Սուրեն Սուրենյանց

Ռազմագերիներով Ադրբեջանը լուծել է մի քանի խնդիր. Սուրենյանցը` քարտեզի և զորակոչի մասին

433
(Թարմացված է 23:43 12.06.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է 15 հայ գերիների վերադարձին։
Ռազմագերիներով Ադրբեջանը լուծել է մի քանի խնդիր. Սուրենյանցը` քարտեզի և զորակոչի մասին

Սուրեն Սուրենյանցի դիտարկմամբ` գերիների վերադարձի լուրն անտարակույս ուրախացնելու է մեր ողջ հասարակությանը, բայց մյուս կողմից` երբ հայ–ադրբեջանական սահմանին առաջանում է լարվածություն, ադրբեջանցիները մտնում են մեր տարածք կամ հայկական կողմից գերիներ վերցնում, մեր իշխանությունն անմիջապես պատասխանատվությունը գցում է ռուսական կողմի վրա։

«Ասում են` Մուրադովը և ռուսական գերատեսչությունը պետք է զբաղվեն այդ խնդրով, բայց երբ գերիներ են վերադառնում, իշխանությունը` հատկապես Նիկոլ Փաշինյանը, փորձում է ֆիքսել իր կարևոր դերակատարությունն այդ հարցում։ Մի քանի օր առաջ Փաշինյանի խոսքից ընդհանրապես ոչինչ չհասկացա, երբ հայտարարեց, որ մոտ ապագայում ինչ–որ ակնկալիքներ ունի գերիների վերադարձի հետ կապված, հակառակ պարագայում չէր ասի, որ երկու ամսվա ուշացման համար մեր հայրենակիցները կներեն իրեն»,– նշեց քաղաքագետը։

Անկախ ամեն ինչից, Սուրենյանցը ողջունում է գերիների վերադարձի փաստը և հույս հայտնում, որ բոլոր գերիները շուտով կվերադառնան հայրենիք, բայցևայնպես, անթույլատրելի է համարում, որ այդ թեման ընդհանրապես օգտագործվի իշխանության կամ ընդդիմության կողմից ներքաղաքական հարթության վրա, ընտրական գործընթացում։ Ըստ նրա`իշխանությունը պարտավոր էր մինչ այս պահը հասնել նրան, որ բոլոր ռազմագերիների վերադարձի հարցը լուծված լիներ։

«Այնպես չէ, որ հիմա պետք է շնորհակալություն հայտնենք Փաշինյանին ուշացումով, այն էլ` գերիների մաս–մաս վերադարձի համար։ Այս հարցը պետք է լիներ քաղաքական կոնսենսուսի առարկա` այն չօգտագործելու հաստատակամությամբ»,– նշեց քաղաքագետը։

Սուրենյանցի կարծիքով` ամեն դեպքում գործընթացը պետք է իրականացված լիներ ռուսական կողմի միջնորդությամբ, որովհետև դա բխում է նաև եռակողմ հայտարարությունից։ Ըստ նրա` Ադրբեջանն առհասարակ ռազմագերիներին պահելով` լուծել է մի քանի խնդիր, օրինակ` Հայաստանից դեպի Արցախ զորակոչ այլևս չի իրականացվում, դեմարկացիայի ու դելիմիտացիայի հարցում կարծեք թե կա համաձայնություն, բայց ինչ–որ պահից սկսած` գերիների խնդիրն Ադրբեջանի համար դառնում է բեռ և նա թիրախավորվում է միջազգային հանրության կողմից, հետևաբար չի բացառվում, որ մոտ ապագայում որոշակի պայմանավորվածությունների արդյունքում ռազմագերիներն իսկապես վերադառնան Հայաստան։

Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները

Քաղաքագետի պնդմամբ` հիշյալ խնդրում չի կարելի գերագնահատել ՀՀ իշխանության դերը, քանի որ նա անցած յոթ–ութ ամինսների ընթացքում այդուհանդերձ չի կարողացել լուծել գերիների վերադարձի հարցը։   

