Ալեն Սիմոնյան

ԱԺ–ում գործելու ենք պողպատե մանդատի տրամաբանության մեջ. Ալեն Սիմոնյան

269
(Թարմացված է 21:14 13.07.2021)
Աժ փոխնախագահ Ալեն Սիմոնյանը Sputnik Արմենիայի եթերում անդրադարձել է մամուլում շրջանառվող տեղեկատվությանը, ըստ որի` հանգստյան օրերին կայացել է հանդիպում ԱԺ «Իմ քայլը» խմբակցության և ՀՀ վարչապետի ժամանակավոր պաշտոնակատար Նիկոլ Փաշինյանի միջև։
«ԱԺ–ում գործելու ենք պողպատե մանդատի տրամաբանության մեջ». Ալեն Սիմոնյան

Ալեն Սիմոնյանի խոսքով` նման բան տեղի չի ունեցել, վերջին հանդիպումը խմբակցության հետ կայացել է ՔՊ կուսակցության գրասենյակում։ Ըստ նրա` մամուլի հրապարակումները չեն համապատասխանում իրականությանը և ամբողջությամբ գտնվում են հին տրամաբանության մեջ, որով սովոր են աշխատել։

«Իշխող խմբակցության նիստի վերաբերյալ տիկին Մակունցը մեկնաբանություն է տվել, և ես ավելացնելու որևէ բան չունեմ։ Իսկ ինչ վերաբերում է խմբակցության հետ աշխատանքին, ապա վարչությունն ու խմբակցությունն ունեն լիազորությունների ու պարտականությունների իրենց շրջանակը, աշխատանքը տեղի է ունենում համագործակցության, բարիդրացիական մթնոլորտում, մշտապես գործող համակարգերի և տրամաբանության մեջ։ Մամուլում հրապարակված տեղեկատվությունն առ այն, որ նշանակումների հարցում խմբակցության համաձայնությանը չեն էլ սպասել, որոշել են ու եկել ներկայացրել, չի համապատասխանում իրականությանը»,– նշեց ԱԺ փոխնախագահը։ 

Սիմոնյանի տեղեկացմամբ` աշխատանքները բոլոր ուղղություններով շարունակվում են «Իմ քայլը» խմբակցության ակտիվ մասնակցությամբ։ Ըստ նրա` բացի այն տեղեկությունից, ինչի մասին հայտարարեց տիկին Մակունցը, հավելյալ որևէ բան չկա։

«Այն, ինչ ես վերջին 10 օրերի ընթացքում կարդում եմ մամուլի հրապարակումներում, սուրճի բաժակ նայելու պես մի բանի է վերածվել։ Մամուլն ինքը հնարում է մի իրավիճակ, ինքն էլ սկսում է մեկնաբանել, հետո ասում է, որ նման բան չեղավ, որովհետև ինքը գրեց, դրա համար էլ ինչ–որ բան փոխվեց։ Այդ տրամաբանությունը շարունակվում է, մի օր գրում են` Սասուն Միքայելյանի հետ վեճ եղավ, մի օր գրում են, թե Ավինյանի հետ վեճ եղավ, դուռը շրխկացրեց, գրում են հանդիպումների մասին, որոնք տեղի չեն ունեցել, իրականության մեջ գոյություն չունեն, ուղղակի գուշակություններ են անում, և եթե համընկավ, ապա ներկայացնում են որպես իրենց հստակ աղբյուների տեղեկատվություն»,– նշեց ԱԺ փոխնախագահը։

Սիմոնյանի պնդմամբ` մամուլում տեղ գտած հրապարակումների 90 տոկոսը, որոնք առնչվում են ՔՊ–ի ու «Իմ քայլը» խմբակցության հանդիպմանը, իրականությանը չեն համապատասխանում։

«Հայկ Գրիգորյանի հմտությունները պետք է կիրառենք պետական կառավարման համակարգում». Փաշինյան

Անդրադառնալով Նիկոլ Փաշինյանի նախկին խորհրդական Արայիկ Հարությունյանի հայտարարությանը, թե Երևանի քաղաքապետ Հայկ Մարությանը դեռ արտահերթ խորհրդարանական ընտրություններից առաջ դուրս է եկել ՔՊ–ից, Սիմոնյանն ասաց, որ Մարությանը կուսակցությանն անդամագրվելիս այդ մասին հայտարարություն է արել իր ֆեյսբուքյան էջում, իսկ դրանից հետո որևէ այլ հայտարարություն չի արվել, նրան չեն հեռացրել, նա դիմում չի ներկայացրել, ուստի համարվում է ՔՊ անդամ։ 

Խոսելով ընդդիմության պնդումների մասին, թե ԱԺ–ում դժվար է լինելու իշխանության համար, Սիմոնյանն ընդգծեց, որ իրենք որևէ խնդիր չունեն, հաղթել են ընտրություններում, ունեն պողպատե մանդատ և գործելու են պողպատե մանդատի տրամաբանության մեջ, այնպես որ դժվար է լինելու այն մարդկանց համար, ովքեր կփորձեն օրենքից դուրս որևէ գործողություն իրականացնել։   

