Արմեն Քթոյան

Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին

64
(Թարմացված է 15:34 22.06.2021)
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է այն հարցին, թե կարո՞ղ է արդյոք ՀՀ իշխանությունների վերընտրման հանգամանքը խթանել ներդրումների հոսքը։
Քթոյան. «Ներքին ներդրումները կարճաժամկետ հատվածում ավելի շատ աշխուժություն կդրսևորեն»

Արմեն Քթոյանի դիտարկմամբ` ներդրումային միջավայրի համար քաղաքական կայունությունը բաղադրիչներից մեկն է միայն: Հատկապես մեր նման երկրների պարագայում մեծ թվով այլ ցուցանիշներ, պարամետրեր կան, որոնցով պայմանավորվում է միջավայրի գրավչությունը։

«Այս պահին ներդրումների ներգրավման հետ կապված խնդիրներն առավելապես պայմանավորված են այլ գործոններով, որոնցից է օրինակ շուկայի փոքրությունը։ Պահանջարկն այն չափով, որով հնարավոր կլիներ գրավչություն ապահովել ներդրողների համար ՀՀ–ում արտադրություն բացելու և գործունեություն ծավալելու առումով, ըստ էության չկա։ Հայաստանում գրավիչ կարող են լինել երկարաժամկետ ներդրումները` կապված մարդկային կապիտալի կամ այլ տիպի ռեսուրսների օգտագործման հետ»,– նշեց տնտեսագետը։

Քթոյանի կարծիքով` քաղաքական կայունությունն անշուշտ որոշակի դերակատարություն ունի և կարող է դրական ազդակ լինել ներդրողների համար, բայց ասել, որ իրավիճակի կայունանալուն պես մեծ ծավալով ներդրումներ կլինեն իրատեսական չէ, առավել ևս, որ հետընտրական կայունացումը դեռևս երաշխավորված չէ։  

«Հատկապես ներքին ներդրումների առումով քաղաքական կայունությունն ավելի խթանող դեր կունենա, որովհետև ներքին ներդրողները, ովքեր կարող են այստեղ ձևավորված շահույթի վերաներդրման մասին որոշումներ կայացնել, որոշակի սպասումների մեջ էին, հետևաբար իրավիճակի կայունացումը միգուցե նրանց համար ազդակ կհանդիսանա։ Իսկ արտաքին ներդրումների ներգրավման պարագայում շատ ավելի բարդ է։ Արտաքին ներդրող բերելու համար պետք է նրան ծանոթացնել մեր միջավայրին, վստահեցնել, որ Հայաստանում կունենա ավելի գրավիչ պայմաններ, քան հարևան երկրներում։ Կարելի է սպասել, որ ներքին ներդրումները կարճաժամկետ հատվածում ավելի շատ աշխուժություն կդրսևորեն»,– նշեց տնտեսագետը։ 

Ներդրումներ անում են այնտեղ, որտեղ կա կանխատեսելիություն. Ռոբերտ Քոչարյան

Քթոյանի խոսքով` ՀՀ կառավարությունը նախորդ տարիներին ազդակներ հղեց  ձեռնարկատերերին, որ կարևորը ոչ թե քաղաքական կողմնորոշումն է, այլ օրենքի դաշտում գործելը և այդ ժամանակահատվածում մարդկանց բիզնեսին տիրանալու կամ այն խլելու դեպքեր չեղան։ Ըստ նրա` ներդրումային միջավայրի վրա դրական ազդեցություն կարող է ունենալ նաև որոշակի պայմաններով տնտեսական համաներում հայտարարելը։     

Չէի ասի, թե ռուս գործարարները վախենում են Հայաստանում ներդրում անելուց. Կոպիրկին

Նշենք, որ բոլորովին վերջերս ՀՀ Առևտրաարդյունաբերական պալատը և մասնավոր ձեռնարկատիրության միջազգային կենտրոնն (Վաշինգտոն) անցկացրել են ներդրումներին առնչվող հարցում։ Հարցված ձեռնարկությունների շուրջ 40 տոկոսը նշում է, որ պատրաստվում է կատարել անցած տարի հետաձգված ներդրումները, ևս 10 տոկոսը ցանկանում է ավելացնել դրանք:

