Սուրեն Պարսյան

Որոշ տնտեսվարողներ չարաշահում են իրենց դիրքը շաքարավազի շուկայում. Պարսյան

46
(Թարմացված է 19:13 06.07.2021)
ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը Sputnik Արմենիայի եթերում անդրադարձել է առաջին անհրաժեշտության պարենային ապրանքների, մասնավորապես շաքարավազի գնաճին։
Սուրեն Պարսյան. Որոշ տնտեսվարողներ չարաշահում են իրենց դիրքը շաքարավազի շուկայում

Սուրեն Պարսյանի դիտարկմամբ` սովորաբար ամռան ամիսներին գրանցվում է շաքարավազի նկատմամբ պահանջարկի աճ, ինչից օգտվում են որոշ տնտեսվարողներ. նրանք չարաշահում են իրենց դիրքը, ազդեցությունը շուկայի նկատմամբ և գին են թելադրում` ստեղծելով արհեստական դեֆիցիտ։

«Օրինակ` որոշ սուպերմարկետներ սահմանափակում են շաքարավազի գնման ծավալները, 5 կիլոգրամից ավել չես կարող գնել։ Դա հոգեբանական լուրջ ազդեցություն է թողնում սպառողների վրա, որոնք փորձում են ավելի շատ գնել այդ ապրանքատեսակից։ Արդյունքում շուկայում առաջանում է որոշակի խուճապ»,– Sputnik Արմենիային ասաց տնտեսագետը։

Պարսյանի խոսքով` ապրանքների գները վերջին շաբաթներին սահուն կերպով աճում են, մասնավորապես շաքարավազի մեկ կիլոգրամի արժեքը 420-430 դրամ է, իսկ մարզերում` ավելի թանկ, ինչը վկայում է անառողջ մրցակցային վիճակի մասին և որ պետական մարմիններն ուղղակի մատնված են անգործության։ Ըստ նրա` նման քաղաքականությամբ հնարավոր չէ վերահսկել շուկան, այդ քաղաքականությունից նախևառաջ տուժում են սպառողները։

Պանրի հնարավոր թանկացման պատճառը կաթի պաշարների նվազումն է. Գիգոյան

«Անհրաժեշտ է հնարավորինս կրճատել անբարեխիղճ տնտեսվարողների ազդեցությունը շուկայի վրա, որովհետև մենաշնորհներ ունեցողները շարունակում են ամրապնդել իրենց դիրքերը։ Եթե մի քանի տարի առաջ կառավարությունը հպարտությամբ խոսում էր շաքարավազի գնի աննախադեպ իջեցման մասին, ապա ինչո՞ւ այժմ չի խոսում թանկացման մասին»,– ասաց տնտեսագետը։

Պարսյանի գնահատմամբ` ունենք ակնհայտորեն խաթարված տնտեսություն և մրցակցություն։ Ըստ նրա` խնդիրը վերաբերում է նաև ներմուծողներին, որոնք այժմ արժևորված դրամի պայմաններում պետք է էլ ավելի էժան վաճառեին շաքարավազը, մինչդեռ նրանց գործողություններում կա անտրամաբանություն, քանզի նրանք աշխատում են ի շահ գերիշխող դիրք ունեցող տնտեսվարողների, այլ ոչ թե ի շահ սպառողների։

Շաքարավազը, ձեթն ու ալյուրն էժանացել են. ինչ պատճառներ ու հետևանքներ է թաքցնում բարի լուրը

46
թեգերը:
Սուրեն Պարսյան, շաքարավազ, Հայաստան
Ըստ թեմայի
2022թ–ին գնաճն ավելի ցածր կլինի, քան այս տարի. ԿԲ նախագահ
Ինչո՞ւ է ՀՀ–ում այսպիսի դեգրադացված իրավիճակ, և ի՞նչ տվեցին մեզ տնտեսական ռեֆորմները
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Նիկոլ Փաշինյան

