Թադևոս Ավետիսյան

«Կապիտալը փախչում է երկրից». Ավետիսյանը` ներդրումների և կարանտինի երկարաձգման մասին

140
(Թարմացված է 16:48 09.07.2021)
Տնտեսագետ Թադևոս Ավետիսյանը Sputnik Արմենիայի եթերում անդրադարձել է Հայաստանում ներդրումային իրավիճակին, ասել, թե ինչ ազդեցություն կարող են ունենալ տնտեսության վրա Զանգեզուրի պղնձամոլիբդենային կոմբինատում խուզարկություններն ու երկրում կարանտինի երկարաձգումը:
«Կապիտալը փախչում է երկրից». Թադևոս Ավետիսյանը` ներդրումների և կարանտինի երկարաձգման մասին

Զանգեզուրի պղնձամոլիբդենային գործարանի նկատմամբ իշխանությունների կողմից ճնշումները, այնտեղ իրականացվող խուզարկությունները, ինչպես նաև կոմբինատի աշխատակիցներից մեկի ձերբակալությունը բացասաբար կանդրադառնան երկրի ներդրումային գրավչության վրա: Sputnik Արմենիայի հետ զրույցում նման կարծիք հայտնեց տնտեսագետ Թադևոս Ավետիսյանը:

Ավելի վաղ Սյունիքի մարզի նախկին մարզպետ, «Վերածնվող Հայաստան» կուսակցության («Հայաստան» դաշինք) նախագահ Վահե Հակոբյանը Sputnik Արմենիային հայտնել էր, որ Հայաստանի ազգային անվտանգության ծառայության աշխատակիցները բերման են ենթարկել Զանգեզուրի պղնձամոլիբդենային կոմբինատի աշխատակիցներից մեկին:

«2018 թվականից սկսած` պարբերաբար գործադրվում է այդ հիվանդագին դրսևորումները` «ասֆալտին փռելու», «մուրճով» և այլ տարբեր ինտոնացիաներով հարցերը լուծելու խոսակցությունները, ինչը, անխոս, չէր կարող անհետևանք մնալ. կապիտալը «փախչում է» երկրից, և դա բնական է»,- ասաց նա։

Ավետիսյանի խոսքով` ներդրումների համար կարևոր են կանխատեսելիությունը, կայունությունը, օրինականությունը և բոլոր ռիսկերը հաշվարկելու ունակությունը, մինչդեռ Հայաստանում բիզնեսի զարգացումն ու ներդրումների ճակատագիրը կախված են մեկ անձի փոփոխվող տրամադրությունից։

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

«Եթե այսպես շարունակվի, ապա նույնիսկ համավարակի սահմանափակումները հանելը բավարար չէ տնտեսական անկումը կասեցնելու համար։ Գնալով սրվում է նաև գնաճը, իսկ ներդրումային միջավայրի վատացումը և որպես հետևանք` ներդրումների կրճատումը, նվազեցնում է նաև տնտեսության պոտենցիալը», -նշեց նա։

Ավետիսյանի կարծիքով`այս համատեքստում կարանտինի ռեժիմի երկարաձգումը կարող է բացասաբար ազդել զբոսաշրջիկների հոսքի վրա, ինչը ևս կարևոր գործոն է տնտեսական աճի համար: Չնայած այն բանին, որ կարանտինի ժամանակահատվածում գործնականում սահմանափակումներ չկան, բայց, օրինակ, տուգանքների ռիսկը կարող է խոչընդոտել ինչպես բիզնեսի կայացմանը, այնպես էլ զբոսաշրջիկների հոսքին:

«Անունը կա, բայց իրականում որևէ սահմանափակում չկա։ Եթե նախատեսված էլ են որոշակի նորմատիվ սահմանափակումներով, ակնհայտ է, չէ՞, որ դրանք չեն պահպանվում։ Կարճ ասած` այդ կարանտինը իր նպատակից բխող որևէ դրական արդյունք կամ կանխարգելիչ արդյունք չի ունենում»- եզրափակեց նա:

Նշենք, որ ՀՀ առողջապահության նախարարի պաշտոնակատար Անահիտ Ավանեսյանն այսօր լրագրողների հետ հանդիպմանը հայտարարել է, որ Հայաստանում նախատեսվում է երկարաձգել կորոնավիրուսի հետ կապված կարանտինը:

