Գարիկ Միսակյան

Ինչո՞ւ է Իրանը էլեկտրաէներգիա ներկրում Հայաստանից, և ի՞նչ կապ ունի նախկին նախագահը

104
(Թարմացված է 18:43 07.07.2021)
Իրանագետ Գարիկ Միսակյանը կարծում է, որ այն, ինչ կատարվում է Իրանում, միանշանակորեն չարժե կոլապս համարել։
Գարիկ Միսակյան. Ռուհանիի օրոք Իրանի էներգետիկ համակարգի զարգացման տեմպերը զգալիորեն զիջել են

Գարիկ Միսակյանի դիտարկմամբ` թեև Իրանի կառավարությունը շատ չի խոսում էլեկտրաէներգիայի հետ կապված խնդրի մասին, սակայն նշվում են մի քանի պատճառներ, որոնցից մեկն օրինակ առնչվում է նախագահ Հասան Ռոհանիի պաշտոնավարման ժամանակաշրջանի հետ, երբ Իրանի էներգետիկ համակարգի զարգացման տեմպերը զգալիորեն զիջել են նույնիսկ նրա նախորդի` Մահմուդ Ահմադինեժադի օրոք էներգետիկ համակարգի զարգացման ցուցանիշներին։

«Վերջին տասը տարիների ընթացքում Իրանում մեծացել է էներգիայի սպառումը, սակայն կառավարությունը բավականաչափ լուրջ ծրագրեր չի իրականացրել սպառումը լիարժեքորեն ապահովելու ուղղությամբ և հիմնականում շեշտը դրել է ներմուծման վրա, մինչդեռ էներգիայի արտահանման հետ կապված խնդիրները տակավին մնացել են անլուծելի»,– Sputnik Արմենիային ասաց իրանագետը։

Միսակյանի խոսքով` իրանական էներգետիկ համակարգի մյուս զգայուն խնդիրը կապված է ջրի հետ, տարին բավականին սակավաջուր է, և ՀԷԿ–երից շատերը ամբողջ ներուժի չափով չեն աշխատում։ Ըստ նրա` Իրանում սոցիալական բողոքներն հիմնականում ունեն քաղաքական շեշտադրում կառավարությանը քննադատելու առումով և կրում են լոկալ բնույթ, գրանցվում են այն բնակավայրերում, որտեղ լինում են հոսանքի անջատումներ։

Իրանագետի կարծիքով` նոր կառավարության առաջնահերթություններից մեկը պետք է լինի էներգետիկ խնդիրների կարգավորումը ու թեև պարզ չէ, թե դա ինչ կերպ կիրականացվի, բայց ներկա վիճակը միանշանակորեն չարժե կոլապս համարել, որովհետև Իրանը մեծ ռեսուրսներ ունի նման խնդիրները չեզոքացնելու համար։

Հիշեցնենք` Իրանի էլեկտրաէներգետիկական արդյունաբերության պաշտոնական ներկայացուցիչ Մոջթաբ Ռաջաբի Մաշհադին հայտարարել է, որ Իրանը որոշել է էլեկտրաէներգիա ներմուծել Հայաստանից, Ադրբեջանից և Թուրքմենստանից:

Ավելի վաղ իրանական ԶԼՄ-ները հայտնել էին, որ 1000 մեգավատտ հզորությամբ երկու էլեկտրակայաններում էլեկտրաէներգիան անջատվել է: Անցած հանգստյան օրերին Իրանում էլեկտրաէներգիայի զանգվածային անջատումներ են գրանցվել, չի բացառվում, որ դա կարող է կրկնվել նաև շաբաթվա առաջին կեսին: Երկրի իշխանությունները քաղաքացիներին խնդրել են հնարավորինս նվազեցնել էլեկտրաէներգիայի սպառումը, հատկապես օրվա երկրորդ կեսին:

Իրանի նոր կոշտ նախագահը. Ռայիսին անպայման կսանձի Էրդողանի հավակնությունները

 

104
թեգերը:
Հայաստան, ծիրան, Գարիկ Միսակյան
Ալեն Սիմոնյան

Իշխանականներ vs լրագրողներ, կամ Հայաստանի պատմության մեջ աննախադեպ բան է կատարվում

39
(Թարմացված է 17:22 03.08.2021)
«Ինֆորմացիայի ազատության կենտրոնի» նախագահ Շուշան Դոյդոյանի հետ Sputnik Արմենիայի եթերում խոսել ենք Աժ-ում լրագրողների ազատ տեղաշարժը սահմանափակելու որոշման մասին։
Իշխանությունը վախեցա՞ծ է լրագրողներից. ինչու են ԱԺ-ում սահմանափակել լրագրողների տեղաշարժը

