Գևորգ Էմին-Տերյան

ԵՊՀ-ում առճակատումն ավելի է խորանալու. Էմին-Տերյանը` ռեկտորի հնարավոր նշանակման մասին

70
(Թարմացված է 19:51 07.07.2021)
ԵՊՀ մամուլի խոսնակ Գևորգ Էմին-Տերյանը Sputnik Արմենիայի եթերում անդրադարձել է Մայր բուհի ռեկտորի նշանակման մասին խոսակցություններին, որոնք վերջին օրերին կրկին թեժ քննարկումների առիթ են դարձել։
ԵՊՀ-ում առճակատումն ավելի է խորանալու. Էմին-Տերյանը`ռեկտորի հնարավոր նշանակման մասին

ՀՀ ԱԺ 7-րդ գումարման «Իմ քայլը» խմբակցության պատգամավոր Հովհաննես Հովհաննիսյանի՝ ԵՊՀ ռեկտոր նշանակելու մասին խոսակցություններն առնվազն տարակուսանք են առաջացնում։ Sputnik Արմենիայի հետ զրույցում նման կարծիք հայտնեց ԵՊՀ մամուլի խոսնակ Գևորգ Էմին-Տերյան։

«Հովհաննիսյանը պրոֆեսորի կոչում չունի, հետևաբար ինքը, ըստ ԵՊՀ կանոնադրության, նաև ըստ բուհական և հետբուհական կրթության մասին օրենքի, չի կարող ղեկավարել ԵՊՀ-ն»,- ասաց նա։

Նրա խոսքով` իշխանության թեկնածուն նաև Բարձրագույն կրթության և գիտության մասին տխրահռչակ օրենքի համահեղինակներից է և այդ օրենքի գլխավոր լոբբիստը խորհրդարանում` մարդ, որը քայլեր է արել բուհերի ինքնավարության դեմ, հիմա պատրաստվում է գալ և ղեկավարել Մայր բուհը։

Բացի այդ, ըստ Էմին-Տերյանի, Հովհաննես Հովհաննիսյանի դոկտորական ատենախոսությունը ևս բավական լուրջ կասկածներ է հարուցում։ Ասում է` առաջիկայում համալսարանականները կզբաղվեն դրանց վերհանմամբ։

«Պարոն Հովհաննիսյանի դոկտորի կոչումն էլ գուցե չեղարկվի, այդպիսի խոսակցություններ կան։ Բազմաթիվ հրապարակումներ են եղել մամուլում, որ հոդվածները ճիշտ չեն հրատարակվել, ճիշտ ամսագրերում չեն հրատարակվել, թիվը չի բավականացնում և արտագրություններն ու կառուցվածքային խնդիրները բավականին շատ են այդ ատենախոսության մեջ»,- նշեց Էմին-Տերյանը։

ԵՊՀ մամուլի խոսնակի կարծիքով`Հովհաննիսյանին ռեկտոր նշանակելով՝ Հայաստանի իշխանությունը խնդիրը լուծելու փոխարեն փաստորեն ավելի է խորացնելու առճակատումը։

ԵՊՀ ուսխորհուրդը հրաժարվում է հոգաբարձուների խորհրդի ձևավորմանը մասնակցելուց

Նշենք, որ մամուլում տարածված տեղեկությունների համաձայն՝ ԵՊՀ-ի ուղիղ կառավարման նպատակով ՀՀ կառավարության կողմից ստեղծված երեք անդամից կազմված խումբը` փոխվարչապետ Մհեր Գրիգորյանը, ԿԳՄՍ նախարար Վահրամ Դումանյանը և Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանը, մտադիր են ուրբաթ օրը ԵՊՀ ռեկտորի ԺՊ նշանակել ԱԺ յոթերորդ գումարման «Իմ քայլը» խմբակցության պատգամավոր Հովհաննես Հովհաննիսյանին:

70
թեգերը:
ռեկտոր, Երևանի պետական համալսարան (ԵՊՀ)
Ըստ թեմայի
ԵՊՀ-ի գիտխորհուրդը դժգոհ է Դումանյանի հետ հանդիպումից. ինչո՞ւ էր նախարարը բուհ այցելել
ԵՊՀ հոգաբարձուների խորհրդի նիստը չկայացավ` քվորում չկար. ի՞նչ են առաջարկում կառավարությանը
ԵՊՀ-ում հոգաբարձուների ժամանակավոր խորհուրդ է ստեղծվում. բուհը 6 ամիս ժամանակ ունի
Գրիգոր Բալասանյան