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Նոյեմբերի 9-ից հետո պարբերաբար Ադրբեջանին որոշակի թվով քարտեզներ ենք տվել. Նիկոլ Փաշինյան

433
թեգերը:
զորակոչ, քարտեզ, ռազմագերի, Սուրեն Սուրենյանց
Ըստ թեմայի
Ո՞ր թեկնածուներն են ձեռնտու Ռուսաստանին. քաղաքագետի կարծիքը
ՀԱԿ-ը կոչ է անում ուժերը չջլատել. ինչ ուղերձ է պարունակում Տեր-Պետրոսյանի հայտարարությունը
«Կոմպրոմատ չեմ համարի». քաղաքագետը` Սերժ Սարգսյանի ձայնագրության մասին
Թաթուլ Մանասերյան

Գնաճը Հայաստանում դուրս է եկել վերահսկողությունից. տնտեսագետ     

101
(Թարմացված է 23:43 26.07.2021)
«Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը Sputnik Արմենիայի եթերում անդրադարձել է տնտեսական միտումներին և երկնիշ տնտեսական աճի հավանականությանը։ 

 

Մանասերյան. «Գնաճը Հայաստանում դուրս է եկել վերահսկողությունից»

Թաթուլ Մանասերյանի դիտարկմամբ` տնտեսական աճն իհարկե ցանկալի է, բայց դրա համար պետք է լինեն հիմնավոր նախադրյալներ, իսկ միտումները` հուսադրող, մինչդեռ այն, ինչ ունենք մինչ օրս` իներցիոն տնտեսության, այսինքն` իներցիոն զարգացման արդյունքն է, իսկ իշխանությունները փորձում են իրենց վերագրել գյուղացու, բանվորի, մասնավոր ձեռներեցի հաջողությունները` ասելով, որ որոշակի արդյունքներ են գրանցել։  

 

«Անգամ սկսել են խոսել աննախադեպ աշխատատեղերի մասին, ինչն ամոթ է, քանզի չկա որևէ ուղղություն, որտեղ լինի տնտեսական քաղաքականություն և մենք ասենք, որ մշակվել է համապատասխան հայեցակարգ և իրականացվել կյանքում։ Ամենակարևորն այն է, որ մեր ազգաբնակչության կեսից ավելին գյուղական բնակավայրերում է ապրում և աշխատում, բայց գյուղատնտեսության ոլորտն այնքան է արհամարված, որ չկա գյուղնախարարություն, չկա ագրարային քաղաքականություն, և եթե այս ամբողջ համապատկերում գյուղացին կարողանում է նույնիսկ նման բնակլիմայական պայմաններում ինչ–ինչ արդյունքներ ստանալ, ապա պետությունը չի զլանում դա իրեն վերագրել»,– ասաց տնտեսագետը։

Մանասերյանը կասկածանքով արտահայտվեց երկնիշ տնտեսական աճի հեռանկարի մասին` նշելով, որ բարոյական չէ նման կանխատեսումներ անել, երբ տնտեսությունը գտնվում է անկազմակերպ վիճակում։ Տնտեսագետը վկայակոչեց երկու հիմնական հանգամանք։

Նախ` անցյալ տարի մենք ունեցանք բավականին լուրջ տնտեսական անկում և այդ ֆոնին ինչ–որ գրանցվում է, դա նույնիսկ չի բերել վերականգնողական մակարդակին, ինչ որ եղել է մինչև անկումը։

Գնաճը Հայաստանում միջազգայինից կրկնակի բարձր տեմպ ունի. ինչ է փորձում կոծկել իշխանությունը

Եվ երկրորդ` համավարակը հարվածեց հենց աշխատատեղերին և շփումը նվազագույնի հասցնելու համար բազմաթիվ աշխատատեղեր փակվեցին։ 

