Տիգրան Քեյան

Նոր արագաչափերին վարորդներն արագ ընտելանում են. ինչ պետք է անել իրավիճակը շտկելու համար

100
(Թարմացված է 23:14 10.07.2021)
«Վարորդի ընկեր» ՀԿ նախագահ Տիգրան Քեյանը Sputnik Արմենիայի եթերում անդրադարձել է հանրապետության տարածքում արագաչափերի թվի ավելացման հարցին և դրանով պայամանավորված ճանապարհատրանսպորտային երթևեկության ներկա վիճակին։ 
Քեյան. «Անկախ արագաչափերի աշխատանքից, մեզ մոտ վթարների պակաս երբեք չի եղել»

Տիգրան Քեյանի դիտարկմամբ` որոշ հատվածներում արագաչափերի թվաքանակի ավելացումը մեծ հաշվով երթևեկության հետ կապված իրավիճակը չի կարող շտկել, դրանք միայն կոնկրետ հատվածներում և դրանց մոտակա տարածքներում որոշակիորեն կկարգավորեն երթևեկությունը, վարորդները մեքենաները կվարեն ներկայացվող պահանջներին համապատասխան։ 

«Շուրջ տասը տարի արագաչափերը կիրառվում են, բայց անվտանգության խնդիրն ամբողջությամբ չեն լուծում, դրանք միայն որոշակի զգոնություն են հաղորդում տեղադրված հատվածներով երթևեկողներին, և այդ արագաչափերին վարորդները շատ արագ ընտելանում են։ Այլ լուծում այս պահին չեմ տեսնում»,– նշեց «Վարորդի ընկեր» ՀԿ նախագահը։

Քեյանի կարծիքով` հարցի լուծման համար կա երկարաժամկետ ու կարճաժամկետ լուծում։ Առաջինի համաձայն` անհրաժեշտ է քաղաքացիներին կրթել փոքր հասակից, դպրոցական տարիքից, որպեսզի ծանոթանան օրենքներին ու հարգեն դրանք, և այդ դեպքում կունենանք լավ հասարակություն ոչ միայն երթևեկության, այլև բոլոր մյուս ոլորտներում։ Իսկ երկրորդ լուծումն, ըստ Քեյանի, առնչվում է հսկողությանը, այսինքն` անհրաժեշտ է, որ ճանապարհային ոստիկանությունը միշտ լինի իր տեղում` թե՛ մարզերում, թե՛ մայրաքաղաքում։ 

«Երևանում արդեն ներդրվել է պարեկային ծառայությունը։ Տեսնենք, թե երբ աշխատակիցներն ամբողջությամբ կինտեգրվեն աշխատանքին, քանի որ համակարգում նոր մարդիկ կան, որոնք, ցավոք սրտի, չեն տիրապետում ոստիկանության գործառույթներին և նոր պետք է ստանան պրակտիկ փորձառություն։ Եթե նրանք ավելի ինտենսիվ կատարեն իրենց ծառայությունը, ապա ավելի շուտ արդյունքի կհասնենք, քան արագաչափերի թվաքանակի ավելացմամբ»,– նշեց «Վարորդի ընկեր» ՀԿ նախագահը։ 

Քեյանի խոսքով` անկախ արագաչափերի աշխատանքից, մեզ մոտ վթարների պակաս երբեք չի եղել` չհաշված համավարակի շրջանը, երբ առաջին փուլում որոշ ժամանակով զգալիորեն սահմանափակվեց երթևեկությունն ու քաղաքացիների 
տեղաշարժը, ուստի պատահարների թվաքանակն էլ համեմատաբար քիչ էր։      

Նշենք, որ հուլիսի 12-ից ՀՀ տարածքում կգործարկվի 10 նոր արագաչափ։ 

354 ահազանգ առաջին օրը. ինչպես են պարեկային ծառայողները լեզու գտնում խախտում արածների հետ

