Դավիթ Բաբայան

Ադրբեջանի իրականացրած մշակութային վանդալիզմը դարձել է գրեթե անվերահսկելի. Դավիթ Բաբայան

269
(Թարմացված է 19:10 06.07.2021)
Արցախի Հանրապետության արտգործնախարար Դավիթ Բաբայանը Sputnik Արմենիայի եթերում անդրադարձել է ադրբեջանցիների օկուպացրած տարածքներում հայկական պատմամշակութային կոթողների նկատմամբ ցուցաբերվող վանդալիզմի դրսևորումներին։
Դավիթ Բաբայան. Ադրբեջանի կողմից ցուցաբերվող մշակութային վանդալիզմը դարձել է գրեթե անվերահսկելի

Դավիթ Բաբայանի պնդմամբ` Ադրբեջանի կողմից հայոց պատմամշակութային ժառանգության նկատմամբ իրականացվում է ցեղասպանություն և այդ ցեղասպան քաղաքականությունը սկսվել է վաղուց։ Նա վկայակոչեց Ջուղայի խաչքարերի ոչնչացումը և շեշտեց, որ յոթանասուն տարվա ընթացքում գրեթե ոչնչացվել է հայոց մշակութային ժառանգությունը Նախիջևանում։

«Մենք տեսնում ենք, որ ադրբեջանցիների ցեղասպան քաղաքականությունը կրում է շարունակական բնույթ, որևէ բան այդ առումով չի փոխվել։ Ղարաբաղյան շարժման մեկնարկից և Ադրբեջանի անկախացումից հետո այդ գործընթացը դարձել է գրեթե անվերահսկելի։ Եթե նախկինում խորհրդային իշխանությունը գոնե զսպում էր` թույլ չտալով, որ մշակութային ցեղասպանությունը կրի մասսայական բնույթ, ապա հիմա որևէ զսպող մեխանիզմ գոյություն չունի։ Միջազգային հանրությունը գրեթե պասիվ է, եթե ոչ անտարբեր։ Միջազգային կառույցները որևէ հնարավորություն չունեն ազդելու նշված գործընթացի վրա»,– Sputnik Արմենիային ասաց Արցախի Հանրապետության արտգործնախարարը։

Բաբայանի կարծիքով` մշակութային ցեղասպանությունն իրականացվում է երկու ճանապարհով, առաջին` պարզապես ոչնչացվում է ժառանգությունը, և երկրորդ` ազգային պատկանելությունը փոխելու փորձ է արվում։ Նրա խոսքով` օրինակ Շուշիի Սուրբ Ղազանչեցոց եկեղեցու ներսում ամեն ինչ փոխվել է, դրսից իրականացվում են ինչ–որ աշխատանքներ, վաղն ասելու են, թե դա աղվանական կոթող է կամ այլ եկեղեցի։

«Արցախի Հանրապետության հնարավորությունները հակազդելու առումով խիստ սահմանափակ են։ Եթե միջազգային հանրությունը չի կարողանում որևէ բան անել, մենք ի՞նչ պետք է անենք։ Բայցևայնպես անհրաժեշտ է իրազեկել այդ մասին և Հայաստանի ու սփյուռքի, գործընկեր երկրների ու միջազգային կառույցների համատեղ ջանքերով պայքարել դրա դեմ, որովհետև տվյալ ցեղասպան քաղաքականությունն ուղղված է առհասարակ մշակույթի, քաղաքակրթության դեմ»,–նշեց նա։

Բաբայանը հիշեցրեց, որ Արցախի արտգործնախարարությունը բազմաթիվ նամակներ է գրել, և վստահեցրեց` գերատեսչությունը շարունակելու է իրազեկման գործընթացը տարբեր ատյաններում։

Եղեռն եղեռնից հետո. մշակութային ի՞նչ արժեքներ են մնացել Ադրբեջանի վերահսկողության տակ

269
թեգերը:
Դավիթ Բաբայան, Ադրբեջան, Արցախ
Ըստ թեմայի
Ադրբեջանը նոր քայլերի է դիմում. Արման Թաթոյանը հորդորում է չպատասխանել կասկածելի զանգերին
Ամերիկյան ընկերությունները կմասնակցեն Ադրբեջանի կողմից գրաված ԼՂ տարածքների նախագծերին
Վերին Շորժայի սահմանային հատվածում Ադրբեջանը փոխհրաձգություն է հրահրել
Վարդան Ոսկանյան

Իրանի սոցիալական ցույցերին տրվում է քաղաքական բնույթ. ի՞նչ են ուզում որոշ արտաքին ուժեր