«Այժմ մենք ունենք մտահոգիչ մակարդակի վրա գտնվող գնաճ, մինչդեռ բնակչության եկամուտներն այդ գնաճին ուղղակի անհամադրելի են, գնաճը կրկնակի անգամ ավելի շատ է, քան եկամուտների աճը, ուստի նման պայմաններում մի կողմից պրոֆեսիոնալ չեմ համարում երկնիշ տնտեսական աճին վերաբերող արտահայտությունները, մյուս կողմից բարոյական չեմ համարում»– ասաց տնտեսագետը։

Մանասերյանի խոսքով`գնաճը Հայաստանում դուրս է եկել վերահսկողությունից, սակայն միջազգային պրակտիկայում այն կառավարելի է, եթե պետությունն իր տեղում է, իրականացնում է մոնիթորինգ, իսկ հետո օգտագործում վերահսկողական գործառույթներ։ Ըստ նրա` մեզանում նման բան չկա և միայն  ԿԲ–ի վրա գների կայունության ապահովման խնդիրը թողնելն արդարացի չէ։

Տնտեսագետի խոսքով` երբ տարեսկզբին միլիարդավոր դոլարի ներդրումների մասին էին խոսում, մինչև այս տարեվերջ գոնե մի քանի միլիոն դոլարի ներդրումներ արդեն իսկ պետք է եղած լինեին, մինչդեռ հիմա ունենք բացասական հաշվեկշիռ, այսինքն` փողը ոչ թե մտնում, այլ դուրս է գալիս Հայաստանից։  

Նշենք, որ Ազգային վիճակագրական ծառայության տվյալների համաձայն` 2021 թվականի հունվար-հունիս ամիսներին 2020 թվականի նույն ժամանակահատվածի համեմատ միջին գները (ՍԳԻ) աճել են 5,7 տոկոսով, իսկ տնտեսական ակտիվության ցուցանիշը (ՏԱՑ)՝ 5 տոկոսով։

Արդյունաբերական արտադրանքի միջին գներն աճել են 10 տոկոսով, իսկ արդյունաբերական արտադրանքի ծավալը (ընթացիկ գներով արտահայտված) աճել է ընդամենը 2,1 տոկոսով։

Սննդամթերքի միջին գներն աճել են 8 տոկոսով, իսկ ընթացիկ գներով արտահայտված ծառայությունների ծավալն աճել է ընդամենը 2,7 տոկոսով, առևտրի շրջանառությունը՝ 8 տոկոսով:

«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ

101
թեգերը:
Թաթուլ Մանասերյան, տնտեսություն, Հայաստան, գնաճ
Ըստ թեմայի
Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը
Հայաստանը պետք է օգտագործի վետոյի իրավունքը. ԵԱՏՄ–ին Ադրբեջանի անդամակցելը մեզ ոչինչ չի տա
Կենտրոնական բանկում կստեղծվի ՀՀ բոլոր բանկային հաշիվների կենտրոնացված ռեեստր
Արա Ղազարյան

Ընտրովի արդարադատությո՞ւն. ինչո՞ւ է ԱԱԾ-ն առգրավել Վերաքննիչի համակարգիչները

62
(Թարմացված է 22:33 26.07.2021)
ՍԴ աշխատակազմի նախկին ղեկավար, փաստաբան Արա Ղազարյանը Sputnik Արմենիայի եթերում նշել է, որ չնայած դիմադրությանը` վերջին 1-2 տարվա ընթացքում դատական համակարգի նկատմամբ ճնշումները մեծանում են։
ԱԱԾ-ն պետք է շուտ վերադրաձնի համակարգիչները. Ղազարյանը` Վերաքննիչից առգրավված համակարգիչների մասին

ԱԱԾ-ն օր առաջ պետք է վերադարձնի Վերաքննիչ քրեական դատարանից առգրաված համակարգիչները։ Sputnik Արմենիայի հետ զրույցում նման կարծիք հայտնեց ՍԴ աշխատակազմի նախկին ղեկավար, փաստաբան Արա Ղազարյանը։