Ճանապարհային ոստիկանության տեղեկացմամբ` տվյալ որոշման համար հիմք է հանդիսացել այն, որ սահմանված երթևեկության առավելագույն արագության պահպանման նկատմամբ լուսանկարահանող տեխնիկական միջոցներով վերահսկողության բացակայությունը որոշ տեղերում մեծ թվով վարորդների համար նպաստավոր պայմաններ է ստեղծում երթևեկության առավելագույն արագության գերազանցման համար՝ նպաստելով վթարային իրադրությունների առաջացմանը։ 

Դիմավորեք. Երևանում ծառայության են դուրս եկել պարեկային ոստիկանության ծառայողները

100
թեգերը:
Տիգրան Քեյան, արագաչափ, վարորդ, երթևեկություն
Ըստ թեմայի
Ինչպես թեթևացնել Երևանի կենտրոնի երթևեկությունը. Քեյանը` կարմիր գծերի և կայանատեղերի մասին
Վարորդները դարձել են «տուգանքի ենթակա իրական մատերիալ». Քեյան
Վարորդական իրավունքի քննության բարդացումն իրականում զրո էֆեկտ ունի. Տիգրան Քեյան
Արման Բադալյան

«Դուք գնացեք, թող իրենց հերթ չհասնի». համաճարակաբանը՝ Covid-ի դեմ պատվաստումների մասին

80
(Թարմացված է 16:18 01.08.2021)
Արման Բադալյանը համոզված է, որ Հայաստանում կորոնավիրուսի տարածվածության պատկերը բոլորովին այլ կլիներ, եթե բնակչության կեսը պատվաստված լիներ:
Գնացե՛ք, թող հերթն իրենց չհասնի. համաճարակաբանը` Covid- 19-ի դեմ պատվաստումների մասին

Հայաստանում պատվաստման գործընթացը բավականին դանդաղ է ընթանում, մինչդեռ արդյունքի հասնելու համար անհրաժեշտ է ապահովել մեծ ընդգրկվածություն: Sputnik Արմենիայի հետ զրույցում նման կարծիք հայտնեց համաճարակաբան Արման Բադալյանը:

«Covid-ի դեմ պատվաստումները չպետք է ինքնահոսի մատնել: Հակառակ դեպքում վիրուսը կշարունակի բազմանալ, նոր շտամներ կառաջանան: Այդ ժամանակ արդեն գործընթացն ավելի կբարդանա»,- ասաց նա։

Համաճարակաբանը նորմալ չի համարում, որ մեր երկրում օրական ավելի քան 200 մարդ է վարակվում կորոնավիրուսով, իսկ մահվան դեպքերը մոտենում են մեկ տասնյակին։ Նա համոզված է` պատկերը միանգամայն այլ կլիներ, եթե մարդիկ լսեին նեղ մասնագետներին և այսօր գոնե բնակչության կեսը պատվաստված լիներ: Առողջապահության նախարարությունն էլ ստիպված չէր լինի քաղաքացիների որոշակի խմբի հետ հարկադրանքի լեզվով խոսել:

«Շատերը ճարահատյալ պետք է պատվաստվեն կամ եթե չեն ուզում պատվաստվել, թող գնան 14 օրը մեկ թեստ հանձնեն, բերեն ցույց տան, որ վարակված չեն։ Ինչ խոսք, սա ճարահատյալ, բայց անհրաժեշտ որոշում է»,- նշեց Բադալյանը:

Համաճարակաբանը դժվարանում է ասել՝ ԱՆ-ն պարտադիր պահանջ սահմանելիս հաշվի առել է, որ, օրինակ, կարող են լինել մարդիկ, որոնց հակացուցված է պատվաստվելը: Մասնագետը, սակայն, այստեղ մեկ այլ ռիսկ էլ է տեսնում:

«Բնականաբար կան պատվաստման ժամանակավոր և բացարձակ հակացուցումներ։ Կարծում եմ, որ այդ կետը հաշվի առնված կլինի։ Դրա հիմնավորման դեպքում խնդիր չկա, թող չպատվաստվեն, սակայն վերահսկողություն էլ է պետք, որ մարդիկ առիթից չօգտվեն, նոր խնդիրներ չառաջանան»,-ընդգծեց նա:

Անդրադառնալով Հայաստանում օտարերկրացիներին, մասնավորապես հարևան իրանցիներին անվճար պատվաստելու գործընթացին՝ Բադալյանը նշեց, որ եթե մարդիկ ուզում են պատվաստվել, հնարավոր չէ նրանց մերժել:

«Միշտ ասում եմ` դժգոհում եք, որ շատ են այլ երկրներից պատվաստվողները։ Դո՛ւք գնացեք, թող իրենց հերթ չհասնի։ Դուք չեք պատվաստվում, հետո էլ դժգոհում եք, թե ինչու են մեր հարկերի հաշվին իրանցիներին պատվաստում»,-եզրափակեց համաճարակաբանը։

Նշենք, որ հուլիսի 30-ին առողջապահության նախարարությունը պատվաստումների թեմայով քննարկում էր կազմակերպել, որի ընթացքում առաջարկվել էր մի շարք հաստատություններում աշխատող կամ այնտեղ հաճախող, 18 տարեկանից բարձր անձանց կորոնավիրուսի դեմ պատվաստված լինելը հավաստող սերտիֆիկատ կամ յուրաքանչյուր 14 օրը մեկ ՊՇՌ թեստի բացասական արդյունք ներկայացնելու պահանջ սահմանել:

80
թեգերը:
Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Ինչո՞ւ վրացի զբոսաշրջիկները Հայաստան չեն գալիս. մասնագետները` ոլորտի խնդիրների մասին
Կորոնավիրուսի պատճառով վերաբացվել է Միքայելյան հիվանդանոցի Covid բաժանմունքը
Բոլոր պատվաստանյութերն էլ չպատվաստվելուց լավ են. Նուբար Աֆեյան
Բենիամին Մաթևոսյան

Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին

78
(Թարմացված է 13:08 01.08.2021)
Քաղաքագետ Բենիամին Մաթևոսյանը կարծում է, որ 8-րդ գումարման Ազգային ժողովի ընդդիմությունը պետք է ոչ մի վայրկյան չթուլացնի զգոնությունը։
Ո՞ր դեպքում խորհրդարանական ընդդիմությունը կարող է քաղաքական առաջընթաց ապահովել. Մաթևոսյանը` նոր գումարման ԱԺ մասին

8-րդ գումարման ԱԺ անցած ընդդիմադիր դաշինքների պատգամավորները նույնիսկ մեկ օր չաշխատելու, առավելևս սխալվելու իրավունք չունեն, հակառակ դեպքում ավելի կխորացնեն երկրում առկա քաղաքական ճգնաժամը։ Sputnik Արմենիայի հետ զրույցում նման կարծիք հայտնեց քաղաքագետ Բենիամին Մաթևոսյանը։

«Խորհրդարանական ընդդիմությունը պետք է հաշվի առնի, որ իր առջև ունի քաղաքական միավոր, որը չի խորշում ցանկացած գործողություն իրականացնել իր հակառակորդներին ճնշելու, ջլատելու քաղաքական գործընթացներից դուրս բերելու համար»,- ասաց նա։

Նոր խորհրդարանի հիմնական առանձնահատկություններից մեկն էլ այն է, որ իշխող խմբակցությունը կայուն մեծամասնություն է կազմում, բայց չունի սահմանադրական մեծամասնություն, նշանակում է` մի շարք օրենքներ ընդունելիս իշխող թիմը ստիպված է ընդդիմության հետ կոնսենսուսի գնալ։