Փաշինյանը ծածուկ բանակցություննե՞ր է վարում. ինչ էր «փնտրում» ԱՄՆ դեսպանը Գեղարքունիքում

416
(Թարմացված է 23:47 27.07.2021)
Գրիգոր Բալասանյանի զարմանալի և տարօրինակ է համարում, որ ՀՀ ԱԳՆ-ն որևէ մեկնաբանություն չտվեց ԱՄՆ արտակարգ և լիազոր դեսպան Լին Թրեյսիի` Գեղարքունիքի մարզ կատարած այցի մասին։
Ինչու էր ԱՄՆ դեսպանն այցելել Գեղարքունիքի մարզ և ինչու է լռում ԱԳՆ-ն

Հիմնավոր կասկած կա, որ գործող իշխանությունները ծածուկ բանակցություններ են վարում ԱՄՆ-ի հետ Հայաստանում որոշակի սահմանային ճշգրտումների և սահմանազատումների շուրջ։ Sputnik Արմենիայի հետ զրույցում նման կարծիք հայտնեց ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը` մեկնաբանելով նախօրեին ՀՀ-ում ԱՄՆ արտակարգ և լիազոր դեսպան Լին Թրեյսիի այցը Գեղարքունիքի մարզ։

Բալասանյանի կարծիքով` զարմանալի և տարօրինակ է, որ ՀՀ արտաքին գործերի նախարարությունը ևս այդ այցելության մասին որևէ մեկնաբանություն չտվեց։

Բալասանյանը հիշեցնում է ապրիլին ԱՄՆ դեսպանի այցը Սյունիքի մարզ և այնտեղ Նիկոլ Փաշինյանի հետ նույն հյուրանոցում լինելու հանգամանքը։ Բացի այդ, վարչապետի պաշտոնակատարը հաճախ է շեշտում, որ հայ-ադրբեջանական սահմանին պետք է կանգնեն ռուս կամ ԵԱՀԿ Մինսկի խմբի անդամ այլ երկրների դիտորդներ։

«Որպես ԵԱՀԿ Մինսկի համանախագահ երկիր` կարող ենք այստեղ դիտարկել նաև, որ միգուցե ԱՄՆ դեսպանը դիտարկումներ էր անում և հետո համապատասխան կառույցներին պետք է փոխանցի այն տեսագրություններն ու նկարները, որոնցով հնարավոր կլինի պարզել այն մասշտաբը միգուցե նաև սահմանապահներ տեղակայելու, որի շուրջ չեմ բացառում բանակցությունները Հայաստանի և ԱՄՆ իշխանությունների միջև»,- նշեց Բալասանյանը։

Նրա խոսքով` առավել կասկածելի է այս ամենի ֆոնին ԱՄՆ պետդեպարտամենտի կոչն իր քաղաքացիներին` ձեռնպահ մնալ այցելել Հայաստանի սահմանամերձ շրջաններ և Արցախ։ Ըստ Բալասանյանի` կորոնավիրուսով պայմանավորված իրավիճակը որպես հիմնավորում ներկայացնելն այնքան էլ համոզիչ չէ։ 

Միջազգայնագետն ուշադրություն է հրավիրում այդ հայտարարության երկրորդ հատվածի վրա, որտեղ նշվում է Հայաստանի և Ադրբեջանի միջև «շփման գծի» և Լեռնային Ղարաբաղի հակամարտության մասին: Ի վերջո, պատահական չէ, որ Պետդեպը նման հայտարարություններ էր արել նաև 2020 թվականի տավուշյան դեպքերից առաջ և 44-օրյա պատերազմը սկսվելու նախօրյակին։

Ադրբեջանական ԶՈւ–ն կրակ է բացել Գեղարքունիքի դիրքերի ուղղությամբ. ունենք 3 վիրավոր

«Կարծում եմ` մենք ականատես ենք լինելու թեկուզ շատ կարճատև սահմանային բախումների, և սա ունի հեռուն գնացող նպատակներ` առաջին հերթին աշխարհաքաղաքական, որպեսզի ամբողջ աշխարհին ցույց տան, որ ՌԴ-ն որպես տարածաշրջանային գերտերություն, որպես Հայաստանի դաշնակից երկիր ի վիճակի չէ ապահովել իր դաշնակցի սահմանների անձեռնմխելիությունը»,- հավելեց Բալասանյանը։

Լավ լուր. Գեղարքունիքի սահմանին ծանր վիրավորում ստացած զինվորը գիտակցության է եկել

