Արմեն Պետրոսյան

Սիրիայի ժողովրդի շրջանում պահպանվում է օբյեկտիվ թշնամանքը Թուրքիայի հանդեպ. Պետրոսյան

101
Արաբագետ Արմեն Պետրոսյանը Sputnik Արմենիայի եթերում անդրադարձել է Թուրքիայի ապակառուցողական դերակատարությանը սիրիական ճգնաժամի հանգուցալուծման գործում։
Պետրոսյան. «Թուրքիան իր հսկողության տակ անցած Աիրիայի տարածքներում իրականացնում է թրքացման գործընթաց»

Արմեն Պետրոսյանի դիտարկմամբ` սիրիական ճգնաժամի առթիվ Իրանը, Ռուսաստանն ու Սիրիան հանդես են գալիս միևնույն դիրքերից և Սիրիայի դիրքորոշումը միանշանակ բխում է նաև Ռուսաստանի և Իրանի շահերից։ Բացի փոխհամաձայնությունից, որն առկա է Սիրիայի տարածքում, կա նաև մրցակցություն, քանզի Թուրքիան իր հերթին իր վերահսկողության տակ գտնվող շրջաններում իրականացնում է հակասիրիական կամ հակաասադական քաղաքականություն։ 

«Ռուսաստանն ու Իրանն էլ իրենց հերթին դեմ չեն, որ Սիրիայի կառավարությունը միջազգային ատյաններում տարբեր ձևաչափերով հնչեցնի այն բոլոր մտահոգությունները, որոնք պայմանավորված են Թուրքիայի գործողություններով։ Չմոռանանք նաև, որ արաբական երկրի արտգործնախարարը բոլորովին վերջերս սուր քննադատական ուղերձներով ու շեշտադրումներով հանդես եկավ Թուրքիայի ապակառուցողական քաղաքականության դեմ»,– նշեց վերլուծաբանը։

Պետրոսյանը վկայակոչեց միջազգային մամուլում և փորձագիտական շրջանակներում հնչող տեսակետներն այն մասին, որ Անկարան սիրիական ճգնաժամի համատեքստում ծավալում է թշնամական գործունեություն, աջակցում է ահաբեկչությանը, իր վերահսկողության տակ անցած սիրական տարածքների դպրոցներում փոխում է կրթական ծրագիրը` իրականացնելով թրքացման գործընթաց` նույնիսկ փոխելով բնակավայրերի անվանումներն ու իրականացնելով էթնիկ զտումներ։ 

Վերլուծաբանի խոսքով` Սիրիայի կառավարության ու ժողովրդի շրջանում պահպանվում է օբյեկտիվ թշնամական վերաբերմունքը Թուրքիայի հանդեպ, որովհետև եթե չլինեին այդ երկրի ապակառուցողական գործողությունները, ապա սիրիական ճգնաժամը նման զարգացում և հետևանքներ չէր ունենա արաբական պետության ու նրա ժողովրդի համար։ Պետրոսյանի համոզմամբ` Թուրքիայի նկատմամբ թշնամական վերաբերմունքը կպահպանվի այնքան ժամանակ, քանի դեռ պաշտոնական Անկարան իրականացնում է ոչ բարեկամական գործողություններ Սիրիայի տարածքում։ 

ԱՄՆ-ն ու ՆԱՏՕ-ն չեն կարող դիմադրել ռուսական Տու-22Մ3–ին. հատուկ խնդիր Սիրիայում

Հիշեցնենք, որ հուլիսի 7-ին և 8-ին Նուր- Սուլթանում տեղի ունեցավ Սիրիային նվիրված միջազգային հանդիպումն Աստանայի ձևաչափով: 

Նշենք, որ դրան մասնակցում են երաշխավոր երկրների (Իրանի, Ռուսաստանի և Թուրքիայի), Սիրիայի կառավարության և սիրիական զինված ընդդիմության պատվիրակությունները: Որպես դիտորդներ միջոցառմանը մասնակցում են ՄԱԿ-ի, Հորդանանի, Լիբանանի և Իրաքի բարձրաստիճան ներկայացուցիչներ:

Եվրոպայում, Սիրիայում, Արցախում էներգակիրների ու լոգիստիկ խնդիրների պայքարը` բախման առիթ

