Արմեն Բաղդասարյան

Եթե Փաշինյանը նախապես ասեր, թե ինչ է անելու` հաստատ այդքան ձայն չէր հավաքի. քաղաքագետ

179
(Թարմացված է 15:25 09.07.2021)
Քաղաքագետ Արմեն Բաղդասարյանը Sputnik Արմենիայի եթերում անդրադարձել է այն հարցին, թե ինչ է պատրաստվում անել Նիկոլ Փաշինյանը պողպատե մանդատով և ինչ հնարավոր զարգացումներ կարող են լինել ներքաղաքական կյանքում։
Արմեն Բաղդասարյան. Ընդդիմությունը սպասում է, որ Փաշինյանն ընդունի ծանր որոշումներ, նոր ակտիվանա

Արմեն Բաղդասարյանի դիտարկմամբ` Նիկոլ Փաշինյանը փորձում է հաստատել քաղաքական դիկտատուրա, մյուս կողմից նա առաջիկայում ստիպված կլինի բավականին ծանր որոշումներ ընդունել մասնավորապես արցախյան հարցի կապակցությամբ և սահմանների մասով, ինչից հետո ենթադրաբար կբարձրանա բողոքի ալիք ու դա կանխպելու համար իշխանություններն այժմվանից որոշել են առավել աչքի ընկնող համայնքապետների նկատմամբ պատիժներ կիրառել։

«Նախընտրական ամբողջ քարոզարշավի ընթացքում Նիկոլ Փաշինյանն այդպես էլ չկոնկրետացրեց, թե ինչ է պատրաստվում անել ժողովրդի վստահության քվեն ստանալուց հետո, թեև պարզ է, որ նա ստիպված կլինի զբաղվել դելիմիտացիայի և դեմարկացիայի հարցերով և հավանաբար կճանաչի Ադրբեջանի տարածքային ամբողջականությունը»,– նշեց քաղաքագետը։

Բաղդասարյանի կարծիքով` ՀՀ ներկա իշխանությունները վերջնականապես համակերպվել են պարտության հետ, անգամ չեն էլ դիմադրում Ադրբեջանի կոշտ և ագրեսիվ հայտարարություններին, ոչ մի կերպ չեն պատասխանում դրանց, ուստի տպավորություն է ստեղծվում, թե Հայաստանն ամբողջությամբ հանձնվել է։

«Ոչ թե հասարակությունը պետք է ինչ–որ բան անի, այլ քաղաքական դաշտը, սակայն քաղաքական ուժերը, առաջին հերթին ընդդիմադիր կուսակցությունները սպասում են, մինչև Փաշինյանն ընդունի ծանր որոշումներ, ինչից հետո օգտվելով դժգոհությունից` կսկսեն փողոցային ալիք բարձրացնել։ Հանրությունն առանց քաղաքական լիդերների ոչինչ անել չի կարող, իսկ ինչ վերաբերում է վստահության մանդատին, ապա փաստն այն է, որ Փաշինյանը ստացել է Հայաստանի ընտրողների ընդամենը ¼-ի ձայնը, որովհետև մոտ կեսն ընտրություններին չի մասնակցել։

Այնպես չէ, որ Փաշինյանն ունի համընդհանուր աջակցություն և այնպես չէ, որ նա ասելու է, թե ինչ է պատրաստվում անել «պողպատե մանդատով», բայց վստահ եմ` եթե նախապես ասեր, թե ինչ է անելու, ապա այդ ձայները հաստատ չէր ստանա»,– ասաց քաղաքագետը։

«Փաշինյանը պիտի լուծի էս հարցը». գյուղացին ահազանգում է` գետերը դատարկ են

Բաղդասարյանի խոսքով`ընդդիմությունը պետք է փորձի կանխարգելիչ քայլեր անել, իսկ պոստ–ֆակտում տարբերակով ինչ–որ բան անելն ուղղակի անիմաստ կլինի, հետևաբար ավելի ճիշտ կլինի փորձել բոլոր լծակներով պարզել, բացատրություն ստանալ, թե ինչ ցավոտ և ծանր լուծումների մասին է խոսքը, և եթե դրանք իսկապես ծանրացնելու են մեր վիճակը, ապա պետք է կանխարգելիչ գործողություններ իրականացնել և չսպասել, թե ինչ փաստաթուղթ կստորագրվի։