Հիշեցնենք` երեկ` հուլիսի 26-ին, ՀՀ պաշտպանության նախարարությունը հաղորդագրություն էր տարածել, որ ՀՀ–ում Ամերիկայի Միացյալ Նահանգների դեսպան Լին Թրեյսին պաշտպանության նախարարության ներկայացուցիչների ուղեկցությամբ այցելել է Գեղարքունիքի մարզ։ Իսկ այսօր ԱՄՆ Պետդեպարտամենտը հայտարարություն տարածեց, որով դիմում էր իր քաղաքացիներին COVID-19-ի պատճառով վերանայել Հայաստան այցելելը։ Հայտարարության վերջում անդրադարձ կա նաև հայ-ադրբեջանական սահմանային իրավիճակի մասին։

416
թեգերը:
Նիկոլ Փաշինյան, Լին Թրեյսի, Դեսպան, ԱՄՆ, Հայաստան, Գեղարքունիքի մարզ
Ըստ թեմայի
Խոտ էր, սահմանը չէր երևում. Սյունիքի Տեղ գյուղում 2 կմ–անոց սահման է գծվել
Հայ–ադրբեջանական սահմանին շարունակում են անկանոն կրակահերթեր հնչել. ՀՀ ՊՆ
Հայրենասիրության ու ազգայնականության սահմանը, կամ պետք չէ «առյուծ կտրել» ուրիշի հողի վրա
Սոս Հակոբյան

«Մենք կխոսենք մինչև օգոստոսի 2-ը». Սոս Հակոբյանը` ԱԺ փոխխոսնակի պաշտոնի մասին

60
(Թարմացված է 19:51 27.07.2021)
«Հայրենիք» կուսակցության մամուլի քարտուղար Սոս Հակոբյանը Sputnik Արմենիայի եթերում հերքեց տեղեկությունները, թե դաշինքը փոխխոսնակի պաշտոնի հարցում պայմանավորվածություն ունի իշխանությունների հետ։
«Մենք կխոսենք մինչև օգոստոսի 2-ը». ո՞ր ուժին բաժին կընկնի ԱԺ ընդդիմադիր փոխխոսնակի պաշտոնը

«Հայաստան» և «Պատիվ ունեմ» դաշինքների միջև շփումները հաճախակի են տարբեր թեմաների, այդ թվում նաև ԱԺ ընդդիմադիր փոխխոսնակի թեկնածության շուրջ, բայց առարկայական որոշում դեռևս չունեն։ Տեղեկությունը Sputnik Արմենիայի հետ զրույցում հայտնեց Արթուր Վանեցյանի գլխավորած «Հայրենիք» կուսակցության մամուլի քարտուղար Սոս Հակոբյանը։

«Մեր դիրքորոշումը համագործակցային է երկու ընդդիմադիր խմբակցությունների միջև առհասարակ և հատկապես այսպիսի թեմաների շուրջ։ Եթե որոշումը լինի, մենք կխոսենք մինչև ամսի 2-ը»,- նշեց նա` ավելացնելով, որ որոշումը կկայացվի ընդդիմադիր կուսակցությունների քննարկումների արդյունքում։

Հակոբյանի խոսքով` փոխխոսնակի պաշտոնի շուրջ քննարկումն այն թեման չէ, որտեղ կարելի է հակասություններ փնտրել։

Միաժամանակ նա հերքեց տեղեկությունները, թե «Պատիվ ունեմ» դաշինքն այդ հարցում պայմանավորվածություն ունի իշխանությունների հետ։

«Որևէ պայմանավորվածություն չի կարող լինել իշխող թևի հետ»,- ասաց նա։

Գագիկ Ծառուկյանի տեղը կզբաղեցնի Սեյրան Օհանյանը. «Ժողովուրդ»

Հիշեցնենք, որ «Քաղաքացիական պայմանագիր» կուսակցության անդամ, ԱԺ պատգամավոր Ալեն Սիմոնյանը լրագրողների հետ զրույցում նշել էր, որ իշխող կուսակցությունում մտադիր են քննարկել ԱԺ փոխնախագահի պաշտոնը «Պատիվ ունեմ» դաշինքին տալու հարցը։

Հիշեցնենք` Կենտրոնական ընտրական հանձնաժողովը հուլիսի 22-ին ամփոփեց Ազգային ժողովի ընտրությունների վերջնական արդյունքները, որոնց համաձայն` ութերորդ գումարման խորհրդարանում 107 պատգամավոր կլինի։ Իշխող «Քաղաքացիական պայմանագիր» կուսակցությունը կունենա 71 մանդատ, «Հայաստան» դաշինքը` 29, «Պատիվ ունեմ» դաշինքը` 7։