Բանակցությունների մասնակիցները քննարկել են Սիրիայի իրադրությունը, միջազգային հումանիտար աջակցությունն այդ երկրին, Ժնևում սիրիական Սահմանադրական կոմիտեի աշխատանքի վերսկսման հեռանկարները, վստահության ամրապնդման միջոցները, ներառյալ գերիների փոխանակումը, պատանդների ազատումը և անհայտ կորածների որոնումը:

101
թեգերը:
Ռուսաստան, Թուրքիա, Սիրիա
Ըստ թեմայի
«Զինված ուժերի մասնակի միակցում». Թուրքիայի ՌՕՈւ հրամանատարի`Բաքու այցի հետքերով
Վրաստանը, Թուրքիան ու Ադրբեջանը համատեղ զորավարժություններ կանցկացնեն
Թուրքիան մտադիր չէ կանգ առնել. Սաֆրաստյանն ասել է` ինչ կարող է լինել հաջորդիվ
Նիկոլ Փաշինյան

Փաշինյանի պատժելու մեթոդները, կամ ինչպես տխուր երևույթը տհաճ անցյալից տեղափոխվեց մեր օրեր

95
(Թարմացված է 22:16 23.07.2021)
Իրավապաշտպան Վարդան Հարությունյանը Sputnik Արմենիայի եթերում զուգահեռներ է անցկացրել նախկին և ներկա իշխանությունների միջև և ասել, թե ինչ է փոխվել Հայաստանում մարդու հիմնարար իրավունքների պաշտպանության առումով։
Հարությունյան. «Ընտրություններից հետո Փաշինյանը գնում է Սյունիքի համայնքապետերին պատժելու ճանապարհով»

Վարդան Հարությունյանի դիտարկմամբ`նախկին իշխանությունների հասցեին հնչած քննադատությունները հիմնավոր էին, որովհետև նրանք իրենց բոլոր ծրագրերը մշակելիս հաշվի էին առնում թաղային հեղինակությունների, քրեական տարրերի շահերը և որևէ հարգանք չունեին մարդու իրավունքների նկատմամբ։

«Մենք ունեինք քաղբանտարկյալներ, քաղաքական նպատակներով հետապնդվող անձինք։ Դատական կամայականության դեպքերը շատ էին, և արդարադատության վիճակը ենթադրում էր, որ կլինեն քննադատություններ, ընդ որում` քննադատել ենք ոչ միայն մենք` տեղական իրավապաշտպաններս, այլև միջազգային կառույցները»,– Sputnik Արմենիայի հետ զրույցում ասաց իրավապաշտպանը։

Իսկ ինչ վերաբերում է առկա վիճակին, Հարությունյանն ընդգծեց, որ ներկան պետք է բաժանել երկու մասի` 2018 թվականի հեղափոխությունից հետո մինչև 2020 թվականն ընկած ժամանակաշրջան և հետպատերազմական ժամանակաշրջան։ Ըստ նրա` մինչպատերազմական շրջանում առկա էին դրական միտումներ, ճիշտ է` չկային ակնհայտ զարգացումներ, թեև ձերբազատվեցինք քաղբանտարկյալներից, բայցևայնպես երկու տարվա ընթացքում հիմքեր չձևավորվեցին, որպեսզի ապագայում արդեն ամրապնդվեն ձեռքբերումները։

«Հետպատերազմական շրջանում իրավիճակը կտրուկ փոխվել է։ Հիմա չասեմ, թե գործ ունենք քաղաքական նկատառումներով հետապնդումների հետ, բայց հիմնավոր կասկած կա, որ այլախոհների նկատմամբ տեղի է ունենում վրեժխնդրություն։ Օրինակ կարող են ծառայել Սյունիքի համայնքապետների հետապնդումները։ Փաշինյանը նշված մարզում արժանացավ ոչ այնքան հաճելի ընդունելության և հիմա ընտրություններից հետո գնում է նրանց պատժելու ճանապարհով, ինչը չպետք է տեղի ունենար»,– ասաց իրավապաշտպանը։

Անդրադառնալով Սյունիքի նախկին ու ներկա մարզպետների որդիների հետ կապված միջադեպին ու Գորիս քաղաքում գրանցված փոխհրաձգությանը` Հարությունյանն ընդգծեց, որ տխուր երևույթը տհաճ անցյալից տեղափոխվել է մեր օրեր։ Ըստ նրա` գուցե կարճ ժամանակահատվածում հնարավոր չէր փոխել դաստիարակությունն ու պատկերացումները, որ ունեն մարդիկ ոչ միայն Սյունիքում, այլև ամբողջ Հայաստանում, երբ փորձում են հարցեր լուծել զենքի կիրառմամբ, բայցևայնպես երևույթը պետք է խստորեն դատապարտվի նույն կերպ, ինչպես նախորդ իշխանությունների օրոք։