Ըստ նրա` իշխանությունները ոչ մի բացահայտում չեն անում, փակագծերը չեն բացում, իսկ ինֆորմացիոն վակուումի մեջ կան բավականին լուրջ վտանգներ, հետևաբար ընդդիմությունը, որը խորհրդարանում ունի լուրջ ներկայություն, կարող է պարզաբանել, թե ինչ վիճակում ենք և ինչ ելքեր կարող ենք գտնել։

Որը կլիներ ամենացանկալի տարբերակը. քաղաքագետը` Խաչատուրով - Փաշինյան հակամարտության մասին

179
թեգերը:
ընդդիմություն, Հայաստան, քաղաքագետ, Ընտրություններ, Նիկոլ Փաշինյան
Ըստ թեմայի
Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը
«Մենք ստացել ենք մանդատ՝ օրենքի և իրավունքի դիկտատուրա հաստատելու վերաբերյալ». Փաշինյան
«Հայաստան» դաշինքը սպասում է հարմար առիթի. իշխանությունը ստիպված ցավալի զիջումների կգնա
Նիկոլ Փաշինյան

Փաշինյանի պատժելու մեթոդները, կամ ինչպես տխուր երևույթը տհաճ անցյալից տեղափոխվեց մեր օրեր

102
(Թարմացված է 22:16 23.07.2021)
Իրավապաշտպան Վարդան Հարությունյանը Sputnik Արմենիայի եթերում զուգահեռներ է անցկացրել նախկին և ներկա իշխանությունների միջև և ասել, թե ինչ է փոխվել Հայաստանում մարդու հիմնարար իրավունքների պաշտպանության առումով։
Հարությունյան. «Ընտրություններից հետո Փաշինյանը գնում է Սյունիքի համայնքապետերին պատժելու ճանապարհով»

Վարդան Հարությունյանի դիտարկմամբ`նախկին իշխանությունների հասցեին հնչած քննադատությունները հիմնավոր էին, որովհետև նրանք իրենց բոլոր ծրագրերը մշակելիս հաշվի էին առնում թաղային հեղինակությունների, քրեական տարրերի շահերը և որևէ հարգանք չունեին մարդու իրավունքների նկատմամբ։

«Մենք ունեինք քաղբանտարկյալներ, քաղաքական նպատակներով հետապնդվող անձինք։ Դատական կամայականության դեպքերը շատ էին, և արդարադատության վիճակը ենթադրում էր, որ կլինեն քննադատություններ, ընդ որում` քննադատել ենք ոչ միայն մենք` տեղական իրավապաշտպաններս, այլև միջազգային կառույցները»,– Sputnik Արմենիայի հետ զրույցում ասաց իրավապաշտպանը։

Իսկ ինչ վերաբերում է առկա վիճակին, Հարությունյանն ընդգծեց, որ ներկան պետք է բաժանել երկու մասի` 2018 թվականի հեղափոխությունից հետո մինչև 2020 թվականն ընկած ժամանակաշրջան և հետպատերազմական ժամանակաշրջան։ Ըստ նրա` մինչպատերազմական շրջանում առկա էին դրական միտումներ, ճիշտ է` չկային ակնհայտ զարգացումներ, թեև ձերբազատվեցինք քաղբանտարկյալներից, բայցևայնպես երկու տարվա ընթացքում հիմքեր չձևավորվեցին, որպեսզի ապագայում արդեն ամրապնդվեն ձեռքբերումները։

«Հետպատերազմական շրջանում իրավիճակը կտրուկ փոխվել է։ Հիմա չասեմ, թե գործ ունենք քաղաքական նկատառումներով հետապնդումների հետ, բայց հիմնավոր կասկած կա, որ այլախոհների նկատմամբ տեղի է ունենում վրեժխնդրություն։ Օրինակ կարող են ծառայել Սյունիքի համայնքապետների հետապնդումները։ Փաշինյանը նշված մարզում արժանացավ ոչ այնքան հաճելի ընդունելության և հիմա ընտրություններից հետո գնում է նրանց պատժելու ճանապարհով, ինչը չպետք է տեղի ունենար»,– ասաց իրավապաշտպանը։

Անդրադառնալով Սյունիքի նախկին ու ներկա մարզպետների որդիների հետ կապված միջադեպին ու Գորիս քաղաքում գրանցված փոխհրաձգությանը` Հարությունյանն ընդգծեց, որ տխուր երևույթը տհաճ անցյալից տեղափոխվել է մեր օրեր։ Ըստ նրա` գուցե կարճ ժամանակահատվածում հնարավոր չէր փոխել դաստիարակությունն ու պատկերացումները, որ ունեն մարդիկ ոչ միայն Սյունիքում, այլև ամբողջ Հայաստանում, երբ փորձում են հարցեր լուծել զենքի կիրառմամբ, բայցևայնպես երևույթը պետք է խստորեն դատապարտվի նույն կերպ, ինչպես նախորդ իշխանությունների օրոք։