Հայաստանում 2020թ. մարտի 16-ից սեպտեմբերի 11-ը գործել է արտակարգ դրություն։ Այնուհետև երկրում կարանտին է սահմանվել, որը կտևի մինչև 2021 թվականի հուլիսի 11-ը: Հուլիսի մեկից Առողջապահության նախարարությունը չեղյալ է հայտարարել բաց տարածքներում քաղաքացիների դիմակ դնելու պարտադրանքը։

Ներդրումներ անում են այնտեղ, որտեղ կա կանխատեսելիություն. Ռոբերտ Քոչարյան

140
թեգերը:
Թադևոս Ավետիսյան, Ներդրում, կարանտին, Նիկոլ Փաշինյան
Ըստ թեմայի
Ադրբեջանից բենզի՞ն է ներկրվում. տնտեսագետը բենզինի գնաճի հիմնավորումներին չի հավատում
Բյուջեի կատարողականի բեմականացումը, կամ բոլորը մեղավոր են, բացի իրական պատասխանատուից
Թուրքական ապրանքները շարունակում են հայկական շուկա մտնել ապօրինի սխեմաներով
Սամվել Ճզմաչյան

Ինչու է ԿԲ-ն կրկին բարձրացնում վերաֆինանսավորման տոկոսադրույքը. Ճզմաչյանը` իրավիճակի մասին

34
Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի եթերում անդրադարձել է վերաֆինանսավորման տոկոսադրույքի հերթական բարձրացմանը։
Ճզմաչյան. «ԿԲ–ն գնաճը զսպելու համար է բարձրացրել վերաֆինանսավորման տոկոսադրույքը»

Տնտեսական ուսումնասիրություններ իրականացնող բազմաթիվ կառույցները վերջին շրջանում նշում են, որ գոյություն ունի գնաճ և գնաճային ճնշումներ կան ոչ միայն Հայաստանում, այլև հարևան երկրներում և այլ տարածաշրջանների պետություններում, որոնց հետ Հայաստանն ունի տնտեսական հարաբերություններ։ Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի հետ զրույցում նշում է, որ Կենտրոնական բանկն ամենայն հավանականությամբ գնաճը զսպելու համար է դիմել վերաֆինանսավորման տոկոսադրույքի բարձրացմանը։ 

«Դա ոչ միայն գնաճի ճնշումները զսպելու մեխանիզմ է, այլև այդ նպատակով կիրառվող մյուս բոլոր մեխանիզմներից ամենաէականն է։ Եվ քանի որ հնարավոր է նաև վարկերի տոկոսադրույքների բարձրացում, հետևաբար վերաֆինանսավորման տոկոսադրույքի բարձրացումը կարող է զսպել նաև վարկային տոկոսադրույքների աճը։ ԿԲ–ն այդ քայլով ավելի թանկ գնով փող է վաճառելու բանկերին, որոնք էլ իրնեց հերթին, եթե բարձրացնեն վարկային տոկոսադրույքները, ապա դա կբերի նրան, որ քաղաքացիներն ու իրավաբանական անձինք ավելի քիչ կդիմեն բանկերին վարկեր ստանալու նպատակով»,– ասաց Ճզմաչյանը։

Նրա կարծիքով` մեկ գործոնով եզրակացություն անել, թե տվյալ քայլը կարող է հարվածել քաղաքացիների կամ տնտեսվարողների գրպանին, տեղին չէ, պետք է հաշվի առնել տնտեսական զարգացման միտումներն ու համաշխարհային տնտեսության մեջ առկա զարգացումների բնույթը։ 

Անդրադառնալով ԿԲ–ի այն կանխատեսմանն, ըստ որի` մինչև տարեվերջ 12-ամսյա գնաճը կպահպանվի բարձր մակարդակում, Ճզմաչյանն ասաց, որ մեր երկրում չէր կարող այլ կերպ լինել, քանի որ Հայաստանը նոր է դուրս եկել ծանր պատերազմից, ինչը շատ վատ ազդեցություն է ունեցել տնտեսության վրա։ Եթե հեռուն նայենք, ապա Հայաստանը դեռ պետք է գնա բանակը վերազինելու, հզորանալու, ռազմական նոր ծախսեր կատարելու ճանապարհով, ինչը եկամտաբեր չէ, բայց անհրաժեշտ է։ Հետևաբար ԿԲ–ն նկատի է ունեցել այն հանգամանքը, որ վերաֆինանսավորման տոկոսադրույքի շարունակական բարձրացմամբ հնարավոր կլինի դուրս գալ ստեղծված վիճակից։    