Մնացած 50 տոկոսը մտադիր են ձեռնպահ մնալ ներդրումներից կամ կրճատել արդեն սկսված նախագծերը։ 

64
թեգերը:
Հայաստան, տնտեսություն
Սերոբ Խաչատրյան

ԵՊՀ ճգնաժամը չի հանգուցալուծվում. Խաչատրյանը լուծման հնարավոր ուղիներ է մատնանշում

32
(Թարմացված է 23:49 03.08.2021)
Կրթության փորձագետ Սերոբ Խաչատրյանը Sputnik Արմենիայի եթերում անդրադարձել է սահմանադրական դատարանի կողմից Բարձրագույն կրթության մասին օրենքը հակասահմանադրական ճանաչելու որոշմանը։
ԵՊՀ ճգնաժամը չի հանգուցալուծվում. Սերոբ Խաչատրյանը լուծման հնարավոր ուղիներ է մատնանշում

Սահմանադրական դատարանի` Բարձրագույն կրթության մասին օրենքի 2 կետերը հակասահմանադրական ճանաչելով ԵՊՀ-ում ստեղծված ճգնաժամը չի լուծվում։ Sputnik Արմենիայի հետ զրույցում նման կարծիք հայտնեց կրթության փորձագետ Սերոբ Խաչատրյանը։

Սա նշանակում է, որ ԵՊՀ-ն կա՛մ պետք է նախորդ օրենքի դրույթներով 32 հոգանոց հոգաբարձուների խորհուրդ ձևավորի, կա՛մ առաջնորդվելով կառավարության վերջին որոշմամբ` ԵՊՀ ռեկտոր ընտրի։ 

«Խորհրդի անդամներից 16-ը կլինեն կառավարությունից, 16-ը` բուհից, կամ 3 հոգանոց խորհուրդը կընտրի ռեկտոր, որովհետև այս պահին պաշտոնակատարի լիազորություններն ավարտված են, ռեկտորի պաշտոնակատարն էլ հրաժարական է տվել։ Շատ անորոշ իրավիճակ է»,- ասաց նա։

Իսկ 3 հոգանոց խորհրդի մասին հայտնի դարձավ անցած ամիս։ Արդարադատության նախարարությունը, օգտվելով օրենքով սահմանված իր լիազորություններից, ձևավորեց հոգաբարձուների խորհուրդ։ Խորհրդի կազմում ընդգրկվեցին ԿԳՄՍ նախարար Վահրամ Դումանյանը, փոխվարչապետ Մհեր Գրիգորյանն ու Եղիշե Կիրակոսյանը, սակայն դրանից հետո էլ ԵՊՀ ռեկտոր չընտրվեց։ 

Սերոբյանը, սակայն, ուշադրություն է հրավիրում մեկ այլ հանգամանքի վրա։ Ասում է` այս օրենքով իշխանությունը փորձեց մի այնպիսի քայլ անել, որի դեմ ընդդիմություն եղած ժամանակ համառորեն պայքարում էր։

«Ամբողջ պարադոքսը կայանում է նրանում, որ երբ այս կառավարությունն ընդդիմություն էր, նախորդ իշխանություններին ասում էր` ինչու պետք է վարչապետը հաստատի հոգաբարձուների խորհրդի կազմը, դա ոտնձգություն է բուհերի ինքնավարության դեմ, եթե դու այդպիսի արժեհամակարգով ես պայքարել ու եկել իշխանության, դու չես կարող փոխել քո արժեհամակարգը»,- նշեց Խաչատրյանը։

ԵՊՀ-ում հոգաբարձուների ժամանակավոր խորհուրդ է ստեղծվում. բուհը 6 ամիս ժամանակ ունի

