Գևորգ Դանիելյան

Այն, ինչ տեղի է ունենում, դրա միակ պատճառը Սահմանադրությունը չէ. նախկին նախարար

84
(Թարմացված է 18:26 07.07.2021)
ՀՀ արդարադատության նախկին նախարար, սահմանադրագետ Գևորգ Դանիելյանը Sputnik Արմենիայի հետ զրույցում անդրադարձել է Սահմանադրության կիրառման և սահմանադրականության հետ կապված խնդիրներին։
Դանիելյան. Սահմանադրականությունը չի պահպանվում, դա բացատրվում է իրավական մշակույթի պակասով

Գևորգ Դանիելյանը եղել է սահմանադրական բարեփոխումների հանձնաժողովի անդամ և ակտիվորեն մասնակցել է փոփոխությունների գործընթացին, որում ելակետ է ընդունել այն հանգամանքը, որ այս Սահմանադրությունը պետք է գոյատևի երկար։

«Սահմանադրական փոփոխություններ այս կամ այն չափով տեղի են ունենում շատ երկրներում, սա միայն Հայաստանին բնորոշ երևույթ չէ, բայց այսպիսի արմատական փոփոխությունները և ամեն մի իշխանության գալու պարագայում դարձյալ Սահմանադրության վրա հղումներ անելու պրակտիկան, հայտարարություններն առ այն, որ եկել են կյանքն ավելի լավացնելու, երկիրն ավելի ժողովրդավար դարձնելու մղումով, և մարդիկ շուտով դա կտեսնեն, առնվազն դատարկաբանություններ են»,– Sputnik Արմենիային ասաց սահմանադրագետը։

Դանիելյանի գնահատմամբ` մենք, ի դեմս Սահմանադրության, գործ ունենք իսկապես լրջագույն փաստաթղթի հետ, որը միջազգային հանրության կողմից արժանացել է բարձր գնահատականի, և պետք է փորձ արվի պահպանել այդ Սահմանադրությունը, հետո նոր հասկանալ, թե արդյո՞ք այն կարիք ունի փոփոխությունների։ Ըստ նրա`առանձին փոփոխություններ իհարկե կլինեն, փոփոխվում է նույնիսկ կայուն համարվող ԱՄՆ–ի Սահմանադրությունը, սակայն դրանք էական փոփոխություններ չեն։

«Չի կարելի ամեն անգամ հասարակության էվոլյուցիոն զարգացումը վերածել շոկային թերապիայի։ Որևէ մեկը չի կարող այսօր պնդել, որ էական փոփոխությունները երկրին բերելու են տնտեսական, քաղաքական կայունություն, այդպիսի երաշխիք չկա։ Այն, ինչ տեղի է ունենում կյանքում, դրա պատասխանատուն և միակ պատճառը Սահմանադրությունը չէ։ Վերջին հաշվով այսպիսի տեքստով սահմանադրություններ կան բազմաթիվ երկրներում, բայց նրանք չեն ստեղծում խոչընդոտներ այդ երկրների զարգացման համար, դրանք հիմք չեն հանդիսանում գերկենտրոնացված իշխանության գալու համար»,– նշեց սահմանադրագետը։

Դանիելյանի համոզմամբ` Սահմանադրության կետերն իրականացնելու դեպքում նոր կտեսնենք, որ այն իսկապես կարևորագույն փաստաթուղթ է, քանզի գործ ունենք պետականության հետ։ Ըստ նրա` մենք պետք է հասկանանք, որ Սահմանադրության տոնը կարևորագույններից մեկն է, և դա պետք է արտահայտվի ոչ միայն ուղերձներ հղելով, այլ իսկապես մարդկանց գիտակցության մեջ ներարկելով այն իրավական մշակույթը, որ առաջին հերթին ինքներս ենք հարգելու Սահմանադրությունը։

Պիտի առաջնորդվել «կտրելուց առաջ յոթ անգամ չափելու» սկզբունքով. Փաշինյանը ուղերձ է հղել

Նշենք, որ 1995 թվականի հենց այս օրը` հուլիսի 5-ին, հանրաքվեի արդյունքում ընդունվեց ՀՀ Սահմանադրությունը։ Մինչ այդ հիմնական էին համարվում «Հանրապետության նախագահի մասին» ու «Գերագույն խորհրդի մասին» օրենքները։

