Վիկտոր Ենգիբարյան

Ինչո՞ւ է պատգամավորին լրացուցիչ 200 հազար պետք. պարզաբանում է օրինագծի հեղինակը

73
(Թարմացված է 18:03 15.07.2021)
ԱԺ «Իմ քայլը» խմբակցության պատգամավոր Վիկտոր Ենգիբարյանը Sputnik Արմենիայի եթերում անդրադարձել է օրինագծին, որով պատգամավորական գործունեության հետ կապված ծախսերի համար յուրաքանչյուր պատգամավորին տրվող ամսական 50 000 դրամը դառնում է 250 000 դրամ։
Ենգիբարյան. «Պատգամավորի հանդեպ քաղաքացիական վերահսկողությունն ամենաբարձրն է»

Վիկտոր Ենգիբարյանի փոխանցմամբ` համապատասխան օրենքն ընդունվել է 2013 թվականին, ինչից հետո Հայաստանում տեղի են ունեցել մի շարք փոփոխություններ, այդ թվում` տնտեսական, բայց ամենակարևոր փոփոխությունը 2015 թվականի Սահմանադրությունից բխող խորհրդարանական պետության կառավարման համակարգին անցումն է, ինչը ենթադրում է պատգամավորների առավել մեծ ներգրավվածություն պետական կառավարման համակարգում, օրենսդիր աշխատանքի ավելի մեծ ծավալ։

«2018 թվականից սկսել է գործել խորհրդարանական պետության կառավարման համակարգը և մենք էլ, որպես ԱԺ պատգամավորներ, բախվել ենք մի իրավիճակի, երբ կա պատգամավորների նյութատեխնիկական ապահովության հետ կապված խնդիր։ Հենց դրանով է պայմանավորված սույն օրենսդրական նախաձեռնությունը»,– ասաց ԱԺ պատգամավորը։ 

Ենգիբարյանի կարծիքով` թե պատգամավորներից ովքեր և ինչպես են հանդիպում ընտրողների հետ, ավելի վառ կերպով ցույց տվեցին վերջին խորհրդարանական արտահերթ ընտրությունների արդյունքները, բայցևայնպես նյութատեխնիկական ապահովումը չի վերաբերում միայն քաղաքացիների հետ հանդիպումներին կամ մարզային այցերին։ Ըստ նրա` ամբողջ բովանդակությունն այն է, որ պատգամավորներն ունենան ազատ միջոցներ իրենց աշխատանքային ու մասնագիտական գործունեությունից բխող ծախսերը հոգալու համար։ 

«Ընդհանրապես, պատգամավորի գործունեությունը վերահսկվում է ամենաբարձր մակարդակով։ Դա քաղաքական ու քաղաքացիական վերահսկողությունն է։ Բոլոր պատգամավորներն ու կուսակցությունները, որոնք չեն գոհացնում իրենց ընտրողներին, հետագայում արժանանում են քաղաքացիների համապատասխան գնահատականին։ Անկախ նրանից, թե մեր նախաձեռնությունը կլիներ, թե ոչ, քանի դեռ պատգամավորը զբաղվում է իր աշխատանքով, նա գտնվում է քաղաքացիների վերահսկողության ներքո»,– նշեց ԱԺ պատգամավորը։

Պետական համակարգում աշխատավարձերն ու պարգևավճարները կազմել են միջինը 360 000 դրամ

Ենգիբարյանի խոսքով` ավելի բարդ ու բազմաշետ վերահսկողություն, ինչպիսին քաղաքական պատասխանատվությունն ու քաղաքացիական վերահսկողությունն է, գոյություն չունի, և պատգամավորական գործունեությունը որևէ այլ եղանակով հնարավոր չէ վերահսկել։ 

Նշենք, որ ԱԺ նիստում ներկայացնելով «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխություն կատարելու նախագիծը`Վիկտոր Ենգիբարյանը կարծիք էր հայտնել, որ ԱԺ պատգամավորների նյութատեխնիկական ապահովման, տարբեր ծառայություններից, հիմնականում՝ վառելիքի ծախսերից օգտվելու համար ամսական տրամադրվող 50 000 դրամը բավարար չէ։

Նշենք, որ վերոհիշյալ նախագիծը քննարկվել է 24-ժամյա ռեժիմով ու ընդունվել երկրորդ ընթերցմամբ ու ամբողջությամբ։

