Անի Խաչատրյան

«Հանրապետության» համար քարոզարշավը լավ է ընթանում. կուսակցությունը նորամուծություն է արել

115
(Թարմացված է 20:15 09.06.2021)
«Հանրապետություն» կուսակցության ներկայացուցիչ Անի Խաչատրյանը Sputnik Արմենիայի եթերում անդրադարձել է արտահերթ խորհրդարանական ընտրությունների քարոզարշավին և այդ համատեսքստում իրենց կուսակցության ծրագրային դրույթներին։
Խաչատրյան. «Սև ու սպիտակի բաժանումը խանգարում է հենց մեր նման ուժերին»

Անի Խաչատրյանի փոխանցմամբ` «Հանրապետություն» կուսակցությունը քարոզարշավի մեկնարկից հետո շրջում է մարզերում, տեղի բնակիչներին ներկայացնում ծրագիրը։ Ըստ նրա` հիմնական ասելիքն արտացոլված է հենց կարգախոսում` «Աշխատատեղեր, անվտանգություն»։

Սրանք կարևորագույն խնդիրներն են, ինչի մասին շարունակ խոսում են քաղաքացիները, և որոնց լուծման մեթոդները բազմիցս առաջարկել է կուսակցությունը, ուստի կարգախոսը հենց կուսակցության նախընտրական ծրագրի հակիրճ տեսակն է։

«Քարոզարշավը մեզ համար բավականին լավ է ընթանում. հանդիպում ենք մարդկանց, լսում նրանց կարծիքներն ու բարձրաձայնվող խնդիրները։ Ունենք նաև նորամուծություն, որը մեր նախընտրական բուկլետի ձևն է և մեր շարժական շտաբները։ Մեր բուկլետն իր ձևով տարբերվում է ընդհանրապես Հայաստանում մինչ օրս եղած բուկլետներից, որի ներքևի մասում կա մի հատված, որտեղ քաղաքացին գրում է, թե ինչ առաջնային լուծումներ է ուզում, որպեսզի ԱԺ անցնելու դեպքում առաջնահերթ անենք։ Մարդիկ գրում են և թողնում մեր տաղավարներում դրված արկղերի մեջ։ Կուսակցության նախագահը պատրաստվում է վաղն ամփոփել մեկնարկային երեք օրերը»,– նշեց «Հանրապետություն» կուսակցության ներկայացուցիչը։

«Հայոց Արծիվներ, միասնական Հայաստան» կուսակցությունը չի մասնակցի ընտրություններին

Անդրադառնալով քարոզարշավի ընթացքում բանավեճերի մակարդակին`Անի Խաչատրյանն ընդգծեց, որ իրենք արդեն իսկ հորդորել են բոլոր քաղաքական ուժերին մրցակցել քաղաքակիրթ լեզվով, քաղաքական բառապաշարով, այլ ոչ թե մտնել անձնական վիրավորանքների դաշտ։ Ըստ նրա` «Հանրապետություն» կուսակցության համար շատ բարդ է առկա ֆոնին իր ծրագրերն ու առաջարկները, ապագայի տեսլականը ներկայացնել, բայցևայնպես, կուսակցության ներկայացուցիչները մարդկանց հետ հանդիպումների ժամանակ բացառապես խոսում են ծրագրային լուծումների մասին և դրանով էլ տարբերվում են շատերից։

«Սև ու սպիտակի բաժանումը խանգարում է հենց մեր նման ուժերին, որոնք սևերի ու սպիտակների մեջ չեն, գտնվում են բոլորովին այլ հարթության մեջ։ Մարզային այցերի ժամանակ պարզ դարձավ, որ ժողովուրդն ավելի հասուն մտածելակերպով է տրամադրված ընտրություններին։ Հաճելի է, որ մարդկանց նախևառաջ հետաքրքրում են ծրագրային դրույթները և հույս ունենք, որ նրանք ընտրություն կկատարեն հենց այդ դրույթների ու առաջարկությունների հիման վրա` չտրվելով սևի ու սպիտակի ջրբաժանին»,– նշեց Խաչատրյանը։

Անի Խաչատրյանի համոզմամբ` 12 օր տևող քարոզարշավը չափազանց քիչ ժամանակահատված է, որովհետև կան տեղեր, ուր ֆիզիկապես հնարավոր չէ այցելել այդ կարճ ընթացքում, հետևաբար կուսակցությունն ընտրել է իրազեկման տարբեր միջոցներ, որոնցից մեկն էլ տեսակապի միջոցով կուսակցության նախագահի ու ներկայացուցիչների հետ հաղորդակցվելն է։ Այդուհանդերձ, նման պայմաններում, ըստ Խաչատրյանի, բավականին դժվար է անմիջականորեն խոսքը տեղ հասցնել ու իրազեկել քաղաքացիներին։  

«5165»-ը քարոզարշավը սկսեց Աղձքից`արքաների դամբարանի մոտից և ներկայացրեց իրենց նպատակը