Փաշինյանի պատժելու մեթոդները, կամ ինչպես տխուր երևույթը տհաճ անցյալից տեղափոխվեց մեր օրեր

106
(Թարմացված է 22:16 23.07.2021)
Իրավապաշտպան Վարդան Հարությունյանը Sputnik Արմենիայի եթերում զուգահեռներ է անցկացրել նախկին և ներկա իշխանությունների միջև և ասել, թե ինչ է փոխվել Հայաստանում մարդու հիմնարար իրավունքների պաշտպանության առումով։
Հարությունյան. «Ընտրություններից հետո Փաշինյանը գնում է Սյունիքի համայնքապետերին պատժելու ճանապարհով»

Վարդան Հարությունյանի դիտարկմամբ`նախկին իշխանությունների հասցեին հնչած քննադատությունները հիմնավոր էին, որովհետև նրանք իրենց բոլոր ծրագրերը մշակելիս հաշվի էին առնում թաղային հեղինակությունների, քրեական տարրերի շահերը և որևէ հարգանք չունեին մարդու իրավունքների նկատմամբ։

«Մենք ունեինք քաղբանտարկյալներ, քաղաքական նպատակներով հետապնդվող անձինք։ Դատական կամայականության դեպքերը շատ էին, և արդարադատության վիճակը ենթադրում էր, որ կլինեն քննադատություններ, ընդ որում` քննադատել ենք ոչ միայն մենք` տեղական իրավապաշտպաններս, այլև միջազգային կառույցները»,– Sputnik Արմենիայի հետ զրույցում ասաց իրավապաշտպանը։

Իսկ ինչ վերաբերում է առկա վիճակին, Հարությունյանն ընդգծեց, որ ներկան պետք է բաժանել երկու մասի` 2018 թվականի հեղափոխությունից հետո մինչև 2020 թվականն ընկած ժամանակաշրջան և հետպատերազմական ժամանակաշրջան։ Ըստ նրա` մինչպատերազմական շրջանում առկա էին դրական միտումներ, ճիշտ է` չկային ակնհայտ զարգացումներ, թեև ձերբազատվեցինք քաղբանտարկյալներից, բայցևայնպես երկու տարվա ընթացքում հիմքեր չձևավորվեցին, որպեսզի ապագայում արդեն ամրապնդվեն ձեռքբերումները։

«Հետպատերազմական շրջանում իրավիճակը կտրուկ փոխվել է։ Հիմա չասեմ, թե գործ ունենք քաղաքական նկատառումներով հետապնդումների հետ, բայց հիմնավոր կասկած կա, որ այլախոհների նկատմամբ տեղի է ունենում վրեժխնդրություն։ Օրինակ կարող են ծառայել Սյունիքի համայնքապետների հետապնդումները։ Փաշինյանը նշված մարզում արժանացավ ոչ այնքան հաճելի ընդունելության և հիմա ընտրություններից հետո գնում է նրանց պատժելու ճանապարհով, ինչը չպետք է տեղի ունենար»,– ասաց իրավապաշտպանը։

Անդրադառնալով Սյունիքի նախկին ու ներկա մարզպետների որդիների հետ կապված միջադեպին ու Գորիս քաղաքում գրանցված փոխհրաձգությանը` Հարությունյանն ընդգծեց, որ տխուր երևույթը տհաճ անցյալից տեղափոխվել է մեր օրեր։ Ըստ նրա` գուցե կարճ ժամանակահատվածում հնարավոր չէր փոխել դաստիարակությունն ու պատկերացումները, որ ունեն մարդիկ ոչ միայն Սյունիքում, այլև ամբողջ Հայաստանում, երբ փորձում են հարցեր լուծել զենքի կիրառմամբ, բայցևայնպես երևույթը պետք է խստորեն դատապարտվի նույն կերպ, ինչպես նախորդ իշխանությունների օրոք։

