Ատոմ Մարգարյան

Ինչո՞ւ է ՀՀ–ում այսպիսի դեգրադացված իրավիճակ, և ի՞նչ տվեցին մեզ տնտեսական ռեֆորմները

73
(Թարմացված է 10:26 11.06.2021)
Տնտեսագետ Ատոմ Մարգարյանը Sputnik Արմենիայի եթերում անդրադարձել է Համաշխարհային բանկի կանխատեսումներին, որոնք վերաբերում են Հայաստանի ընթացիկ տարվա և գալիք երկու տարիների տնտեսական աճին։
Մարգարյան. «Համաշխարհային բանկի գնահատականները Հայաստանի վերաբերյալ բավականին զուսպ են»

Ատոմ Մարգարյանի դիտարկմամբ` Համաշխարհային բանկի գնահատականները Հայաստանի վերաբերյալ բավականին զուսպ են` հաշվի առնելով, որ 2020 թվականը ծայրահեղ անբարենպաստ էր մեր տնտեսության համար համավարակի ու պատերազմի պատճառով։ Ըստ նրա`կանխատեսումները տվյալ համատեքստում շատ համեստ են, և դա ըստ էության չեզոք սցենար է, մինչդեռ բոլորս ակնառու տեսնում ենք, թե ինչ է կատարվում Հայաստանում, հետևաբար առկա զարգացումների ֆոնին, ըստ Մարգարյանի, տնտեսական աճի առումով ավելի շատ վատատեսության հիմքեր կան։

Հասարակության զգալի մասը չունի կորստի խորքային գիտակցում. ինչպես ոտքի հանել վիրավոր երկիրը

«Միջազգային ֆինանսական կառույցների, դոնոր կազմակերպությունների գնահատականները շատ պրիմիտիվ են, եթե խոսքը վերաբերում է մակրոտնտեսական մեկ պարամետրին, լավագույն դեպքում երկուսին, այսինքն` տնտեսական աճի հետ նաև գնաճային կանխատեսումներին, սակայն պետք է նկատի ունենալ, որ տասնամյակներ շարունակ փաստորեն հենց այդ կառույցների խորհրդատվություններով և վարկերով են իրականացվել ռեֆորմները, և Հայաստանում ստեղծվել է ծայրահեղ երկբևեռացված հասարակություն»,– Sputnik Արմենիային ասաց տնտեսագետը։

Ով հասցրել է, վաճառել է․ ի՞նչ է կատարվում անշարժ գույքի շուկայում

Մարգարյանի պնդմամբ` պետք է տալ այն հարցի պատասխանը, թե տնտեսական աճը, ՀՆԱ–ի դինամիկան, փոփոխություններն ու արդյունքներն ինչպես են բաշխվում, որքանով է դա ներառական, ինչպիսին է այսօր հասարակության եկամուտների և ունեցվածքի բաշխվածությունը, ինչ փոփոխություններ կկրի այդ ամենը առաջիկա երկու–երեք տարիներին։ Ըստ Մարգարյանի` որպես կանոն նման գնահատականներ չեն տրվում, դրա համար էլ ունենք այսպիսի ծայրահեղ դեգրադացված իրավիճակ։

Տնտեսագետի կարծիքով` լավ կլինի թվերի հետ մատուցել նաև նման կանխատեսումներ, այսինքն` ՀՆԱ–ն ինչպես է տնտեսական աճի հետ մեկտեղ բաշխվելու ենթադրենք առավել հարուստ 10 տոկոս ընտանիքների և առավել աղքատ 10 տոկոս ընտանիքների միջև։ Ըստ նրա` միջազգային ֆինանսական կազմակերպությունների հետ հարաբերվելիս անհրաժեշտ է ներկայացնել խնդիրները, մինչդեռ մեր ներքաղաքական գործընթացին մասնակցող ուժերից գրեթե ոչ մեկը նման տրամաբանության մեջ չի մատուցում իր ծրագրերը։

Նշենք, որ Համաշխարհային բանկը գլոբալ տնտեսական հեռանկարների շրջանակում կատարել է հերթական հետազոտությունը` անդրադառնալով ինչպես առանձին տարածաշրջաններում, այնպես էլ առանձին երկրներում առկա տնտեսական միտումներին։

Համաշխարհային բանկը մասնավորապես Հայաստանի տնտեսական աճը այս պահին կանխատեսել է 3,4 տոկոս, իսկ 2022 և 2023 թվականների համար կանխատեսել է համապատասխանաբար 4,3 և 5,3 տոկոս տնտեսական աճ։