73
թեգերը:
Վիկտոր Ենգիբարյան, պարգևավճար, Պատգամավոր
Ըստ թեմայի
Հսկայական պարգևավճարներից և այլ համեղ արտոնություններից հեշտ չեն հրաժարվում
Որքան պարգևավճար են ստացել պետական աշխատողները. Ջանջուղազյանը թվեր հրապարակեց
Քանի՞ միլիոն դոլարի պարգևավճար են ստացել պետական համակարգում. Թունյանը տվյալներ հայտնեց
Վարդան Ոսկանյան

Իրանի սոցիալական ցույցերին տրվում է քաղաքական բնույթ. ի՞նչ եմ ուզում որոշ արտաքին ուժեր

10
(Թարմացված է 19:07 27.07.2021)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Իրանի Իսլամական Հանրապետությունում տեղի ունեցող բողոքի զանգվածային ակցիաներին։
Ոսկանյան. «ԱՄՆ–ի պատժամիջոցներն ազդում են, բայց իրանական տնտեսությունը կաթվածահար վիճակում չէ»

Իրանում ընթացող բողոքի ակցիաներն ընդհանուր առմամբ սոցիալական բնույթի են, սակայն, հաշվի առնելով Իրանի աշխարհաքաղաքական նշանակությունը, որոշ արտաքին ուժեր`ի դեմս Իրանի հակառակորդների և թշնամիների, փորձում են այդ ցույցերին հաղորդել քաղաքական բնույթ։ Sputnik Արմենիայի եթերում նման կարծիք հայտնեց իրանագետ Վարդան Ոսկանյանը։

Նրա խոսքով` դա արվում է տեխնոլոգիական գրեթե բոլոր միջոցներով, մասնավորապես փորձ է արվում բողոքի ալիքն ուղղորդել դեպի Իրանի վարչակարգի կողմը։

«Այդ առումով որոշակի հաջողության հասել են, որովհետև բողոքի ակցիաների ժամանակ հնչել են նաև քաղաքական կոչեր։ Բայց ամենավտանգավորն այդ գործողությունների ֆոնին Իրանի ներսում անջատողականության խթանման փորձերն են, հատկապես Ատրպատականում պանթուրքական խմբավորումների արհեստական ակտիվացումը դրսի ուժերի կողմից, իսկ այդ գործում անմասն չէ Ադրբեջանի Հանրապետությունը։ Անդրկուլիսային մասնակցություն ունի նաև Թուրքիան։ Վերջինս ձգտում է հարավային Խուզեսթան նահանգում բնակվող արաբներին նույնպես ներգրավել անջատողական գործողություններում` հաշվի առնելով նաև Իսրայելի ազդեցությունը Իրանի հարավ–արևմտյան շրջանների վրա»,– նշեց իրանագետը։

Ոսկանյանի կարծիքով` թեև բողոքի գործողությունները շարունակվում են, սակայն Իրանի պետական մարմինները ընդհանուր առմամբ վերահսկում են իրավիճակը։ Ատրպատականում, օրինակ, տեղի են ունեցել պանթուրքական խմբավորումների ակտիվիստների ձերբակալություններ։

Իսկ Խուզեսթան նահանգը, նավթարդյունաբերության կենտրոն լինելուց բացի, ունի նաև գյուղատնտեսական կարևոր նշանակություն, և բնակչության զգալի մասը զբաղված է գյուղատնտեսությամբ, այստեղ իրավիճակը խնդրահարույց է դարձել սակավաջրության ու երաշտի պատճառով։ 

Իրանագետի խոսքով` Խուզեսթան նահանգում անկայունություն սերմանելու փորձերն ունեն բավական երկար պատմություն։ Այդտեղ փորձ է արվում ստեղծել անջատողականության օջախ, որը կխաթարի Իրանի նավթարդյունաբերության բնականոն գործունեությունը և կվտանգի երկրի տարածքային ամբողջականությունը։

Իրանում բողոքի ակցիա են անում ջրի բացակայության պատճառով. տեսանյութ

Ըստ նրա` թեև Իրանի իշխանությունները զգալի վնասներ են կրում ամերիկյան պատժամիջոցներից, բայց խոսել այն մասին, որ իրանական տնտեսությունը կաթվածահար վիճակում է, տեղին չէ։ Ամերիկյան պատժամիջոցները միտված են Իրանում վարչակարգ փոփոխելուն, սակայն այդ առումով նպատակին չեն ծառայել։ Ավելին, Իրանը նույնիսկ ճնշումների ներքո ամրացրել ու մեծացրել է իր դիրքերն աշխարհաքաղաքականության մեջ։        

Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները

Նշենք, որ միջազգային լրահոսի համաձայն` Իրանում սկսվել են բողոքի զանգվածային ակցիաներ ջրի պակասի և սոցիալական կացության վատթարացման պատճառով: Մասնավորապես, իրավիճակն Իրանում վատթարացել է երաշտի, կորոնավիրուսի համավարակի նոր ալիքի և ամերիկյան պատժամիջոցների արդյունքում տնտեսական անկման հետևանքով:

Հիշեցնենք, որ ցույցերը սկսվել են հուլիսի 15-ին Խուզեսթան նահանգի տասնյակ ավաններում, դրանք շարունակվում են մինչ օրս և արդեն տեղափոխվել են մայրաքաղաք Թեհրան։ 

10
թեգերը:
ոռոգման ջուր, Բողոքի ակցիա, Իրանի Իսլամական Հանրապետություն
Արա Մարջանյանը

Երբ երկիրը չունի ագահությունը զսպող մեխանիզմներ, կամ ինչո՞ւ է թանկանում հեղուկ գազը

115
(Թարմացված է 17:46 27.07.2021)
Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը Sputnik Արմենիայի եթերում անդրադարձել է հեղուկ գազի շուկայում առաջացած իրավիճակին և այդ վառելիքի գնաճին։

 

Մարջանյան. «Բիզնես միջավայրը Հայաստանում հակված է ագահության, ինչը չի զսպվում»

Շարժիչային վառելիքների և հեղուկացված գազի գները միշտ էլ ենթակա են որոշակի տատանումների։ Sputnik Արմենիայի եթերում նման կարծիք հայտնեց Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը։

Ըստ նրա` խնդիրն այն է, որ երկիրը պետք է պատրաստ լինի այդպիսի տատանումներին, ինչի մասին փորձագետները խոսում են մոտ 25 տարի։

«Հայաստանում պետք է մշակվեին որոշակի մեխանիզմներ, որոնք տնտեսական առումով կմեղմեն անխուսափելի տատանումները, սակայն այդ մեխանիզմները Հայաստանում ցավոք այդպես էլ չմշակվեցին։ Հեղուկացված գազի օգտագործման առումով մեր երկիրն անցած 15 տարիների ընթացքում եղել է մոլորակի առաջատար երկրների թվում, ինչի մասին վկայում են անալիտիկ լուրջ կենտրոնների տվյալները։ Հայաստանն առաջինն աշխարհում անցավ հեղուկ գազի զանգվածային օգտագործման հատկապես շարժիչային վառելիքների առումով և այս իրավիճակը մեր երկրում պետք է պահպանել»,– ասաց փորձագետը։

Մարջանյանի կարծիքով` բացի ակնհայտ տնտեսական օգուտներից, հեղուկ գազի զանգվածային օգտագործումն ունի նաև բնապահպանական օգուտներ, որովհետև դրա օգտագործումը որպես շարժիչային վառելիք, դեպի մթնոլորտ ավելի քիչ արտանետումներ է ապահովում` լավացնելով ընդհանուր էկոլոգիական վիճակը։

Ըստ նրա` խնդիրը համակարգային է և վերաբերում է Հայաստանում դենֆերային մեխանիզմների մշակմանը, որոնք կկարողանան մեղմել բնակչության և տնտեսության համար անխուսափելի տատանումները մատակարարման ոլորտում։ 

«Դենֆերային մեխանիզմների մեջ մտնում է հատուկ ֆոնդի և հարակից կառույցների ստեղծումը, որոնք էժան գազի պարագայում կկուտակեն միջոցներ, իսկ թանկ գազի պարագայում այդ միջոցները կծախսեն` մեղմելով գնագոյացումը։ Թեև գազի գինը համաշխարհային շուկայում հետևում է հում նավթի ու նավթամթերքի գներին` որոշակի ժամանակային ուշացմամբ, բայց եթե երկրի բիզնես կառուցվածքը չունի ագահությունը զսպող մեխանիզմներ, ապա անխուսափելիորեն անմիջապես թանկանում են հում նավթամթերքի ու հեղուկացված գազի գներն այդ երկրում»,– ասաց փորձագետը։