«Սա այն տեղն է, որի վրա ընդդիմությունը կարող է որոշակի քաղաքական առաջընթաց ապահովել և ստիպել իշխանություններին գոնե համակերպվել իրենց օրակարգի հետ, բայց ժամանակը ցույց կտա` իրենք ինչ կանեն, ինչպես կանեն»,- ընդգծեց Մաթևոսյանը։

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

Քաղաքագետի կարծիքով` ընդդիմադիրները, ինչպես ԱԺ փոխխոսնակի թեկնածուի հարցում, այսուհետ ևս պետք է հանդես գան միասնաբար, մանավանդ որ նրանց մեծամասնությունը դեմ է արտահայտվել իշխանափոխությանն ու «թավշյա հեղափոխության» առաջնորդին։

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր 658 761 ձայն կամ ընտրողների ձայների 53.91%–ը, «Հայաստան» դաշինքը ստացել է 269 481 ձայն կամ 21.09%–ը, «Պատիվ ունեմ» դաշինքը 66 650 քվե կամ 5.22%։

Այս երեք ուժերը կձևավորեն ութերորդ գումարման Ազգային ժողովը։

Անելիք շատ կա. նախկին նախարարը պատգամավոր կդառնա

78
թեգերը:
Հայաստան, ԱԺ, Բենիամին Մաթևոսյան, Պատգամավոր
Ըստ թեմայի
Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»
ԱԺ «Պատիվ ունեմ» խմբակցությունը կգլխավորի Արթուր Վանեցյանը
Հնից եկած ընդդիմությունը չի կարող նորը դառնալ. Սուրենյանցը մեծ ցնցումներ է կանխատեսում
Մրգեր

Որ մթերքներն են օգնում հիշողության, մտավոր աշխատունակության լավացմանը. ուսումնասիրություն

0
(Թարմացված է 09:05 02.08.2021)
Ամերիկացի գիտնականները 20 տարի են ծախսել այս հետազոտության վրա, որում ավելի քան 50 հազար մարդ է ներգրավված։

ԵՐԵՎԱՆ, 2 օգոստոսի - Sputnik. Կոգնիտիվ գործառույթների խանգարումներ առաջացնող հիվանդությունների (հիշողության, մտավոր աշխատունակության և այլ կոգնիտիվ ֆունկցիաների թուլացում) կանխարգելման համար խորհուրդ է տրվում ֆլավոնոիդների բարձր պարունակությամբ մթերք օգտագործել: Այս թեմայով հոդվածը հրապարակվել է American Academy of Neurology ամսագրում:

Գիտնականները հաստատել են այդ հակաօքսիդանտ նյութերի օգուտը` լայնածավալ ուսումնասիրության միջոցով։ Ուսումնասիրությանը մասնակցել է 49,5 հազար կին և 30 հազար տղամարդ։ 20 տարվա ընթացքում հեղինակները հետևել են նրանց սննդակարգին ու համեմատել առողջության ցուցանիշները: Արդյունքների համաձայն՝ ֆլավոնոիդներով մթերք օգտագործած մարդիկ 20 տոկոսով ավելի քիչ են բախվել կոգնիտիվ բնույթի խնդիրների:

Հակաօքսիդանտներով հարուստ մթերքների թվին են պատկանում տանձը, խնձորն ու նեխուրը։ Բացի այդ, բժիշկները խորհուրդ են տալիս օգտագործել պղպեղ ու թուրինջ: Հատուկ ուշադրություն պետք է դարձնել մրգերի գույնին․եթե պտուղը կամ բանջարեղենը դեղին է, դա օգտակար է նման հիվանդությունների կանխարգելման համար։

0
թեգերը:
տանձ, հիշողություն, գիտնական, պղպեղ, խնձոր
Ըստ թեմայի
Գիտնականներն ասել են, թե որ հյութն է 97%–ով ճնշում կորոնավիրուսը
Գիտնականները պատմել են, թե որ դեպքում սուրճը չի օգնում
Բժիշկը զգուշացրել է` կորոնավիրուսի «դելտա» շտամի դեպքում հիվանդությունը երկար է տևում