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

115
թեգերը:
կուսակցություն, քարոզարշավ, Անի Խաչատրյան
Ըստ թեմայի
ՀՀ ոստիկանապետը պատրաստ է հանդիպել կուսակցությունների ու դաշինքների ղեկավարների հետ
Արտահերթ և արտակարգ ընտրություններ. ՀՀ նախագահը դիմել է կուսակցություններին և դաշինքներին
Շիրինյանը հետ է կանչել կուսակցական հայտը, ընտրությանը կմասնակցի Բաբաջանյանի հետ դաշինքով
Գարիկ Միսակյան

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

78
(Թարմացված է 17:20 19.06.2021)
Իրանագետ Գարիկ Միսակյանը Sputnik Արմենիայի եթերում անդրադարձել է Իրանում տեղի ունեցած նախագահական ընտրություններին և հայ-իրանական հարաբերություններին։
«Իրանը կարող է զսպել Սյունիքում ադրբեջանա-թուրքական ակտիվության ճիգերը». Միսակյան

Պահպանողական էբրահիմ Ռաիսին կարող է ավելի կոշտ դիրքորոշում որդեգրել Ադրբեջանի նկատմամբ և Հայաստան-Իրան հարաբերությունները նոր հարթություն տեղափոխել։ Sputnik Արմենիայի հետ զրույցում նման կարծիք հայտնեց իրանագետ Գարիկ Միսակյանը։

«Իրանում մինչ Ռայիսիի ընտրվելը և նախագահական ընտրությունները թե՛ խորհրդարանի, թե՛ փորձագիտական մակարդակում եղել են հայտարարություններ, Իրանի խորհրդարանի գիտական ուսումնասիրությունների կենտրոնը նաև զեկույց է հրապարակել, որտեղ նշվել է, որ Իրանի առաջնահերթություններից է լինելու տնտեսական հարաբերությունների բարելավումը Հայաստանի և Ադրբեջանի հետ»,- ասաց նա։

Նրա խոսքով` Իրանը տնտեսական ակտիվությամբ կփորձի կանխել թուրքական աննախադեպ ազդեցության աճն Ադրբեջանի Հանրապետության տարածքում, իսկ Հայաստանում` տարանցիկ ենթակառուցվածքներ ստեղծել և մեծացնել իր տնտեսական ազդեցությունը Սյունիքում։

«Սյունիքում իրանական ներկայության մեծացումը իրանական փորձագիտական շրջանակների կողմից կարևորվում է նրանով, որ Իրանը, տնտեսապես ակտիվանալով Սյունիքում, կարող է նաև որոշ չափով միջամտել Սյունիքի հետ կապված ադրբեջանա-թուրքական ձգտումներին»,- ընդգծեց Միսակյանը։

Նշենք, որ Իրանում նախագահական ընտրություններն անցկացվել են երեկ` հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

78
թեգերը:
Գարիկ Միսակյան, Իրանի Իսլամական Հանրապետություն, Սյունիքի մարզ, Հայաստան
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

59
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

59
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
Արման Բաբաջանյան. արխիվային լուսանկար

Արման Բաբաջանյանի մեքենայի վրա կրակել է իր թիմի անդամը. «Ժողովուրդ»

0
(Թարմացված է 12:55 20.06.2021)
Նշվում է, որ հրազենով դաշինքի ղեկավարի մեքենայի վրա կրակելու նպատակը եղել է դաշինքի ուղղությամբ հավելյալ ուշադրություն գրավելը։

ԵՐԵՎԱՆ, 20 հունիսի - Sputnik. Արման Բաբաջանյանի մեքենայի վրա կրակել է «Շիրինյան-Բաբաջանյան» դաշինքի անդամը։ Տեղեկությունը հայտնում է «Ժողովուրդը»՝ վկայակոչելով դաշինքի աղբյուրին։

Թերթի տեղեկություններով՝ կրակոց արձակած անձը քիչ առաջ հայտնաբերվել է իրավապահների կողմից։

«Նա Շիրինյան-Բաբաջանյան դաշինքի անդամ է, ով կրակելով կայանված դատարկ մեքենայի վրա՝ ցանկացել է դաշինքի նկատմամբ լրացուցիչ ուշադրություն գրավել»,- գրում է թերթը։

Նշենք, որ ավելի ուշ Արման Բաբաջանյանը ֆեսբուքյան ուղիղ եթերի միջոցով հայտնեց, որ, իր տեղեկություններով, ավտոմեքենայի վրա կրակղը դեռ չի հայտնաբերվել։ Նա խոստացավ ավելի ուշ մեկնաբանություն տալ։

Նշենք, որ «Շիրինյան-Բաբաջանյան» ժողովրդավարների դաշինքի ընտրացուցակի առաջին համար Արման Բաբաջանյանը Facebook-ի իր էջում հայտնել էր կրակոցի մասին և լուսանկարներ հրապարակել։ Դրանցում երևում էր մեքենայի դիմապակու վրա հրազենի թողած հետքը։

0
թեգերը:
Հայաստան, կրակոց, ավտոմեքենա, Արման Բաբաջանյան
Ըստ թեմայի
Տարեցները հիմնականում չգիտեն քվեարկության նոր կանոնները. մարդիկ շտապում են ընտրությունների
Քաղաքապետարանը հավաքում է Քոչարյանի նկարով թերթիկները
Արման Թաթոյանը խումբ է ուղարկել Սիսիան` «Հայաստան» դաշինքի ահազանգի հետքերով