«Գործող իշխանությունը պետք է առանց թերանալու կատարի իր պարտականությունները, մի բան, ինչը հնարավոր չէր ակնկալել նախկինների պարագայում։ Բայց պետք է նշել, որ 2018 թվականին հաղթած ուժի ներկայացուցիչներն այսօր բոլորովին նույն մարդիկ չեն։ Նրանք ավելի շատ վերադառնում են հեղափոխությունից առաջ եղած իրականությանը, սկսում են նմանվել նախահեղափոխական շրջանի իշխանավորներին»,– ասաց իրավապաշտպանը։

Հարությունյանի գնահատմամբ`ներկա իրավիճակում նույնպես գործում է այն սկզբունքը, որ յուրայիններին կարելի է ավելին, քան ոչ յուրայիններին, թեև հույս կար, որ մենք կտրվել ենք նախկին իրականությունից, սակայն հույսերը չարդարացան։

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը, Գորիսի համայնքապետ Առուշ Առուշանյանն ու Սիսիանի համայնքապետ Արթուր Սարգսյանը։

Կալանավորվել էր նաև Քարահունջի համայնքապետ Լուսինե Ավետյանը, սակայն ավելի ուշ նա ազատ արձակվեց։

Իսկ հուլիսի 14–ին հայտնի դարձավ, որ Գորիսում փոխհրաձգություն էր եղել. ըստ ԶԼՄ–ների` Սյունիքի նախկին մարզպետ Սուրիկ Խաչատրյանի («Լիսկա») որդին՝ Տիգրան Խաչատրյանը, կրակել է Սյունիքի ներկայիս մարզպետ Մելիքսեթ Պողոսյանի որդու վրա։

ՀՀ Սյունիքի մարզպետ Մելիքսեթ Պողոսյանի որդու նկատմամբ հետախուզում է հայտարարվել. ՔԿ

102
թեգերը:
Ընտրություններ, Սյունիք, Նիկոլ Փաշինյան, Հայաստան
Ըստ թեմայի
Կալանավորված Արթուր Սարգսյանն էլ պատգամավոր դարձավ. ի՞նչ է պատրաստվում անել պաշտպանը
Հայաստանի «արտահերթ» խորհրդարանը. ով ինչքան մանդատ ստացավ
Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը
Ինեսսա Գաբայան

Ինչպե՞ս կարելի է լուծել ջրային ռեսուրսների հարցը. Գաբայանը կոնցեպտուալ կետեր է թվարկում

63
ՀՀ ջրային կոմիտեի նախկին նախագահ, տեխնիկական գիտությունների թեկնածու Ինեսսա Գաբայանը Sputnik Արմենիայի եթերում անդրադարձել է այն հարցին, թե որոնք պետք է լինեն ջրային համակարգի զարգացման հայեցակարգի կարևորագույն կետերը։
Ջրային համակարգին տրամադրվող սուբսիդիաների 70 տոկոսը գնում է էներգիայի դիմաց վճարումներին

Ինեսսա Գաբայանի փոխանցմամբ` դեռ 2019 թվականի սկզբին ջրային կոմիտեն իր ղեկավարությամբ ներկայացրել էր համապատասխան նախագիծ, իսկ վերջերս համացանցում տեսել է համակարգի զարգացման հայեցակարգի նախագիծը և այն ընդունելու մասին կառավարության որոշման նախագիծը, բայց, ցավոք, ջրային համակարգի զարգացման հայեցակարգի նախագիծը դեռ գտնվում է սաղմնային վիճակում։

«Այս ոլորտում հայեցակարգային միջոցառումներ իրականացնելու համար նախ անհրաժեշտ է ընդունել ընդհանուր հայեցակարգը, այլապես կոնցեպտուալ օղակների զարգացումն արդյունավետ չի լինի»,– Sputnik Արմենիայի հետ զրույցում ասաց ՀՀ ջրային կոմիտեի նախկին նախագահը։

Գաբայանի կարծիքով` հարցերից առաջինը պետք է լինի ջրամբարաշինությունը, դրանց կառուցումն ու մեր երկրի տարածքում ձևավորվող ջրային ռեսուրսների ամբարումը տարբեր ոլորտներում օգտագործելու համար, ինչն ունի ռազմավարական և անվտանգության ապահովման նշանակություն։