73
թեգերը:
Ատոմ Մարգարյան, Համաշխարհային բանկ (ՀԲ), Հայաստան
Ըստ թեմայի
5 ամսում հավաքվել է 618.4 մլրդ դրամի հարկ, որից 68.6 միլիարդը վերադարձվել է հարկատուներին
Ճգնաժամային տարվա բյուջեն 89 %-ով ապահովել են ՀՀ հարկատուները
Հայաստանում ստվերային տնտեսությունը 2018-ից հետո կրճատվել է 40% -ով. Փաշինյան
Գարիկ Միսակյան

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

66
(Թարմացված է 17:20 19.06.2021)
Իրանագետ Գարիկ Միսակյանը Sputnik Արմենիայի եթերում անդրադարձել է Իրանում տեղի ունեցած նախագահական ընտրություններին և հայ-իրանական հարաբերություններին։
«Իրանը կարող է զսպել Սյունիքում ադրբեջանա-թուրքական ակտիվության ճիգերը». Միսակյան

Պահպանողական էբրահիմ Ռաիսին կարող է ավելի կոշտ դիրքորոշում որդեգրել Ադրբեջանի նկատմամբ և Հայաստան-Իրան հարաբերությունները նոր հարթություն տեղափոխել։ Sputnik Արմենիայի հետ զրույցում նման կարծիք հայտնեց իրանագետ Գարիկ Միսակյանը։

«Իրանում մինչ Ռայիսիի ընտրվելը և նախագահական ընտրությունները թե՛ խորհրդարանի, թե՛ փորձագիտական մակարդակում եղել են հայտարարություններ, Իրանի խորհրդարանի գիտական ուսումնասիրությունների կենտրոնը նաև զեկույց է հրապարակել, որտեղ նշվել է, որ Իրանի առաջնահերթություններից է լինելու տնտեսական հարաբերությունների բարելավումը Հայաստանի և Ադրբեջանի հետ»,- ասաց նա։

Նրա խոսքով` Իրանը տնտեսական ակտիվությամբ կփորձի կանխել թուրքական աննախադեպ ազդեցության աճն Ադրբեջանի Հանրապետության տարածքում, իսկ Հայաստանում` տարանցիկ ենթակառուցվածքներ ստեղծել և մեծացնել իր տնտեսական ազդեցությունը Սյունիքում։

«Սյունիքում իրանական ներկայության մեծացումը իրանական փորձագիտական շրջանակների կողմից կարևորվում է նրանով, որ Իրանը, տնտեսապես ակտիվանալով Սյունիքում, կարող է նաև որոշ չափով միջամտել Սյունիքի հետ կապված ադրբեջանա-թուրքական ձգտումներին»,- ընդգծեց Միսակյանը։

Նշենք, որ Իրանում նախագահական ընտրություններն անցկացվել են երեկ` հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

66
թեգերը:
Գարիկ Միսակյան, Իրանի Իսլամական Հանրապետություն, Սյունիքի մարզ, Հայաստան
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

55
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

55
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
(0:36 / 3.62Mb / )

Երևանում վաղ առավոտից ընտրական ակտիվություն է․ տեսանյութ

0
(Թարմացված է 08:37 20.06.2021)
Sputnik Արմենիայի նկարահանող խումբը եղել է մայրաքաղաքի մի քանի ընտրատեղամասերում։ 9/59-սում առավոտից ընտրողները շատ էին։

Վաղ առավոտից մայրաքաղաքում ընտրական ակտիվություն է նկատվում։ Հայաստանի գրողների միության շենքում տեղակայված ընտրատեղամասում շատ են քվեարկել ցանկացողները։ Այստեղ կես ժամ անց իր քաղաքացիական պարտքը կկատարի նաև ՀՀ նախագահ Արմեն Սարգսյանը։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը։ Այս պահին եղած տեղեկություններով` հանրապետության բոլոր 2008 ընտրատեղամասերն անխոչընդոտ բացվել են օրենքով նախատեսված ժամին։

Նշենք, որ տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Հայաստանում ընտրելու իրավունք ունեն 2 միլիոն 583 հազար 823 քաղաքացիներ։ Ամենամեծ թվով ընտրողներ ունի Երևանը, ամենափոքրը` Վայոց Ձորի մարզը։

Հիշեցնենք` արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

 

0
թեգերը:
Երևան, քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021