15
(Թարմացված է 19:45 27.07.2021)
Իրանագետ, ԵՊՀ արևելագիտության ամբիոնի վարիչ Վարդան Ոսկանյանը Sputnik Արմենիայի եթերում անդրադարձել է Իրանի Իսլամական Հանրապետությունում տեղի ունեցող բողոքի զանգվածային ակցիաներին։
Ոսկանյան. «ԱՄՆ–ի պատժամիջոցներն ազդում են, բայց իրանական տնտեսությունը կաթվածահար վիճակում չէ»

Իրանում ընթացող բողոքի ակցիաներն ընդհանուր առմամբ սոցիալական բնույթի են, սակայն, հաշվի առնելով Իրանի աշխարհաքաղաքական նշանակությունը, որոշ արտաքին ուժեր`ի դեմս Իրանի հակառակորդների և թշնամիների, փորձում են այդ ցույցերին հաղորդել քաղաքական բնույթ։ Sputnik Արմենիայի եթերում նման կարծիք հայտնեց իրանագետ Վարդան Ոսկանյանը։

Նրա խոսքով` դա արվում է տեխնոլոգիական գրեթե բոլոր միջոցներով, մասնավորապես փորձ է արվում բողոքի ալիքն ուղղորդել դեպի Իրանի վարչակարգի կողմը։

«Այդ առումով որոշակի հաջողության հասել են, որովհետև բողոքի ակցիաների ժամանակ հնչել են նաև քաղաքական կոչեր։ Բայց ամենավտանգավորն այդ գործողությունների ֆոնին Իրանի ներսում անջատողականության խթանման փորձերն են, հատկապես Ատրպատականում պանթուրքական խմբավորումների արհեստական ակտիվացումը դրսի ուժերի կողմից, իսկ այդ գործում անմասն չէ Ադրբեջանի Հանրապետությունը։ Անդրկուլիսային մասնակցություն ունի նաև Թուրքիան։ Վերջինս ձգտում է հարավային Խուզեսթան նահանգում բնակվող արաբներին նույնպես ներգրավել անջատողական գործողություններում` հաշվի առնելով նաև Իսրայելի ազդեցությունը Իրանի հարավ–արևմտյան շրջանների վրա»,– նշեց իրանագետը։

Ոսկանյանի կարծիքով` թեև բողոքի գործողությունները շարունակվում են, սակայն Իրանի պետական մարմինները ընդհանուր առմամբ վերահսկում են իրավիճակը։ Ատրպատականում, օրինակ, տեղի են ունեցել պանթուրքական խմբավորումների ակտիվիստների ձերբակալություններ։

Իսկ Խուզեսթան նահանգը, նավթարդյունաբերության կենտրոն լինելուց բացի, ունի նաև գյուղատնտեսական կարևոր նշանակություն, և բնակչության զգալի մասը զբաղված է գյուղատնտեսությամբ, այստեղ իրավիճակը խնդրահարույց է դարձել սակավաջրության ու երաշտի պատճառով։ 

Իրանագետի խոսքով` Խուզեսթան նահանգում անկայունություն սերմանելու փորձերն ունեն բավական երկար պատմություն։ Այդտեղ փորձ է արվում ստեղծել անջատողականության օջախ, որը կխաթարի Իրանի նավթարդյունաբերության բնականոն գործունեությունը և կվտանգի երկրի տարածքային ամբողջականությունը։

Իրանում բողոքի ակցիա են անում ջրի բացակայության պատճառով. տեսանյութ

Ըստ նրա` թեև Իրանի իշխանությունները զգալի վնասներ են կրում ամերիկյան պատժամիջոցներից, բայց խոսել այն մասին, որ իրանական տնտեսությունը կաթվածահար վիճակում է, տեղին չէ։ Ամերիկյան պատժամիջոցները միտված են Իրանում վարչակարգ փոփոխելուն, սակայն այդ առումով նպատակին չեն ծառայել։ Ավելին, Իրանը նույնիսկ ճնշումների ներքո ամրացրել ու մեծացրել է իր դիրքերն աշխարհաքաղաքականության մեջ։        

Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները

Նշենք, որ միջազգային լրահոսի համաձայն` Իրանում սկսվել են բողոքի զանգվածային ակցիաներ ջրի պակասի և սոցիալական կացության վատթարացման պատճառով: Մասնավորապես, իրավիճակն Իրանում վատթարացել է երաշտի, կորոնավիրուսի համավարակի նոր ալիքի և ամերիկյան պատժամիջոցների արդյունքում տնտեսական անկման հետևանքով:

Հիշեցնենք, որ ցույցերը սկսվել են հուլիսի 15-ին Խուզեսթան նահանգի տասնյակ ավաններում, դրանք շարունակվում են մինչ օրս և արդեն տեղափոխվել են մայրաքաղաք Թեհրան։ 

15
թեգերը:
ոռոգման ջուր, Բողոքի ակցիա, Իրանի Իսլամական Հանրապետություն
Արա Մարջանյանը