Աժ-ում լրագրողների ազատ տեղաշարժը սահմանափակելու որոշումն աննախադեպ երևույթ է Հայաստանի պատմության մեջ։ Դրանով օրվա իշխանությունները փորձում են պաշտպանվել լրագրողական համայնքից։ Sputnik Արմենիայի հետ զրույցում նման կարծիք հայտնեց «Ինֆորմացիայի ազատության կենտրոնի» նախագահ Շուշան Դոյդոյանը։

«ԱԺ նոր ղեկավարը կամ ղեկավարությունն ուզում են ուղղակի իրենց ապահովագրել անցանկալի տհաճ հարցադրումներից, որոնք կարող է հնչեցնել մամուլը, կամ այն տեղեկություններից, ինչի մասին կարող է ավելի մանրամասն իմանալ հասարակությունը»,- ասաց նա։

Դոյդոյանի խոսքով` առնվազն տարակուսելի է, որ այդ սահմանափակումների մասին որոշումը կայացվել է առանց հարցը լրագրողական կազմակերպությունների հետ քննարկելու ու ծածուկ։ Լրագրողների համար անակնկալ որոշումն, ըստ նրա, հակասում է նաև միջազգային լավագույն փորձին։ 

«Լրագրողների տեղաշարժը պետական կառույցներ, այն էլ խորհրդարան, կարող է սահմանափակվել երկու հիմնական պատճառով` ֆիզիկական մատչելիության, (եթե ֆիզիկապես անհնար է տվյալ պաշտոնական կառույցի տարածքում տեղավորել լրագրողներին իրենց աշխատանքը կատարելու համար) անվտանգության նկատառումներից ելնելով (եթե նրանց աշխատանքը կարող է անվտանգության  առումով սպառնալիք լինել ԱԺ աշխատանքին)»,- պարզաբանեց Դոյդոյանը։

Այս երկու հիմքերի բացակայության դեպքում լրագրողների համար սահմանափակումներ մտցնելն անիմաստ է դառնում, ավելին` որքան իշխանական պատգամավորները փորձեն լրագրողների աչքից հեռու մնալ, այնքան ավելի շատ կասկած կհարուցեն և կնպաստեն խորհրդարանի հեղինակության անկմանը։

Դոյդոյանի կարծիքով` վերջին 2-3 տարիներին մամուլի, լրատվամիջոցների ոլորտը կարգավորելուն ուղղված բոլոր օրենսդրական նախաձեռնություններն իրականացվել են սխալ տրամաբանությամբ և կրել են  սահմանափակող, պատժող, արգելող բնույթ։

Պատգամավորն անգիտակցաբա՞ր է խլել լրագրողի հեռախոսը. ՀՔԾ–ի որոշումը տարակուսանք է առաջացրել

«Մինչդեռ պետք էր կրթել, ինքնակարգավորումը խրախուսել և կանխարգելել, բայց լրիվ հակադիր միջոցներ են իրենք փորձել մշակել։ Դրանց մեծ մասը հաջողվել է լրագրողական համայնքի կողմից կասեցնել, մի մասն էլ, ինչպես, օրինակ, վերջերս ընդունված հայհոյանքը և վիրավորանքը քրեականացնող հոդվածները, օրինականացրել են»,- նշեց Դոյդոյանը։

Հիշեցնենք, որ Աժ 8-րդ գումարման նստաշրջանը մեկնարկել է խորհրդարանում լրագրողների ազատ տեղաշարժի սահմանափակումներով։

Նրանց տեղաշարժը հսկում են Պետական պահպանության ծառայության աշխատակիցները, առաջիկայում նախատեսվում է ընդհանրապես արգելել լրագրողներին մուտք գործել խորհրդարանի շենք, լինել միջանցքներում, հարցազրույցներ իրականացնել հայրենի օրենսդիրների հետ:

Նշենք, որ խորհրդարանում հավատարմագրված լրագրողները ստորագրահավաք են նախաձեռնել՝ պահանջելով չեղարկել լրագրողների տեղաշարժի հետ կապված սահմանափակումները: Նրանք պատրաստվում են նաև Աժ խոսնակի հետ քննարկել հարցը։

Նույնիսկ դա է խրտնեցնում իշխանություններին. արգելվել է «Հայաստան» դաշինքի ստորագրահավաքը

39
թեգերը:
Ալեն Սիմոնյան, Հայաստան
Ըստ թեմայի
«Դա կարող է սպառնալ լրատվամիջոցի գոյությանը». Դոյդոյանը` Ալեն Սիմոնյանի առաջարկի մասին
Դոյդոյան. «Ոչ էթիկական լրագրության տարածում․ երբևէ նման որակ չենք ունեցել»
Դոյդոյան. «Տարբեր ատյանների ժամկետանց պատասխանները կազմում են 15 տոկոս»
Ահարոն Վարդանյան