Ալեն Սիմոնյանը շնորհակալություն է հայտնել Սերժ Սարգսյանին

Նշենք, որ «Ժողովուրդ» թերթն անդրադառնալով Նիկոլ Փաշինյանի և «Իմ քայլը» խմբակցության պատգամավորների հանդիպմանը` նշել էր, որ իշխանական ֆրակցիան համակերպվել է ՔՊ վարչության անդամների որոշման հետ, քանի որ խմբակցության համաձայնությանը չեն էլ սպասել, որոշել են ու եկել ներկայացրել։

Ըստ թերթի` իմքայլականների մի ստվար զանգված այդքան էլ կողմ չի եղել հատկապես ԱԺ փոխնախագահներ Ռուբեն Ռուբինյանի և Հակոբ Արշակյանի թեկնածությունների հետ, բայց քանի որ ոչ մի ձևով չեն կարողացել որոշման վրա ազդել, լուռ համաձայնել են:

269
թեգերը:
Ալեն Սիմոնյան, խորհրդարան, ընդդիմություն
Ըստ թեմայի
Հեղափոխության թավիշն ու խոստացված պատիժը. 7-րդ գումարման խորհրդարանի աղմկոտ օրինագծերը
«Խորհրդարանում օր ու արև չենք տալու այս իշխանություններին». Իշխան Սաղաթելյան
ԱԱԾ–ն նոր պետ կունենա. մամուլն անուններ է հրապարակել ՔՊ–ում պաշտոնների բաշխման գործընթացից
Արման Բադալյան

«Դուք գնացեք, թող իրենց հերթ չհասնի». համաճարակաբանը՝ Covid-ի դեմ պատվաստումների մասին

80
(Թարմացված է 16:18 01.08.2021)
Արման Բադալյանը համոզված է, որ Հայաստանում կորոնավիրուսի տարածվածության պատկերը բոլորովին այլ կլիներ, եթե բնակչության կեսը պատվաստված լիներ:
Գնացե՛ք, թող հերթն իրենց չհասնի. համաճարակաբանը` Covid- 19-ի դեմ պատվաստումների մասին

Հայաստանում պատվաստման գործընթացը բավականին դանդաղ է ընթանում, մինչդեռ արդյունքի հասնելու համար անհրաժեշտ է ապահովել մեծ ընդգրկվածություն: Sputnik Արմենիայի հետ զրույցում նման կարծիք հայտնեց համաճարակաբան Արման Բադալյանը:

«Covid-ի դեմ պատվաստումները չպետք է ինքնահոսի մատնել: Հակառակ դեպքում վիրուսը կշարունակի բազմանալ, նոր շտամներ կառաջանան: Այդ ժամանակ արդեն գործընթացն ավելի կբարդանա»,- ասաց նա։

Համաճարակաբանը նորմալ չի համարում, որ մեր երկրում օրական ավելի քան 200 մարդ է վարակվում կորոնավիրուսով, իսկ մահվան դեպքերը մոտենում են մեկ տասնյակին։ Նա համոզված է` պատկերը միանգամայն այլ կլիներ, եթե մարդիկ լսեին նեղ մասնագետներին և այսօր գոնե բնակչության կեսը պատվաստված լիներ: Առողջապահության նախարարությունն էլ ստիպված չէր լինի քաղաքացիների որոշակի խմբի հետ հարկադրանքի լեզվով խոսել:

«Շատերը ճարահատյալ պետք է պատվաստվեն կամ եթե չեն ուզում պատվաստվել, թող գնան 14 օրը մեկ թեստ հանձնեն, բերեն ցույց տան, որ վարակված չեն։ Ինչ խոսք, սա ճարահատյալ, բայց անհրաժեշտ որոշում է»,- նշեց Բադալյանը:

Համաճարակաբանը դժվարանում է ասել՝ ԱՆ-ն պարտադիր պահանջ սահմանելիս հաշվի առել է, որ, օրինակ, կարող են լինել մարդիկ, որոնց հակացուցված է պատվաստվելը: Մասնագետը, սակայն, այստեղ մեկ այլ ռիսկ էլ է տեսնում:

«Բնականաբար կան պատվաստման ժամանակավոր և բացարձակ հակացուցումներ։ Կարծում եմ, որ այդ կետը հաշվի առնված կլինի։ Դրա հիմնավորման դեպքում խնդիր չկա, թող չպատվաստվեն, սակայն վերահսկողություն էլ է պետք, որ մարդիկ առիթից չօգտվեն, նոր խնդիրներ չառաջանան»,-ընդգծեց նա:

Անդրադառնալով Հայաստանում օտարերկրացիներին, մասնավորապես հարևան իրանցիներին անվճար պատվաստելու գործընթացին՝ Բադալյանը նշեց, որ եթե մարդիկ ուզում են պատվաստվել, հնարավոր չէ նրանց մերժել:

«Միշտ ասում եմ` դժգոհում եք, որ շատ են այլ երկրներից պատվաստվողները։ Դո՛ւք գնացեք, թող իրենց հերթ չհասնի։ Դուք չեք պատվաստվում, հետո էլ դժգոհում եք, թե ինչու են մեր հարկերի հաշվին իրանցիներին պատվաստում»,-եզրափակեց համաճարակաբանը։

Նշենք, որ հուլիսի 30-ին առողջապահության նախարարությունը պատվաստումների թեմայով քննարկում էր կազմակերպել, որի ընթացքում առաջարկվել էր մի շարք հաստատություններում աշխատող կամ այնտեղ հաճախող, 18 տարեկանից բարձր անձանց կորոնավիրուսի դեմ պատվաստված լինելը հավաստող սերտիֆիկատ կամ յուրաքանչյուր 14 օրը մեկ ՊՇՌ թեստի բացասական արդյունք ներկայացնելու պահանջ սահմանել:

80
թեգերը:
Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ վրացի զբոսաշրջիկները Հայաստան չեն գալիս. մասնագետները` ոլորտի խնդիրների մասին
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը
Բոլոր պատվաստանյութերն էլ չպատվաստվելուց լավ են. Նուբար Աֆեյան
Բենիամին Մաթևոսյան

Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին

79
(Թարմացված է 13:08 01.08.2021)
Քաղաքագետ Բենիամին Մաթևոսյանը կարծում է, որ 8-րդ գումարման Ազգային ժողովի ընդդիմությունը պետք է ոչ մի վայրկյան չթուլացնի զգոնությունը։
Ո՞ր դեպքում խորհրդարանական ընդդիմությունը կարող է քաղաքական առաջընթաց ապահովել. Մաթևոսյանը` նոր գումարման ԱԺ մասին

8-րդ գումարման ԱԺ անցած ընդդիմադիր դաշինքների պատգամավորները նույնիսկ մեկ օր չաշխատելու, առավելևս սխալվելու իրավունք չունեն, հակառակ դեպքում ավելի կխորացնեն երկրում առկա քաղաքական ճգնաժամը։ Sputnik Արմենիայի հետ զրույցում նման կարծիք հայտնեց քաղաքագետ Բենիամին Մաթևոսյանը։

«Խորհրդարանական ընդդիմությունը պետք է հաշվի առնի, որ իր առջև ունի քաղաքական միավոր, որը չի խորշում ցանկացած գործողություն իրականացնել իր հակառակորդներին ճնշելու, ջլատելու քաղաքական գործընթացներից դուրս բերելու համար»,- ասաց նա։

Նոր խորհրդարանի հիմնական առանձնահատկություններից մեկն էլ այն է, որ իշխող խմբակցությունը կայուն մեծամասնություն է կազմում, բայց չունի սահմանադրական մեծամասնություն, նշանակում է` մի շարք օրենքներ ընդունելիս իշխող թիմը ստիպված է ընդդիմության հետ կոնսենսուսի գնալ։

«Սա այն տեղն է, որի վրա ընդդիմությունը կարող է որոշակի քաղաքական առաջընթաց ապահովել և ստիպել իշխանություններին գոնե համակերպվել իրենց օրակարգի հետ, բայց ժամանակը ցույց կտա` իրենք ինչ կանեն, ինչպես կանեն»,- ընդգծեց Մաթևոսյանը։

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

Քաղաքագետի կարծիքով` ընդդիմադիրները, ինչպես ԱԺ փոխխոսնակի թեկնածուի հարցում, այսուհետ ևս պետք է հանդես գան միասնաբար, մանավանդ որ նրանց մեծամասնությունը դեմ է արտահայտվել իշխանափոխությանն ու «թավշյա հեղափոխության» առաջնորդին։

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր 658 761 ձայն կամ ընտրողների ձայների 53.91%–ը, «Հայաստան» դաշինքը ստացել է 269 481 ձայն կամ 21.09%–ը, «Պատիվ ունեմ» դաշինքը 66 650 քվե կամ 5.22%։

Այս երեք ուժերը կձևավորեն ութերորդ գումարման Ազգային ժողովը։

Անելիք շատ կա. նախկին նախարարը պատգամավոր կդառնա

79
թեգերը:
Հայաստան, ԱԺ, Բենիամին Մաթևոսյան, Պատգամավոր
Ըստ թեմայի
Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»
ԱԺ «Պատիվ ունեմ» խմբակցությունը կգլխավորի Արթուր Վանեցյանը
Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

0
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

0
թեգերը:
Հայաստան, ավտովթար, ավտոմեքենա, Զոհ, վարորդ