Նշենք, որ երեկ ՍԴ-ն հակասահմանադրական ճանաչեց Բարձրագույն կրթության մասին օրենքի 3-րդ և 4-րդ կետերը, որոնցից առաջինով սահմանվում էր, որ բուհերի կառավարման խորհրդի անդամներից չորսին առաջադրում է բուհի ակադեմիական խորհուրդը, իսկ հինգին նշանակում է համապատասխան լիազոր մարմնի ղեկավարը։

Կառավարման խորհրդի բուհի չորս անդամներին սահմանված ժամկետում չառաջադրելու կամ չորսից պակաս առաջադրելու դեպքում չառաջադրված անդամների համալրումն իրականացնում է համապատասխան լիազոր մարմնի ղեկավարը։

Երկու տարի առանց ռեկտորի մնացած մայր բուհը. ի՞նչ ճակատագիր է սպասվում ԵՊՀ–ին

32
թեգերը:
Երևանի պետական համալսարան (ԵՊՀ), Ճգնաժամ, Սերոբ Խաչատրյան, կրթություն
Ըստ թեմայի
ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան
Կենտրոնացված քննությամբ աշակերտների գիտելիքի իրական պատկերը չենք ունենա. Սերոբ Խաչատրյան
«Մեր կրթական համակարգը նման է այն բնակարանին, որտեղ պատերը փլվում են». Սերոբ Խաչատրյան
Դավիթ Հարությունյան

Սարգսյանն ու Զաքարյանն արդեն պետք է կալանքից ազատված լինեին. Հարությունյանն ասել է` ինչու

74
ՀՀ արդարադատության նախկին նախարար Դավիթ Հարությունյանը Sputnik Արմենիայի եթերում անդրադարձել է ԱԺ ընդդիմադիր երկու խմբակցությունների կողմից Ալեն Սիմոնյանի՝ ԱԺ նախագահ ընտրվելու հարցը Սահմանադրական դատարանում վիճարկելու մտադրությանը։ 
Հարությունյան. «Արթուր Սարգսյանն ու Մխիթար Զաքարյանը պետք է ազատ լինեին Աժ նիստի բացման պահին»

Ակնհայտորեն խախտվել են Ազգային ժողովի կանոնակարգ սահմանադրական օրենքի դրույթները, խախտվել են նաև Սահմանադրության դրույթները, իսկ Սահմանադրությունը նախատեսում է, որ նման դեպքերում խնդիրը հարող է դիտարկվել որպես սահմանադրական մարմինների միջև առկա վեճ, և այդ դեպքում հնարավորություն է ընձեռվում դիմել Սահմանադրական դատարան։ Sputnik Արմենիայի հետ զրույցում նման կարծիք հայտնեց Դավիթ Հարությունյանը`անդրադառնալով ընդդիմադիր պատգամավորներ Արթուր Սարգսյանին և Մխիթար Զաքարյանին կալանքի տակ պահելուն։

Հարցն այն է, երեկ ԱԺ 8-րդ նստաշրջանի առաջին նիստում «Հայաստան» դաշինքի ներկայացուցիչները պահանջում էին, որ դատախազը ներկայանա ԱԺ և ազատ արձակի իրենց երկու պատգամավորներին` Արթուր Սարգսյանին և Մխիթար Զաքարյանին, որոնց թեկնածություններն ընդդիմադիր երկու խմբակցություններն առաջադրել էին ԱԺ նախագահի պաշտոնում։

«Դիմելու ենք ՍԴ՝ պատգամավորների անձեռնմխելիության պայմաններում ապօրինի ազատությունից զրկելու փաստը հաստատելու ու նաև մի շարք իրավական հիմքեր ստեղծելու ուղղությամբ։ Այս հայտարարությունն արեցի, որ արձանագրվի, ու առաջիկայում մենք իրականացնելու ենք այս գործընթացը»,-ասել էր Արծվիկ Մինասյանը։

Սյունիքի համայնքապետների բողոքների քննության հարցում կիրառվում է ընտրովի արդարադատություն