Իրանի ազդեցությունը մեր տարածաշրջանում միանշանակ մեծանալու է. ի՞նչ պետք է անի Հայաստանը

99
(Թարմացված է 23:47 02.08.2021)
Իրանագետ Ահարոն Վարդանյանը Sputnik Արմենիայի եթերում անդրադարձել է այն հարցին, թե ինչպես կզարգանան հայ–իրանական հարաբերությունները նորընտիր նախագահ Էբրահիմ Ռայիսիի պաշտոնավարման ընթացքում։
«Իրանի ազդեցությունը մեր տարածաշրջանում միանշանակ մեծանալու է ի հակակշիռ Թուրքիայի». Ահարոն Վարդանյան

Եթե անգամ փոխվի Իրանի արտաքին քաղաքաքական վեկտորը Հարավային Կովկասում, ապա դա կլինի մեր օգտին, քանի որ Էբրահիմ Ռայիսին փորձելու է իրականացնել այնպիսի քաղաքականություն, որ մեր տարածաշրջանում մեծանա իրանական ներկայությունն ու ազդեցությունեը: Sputnik Արմենիայի հետ զրույցում նման կարծիք հայտնեց իրանագետ Ահարոն Վարդանյանը։

«Իրանի ազդեցությունը մեր տարածաշրջանում միանշանակ մեծանալու է ի հակակշիռ Թուրքիայի և ճնշելու է վերջինիս։ Այս հարցում մենք կարող ենք համագործակցել Իրանի հետ, մանավանդ որ` Ռոհանիի կաբինետի արտգործնախարար Զարիֆը հայտարարել էր, թե Հայաստանի տարածքային ամբողջականությունը Իրանի համար կարմիր գծերից մեկն է, ինչը նշել էր նաև հարևան երկրի հոգևոր առաջնորդը»,– ասաց իրանագետը։

Վարդանյանի կարծիքով` քանի որ Ռայիսին իր կողմնակիցների հետ խիստ քննադատության էր ենթարկել Ռոհանիի քաղաքականությունը Հարավային Կովկասում, հետևաբար, նրանք պետք է փոփոխություններ մտցնեն դրանում` քաղաքականությունը դարձնելով ավելի ակտիվ ու դրական իմաստով ագրեսիվ, որպեսզի մեր տարածաշրջանում իրապես զգացվի Իրանի ներկայությունն ու աշխուժությունը, այլ ոչ թե այն պասիվ դիտորդական դերը, որն առկա էր արցախյան 44-օրյա պատերազմի ընթացքում։ 

«Մեզ համար նույնպես բացվում է մանևրելու մեծ դաշտ։ Ամեն ինչ կախված կլինի այն հանգամանքից, թե մենք ինչպես կդրսևորենք մեզ իրանցիների հետ հարաբերվելիս և ինչպես կօգտագործենք բացված պատուհանը։ Հատկապես տնտեսական առումով` կա մի նրբություն, որը նույնպես հօգուտ մեզ է։ Տարիներ շարունակ հայ–իրանական մեգածրագրերը չէին իրականացվում ամերիկյան պատժամիջոցների պատճառով, բայց այժմ Իրանի ու ԱՄՆ–ի հարաբերություններն այնպիսին են, որ դրանց ընթացքից կարող են շահել նաև հայ–իրանական կապերը, առավել ևս, որ խոսակցություններ են գնում մեր տարածաշրջանի հաղորդակցական ուղիների ու ենթակառուցվածքների ապաշրջափակման մասին»,– ասաց իրանագետը։ 

Իրանը պատրաստ է միջնորդ դառնալ հայ-ադրբեջանական բանակցությունների համար. Սաիդ Խաթիբզադե

Վարդանյանի գնահատմամբ`պետք է հաշվի առնել աշխարհաքաղաքական իրողությունները և այն հանգամանքը, որ ԱՄՆ–ի ներկայիս վարչակարգը ցանկանում է տարածաշրջանային գործընթացներում Իրանին տալ որոշակի ազատություն, հետևաբար, նավթագազային ու էներգետիկ մեգածրագրերի իրականացման համար ի հայտ են գալիս նոր հնարավորություններ։   

Հիշեցնենք, որ Իրանում նախագահական ընտրություններն անցկացվել են հունիսի 18–ին։ Հաղթել է դատական իշխանության ղեկավար Էբրահիմ Ռայիսին։
Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

Իրանն ընդլայնում է համագործակցությունը ԵԱՏՄ–ի հետ. ի՞նչ դեր է հատկացված Հայաստանին