Երկրորդը ոռոգման համակարգերի արդիականացումն է, ինչը ենթադրում է նաև ջրային ռեսուրսների հաշվառում ու էներգահամակերգերի ներդրում։

«Հայաստանում գործում են խոշոր պոմպակայաններ, որոնք աշխատում են շատ հին տեխնոլոգիաներով, գերօգտագործում են էլեկտրաէներգիան, իսկ կառավարության կողմից նշված համակարգին տրամադրվող սուբսիդիաների 70 տոկոսը գնում է այդ էներգիայի դիմաց վճարումներին։ Բա մնացա՞ծ աշխատանքները, բա մնացա՞ծ կարիքները։ Սա ահավոր, էներգածանր համակարգ է, հետևաբար պետք է ձգտել այն արդիականացնել, դարձնել էներգախնայող, ներգրավել ինքնահոս համակարգեր` կիրառելով կաթիլային, անձրևացման մեթոդները»,– ասաց ՀՀ ջրային կոմիտեի նախկին նախագահը։

Երրորդ կարևոր կոնցեպտուալ կետը, ըստ Գաբայանի, ջրային համակարգի վրա ծախսվող գումարների օգտագործման իրական գնահատումն է։

Ջուրը ճիշտ չի օգտագործվում, ՀՀ–ն մեծ վնասներ է կրելու. ահազանգում են մասնագետները

Նրա խոսքով` անկախացումից հետո թեև Համաշխարհային բանկի մի շարք ծրագրերով ու մի քանի երկրների կողմից մեծ ներդրումներ են կատարվել ջրային համակարգի վերականգնման գործում ոռոգման համակարգերի, ջրամբարների անվտանգությունն ապահովելու նպատակով, սակայն տարեցտարի մենք նորից կանգնում ենք նույն խնդիրների առջև, որովհետև չենք կարողանում ներդրված գումարներն օգտագործել նպատակային, այսինքն`արդյունավետ չեն ծախսվում վերականգնված հատվածների պահպանման ու շահագործման համար նախատեսված գումարները, ուստի անհրաժեշտ է մշակել ֆինանսավորման հստակ ռազմավարություն, որպեսզի հնարավոր լինի քայլ առ քայլ զարգացնել բնագավառն ու այն դնել ճիշտ ուղու վրա։

Արցախի իշխանությունները նախատեսում են մի քանի ջրամբարներ կառուցել

63
թեգերը:
ջրամբար, ջուր, Հայաստան
Ըստ թեմայի
Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին
Փաստորեն վերջին 60 տարում Հայաստանում ո՛չ ձյուն էր եկել, ո՛չ անձրև. Փաշինյանը` Սևանի մասին
Ինչ ախորժակ են գրգռում Սև լճի քաղցր ջրերը. լճից բաժին էր պահանջում նաև Հեյդար Ալիևը
Հիվանդանոց, արխիվային լուսանկար

250 նոր դեպք, 5 մահ` մեկ օրում. կորոնավիրուսային հիվանդության ընթացքը Հայաստանում

0
(Թարմացված է 10:58 24.07.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 24 հուլիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 250–ով և դարձել 228632: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 3975 մարդ (+81), կատարվել է 1299559 թեստավորում (+6527), առողջացել են վարակվածներից 218958–ը (+162): Վերջին մեկ օրում կորոնավիրուսից մահանալու 4 դեպք է գրանցվել, վարակի զոհ դարձածների ընդհանուր թիվը 4584 է։ Կորոնավիրուսով վարակված, բայց այլ պատճառով մահացածների թիվն ավելացել է 2-ում և դարձել 1115։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։ Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չէ հուլիսի 1-ից։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Այն երկարաձգվել է մինչև 2021թ.–ի հուլիսի 11–ը։ Հուլիսի 9–ին որոշում կայացվեց կարանտինը երկարաձգել մինչև 2021թ.–ի դեկտեմբերի 20–ը։

Օտարերկրացիները ՀՀ-ում կպատվաստվեն, եթե... մանրամասնում է նախարարությունը

0
թեգերը:
համավարակ, վարակ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բոլոր պատվաստանյութերն էլ չպատվաստվելուց լավ են. Նուբար Աֆեյան
Նուբար Աֆեյանը կարող է Հայաստանին Moderna պատվաստանյութեր նվիրել
«Դելտայից» վտանգավոր մանրէահի՞մք. Խարիտոնովը կասկածի տակ է առել ԱՀԿ տնօրենի ասածը