Մթերքի համաշխարհային գները դեռ բարձր կմնան. ՀՀ ԿԲ

Նշենք, որ ՀՀ կենտրոնական բանկի խորհուրդը երեկվա նիստում որոշել է բարձրացնել վերաֆինանսավորման տոկոսադրույքը 0.5 տոկոսային կետով և այն սահմանել 7.0%

ՀՀ կենտրոնական բանկի կողմից տրամադրվող լոմբարդային ռեպոյի տոկոսադրույքը 8.5% է, իսկ կողմից բանկերից ներգրավվող միջոցների տոկոսադրույքը` 5.5%:

Հիշեցնենք, որ վերաֆինանսավորման տոկոսադրույքով բանկերը վարկեր են վերցնում կարգավորիչից։ 

34
թեգերը:
Հայաստան, Կենտրոնական բանկ (ԿԲ), տոկոսադրույք, վարկ
Ըստ թեմայի
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Պետությունը չպետք է ձեռքերը լվանա և մի կողմ քաշվի. Չիլինգարյանը`գնաճի մասին
Գնաճը Հայաստանում դուրս է եկել վերահսկողությունից. տնտեսագետ     
Գրիգոր Բալասանյան

Մակունցին կհաջողվի՞ կյանքի կոչել ԱՄՆ-ից ունեցած սպասելիքները. Բալասանյանը կասկածներ ունի

137
(Թարմացված է 20:17 04.08.2021)
Փորձագետի խոսքով` Լիլիթ Մակունցն ամեն ինչ պետք է անի, որ ԱՄՆ–ի դաշնակից Թուրքիան դուրս գա տարածաշրջանից և չխցկվի ԵԱՀԿ Մինսկի շրջանակներ` որպես համանախագահ պետություն։
«ԱՄՆ դեսպանն ամեն ինչ պետք է անի, որ ԱՄՆ դաշնակից Թուրքիան դուրս գա տարածաշրջանից, չխցկվի ԵԱՀԿ Մինսկի շրջանակներ». Բալասանյան

ԱՄՆ-ում ՀՀ դեսպանը բավականաչափ անելիք ունի հատկապես 44-օրյա պատերազմի հետևանքով թուրքական ակտիվությունը ճնշելու առումով։ Sputnik Արմենիայի հետ զրույցում նման կարծիք հայտնեց ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը։

Գաղտնիք չէ, որ 44-օրյա պատերազմից հետո Թուրքիան ահռելի ազդեցություն է ձեռք բերել Ադրբեջանում, Իլհամ Ալիևը քայլերը համաձայնեցնում է Ռեջեփ Թայիփ Էրդողանի հետ ու առաջ շարժվում նրա հանձնարարականներով։

«ԱՄՆ դեսպանն ամեն ինչ պետք է անի, որ ԱՄՆ–ի դաշնակից Թուրքիան դուրս գա տարածաշրջանից, չխցկվի ԵԱՀԿ Մինսկի շրջանակներ` որպես համանախագահ պետություն, չխաթարի այն փխրուն խաղաղությունը, որ կա Արցախում,և չմիջամտի այն բանակցություններին, որոնք այսօր ընթանում են Հայաստան-Ադրբեջան-Ռուսաստան եռանկյունու մեջ»,-ասաց նա։

Փորձագետը քիչ հավանական է համարում, որ ԱՄՆ-ում նորանշանակ դեսպան Լիլիթ Մակունցին կհաջողվի կյանքի կոչել այս կարևորագույն կետերը։ Նրա խոսքով` ԱՄՆ–ի նման պետությունում դիվանագիտական փորձ ու կապեր չունեցող մեկին դեսպան նշանակելը նշանակում է` ոչ միայն մեծ ակնկալիքներ չունենալ, այլև հարվածի տակ դնել հայ-ամերիկյան հարաբերությունները։

«Եթե նա գոնե կարողանա պահել այդ հարաբերություններն այնպիսին, ինչպիսին դրանք կան այսօր, ես կհամարեմ, որ Մակունցը կատարել է իր առաքելությունը։ Պետք է աշխատանքներ տանել, որ հայ-ամերիկյան հարաբերությունները գոնե չվատանան»,- նշեց Բալասանյանը։

Փորձագետը հիշեցրեց` նշանակումից առաջ էլ, երբ դեռ խոսակցություններ էին պտտվում Մակունցին դեսպան նշանակելու մասին, տեղի հայկական կազմակերպությունների` Հայ դատի և Ամերիկայի հայկական համագումարի ներկայացուցիչներն իրենց մտահոգությունն էին հայտնել այդ առթիվ։