«Գործող իշխանությունը պետք է առանց թերանալու կատարի իր պարտականությունները, մի բան, ինչը հնարավոր չէր ակնկալել նախկինների պարագայում։ Բայց պետք է նշել, որ 2018 թվականին հաղթած ուժի ներկայացուցիչներն այսօր բոլորովին նույն մարդիկ չեն։ Նրանք ավելի շատ վերադառնում են հեղափոխությունից առաջ եղած իրականությանը, սկսում են նմանվել նախահեղափոխական շրջանի իշխանավորներին»,– ասաց իրավապաշտպանը։

Հարությունյանի գնահատմամբ`ներկա իրավիճակում նույնպես գործում է այն սկզբունքը, որ յուրայիններին կարելի է ավելին, քան ոչ յուրայիններին, թեև հույս կար, որ մենք կտրվել ենք նախկին իրականությունից, սակայն հույսերը չարդարացան։

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը, Գորիսի համայնքապետ Առուշ Առուշանյանն ու Սիսիանի համայնքապետ Արթուր Սարգսյանը։

Կալանավորվել էր նաև Քարահունջի համայնքապետ Լուսինե Ավետյանը, սակայն ավելի ուշ նա ազատ արձակվեց։

Իսկ հուլիսի 14–ին հայտնի դարձավ, որ Գորիսում փոխհրաձգություն էր եղել. ըստ ԶԼՄ–ների` Սյունիքի նախկին մարզպետ Սուրիկ Խաչատրյանի («Լիսկա») որդին՝ Տիգրան Խաչատրյանը, կրակել է Սյունիքի ներկայիս մարզպետ Մելիքսեթ Պողոսյանի որդու վրա։

ՀՀ Սյունիքի մարզպետ Մելիքսեթ Պողոսյանի որդու նկատմամբ հետախուզում է հայտարարվել. ՔԿ

106
թեգերը:
Ընտրություններ, Սյունիք, Նիկոլ Փաշինյան, Հայաստան
Ըստ թեմայի
Կալանավորված Արթուր Սարգսյանն էլ պատգամավոր դարձավ. ի՞նչ է պատրաստվում անել պաշտպանը
Հայաստանի «արտահերթ» խորհրդարանը. ով ինչքան մանդատ ստացավ
Սուր ելույթներ, շոուներ, թատրոն. ինչպիսի՞ն կլինի 8-րդ գումարման խորհրդարանը
Ինեսսա Գաբայան

Ինչպե՞ս կարելի է լուծել ջրային ռեսուրսների հարցը. Գաբայանը կոնցեպտուալ կետեր է թվարկում

67
(Թարմացված է 11:29 24.07.2021)
ՀՀ ջրային կոմիտեի նախկին նախագահ, տեխնիկական գիտությունների թեկնածու Ինեսսա Գաբայանը Sputnik Արմենիայի եթերում անդրադարձել է այն հարցին, թե որոնք պետք է լինեն ջրային համակարգի զարգացման հայեցակարգի կարևորագույն կետերը։
Ջրային համակարգին տրամադրվող սուբսիդիաների 70 տոկոսը գնում է էներգիայի դիմաց վճարումներին

Ինեսսա Գաբայանի փոխանցմամբ` դեռ 2019 թվականի սկզբին ջրային կոմիտեն իր ղեկավարությամբ ներկայացրել էր համապատասխան նախագիծ, իսկ վերջերս համացանցում տեսել է համակարգի զարգացման հայեցակարգի նախագիծը և այն ընդունելու մասին կառավարության որոշման նախագիծը, բայց, ցավոք, ջրային համակարգի զարգացման հայեցակարգի նախագիծը դեռ գտնվում է սաղմնային վիճակում։

«Այս ոլորտում հայեցակարգային միջոցառումներ իրականացնելու համար նախ անհրաժեշտ է ընդունել ընդհանուր հայեցակարգը, այլապես կոնցեպտուալ օղակների զարգացումն արդյունավետ չի լինի»,– Sputnik Արմենիայի հետ զրույցում ասաց ՀՀ ջրային կոմիտեի նախկին նախագահը։