99
թեգերը:
Հայաստան, իրանագետ, Էբրահիմ Ռայիսի, Իրանի Իսլամական Հանրապետություն, Նախագահ
Ըստ թեմայի
Իրանին «կուլ տալ» ոչ մի կերպ չի հաջողվի, և Վաշինգտոնում դա հասկանում են. Ահարոն Վարդանյան
Ահարոն Վարդանյան. Իրանում հիմնական պայքարը կընթանա երկու թեկնածուի միջև
Հայ-իրանական օրակարգն ամբողջովին պետք է վերանայել. Վարդանյան
Встреча премьер-министра Армении Никола Пашиняна и Президента Франции Эммануэля Макрона в рамках саммита НАТО (11 июля 2018). Брюссель

Մակրոնը կարևորել է Հայաստանի և Ադրբեջանի միջև սահմանագծումը. նա խոսել է Փաշինյանի հետ

0
(Թարմացված է 18:34 03.08.2021)
Էմանուել Մակրոնը շնորհավորել է Նիկոլ Փաշինյանին և վերահաստատել է իր պատրաստակամությունը՝ շարունակելու հետևողական ջանքեր գործադրել տարածաշրջանում կայուն խաղաղության հաստատման ուղղությամբ:

ԵՐԵՎԱՆ, 3 օգոստոսի - Sputnik. ՀՀ վարչապետ Նիկոլ Փաշինյանը հեռախոսազրույց է ունեցել Ֆրանսիայի նախագահ Էմանուել Մակրոնի հետ: Տեղեկությունը հայտնում են կառավարության մամուլի ծառայությունից։

Ֆրանսիայի նախագահը Նիկոլ Փաշինյանին շնորհավորել է ՀՀ վարչապետի պաշտոնին նշանակվելու կապակցությամբ և բարձր գնահատել երկրում ժողովրդավարական գործընթացների անխափան իրականացումը:

«Ֆրանսիայի նախագահը հայտնել է Հայաստանին 200 հազար չափաբաժին պատվաստանյութ տրամադրելու որոշման մասին: Վարչապետ Փաշինյանը նախագահ Մակրոնին իր երախտագիտությունն է հայտնել այս առթիվ»,–ասված է հաղորդագրության մեջ:

ՀՀ վարչապետը տեղեկատվություն է տրամադրել Ադրբեջանի կողմից սահմանային վերջին սադրանքների, ինչպես նաև Ադրբեջանի ագրեսիվ հռետորաբանության վերաբերյալ՝ ընդգծելով, որ դրանց նպատակն է ապակայունացնել իրավիճակը տարածաշրջանում: Նա նաև անթույլատրելի է համարել հայ գերիների նկատմամբ Ադրբեջանում տեղի ունեցող շինծու դատավարությունները:

Նախագահ Մակրոնը հույժ կարևորել է Հայաստանի և Ադրբեջանի միջև սահմանագծումն ու սահմանազատումը: Համաձայնելով այս մտքին՝ ՀՀ վարչապետն ընդգծել է, որ հայ-ադրբեջանական սահմանազատում ու Լեռնային Ղարաբաղի հակամարտության կարգավորումը որևէ կերպ խաչաձևվող գործընթացներ չեն: Նա կրկնել է սահմանի երկայնքով ՀԱՊԿ դիտորդական առաքելություն տեղակայելու, կամ նման որոշման անհնարինության դեպքում՝ որպես այլընտրանք, ԵԱՀԿ Մինսկի խմբի համանախագահող երկրների դիտորդական առաքելության տեղակայման առաջարկությունը:

Ֆրանսիայի նախագահը վերահաստատել է իր պատրաստակամությունը՝ շարունակելու հետևողական ջանքեր գործադրել տարածաշրջանում կայուն խաղաղության հաստատման ուղղությամբ:

ՀՀ վարչապետը համոզմունք է հայտնել, որ տարածաշրջանային համատեքստ ունեցող նախաձեռնություններն ու քայլերը կարող են հաջողության հասնել, եթե դրանք արժանանում են ԵԱՀԿ Մինսկի խմբի բոլոր համանախագահող երկրների հավանությանը:

Վարչապետ Փաշինյանն ընդգծել է նաև, որ Հայաստանի կառավարությունը ողջունել է ԵԱՀԿ Մինսկի խմբի համանախագահների՝ նոյեմբերի 9-ին հաջորդած հայտարարությունները, այդ թվում՝ բանակցային գործընթացը վերականգնելու ուղղությամբ և պատրաստ է լիարժեք ներգրավվել բանակցային գործընթացում:
 

 

0
թեգերը:
Հայաստան, Ֆրանսիա, Էմանուել Մակրոն, Նիկոլ Փաշինյան, Սահման, Դեմարկացիա, Դելիմիտացիա, Ադրբեջան