեկ օր չաշխատելու, առավելևս սխալվելու իրավունք չունեն, հակառակ դեպքում ավելի կխորացնեն երկրում առկա քաղաքական ճգնաժամը։ Sputnik Արմենիայի հետ զրույցում նման կարծիք հայտնեց քաղաքագետ Բենիամին Մաթևոսյանը։

«Խորհրդարանական ընդդիմությունը պետք է հաշվի առնի, որ իր առջև ունի քաղաքական միավոր, որը չի խորշում ցանկացած գործողություն իրականացնել իր հակառակորդներին ճնշելու, ջլատելու քաղաքական գործընթացներից դուրս բերելու համար»,- ասաց նա։

Նոր խորհրդարանի հիմնական առանձնահատկություններից մեկն էլ այն է, որ իշխող խմբակցությունը կայուն մեծամասնություն է կազմում, բայց չունի սահմանադրական մեծամասնություն, նշանակում է` մի շարք օրենքներ ընդունելիս իշխող թիմը ստիպված է ընդդիմության հետ կոնսենսուսի գնալ։

«Սա այն տեղն է, որի վրա ընդդիմությունը կարող է որոշակի քաղաքական առաջընթաց ապահովել և ստիպել իշխանություններին գոնե համակերպվել իրենց օրակարգի հետ, բայց ժամանակը ցույց կտա` իրենք ինչ կանեն, ինչպես կանեն»,- ընդգծեց Մաթևոսյանը։

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

Քաղաքագետի կարծիքով` ընդդիմադիրները, ինչպես ԱԺ փոխխոսնակի թեկնածուի հարցում, այսուհետ ևս պետք է հանդես գան միասնաբար, մանավանդ որ նրանց մեծամասնությունը դեմ է արտահայտվել իշխանափոխությանն ու «թավշյա հեղափոխության» առաջնորդին։

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր 658 761 ձայն կամ ընտրողների ձայների 53.91%–ը, «Հայաստան» դաշինքը ստացել է 269 481 ձայն կամ 21.09%–ը, «Պատիվ ունեմ» դաշինքը 66 650 քվե կամ 5.22%։

Այս երեք ուժերը կձևավորեն ութերորդ գումարման Ազգային ժողովը։

Անելիք շատ կա. նախկին նախարարը պատգամավոր կդառնա

80
թեգերը:
Հայաստան, ԱԺ, Բենիամին Մաթևոսյան, Պատգամավոր
Ըստ թեմայի
Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»
ԱԺ «Պատիվ ունեմ» խմբակցությունը կգլխավորի Արթուր Վանեցյանը
Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

0
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

0
թեգերը:
Հայաստան, ավտովթար, ավտոմեքենա, Զոհ, վարորդ