Հիշեցնենք, որ Սահմանադրության ընդունումից հետո հուլիսի 5-ը դարձել է պետական տոն՝ Սահմանադրության օր, իսկ 2013-ին հուլիսի 4-ի կառավարության նիստում ընդունվեց «ՀՀ տոների և հիշատակի օրերի մասին» օրենքում լրացում կատարելու մասին որոշումը, ըստ որի` հուլիսի 5-ը նաև պետական խորհրդանիշերի`դրոշի, զինանշանի և օրհներգի օրն է։

Պետք է Սահմանադրության արժեքներն ամենօրյա կյանքի բաղկացուցիչ տարր դարձնենք. ՍԴ նախագահ

84
թեգերը:
Հայաստան, Սահմանադրություն
Սամվել Ճզմաչյան

Ինչու է ԿԲ-ն կրկին բարձրացնում վերաֆինանսավորման տոկոսադրույքը. Ճզմաչյանը` իրավիճակի մասին

33
Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի եթերում անդրադարձել է վերաֆինանսավորման տոկոսադրույքի հերթական բարձրացմանը։
Ճզմաչյան. «ԿԲ–ն գնաճը զսպելու համար է բարձրացրել վերաֆինանսավորման տոկոսադրույքը»

Տնտեսական ուսումնասիրություններ իրականացնող բազմաթիվ կառույցները վերջին շրջանում նշում են, որ գոյություն ունի գնաճ և գնաճային ճնշումներ կան ոչ միայն Հայաստանում, այլև հարևան երկրներում և այլ տարածաշրջանների պետություններում, որոնց հետ Հայաստանն ունի տնտեսական հարաբերություններ։ Եվրասիական համագործակցության ֆինանսաբանկային ասոցիացիայի փոխնախագահ Սամվել Ճզմաչյանը Sputnik Արմենիայի հետ զրույցում նշում է, որ Կենտրոնական բանկն ամենայն հավանականությամբ գնաճը զսպելու համար է դիմել վերաֆինանսավորման տոկոսադրույքի բարձրացմանը։ 

«Դա ոչ միայն գնաճի ճնշումները զսպելու մեխանիզմ է, այլև այդ նպատակով կիրառվող մյուս բոլոր մեխանիզմներից ամենաէականն է։ Եվ քանի որ հնարավոր է նաև վարկերի տոկոսադրույքների բարձրացում, հետևաբար վերաֆինանսավորման տոկոսադրույքի բարձրացումը կարող է զսպել նաև վարկային տոկոսադրույքների աճը։ ԿԲ–ն այդ քայլով ավելի թանկ գնով փող է վաճառելու բանկերին, որոնք էլ իրնեց հերթին, եթե բարձրացնեն վարկային տոկոսադրույքները, ապա դա կբերի նրան, որ քաղաքացիներն ու իրավաբանական անձինք ավելի քիչ կդիմեն բանկերին վարկեր ստանալու նպատակով»,– ասաց Ճզմաչյանը։

Նրա կարծիքով` մեկ գործոնով եզրակացություն անել, թե տվյալ քայլը կարող է հարվածել քաղաքացիների կամ տնտեսվարողների գրպանին, տեղին չէ, պետք է հաշվի առնել տնտեսական զարգացման միտումներն ու համաշխարհային տնտեսության մեջ առկա զարգացումների բնույթը։ 

Անդրադառնալով ԿԲ–ի այն կանխատեսմանն, ըստ որի` մինչև տարեվերջ 12-ամսյա գնաճը կպահպանվի բարձր մակարդակում, Ճզմաչյանն ասաց, որ մեր երկրում չէր կարող այլ կերպ լինել, քանի որ Հայաստանը նոր է դուրս եկել ծանր պատերազմից, ինչը շատ վատ ազդեցություն է ունեցել տնտեսության վրա։ Եթե հեռուն նայենք, ապա Հայաստանը դեռ պետք է գնա բանակը վերազինելու, հզորանալու, ռազմական նոր ծախսեր կատարելու ճանապարհով, ինչը եկամտաբեր չէ, բայց անհրաժեշտ է։ Հետևաբար ԿԲ–ն նկատի է ունեցել այն հանգամանքը, որ վերաֆինանսավորման տոկոսադրույքի շարունակական բարձրացմամբ հնարավոր կլինի դուրս գալ ստեղծված վիճակից։    