Մարջանյանի գնահատմամբ` մյուս կողմից, երբ գները համաշխարհային շուկայում ընկնում են, ինչը չի ազդում ներքին շուկայի վրա, ապա դա վկայում է գնագոյացումը զսպող մեխանիզմների բացակայության, բիզնես միջավայրի ագահության ու անկառավարելիության մասին։ Ըստ նրա` այստեղ մեծ անելիքներ ունի ոչ միայն տնտեսական մրցակցության հանձնաժողովը, այլև ամբողջ բիզնես համակարգը, առաջին հերթին` ենթակառուցվածքների նախարարությունը, որոնք համատեղ ջանքերով պետք է լծվեն Հայաստանում դենֆերային մեխանիզմներ ստեղծելու գործին։       

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

Նշենք, որ արդեն մի քանի օր է, ինչ հեղուկ գազի շուկան սթրեսային վիճակում է: Վարորդները բողոքում են. շուկայում հեղուկ գազ չկա, իսկ եթե գազալցակայանը հեղուկ գազ ունի, ապա վարորդին հրաժարվում է 5000 դրամից ավելիի վաճառել: 

Այս շուկայում տիրող իրավիճակը վարորդների շրջանում խուճապ է առաջացրել, քանի որ որոշ գազալցակայաններ, առիթից օգտվելով, իրենց ունեցած հեղուկ գազի մեկ լիտրի գինն անհասկանալի ձևով բարձրացրել են՝ հասցնելով մինչև 280 դրամի:

Ռուսաստանն ու Իրաքը կտրուկ բարձրացրել են հեղուկ գազի գինը, և հայ ներկրողներին առաջարկում են բոլորովին այլ՝ ձեռքբերման ավելի բարձր գին: Այժմ պետական մակարդակով բանակցություններ են ընթանում Իրանի ու Կատարի հետ: 

115
թեգերը:
թանկացում, Հայաստան, գազի սակագին, գազալցակայան, գազ
Ըստ թեմայի
Պանրի հնարավոր թանկացման պատճառը կաթի պաշարների նվազումն է. Գիգոյան
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Հայաստանում 75 տոկոսով թանկացած ձեթը կարող է էժանանալ
Արթուր Վանեցյան

ԱԺ «Պատիվ ունեմ» խմբակցությունը կգլխավորի Արթուր Վանեցյանը

0
(Թարմացված է 19:37 27.07.2021)
Դաշինքը նորընտիր ԱԺ-ում ներկայացված կլինի յոթ պատգամավորներով, խմբակցության քարտուղարը ՀՀԿ-ական է։

ԵՐԵՎԱՆ, 27 հուլիսի - Sputnik. Ազգային Ժողովի «Պատիվ ունեմ» խմբակցությունը կղեկավարի դաշինքի առաջնորդ, «Հայրենիք» կուսակցության ղեկավար Արթուր Վանեցյանը։

Տեղեկությունը Sputnik Արմենիայի հետ զրույցում հայտնեց «Հայրենիք» կուսակցության մամուլի քարտուղար Սոս Հակոբյանը։ Նրա խոսքով՝ խմբակցության քարտուղարի պարտականությունները էլ կկատարի ՀՀԿ-ական Հայկ Մամիջանյանը։

Նշենք, որ «Պատիվ ունեմ» դաշինքը պատգամավորական յոթ մանդատ է ստացել։ 8-րդ գումարման ԱԺ-ում դաշինքը կներկայացնեն Արթուր Վանեցյանը, Տարոն Մարգարյանը, Աննա Մկրտչյանը, Իշխան Զաքարյանը, Հայկ Մամիջանյանը, Թագուհի Թովմասյանն ու Տիգրան Աբրահամյանը։

Ալեն Սիմոնյանի մանկության ընկերը ԱԺ աշխատակազմի ղեկավար կնշանակվի. ԶԼՄ

0
թեգերը:
Արթուր Վանեցյան, «Պատիվ ունեմ» դաշինք, ԱԺ, Հայաստան
Ըստ թեմայի
Ով կստանա ԱԺ փոխնախագահի` ընդդիմության աթոռը. «Հայաստան» դաշինքում հարցը որոշված է
Ովքե՞ր կլինեն նոր ԱԺ–ում. խորհրդարան անցած քաղաքական 3 ուժերի ցուցակները հայտնի են
Հայտնի է ԱԺ ութերորդ գումարման առաջին նստաշրջանի օրակարգը