«Գործող իշխանությունը պետք է առանց թերանալու կատարի իր պարտականությունները, մի բան, ինչը հնարավոր չէր ակնկալել նախկինների պարագայում։ Բայց պետք է նշել, որ 2018 թվականին հաղթած ուժի ներկայացուցիչներն այսօր բոլորովին նույն մարդիկ չեն։ Նրանք ավելի շատ վերադառնում են հեղափոխությունից առաջ եղած իրականությանը, սկսում են նմանվել նախահեղափոխական շրջանի իշխանավորներին»,– ասաց իրավապաշտպանը։

Հարությունյանի գնահատմամբ`ներկա իրավիճակում նույնպես գործում է այն սկզբունքը, որ յուրայիններին կարելի է ավելին, քան ոչ յուրայիններին, թեև հույս կար, որ մենք կտրվել ենք նախկին իրականությունից, սակայն հույսերը չարդարացան։

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը, Գորիսի համայնքապետ Առուշ Առուշանյանն ու Սիսիանի համայնքապետ Արթուր Սարգսյանը։

Կալանավորվել էր նաև Քարահունջի համայնքապետ Լուսինե Ավետյանը, սակայն ավելի ուշ նա ազատ արձակվեց։

Իսկ հուլիսի 14–ին հայտնի դարձավ, որ Գորիսում փոխհրաձգություն էր եղել. ըստ ԶԼՄ–ների` Սյունիքի նախկին մարզպետ Սուրիկ Խաչատրյանի («Լիսկա») որդին՝ Տիգրան Խաչատրյանը, կրակել է Սյունիքի ներկայիս մարզպետ Մելիքսեթ Պողոսյանի որդու վրա։

ՀՀ Սյունիքի մարզպետ Մելիքսեթ Պողոսյանի որդու նկատմամբ հետախուզում է հայտարարվել. ՔԿ

95
թեգերը:
Ընտրություններ, Սյունիք, Նիկոլ Փաշինյան, Հայաստան
Ըստ թեմայի
Կալանավորված Արթուր Սարգսյանն էլ պատգամավոր դարձավ. ի՞նչ է պատրաստվում անել պաշտպանը
Հայաստանի «արտահերթ» խորհրդարանը. ով ինչքան մանդատ ստացավ
Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը
Ինեսսա Գաբայան

Ինչպե՞ս կարելի է լուծել ջրային ռեսուրսների հարցը. Գաբայանը կոնցեպտուալ կետեր է թվարկում

60
ՀՀ ջրային կոմիտեի նախկին նախագահ, տեխնիկական գիտությունների թեկնածու Ինեսսա Գաբայանը Sputnik Արմենիայի եթերում անդրադարձել է այն հարցին, թե որոնք պետք է լինեն ջրային համակարգի զարգացման հայեցակարգի կարևորագույն կետերը։
Ջրային համակարգին տրամադրվող սուբսիդիաների 70 տոկոսը գնում է էներգիայի դիմաց վճարումներին

Ինեսսա Գաբայանի փոխանցմամբ` դեռ 2019 թվականի սկզբին ջրային կոմիտեն իր ղեկավարությամբ ներկայացրել էր համապատասխան նախագիծ, իսկ վերջերս համացանցում տեսել է համակարգի զարգացման հայեցակարգի նախագիծը և այն ընդունելու մասին կառավարության որոշման նախագիծը, բայց, ցավոք, ջրային համակարգի զարգացման հայեցակարգի նախագիծը դեռ գտնվում է սաղմնային վիճակում։

«Այս ոլորտում հայեցակարգային միջոցառումներ իրականացնելու համար նախ անհրաժեշտ է ընդունել ընդհանուր հայեցակարգը, այլապես կոնցեպտուալ օղակների զարգացումն արդյունավետ չի լինի»,– Sputnik Արմենիայի հետ զրույցում ասաց ՀՀ ջրային կոմիտեի նախկին նախագահը։

Գաբայանի կարծիքով` հարցերից առաջինը պետք է լինի ջրամբարաշինությունը, դրանց կառուցումն ու մեր երկրի տարածքում ձևավորվող ջրային ռեսուրսների ամբարումը տարբեր ոլորտներում օգտագործելու համար, ինչն ունի ռազմավարական և անվտանգության ապահովման նշանակություն։