Հիշեցնենք` «Քաղաքացիական պայմանագիր» կուսակցության ընտրացուցակի երրորդ հորիզոնականը զբաղեցնող Լիլիթ Մակունցը, որն ավելի վաղ հրաժարվել էր Ազգային ժողովի պատգամավորի մանդատից, օգոստոսի 2-ին նշանակվեց ԱՄՆ–ում արտակարգ և լիազոր դեսպան։

ԱՄՆ դեսպան Վարուժան Ներսիսյանը հետ էր կանչվել հուլիսի 16-ին։

Երեկ` օգոստոսի 3-ին, ՀՀ նախագահ Արմեն Սարգսյանի հրամանագրով Մակունցին արտակարգ և լիազոր դեսպանի դիվանագիտական աստիճան շնորհվեց։

137
թեգերը:
Հայաստան, Լիլիթ Մակունց, Գրիգոր Բալասանյան, ԱՄՆ
Ըստ թեմայի
Հրայր Թովմասյանը չի հայտնել` պարգևավճարներից հրաժարվո՞ւմ է, թե ոչ
«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին
Ամենակարևոր արյունատար անոթներն անցնում են ՏԿԵ–ով. Փաշինյանը ներկայացրել է Սանոսյանին
Լևոն Արոնյան

Լևոն Արոնյանը հաղթեց ադրբեջանցուն և դուրս եկավ կիսաեզրափակիչ

33
(Թարմացված է 22:20 04.08.2021)
Խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

ԵՐԵՎԱՆ, 4 օգոստոսի - Sputnik. Հայկական շախմատի առաջատար Լևոն Արոնյանը հաղթեց ադրբեջանցի Շահրիար Մամեդյարովին «Grand Chess Tour» շարքի «Chessable Masters» առցանց մրցաշարում:

Մրցաշարի երկրորդ օրն Արոնյանը տոնեց երկու հաղթանակ, երկուսն էլ` սև խաղաքարերով, կրեց մեկ պարտություն։ Կանոնակարգով նախատեսված խաղի չորրորդ պարտիան չկայացավ հայ շախմատիստի վաղաժամ հաղթանակի պատճառով։

Արոնյանը 2,5:0,5 հաշվով հաղթեց ադրբեջանցի Մամեդյարովին:

Շախմատի առցանց մրցաշարի կիսաեզրափակիչում Արոնյանը կմրցի վիետնամցի գրոսմայստեր Լե Կուանգ Լիեմի հետ։ Վերջինս երկու հանդիպումներում էլ առավելության է հասել Ֆրանսիայի ներկայացուցիչ Ալիրեզա Ֆիրուզջուի նկատմամբ (3:1 և 2:0):

100 հազար մրցանակային ֆոնդով մրցաշարն անցկացվում է երկու փուլով։ Շրջանաձև մրցաշարի արդյունքում 8 լավագույն շախմատիստները կորոշեն նոկաուտ համակարգով հաղթողին։ Մրցումներն անցկացվում են արագ շախմատի կանոններով (15 րոպե` յուրաքանչյուր քայլի համար 10 վայրկյան ավելացնելով)։

«Շատ բան կա ասելու...». Արթուր Ալեքսանյանը խոստանում է փակագծեր բացել

Հիշեցնենք` Արոնյանը 2005 և 2017 թվականների աշխարհի գավաթակիր է, Հայաստանի հավաքականի կազմում 37-րդ, 38-րդ և 40-րդ համաշխարհային օլիմպիադաների, 2011 թվականի աշխարհի և 1999 թվականի Եվրոպայի թիմային առաջնությունների հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող (2007, 2008, 2012 և 2014), 2009 և 2013 թվականների Բիլբաո-Մեծ սաղավարտի հաղթող, արագ շախմատի 2009 թվականի աշխարհի չեմպիոն, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն։

Արոնյանը դեռևս հանդես է գալիս Հայաստանի դրոշի ներքո, բայց նա արդեն հայտարարել է, որ մեկնելու է ԱՄՆ:

Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին

33
թեգերը:
Հայաստան, Լևոն Արոնյան, հաղթանակ, շախմատ
թեմա:
Լևոն Արոնյանի վերելքներն ու վայրէջքները
Ըստ թեմայի
Այս Օլիմպիադան շատ քաղաքականացված է, կամ ամերիկացիների դեպքում «թերապևտիկ բացառություն» է
Մրցավարական կոպիտ սխալ, կամ ինչպես մեդալներից զրկեցին հալ օլիմպիականներին
«Աստծո դատաստանից չես խուսափի». Արսեն Ջուլֆալակյանը մեկնաբանել է իր գրառումը