«Ընդհանրապես համակարգիչ առգրավելն արդեն իսկ խնդիր է։ Հնարավորինս պետք է զերծ մնալ նման գործողություններից, այլ միջոցներ ձեռնարկել, ոչ թե գալ, համակարգիչը վարդակից անջատել, ամբողջությամբ վերցնել, տանել»,- ասաց նա։ 

Ղազարյանի խոսքով` քրեական դատավարության մեջ գորյություն ունի համարժեքության սկզբունք. եթե կարելի է այլ միջոցներով իմֆորմացիա ստանալ, պետք է առաջին հերթին դա անել, մանավանդ, երբ խոսքը վերաբերում է իշխանությունների տարանջատման սկզբունքին։ 

«Գործադիրը չպետք է տրվի գայթակղությանը, որ ինքն ուժ ունի, իսկ դատական համակարգը չունի ուժ։ Ինֆորմացիայի համար ԱԱԾ-ն կարող է դիմել և այդ իմֆորմացիան ստանալ։ Անհամարժեք կոշտ միջոց է սա`ուղղակի մտնել համակարգիչներ վերցնել, տանելը։ Դրա համար կարելի էր դիմել դատական համակարգին, խնդրել տեղեկություններ տրամադրել, ասենք` ԲԴԽ-ի միջոցով»,- նշեց նա։

Ղազարյանն ասում է`դատական գործերը, կալանավորումների բողոքարկման դիմումները ոչ համակարգչային համակարգով մակագրելու մեխանիզմը կիրառելի է, սակայն դատարաններում համակարգչային տեխնիկայով մակագրումների պրակտիկան ներդրվել է, որ մակագրումներն արվեն ըստ գործերի հաջորդականության, և ոչ թե կոնկրետ գործով կոնկրետ դատավոր «ընտրեն»։

ԱԱԾ-ն ներխուժել է վերաքննիչ դատարան. ԶԼՄ

Փաստաբանի կարծիքով`այստեղ բախվում են դատարանի անաչառության, անկողմնակալության խնդրի հետ։ 

Նրա համոզմամբ` 2004 թվականից սկսած, երբ դատական համակարգն առանձնացվեց արդարադատության նախարարությունից, դատարաններն սկսեցին անկախանալ և չենթարկվել գործադիրի ճնշումներին։ Նրա խոսքով` չնայած դիմադրությանը` վերջին 1-2 տարիներին ճնշումներն էլ դատական համակարգի նկատմամբ մեծանում են։

Հիշեցնենք` հուլիսի 22-ին տեղեկություն տարածվեց, որ ներազգային անվտանգության ծառայության աշխատակիցները մտել են Վերաքննիչ քրեական դատարանի շենք և մի քանի համակարգիչներ առգրավել։ 

Պատճառը, ըստ տեղեկությունների, ԱԱԾ-ում հարուցված քրեական գործն է, որը վերաբերում է դատական գործերի մակագրմանը: Ստացված տեղեկությունների համաձայն՝ ԱԱԾ աշխատակիցներն առգրավել են նաև համակարգիչը, որով գործերն ավտոմատ համակարգի միջոցով մակագրվում էին դատավորներին։

Դատավորները վախեցան ասֆալտին փռվելուց. դաշինքները՝ ՍԴ որոշման մասին

62
թեգերը:
Արա Ղազարյան (սահմանադրագետ), Դատարան, համակարգիչ, ՀՀ ազգային անվտանգության ծառայություն. ԱԱԾ
Ըստ թեմայի
Փաստաբանների պալատը պատրաստ է իրավաբանական օգնություն տրամադրել հայ ռազմագերիներին
Քաղաքական բում, թե ձայների փոշիացում. ՀՀ–ում շուրջ 2 տասնյակ նոր կուսակցություն կստեղծվի
Ո՞րը կլիներ Արա Այվազյանի ճիշտ քայլը. Ղազարյանը` ԱԳՆ–ում ստեղծված ճգնաժամի մասին
Ստեփանակերտի ապաստարաններից մեկը. արխիվային լուսանկար