Մթերքի համաշխարհային գները դեռ բարձր կմնան. ՀՀ ԿԲ

Նշենք, որ ՀՀ կենտրոնական բանկի խորհուրդը երեկվա նիստում որոշել է բարձրացնել վերաֆինանսավորման տոկոսադրույքը 0.5 տոկոսային կետով և այն սահմանել 7.0%

ՀՀ կենտրոնական բանկի կողմից տրամադրվող լոմբարդային ռեպոյի տոկոսադրույքը 8.5% է, իսկ կողմից բանկերից ներգրավվող միջոցների տոկոսադրույքը` 5.5%:

Հիշեցնենք, որ վերաֆինանսավորման տոկոսադրույքով բանկերը վարկեր են վերցնում կարգավորիչից։ 

33
թեգերը:
Հայաստան, Կենտրոնական բանկ (ԿԲ), տոկոսադրույք, վարկ
Ըստ թեմայի
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Պետությունը չպետք է ձեռքերը լվանա և մի կողմ քաշվի. Չիլինգարյանը`գնաճի մասին
Գնաճը Հայաստանում դուրս է եկել վերահսկողությունից. տնտեսագետ     
Գրիգոր Բալասանյան

Մակունցին կհաջողվի՞ կյանքի կոչել ԱՄՆ-ից ունեցած սպասելիքները. Բալասանյանը կասկածներ ունի

132
(Թարմացված է 20:17 04.08.2021)
Փորձագետի խոսքով` Լիլիթ Մակունցն ամեն ինչ պետք է անի, որ ԱՄՆ–ի դաշնակից Թուրքիան դուրս գա տարածաշրջանից և չխցկվի ԵԱՀԿ Մինսկի շրջանակներ` որպես համանախագահ պետություն։
«ԱՄՆ դեսպանն ամեն ինչ պետք է անի, որ ԱՄՆ դաշնակից Թուրքիան դուրս գա տարածաշրջանից, չխցկվի ԵԱՀԿ Մինսկի շրջանակներ». Բալասանյան

ԱՄՆ-ում ՀՀ դեսպանը բավականաչափ անելիք ունի հատկապես 44-օրյա պատերազմի հետևանքով թուրքական ակտիվությունը ճնշելու առումով։ Sputnik Արմենիայի հետ զրույցում նման կարծիք հայտնեց ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը։

Գաղտնիք չէ, որ 44-օրյա պատերազմից հետո Թուրքիան ահռելի ազդեցություն է ձեռք բերել Ադրբեջանում, Իլհամ Ալիևը քայլերը համաձայնեցնում է Ռեջեփ Թայիփ Էրդողանի հետ ու առաջ շարժվում նրա հանձնարարականներով։

«ԱՄՆ դեսպանն ամեն ինչ պետք է անի, որ ԱՄՆ–ի դաշնակից Թուրքիան դուրս գա տարածաշրջանից, չխցկվի ԵԱՀԿ Մինսկի շրջանակներ` որպես համանախագահ պետություն, չխաթարի այն փխրուն խաղաղությունը, որ կա Արցախում,և չմիջամտի այն բանակցություններին, որոնք այսօր ընթանում են Հայաստան-Ադրբեջան-Ռուսաստան եռանկյունու մեջ»,-ասաց նա։

Փորձագետը քիչ հավանական է համարում, որ ԱՄՆ-ում նորանշանակ դեսպան Լիլիթ Մակունցին կհաջողվի կյանքի կոչել այս կարևորագույն կետերը։ Նրա խոսքով` ԱՄՆ–ի նման պետությունում դիվանագիտական փորձ ու կապեր չունեցող մեկին դեսպան նշանակելը նշանակում է` ոչ միայն մեծ ակնկալիքներ չունենալ, այլև հարվածի տակ դնել հայ-ամերիկյան հարաբերությունները։

«Եթե նա գոնե կարողանա պահել այդ հարաբերություններն այնպիսին, ինչպիսին դրանք կան այսօր, ես կհամարեմ, որ Մակունցը կատարել է իր առաքելությունը։ Պետք է աշխատանքներ տանել, որ հայ-ամերիկյան հարաբերությունները գոնե չվատանան»,- նշեց Բալասանյանը։