Երկրորդը ոռոգման համակարգերի արդիականացումն է, ինչը ենթադրում է նաև ջրային ռեսուրսների հաշվառում ու էներգահամակերգերի ներդրում։

«Հայաստանում գործում են խոշոր պոմպակայաններ, որոնք աշխատում են շատ հին տեխնոլոգիաներով, գերօգտագործում են էլեկտրաէներգիան, իսկ կառավարության կողմից նշված համակարգին տրամադրվող սուբսիդիաների 70 տոկոսը գնում է այդ էներգիայի դիմաց վճարումներին։ Բա մնացա՞ծ աշխատանքները, բա մնացա՞ծ կարիքները։ Սա ահավոր, էներգածանր համակարգ է, հետևաբար պետք է ձգտել այն արդիականացնել, դարձնել էներգախնայող, ներգրավել ինքնահոս համակարգեր` կիրառելով կաթիլային, անձրևացման մեթոդները»,– ասաց ՀՀ ջրային կոմիտեի նախկին նախագահը։

Երրորդ կարևոր կոնցեպտուալ կետը, ըստ Գաբայանի, ջրային համակարգի վրա ծախսվող գումարների օգտագործման իրական գնահատումն է։

Ջուրը ճիշտ չի օգտագործվում, ՀՀ–ն մեծ վնասներ է կրելու. ահազանգում են մասնագետները

Նրա խոսքով` անկախացումից հետո թեև Համաշխարհային բանկի մի շարք ծրագրերով ու մի քանի երկրների կողմից մեծ ներդրումներ են կատարվել ջրային համակարգի վերականգնման գործում ոռոգման համակարգերի, ջրամբարների անվտանգությունն ապահովելու նպատակով, սակայն տարեցտարի մենք նորից կանգնում ենք նույն խնդիրների առջև, որովհետև չենք կարողանում ներդրված գումարներն օգտագործել նպատակային, այսինքն`արդյունավետ չեն ծախսվում վերականգնված հատվածների պահպանման ու շահագործման համար նախատեսված գումարները, ուստի անհրաժեշտ է մշակել ֆինանսավորման հստակ ռազմավարություն, որպեսզի հնարավոր լինի քայլ առ քայլ զարգացնել բնագավառն ու այն դնել ճիշտ ուղու վրա։

Արցախի իշխանությունները նախատեսում են մի քանի ջրամբարներ կառուցել

60
թեգերը:
ջրամբար, ջուր, Հայաստան
Ըստ թեմայի
Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին
Փաստորեն վերջին 60 տարում Հայաստանում ո՛չ ձյուն էր եկել, ո՛չ անձրև. Փաշինյանը` Սևանի մասին
Ինչ ախորժակ են գրգռում Սև լճի քաղցր ջրերը. լճից բաժին էր պահանջում նաև Հեյդար Ալիևը
Սերգեյ Բեզրուկով

Սերգեյ Բեզրուկովը հինգերորդ անգամ հայր է դարձել. լուսանկար

12
Հանրահայտ դերասանը հրապարակել է կնոջ ու նորածին որդու լուսանկարը։ Ակնհայտ է, որ նա երջանիկ է։

ԵՐԵՎԱՆ, 24 հուլիսի – Sputnik. Ռուսաստանի ժողովրդական արտիստ Սերգեյ Բեզրուկովը հինգերորդ անգամ է հայրացել։ Ուրախալի լուրը նա հայտնել է Instagram-ի իր էջում:

«Անեչկան լույս աշխարհ բերեց իմ որդի Վասիլիին։ Ուռա՜։ Մենք ավելի շատացանք: Շնորհակալություն քեզ, հարազատս», - գրել է դերասանը և կնոջ ու նորածնի հետ լուսանկար հրապարակել։

Посмотреть эту публикацию в Instagram

Публикация от Сергей Безруков (@s_bezrukov)

Փոքրիկը Բեզրուկովի և նրա կնոջ՝ Աննա Մատիսոնի երրորդ զավակն է։ Նրանց դուստրը` Մաշան, արդեն 4 տարեկան է, իսկ որդին` Ստեփանը` 2։ Բեզրուկովը ևս երկու երեխա էլ (աղջիկ ու տղա) ունի դերասանուհի Քրիստինա Սմիրնովայից։

12