Դավիթ Հարությունյանի դիտարկմամբ`նշված պատգամավորները հենց այն պահից, երբ ստանձնել են պատգամավորի լիազորությունները, պետք է անմիջապես ազատ արձակվեն, քանի որ նրանք այլևս պատգամավորի թեկնածու չեն, շարքային քաղաքացի չեն, այլ պատգամավոր, այսինքն` իրականացնում են ժողովրդի իշխանությունը, և նրանց դա թույլ չտալ կարող է միայն ժողովրդի մեկ այլ ներկայացուցիչ` Ազգային ժողովը։ 

«Կրկնում եմ` Արթուր Սարգսյանին և Մխիթար Զաքարյանին պետք է անմիջապես ազատ արձակեին, նրանց տանել–բերելու խնդիր չկա։ Նիստի բացման պահին նրանց ոչ ոք չպետք է բերեր, նրանք այդ պահին պետք է ազատ լինեին և ինքնուրույն գային Ազգային ժողով»,– ասաց ՀՀ արդարադատության նախկին նախարարը։

Անդրադառնալով այն հարցին, թե ինչ է ակնկալում ՍԴ–ից` Դավիթ Հարությունյանն ասաց, որ այդ հարցի առթիվ մեկնաբանություն չի տա։   

Նշենք, որ «Պատիվ ունեմ» ու «Հայաստան» խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն Սահմանադրական դատարանում։ 

«Հայաստան» խմբակցության քարտուղար Արծվիկ Մինասյանն Ազգային ժողովի այսօրվա նիստում հայտարարեց, որ իրենք ԱԺ նախագահի ընտրությունը ապօրինի են համարում։

Հիշեցնենք` «Քաղաքացիական պայմանագիր» խմբակցության առաջադրած թեկնածու Ալեն Սիմոնյանը երեկ ընտրվեց Ազգային ժողովի նախագահ։ Նրա թեկնածությանը կողմ էր քվեարկել 71 պատգամավոր: Ընդդիմությունը չէր մասնակցել քվեարկությանը:

Վերաքննիչ դատարանը օգոստոսի 2-ին կքննի Գորիսի համայնքապետին կալանավորելու դեմ բողոքը

74
թեգերը:
Դավիթ Հարությունյան, ԱԺ, Պատգամավոր, Մխիթար Զաքարյան, կալանավորել
Ըստ թեմայի
Ովքեր կլինեն Ալեն Սիմոնյանի տեղակալները. խմբակցություններն առաջադրեցին իրենց թեկնածուներին
Ալեն Սիմոնյանը 2–րդ փորձից ընտրվեց Ազգային ժողովի նախագահ
Ընդդիմադիր խմբակցություններն Ալեն Սիմոնյանի՝ ԱԺ նախագահ ընտրվելու հարցը կվիճարկեն ՍԴ-ում

Հայտնի է, թե երբ կշահագործվի Տաթևը Կապանին միացնող այլընտրանքային ճանապարհը

0
Աղվանիով անցնող ճանապարհի առաջին 12.5 կմ-ի հիմնանորոգումը մեկնարկել է 2020 թվականին։

ԵՐԵՎԱՆ, 4 օգոստոսի - Sputnik. Աշնանը կշահագործվի Տաթևը Կապանին Աղվանիով միացնող այլընտրանքային ճանապարհը: Տեղեկությունը Facebook–ի էջում հայտնում է ՀՀ տարածքային կառավարման և ենթակառուցվածքների նախարարության մամուլի ծառայությունը։

Նշվում է, որ ռազմավարական նշանակության ճանապարհի հիմնանորոգման աշխատանքներն արդեն մեկնարկել են:

«68 կմ-անոց ճանապարհի վերանորոգվող հատվածները 43 կմ են: Առաջին 12.5 կմ-ի հիմնանորոգումը մեկնարկել է 2020-ին»,–նշված է հաղորդագրության մեջ:

Նշենք, որ Տաթև–Աղվանի ճանապարհի 17.5 կմ հատվածի նորոգումն իրականացվում է 2 միլիարդ 780 մլն դրամով:

0