Գաբայանի կարծիքով` հարցերից առաջինը պետք է լինի ջրամբարաշինությունը, դրանց կառուցումն ու մեր երկրի տարածքում ձևավորվող ջրային ռեսուրսների ամբարումը տարբեր ոլորտներում օգտագործելու համար, ինչն ունի ռազմավարական և անվտանգության ապահովման նշանակություն։

Երկրորդը ոռոգման համակարգերի արդիականացումն է, ինչը ենթադրում է նաև ջրային ռեսուրսների հաշվառում ու էներգախնայող համակարգերի ներդրում։

«Հայաստանում գործում են խոշոր պոմպակայաններ, որոնք աշխատում են շատ հին տեխնոլոգիաներով, գերօգտագործում են էլեկտրաէներգիան, իսկ կառավարության կողմից նշված համակարգին տրամադրվող սուբսիդիաների 70 տոկոսը գնում է այդ էներգիայի դիմաց վճարումներին։ Բա մնացա՞ծ աշխատանքները, բա մնացա՞ծ կարիքները։ Սա ահավոր, էներգածանր համակարգ է, հետևաբար պետք է ձգտել այն արդիականացնել, դարձնել էներգախնայող, ներգրավել ինքնահոս համակարգեր` կիրառելով կաթիլային, անձրևացման մեթոդները»,– ասաց ՀՀ ջրային կոմիտեի նախկին նախագահը։

Երրորդ կարևոր կոնցեպտուալ կետը, ըստ Գաբայանի, ջրային համակարգի վրա ծախսվող գումարների օգտագործման իրական գնահատումն է։

Ջուրը ճիշտ չի օգտագործվում, ՀՀ–ն մեծ վնասներ է կրելու. ահազանգում են մասնագետները

Նրա խոսքով` անկախացումից հետո թեև Համաշխարհային բանկի մի շարք ծրագրերով ու մի քանի երկրների կողմից մեծ ներդրումներ են կատարվել ջրային համակարգի վերականգնման գործում ոռոգման համակարգերի, ջրամբարների անվտանգությունն ապահովելու նպատակով, սակայն տարեցտարի մենք նորից կանգնում ենք նույն խնդիրների առջև, որովհետև չենք կարողանում ներդրված գումարներն օգտագործել նպատակային, այսինքն`արդյունավետ չեն ծախսվում վերականգնված հատվածների պահպանման ու շահագործման համար նախատեսված գումարները, ուստի անհրաժեշտ է մշակել ֆինանսավորման հստակ ռազմավարություն, որպեսզի հնարավոր լինի քայլ առ քայլ զարգացնել բնագավառն ու այն դնել ճիշտ ուղու վրա։

Արցախի իշխանությունները նախատեսում են մի քանի ջրամբարներ կառուցել

67
թեգերը:
ջրամբար, ջուր, Հայաստան
Ըստ թեմայի
Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին
Փաստորեն վերջին 60 տարում Հայաստանում ո՛չ ձյուն էր եկել, ո՛չ անձրև. Փաշինյանը` Սևանի մասին
Ինչ ախորժակ են գրգռում Սև լճի քաղցր ջրերը. լճից բաժին էր պահանջում նաև Հեյդար Ալիևը
Արմեն Սարգսյանը Տոկիոյում

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

0
(Թարմացված է 12:46 24.07.2021)
Տոկիոյում հայաստանյան լրատվամիջոցներին տված հարցազրույցում ՀՀ նախագահ Արմեն Սարգսյանը հետաքրքիր համեմատություն է արել` նշելով, որ քաղաքականությունն ու բիզնեսը ինչ–որ իմաստով նաև սպորտի էլեմենտներ ունեն։