Երբ երկիրը չունի ագահությունը զսպող մեխանիզմներ, կամ ինչո՞ւ է թանկանում հեղուկ գազը

118
(Թարմացված է 17:46 27.07.2021)
Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը Sputnik Արմենիայի եթերում անդրադարձել է հեղուկ գազի շուկայում առաջացած իրավիճակին և այդ վառելիքի գնաճին։

 

Մարջանյան. «Բիզնես միջավայրը Հայաստանում հակված է ագահության, ինչը չի զսպվում»

Շարժիչային վառելիքների և հեղուկացված գազի գները միշտ էլ ենթակա են որոշակի տատանումների։ Sputnik Արմենիայի եթերում նման կարծիք հայտնեց Հայաստանի էներգետիկայի գծով ՄԱԿ–ի ազգային փորձագետ Արա Մարջանյանը։

Ըստ նրա` խնդիրն այն է, որ երկիրը պետք է պատրաստ լինի այդպիսի տատանումներին, ինչի մասին փորձագետները խոսում են մոտ 25 տարի։

«Հայաստանում պետք է մշակվեին որոշակի մեխանիզմներ, որոնք տնտեսական առումով կմեղմեն անխուսափելի տատանումները, սակայն այդ մեխանիզմները Հայաստանում ցավոք այդպես էլ չմշակվեցին։ Հեղուկացված գազի օգտագործման առումով մեր երկիրն անցած 15 տարիների ընթացքում եղել է մոլորակի առաջատար երկրների թվում, ինչի մասին վկայում են անալիտիկ լուրջ կենտրոնների տվյալները։ Հայաստանն առաջինն աշխարհում անցավ հեղուկ գազի զանգվածային օգտագործման հատկապես շարժիչային վառելիքների առումով և այս իրավիճակը մեր երկրում պետք է պահպանել»,– ասաց փորձագետը։

Մարջանյանի կարծիքով` բացի ակնհայտ տնտեսական օգուտներից, հեղուկ գազի զանգվածային օգտագործումն ունի նաև բնապահպանական օգուտներ, որովհետև դրա օգտագործումը որպես շարժիչային վառելիք, դեպի մթնոլորտ ավելի քիչ արտանետումներ է ապահովում` լավացնելով ընդհանուր էկոլոգիական վիճակը։

Ըստ նրա` խնդիրը համակարգային է և վերաբերում է Հայաստանում դենֆերային մեխանիզմների մշակմանը, որոնք կկարողանան մեղմել բնակչության և տնտեսության համար անխուսափելի տատանումները մատակարարման ոլորտում։ 

«Դենֆերային մեխանիզմների մեջ մտնում է հատուկ ֆոնդի և հարակից կառույցների ստեղծումը, որոնք էժան գազի պարագայում կկուտակեն միջոցներ, իսկ թանկ գազի պարագայում այդ միջոցները կծախսեն` մեղմելով գնագոյացումը։ Թեև գազի գինը համաշխարհային շուկայում հետևում է հում նավթի ու նավթամթերքի գներին` որոշակի ժամանակային ուշացմամբ, բայց եթե երկրի բիզնես կառուցվածքը չունի ագահությունը զսպող մեխանիզմներ, ապա անխուսափելիորեն անմիջապես թանկանում են հում նավթամթերքի ու հեղուկացված գազի գներն այդ երկրում»,– ասաց փորձագետը։

Մարջանյանի գնահատմամբ` մյուս կողմից, երբ գները համաշխարհային շուկայում ընկնում են, ինչը չի ազդում ներքին շուկայի վրա, ապա դա վկայում է գնագոյացումը զսպող մեխանիզմների բացակայության, բիզնես միջավայրի ագահության ու անկառավարելիության մասին։ Ըստ նրա` այստեղ մեծ անելիքներ ունի ոչ միայն տնտեսական մրցակցության հանձնաժողովը, այլև ամբողջ բիզնես համակարգը, առաջին հերթին` ենթակառուցվածքների նախարարությունը, որոնք համատեղ ջանքերով պետք է լծվեն Հայաստանում դենֆերային մեխանիզմներ ստեղծելու գործին։       

Ինչո՞ւ է հեղուկ գազը թանկացել Հայաստանում. պարզաբանում է հանձնաժողովը

Նշենք, որ արդեն մի քանի օր է, ինչ հեղուկ գազի շուկան սթրեսային վիճակում է: Վարորդները բողոքում են. շուկայում հեղուկ գազ չկա, իսկ եթե գազալցակայանը հեղուկ գազ ունի, ապա վարորդին հրաժարվում է 5000 դրամից ավելիի վաճառել: 