1 տարում պետությունը 61 մլրդ դրամ է հատկացրել արցախցիներին, սյունեցիներին, զինվորականներին

0
(Թարմացված է 13:34 27.07.2021)
ՀՀ տարածքում հակառակորդի գործողությունների հետևանքով անշարժ գույքը վնասվելու վերաբերյալ դիմումներ ստացվել են միայն Սյունիքի մարզից։

ԵՐԵՎԱՆ, 27 հուլիսի – Sputnik. ՀՀ աշխատանքի և սոցիալական հարցերի նախարարությունը մեկ տարում 61 մլրդ դրամ է հատկացվել արցախցիներին, սյունեցիներին և զինվորականներին։ Այս մասին մամուլի ասուլիսի ժամանակ ասաց նախարարության կենսաթոշակային ապահովության վարչության պետ Անահիտ Գալստյանը։

«51 մլրդ հատկացվել է արցախցիների կարիքների համար՝ տրվել են միանվագ 68 հազարական դրամներ բոլոր արցախցիներին, իրենց տունը կորցրածներին՝ 300 հազար, վնասված տան դեպքում՝ 250 հազար, մինչև 5 տարեկան երեխաներին՝ 20 հազար, սեպտեմբերից նոյեմբերի եկամտահարկերը, էլեկտրաէներգիայի, գազի, ջրի վարձերը իր վրա վերցրել է պետությունը», - ասել է Գալստյանը։

Հայաստանում Արցախի օպերատիվ շտաբի ղեկավարի տեղակալ Սասուն Սավադյանի խոսքով՝ աշխատանքի ընդունված մոտ 300 արցախցու պետությունը ամսական վճարում է 100 հազար դրամ՝ որպես աշխատավարձ և ուսուցման գումար։

Սոցապնախարարության ինտեգրված սոցիալական ծառայությունների բաժնի պետ Արտակ Հարությունյանն էլ նշեց, որ մոտ 52 մլն դրամ տրվել է 120 սյունեցիների։

«ՀՀ տարածքում հակառակորդի գործողությունների հետևանքով անշարժ գույքը վնասվելու վերաբերյալ դիմումներ ստացվել են միայն Սյունիքի մարզից, փոխհատուցվել է 52 մլն դրամ», - ասաց նա։

Զինվորականներին և նրանց ընտանիքներին տրվող միանվագ գումարները նույնպես նշվեցին` զոհվածների ընտանիքներին` հինգ մլն–ական դրամ, առաջին կարգի հաշմանադամություն ձեռք բերած զինվորականներին՝ երեք մլն, երկրորդ կարգի հաշմանդամություն ձեռք բերածներին՝ երկու մլն, երրորդի դեպքում՝ մեկ մլն, հաշմանդամ դարձած երեխաներին՝ երեքական մլն, գերիների և անհետ կորածների ընտանիքներին՝ մեկական մլն։

Թեթև վիրավորում ստացած կամ հոգեկան խնդիր ձեռք բերած զինվորականներից յուրաքանչյուրին տրվել է 500 հազար դրամ։

Պատերազմ, սոցիալական խնդիրներ․ հրապարակվել է Արցախի ՄԻՊ-ի 2020թ. տարեկան հաղորդումը

0
թեգերը:
Սյունիք, Սոցիալական օգնություն, օգնություն, Արցախ
Ըստ թեմայի
Ռուս խաղաղապահներն օգնություն են փոխանցել Արցախի բազմազավակ ընտանիքներին ու փախստականներին
«Էրեխեքին տեր կանգնի, կարող է` ինչ–որ բան պատահի». մայոր Խաչատրյանն օգնության կարիք ունի
Մոնթեին որպես ի՛մ տղա կմեծացնես. Թաթուլը գնաց տղերքին օգնության, երբ ողջ մնալու հույս չկար