Փորձագետը հիշեցրեց` նշանակումից առաջ էլ, երբ դեռ խոսակցություններ էին պտտվում Մակունցին դեսպան նշանակելու մասին, տեղի հայկական կազմակերպությունների` Հայ դատի և Ամերիկայի հայկական համագումարի ներկայացուցիչներն իրենց մտահոգությունն էին հայտնել այդ առթիվ։

Հիշեցնենք` «Քաղաքացիական պայմանագիր» կուսակցության ընտրացուցակի երրորդ հորիզոնականը զբաղեցնող Լիլիթ Մակունցը, որն ավելի վաղ հրաժարվել էր Ազգային ժողովի պատգամավորի մանդատից, օգոստոսի 2-ին նշանակվեց ԱՄՆ–ում արտակարգ և լիազոր դեսպան։

ԱՄՆ դեսպան Վարուժան Ներսիսյանը հետ էր կանչվել հուլիսի 16-ին։

Երեկ` օգոստոսի 3-ին, ՀՀ նախագահ Արմեն Սարգսյանի հրամանագրով Մակունցին արտակարգ և լիազոր դեսպանի դիվանագիտական աստիճան շնորհվեց։

132
թեգերը:
Հայաստան, Լիլիթ Մակունց, Գրիգոր Բալասանյան, ԱՄՆ
Ըստ թեմայի
Հրայր Թովմասյանը չի հայտնել` պարգևավճարներից հրաժարվո՞ւմ է, թե ոչ
«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին
Ամենակարևոր արյունատար անոթներն անցնում են ՏԿԵ–ով. Փաշինյանը ներկայացրել է Սանոսյանին
Էմանուել Մակրոն

Մակրոնը պատվաստվել է կորոնավիրուսի դեմ. ո՞ր պատվաստանյութն է նախընտրել Ֆրանսիայի նախագահը

0
(Թարմացված է 21:31 04.08.2021)
Ֆրանսիայի նախագահը, որն անցյալ տարվա դեկտեմբերին էր վարակվել կորոնավիրուսով, պատվաստանյութի մեկ դեղաչափ է ստացել։

ԵՐԵՎԱՆ, 4 օգոստոսի - Sputnik. Ֆրանսիայի նախագահ Էմանուել Մակրոնը պատվաստվել է «Pfizer» պատվաստանյութով։ Նա այդ մասին գրել է Instagram-ում։

«Այո, ես մայիսի 31-ին ստացել եմ «Pfizer» պատվաստանյութի մեկ դեղաչափը», - ասել Է Մակրոնը՝ պատասխանելով կորոնավիրուսային պատվաստումներին վերաբերող հարցին:

Ի՞նչ է իրենից ներկայացնում «Դելտա» մանրէահիմքն ու ինչպե՞ս կարելի է պայքարել դրա դեմ

Հիշեցնենք` 2020 թվականի դեկտեմբերի 17-ին հայտնի դարձավ, որ Ֆրանսիայի նախագահը վարակվել է կորոնավիրուսով։ Մակրոնն ինքնամեկուսացավ ու սկսեց հեռավար աշխատել։ Դեկտեմբերի 24-ին նախագահի գրասենյակը հայտնեց, որ Մակրոնն այլևս կորոնավիրուսի ախտանշաններ չունի։

«Սենց շարունակվի՝ Մակրոնը թուփ կդառնա». օգտատերերին զվարճացրել է Ֆրանսիայի նախագահի նկարը

0
թեգերը:
Ֆրանսիա, Էմանուել Մակրոն, պատվաստումներ, պատվաստանյութ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչով պատվաստվել, որ թույլ տան Հայաստանից Ֆրանսիա մեկնել. պատասխանում է դեսպանատունը
Գիտնականները նշել են AstraZeneca պատվաստանյութի կողմնակի ազդեցությունների մասին
Մյասնիկովը պատմել է կորոնավիրուսի նոր մանրէահիմքերի մասին
Հայաստանը նաև «Sinopharm» և «Pfizer/BioNTech» պատվաստանյութեր կգնի