Այս շուկայում տիրող իրավիճակը վարորդների շրջանում խուճապ է առաջացրել, քանի որ որոշ գազալցակայաններ, առիթից օգտվելով, իրենց ունեցած հեղուկ գազի մեկ լիտրի գինն անհասկանալի ձևով բարձրացրել են՝ հասցնելով մինչև 280 դրամի:

Ռուսաստանն ու Իրաքը կտրուկ բարձրացրել են հեղուկ գազի գինը, և հայ ներկրողներին առաջարկում են բոլորովին այլ՝ ձեռքբերման ավելի բարձր գին: Այժմ պետական մակարդակով բանակցություններ են ընթանում Իրանի ու Կատարի հետ: 

118
թեգերը:
թանկացում, Հայաստան, գազի սակագին, գազալցակայան, գազ
Ըստ թեմայի
Պանրի հնարավոր թանկացման պատճառը կաթի պաշարների նվազումն է. Գիգոյան
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Հայաստանում 75 տոկոսով թանկացած ձեթը կարող է էժանանալ
Ներքնազգեստով մոդել

Մեծ Բրիտանիայի վարչապետի դուստրը ներքնազգեստով է հայտնվել ամսագրի շապիկին. լուսանկարներ

0
(Թարմացված է 19:40 27.07.2021)
Մեծ Բրիտանիայի վարչապետ Բորիս Ջոնսոնի դուստրն առաջին անգամ է ներկայանում որպես մոդել։ 28-ամյա Լարան հայտնվել է «Tatler» ամսագրի էջերում և ակնհայտորեն չի ամաչում իր փարթամ կազմվածքից։

ԵՐԵՎԱՆ, 27 հուլիսի - Sputnik. Բրիտանիայի կառավարության ղեկավար Բորիս Ջոնսոնի դուստրը՝ Լարա Ջոնսոն-Ուիլերը, հատուկ ձգող ներքնազգեստով լուսանկարվել է հանրահայտ «Tatler» ամսագրի համար։ 28-ամյա Լարայի լուսանկարները հրապարակվել են ամսագրի Instagram-յան էջում:

«Միջնադարյան կորսետներից մինչև Բրիջիթ Ջոնս՝ (հայտնի գրքի և ֆիլմի հերոսուհին. խմբ.) մարմինը մոդելավորող հագուստը երկար ճանապարհ է անցել։ Ձգող, ուղղիչ ներքնազգեստի նոր սերունդը էլեգանտ և ոգեշնչող տեսք ունի։ Լարա Ջոնսոն-Ուիլերը փորձում է որոշ մոդելներ», - գրել է «Tatler»-ը։

Երևում է, որ բավականին թմբլիկ, փարթամ կազմվածքով Լարան բնավ չի ամաչում ֆոտոխցիկների առջև, լրիվ հակառակը՝ բավականին վստահ կեցվածք է ընդունում։ Առաջին լուսանկարում քաղաքական գործչի դստեր հագին թափանցիկ գործվածքից կարված զգեստ է, որը չի թաքցնում սև կրծկալն ու կիսավարտիքը: Բարձրակրունկ կոշիկները ընդգծում են կերպարի նրբագեղությունը։

Երկրորդ լուսանկարում նա սև, նեղ կիսաշրջազգեստով է, որը համալրվում է կորսետով և կարճ կարդիգանով:

Посмотреть эту публикацию в Instagram

Публикация от Tatler (@tatlermagazine)

Լարան, մեկնաբանելով իր դեբյուտային ֆոտոշարքը, նշել է, որ այդ հագուստը չի ուղղի այն, ինչ ձեզ դուր չի գալիս ձեր մարմնում, բայց ճիշտ կարված ներքնազգեստը կարող է ընդգծել բնությունից տրվածը և մարմինը մոտեցնել նախընտրած տեսակին:

Նշենք, որ Լարան նորաձևության ոլորտով հետաքրքրվել է վաղ մանկությունից, նա նաև ցանկացել է լրագրող դառնալ։ Այժմ զբաղվում է գրականությամբ և աշխատում որպես հեռուստահաղորդավարուհի։

Բորիս Ջոնսոնն ու Քերրի Սայմոնդսը լուսանկար են հրապարակել իրենց գաղտնի հարսանիքից

Լարան Բորիս Ջոնսոնի չորս երեխաներից ավագն է՝ նրա երկրորդ կնոջ՝ Մարինա Ուիլերի հետ ամուսնությունից։ Հիշեցնենք, որ Մեծ Բրիտանիայի վարչապետը վերջերս ամուսնացավ երրորդ անգամ։

«Սենց շարունակվի՝ Մակրոնը թուփ կդառնա». օգտատերերին զվարճացրել է Ֆրանսիայի նախագահի նկարը

0
թեգերը:
Լուսանկար, դուստր, Բորիս Ջոնսոն, Մեծ Բրիտանիա