Կքննարկենք ԱԺ փոխնախագահի պաշտոնը «Պատիվ ունեմ» դաշինքին տալու հարցը. Ալեն Սիմոնյան

60
թեգերը:
«Հայաստան» դաշինք, «Պատիվ ունեմ» դաշինք, Հայաստան
Ըստ թեմայի
Արթուր Վանեցյանն առաջարկում է ստեղծել Արցախի հարցերով մշտական հանձնաժողով
Պատգամավոր Արման Բաբաջանյանը ստիպված կլինի ներողություն խնդրել ՀՅԴ-ից. դատարանը որոշել է
Շիրակի մարզպետը գիտի` ինչպես է օգտագործելու «պողպատե մանդատը»
Կարեն Խաչանով

Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում

0
(Թարմացված է 11:34 28.07.2021)
Տոկիոյում ցերեկային ժամերին շատ շոգ է լինում, ինչը անհարմարություն է պատճառում մարզիկներին, հատկապես եթե մրցումները բաց երկնքի տակ են անցկացվում:

ԵՐԵՎԱՆ, 28 հուլիսի - Sputnik. Ռուսաստանցի թենիսիստ Կարեն Խաչանովն իր վրդովմունքն է հայտնել այն փաստի առնչությամբ, որ Տոկիոյում օլիմպիական խաղերը ցերեկվա շոգին են անցկացվում, այն դեպքում, երբ դրանք կարելի էր ավելի ուշ սկսել։ Տեղեկությունը հայտնում է ՌԻԱ Նովոստին:

Խաչանովն այսօր դուրս է եկել Տոկիոյի օլիմպիադայի քառորդ եզրափակիչ՝ երեք պարտիաներում հաղթելով արգենտինացի Դիեգո Շվարցմանին: Խաղը տեղի է ունեցել ավելի քան 30 աստիճան շոգին:

«Մենք խնդրել էինք խաղերն ավելի ուշ ժամերի նշանակել։ Չեմ ուզում թույլ թվալ, ֆիզիկապես բավականին ուժեղ եմ, բայց խաղաս այնպիսի տապին, որ «մահանաս» կորտում․.. Այլ մարզաձևերի մրցումներն անցկացվում են օդորակիչներով սրահներում կամ սկսում են առավոտյան 9-ին: Ոչ մի խնդիր չեմ տեսնում 16-17։00-ին սկսելու մեջ, ավելի թեթև է լինում։ Այստեղ լավ լուսավորություն կա։ Այո, նույնքան տոթ ու խոնավ կլիներ, բայց զգացողությունը կլիներ, որ 10 աստիճանով հով է», - ասել է Խաչանովը լրագրողներին։

12-ից մինչև 66. Տոկիոյի Օլիմպիադայի ամենաերիտասարդ և ամենատարեց մարզիկները. լուսանկարներ

Նա նաև նշել է, որ Շվարցմանի հետ հանդիպման ժամանակ ագրեսիվ է խաղացել, բայց շոգ է եղել ու տոթ։ Խաչանովը պարտվել է երկրորդ պարտիայում, բայց արդյունքը դրական է եղել։

Ավելի վաղ ռուսաստանցի թենիսիստ Դանիիլ Մեդվեդևի ինքնազգացողությունը վատացել էր խաղի ժամանակ, բայց նա դուրս էր եկել օլիմպիական խաղերի քառորդ եզրափակիչ: «Ես կարող եմ ավարտել հանդիպումը, բայց կարող եմ մահանալ։ Եթե ես մեռնեմ, ո՞վ կլինի պատասխանատուն» - Մեդվեդևի ասածը մեջբերում է բրիտանացի լրագրող Տիմանի Քարայոլը։

Դիմակայությունը շարունակվել է, ու երկու ժամ 25 րոպեում ռուսաստանցին հաղթել է 6:2, 3:6, 6:2 հաշվով։

Նշենք, որ թենիսի մրցաշարերն ընթանում են օրվա ամենաշոգ ժամերին, կիզիչ արևի տակ:

«Չի փոշոտվի». Արթուր Դալալոյանը պատմել է՝ ինչ է անելու օլիմպիական մեդալը

0
թեգերը:
Կարեն Խաչանով, Օլիմպիական խաղեր