ԵՐԵՎԱՆ, 24 հուլիսի – Sputnik.  ՀՀ նախագահ Արմեն Սարգսյանը, որը Ճապոնիա է մեկնել աշխատանքային այցով, հարցազրույց է տվել տեղում աշխատող հայաստանյան լրատվամիջոցներին, այդ թվում` Sputnik Արմենիային։

Արմեն Սարգսյանը շեշտել է, որ Տոկիո է մեկնել ոչ միայն հայ մարզիկների կողքին լինելու, այլև Ճապոնիայի ղեկավարների հետ հանդիպելու նպատակով։

«Երեկ հանդիպեցի Ճապոնիայի կայսեր հետ, և բավական հետաքրքիր զրույց ունեցանք, թե ինչպես կարող են երկու երկրներն իրար հետ ավելի սերտ համագործակցեն և՛ քաղաքականության, և՛ մշակույթի ու կրթության ոլորտում։ Այսօր շատ հաջող հանդիպում ունեցա Ճապոնիայի վարչապետի հետ, որի ընթացքում առնվազն 5 կոնկրետ ծրագրերի մասին խոսեցինք, որոնք կապված են ճապոնական Հայաստանում ճապոնական բիզնեսի կամ ներդրումների հետ»,– ասաց Սարգսյանը` հավելելով, որ Ճապոնիան աշխարհի տեխնոլոգիական ամենաառաջատար երկրներից մեկն է, որի հետ համագործակցությունը, նախագահի բնորոշմամբ, մեծ արժեք ունի։

Առաջիկա երկու օրերին Արմեն Սարգսյանը հանդիպումներ է ունենալու նաև Ճապոնիայի առաջատար տեխնոլոգիական ընկերությունների ղեկավարների հետ։

«Մեր երկրի ապագան մեր ամենամեծ ռեսուրսի` մարդկային ռեսուրսի ճիշտ օգտագործման մեջ է։ Մեր ապագան գիտությունն է, նոր տեխնոլոգիաները։ Մենք վաղը նավթ չենք վաճառելու, այլ գաղափարներ, մտքեր, տեխնոլոգիական հաջողություններ։ Իսկ դրա համար պետք է այսօր սովորեն աշխարհի լավագույններից, իրենց հետ աշխատենք, որպեսզի վաղը կարողանանք աշխարհում դեր ունենալ»,– ասաց ՀՀ նախագահը։

Սարգսյանը հետաքրքիր համեմատություն արեց` նշելով, որ քաղաքականությունը, բիզնեսը ինչ–որ իմաստով նաև սպորտի էլեմենտներ ունեն։

«Երբ ես թենիս էի խաղում, միշտ փորձում էի խաղալ ինձնից ավելի ուժեղի հետ, որովհետև այդկերպ ես անընդհատ աճում էի։ Երբ խաղում էի ավելի թույլի հետ, իմ որակն իջնում էր։ Սա կյանքի օրենքներից մեկն է։ Եթե ուզում եմ երկրում լավագույն տնտեսությունն ու տեխնոլոգիան ունենալ, պետք է աշխատեմ և մրցեմ աշխարհի լավագույնների հետ»,– ասաց նա։

Ինչ վերաբերում է սպորտին, Արմեն Սարգսյանը ցավով հայտնեց, որ այսօր այլևս ժամանակ չունի նախկինի պես մարզվելու ու թենիս խաղալու, բայց որոշել է անպայման վերադառնալ կորտ։ Նա բոլորին հորդորեց ժամանակ գտնել նաև սպորտի ու մարզվելու համար։ Ըստ ՀՀ նախագահի` դա նաև կորոնավիրուսի հետևանքների դեմ պայքարելու լավագույն միջոցն է։

Հիշեցնենք` Արմեն Սարգսյան երեկ ներկա է եղել ամառային օլիմպիական խաղերի բացման արարողությանը, իսկ այսօր հետևել է մարմնամարզիկ Արթուր Դավթյանի ելույթներին։

0
թեգերը:
սպորտ, Արմեն Սարգսյան, Հայաստան