Վիգեն Հակոբյան

Գյուղերում ապրողներին սպասելու են անակնկալներ. ինչո՞ւ է կարևոր մարզերում «ուժ ցուցադրելը»

416
(Թարմացված է 13:19 09.06.2021)
Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է հունիսի 20–ին ընտրություններին ընդառաջ քաղաքական ուժերի մարզային այցերին և նրանց կողմից իրականացվող մարտավարությանը։  
Հակոբյան. «Մարզերում դեռ պատկերացում ունեն, որ 2018 թվականի իրավիճակը շարունակվում է»

Վիգեն Հակոբյանի դիտարկմամբ` ընտրություններում մեծ հավակնություններ ունեցող հիմնական քաղաքական ուժերն արդեն մեկ ամսից ավել է, ինչ սկսել են իրենց քարոզարշավը, բայց գնահատականների առումով` կարելի է խոսել պաշտոնական մեկնարկից հիմնականում ներկայացուցչական մակարդակով միջոցառումների մասին, լավագույն դեպքում` ծրագրերի ներկայացման ու տեսահոլովակների մասին։ 

«Ես դեռ որևէ լուրջ անակնկալ չեմ տեսնում, որովհետև որոշ քաղաքական ուժեր սկսեցին գնալ մարզեր, իսկ «Հայաստան» դաշինքն ուղղակի արշավ սկսեց Սյունիքից, ինչը բավականին խորհրդանշական է, քանզի այդ դաշինքի գլխավոր թեմատիկ նախապատվությունն այնուամենայնիվ անվտանգությունն է, Սյունիքն այսօր ամենախոցելի մարզն է ո՛չ միայն ռազմական, այլև աշխարհաքաղաքական առումով։ «Հայաստան» դաշինքի դահլիճային հանդիպումները զուգորդվում են հանրահավաքներով, ինչը նույնպես մարտավարական քայլ է, որովհետև Հայաստանում զանգվածային միջոցառումներ անցկացնելը նաև ուժի ցուցադրում է»,– նշեց քաղտեխնոլոգը։

Հակոբյանի կարծիքով` մարզերում «ուժ ցուցադրելը» կարևոր է այն առումով, որ տեղի բնակիչները տեղեկատվությունը ստանում են հեռուստատեսությամբ, բայց հիմնականում այն ալիքով, որը սպասարկում է օրվա իշխանությունների շահերը, ուստի շատ մարզերում դեռ պատկերացում ունեն, որ 2018 թվականի իրավիճակը շարունակվում է և Փաշինյանի հեղինակությունն անսասան է, հետևաբար, քաղաքական ուժերի մարզային այցերը բավականին լուրջ ազդեցություն են ունենալու մասնավորապես գյուղերում տիրող մթնոլորտի վրա, որոնցում ապրողներին սպասելու են անակնկալներ։

«Նման այցերը կարող են ձնագնդիկի էֆեկտ ունենալ և ընդամենը մեկ շաբաթ հետո կարող ենք նույն մարզերում, որտեղ համարվում է, որ Փաշինյանն ունի բավականին ամուր ընտրազանգված, տեսնել, որ կարող է բոլորովին այլ պատկեր ստացվել»,– նշեց քաղտեխնոլոգը։

Հակոբյանի հավաստմամբ` ընտրությունների հետ կապված կանխատեսումները, որ դրանք լինելու են բավականին կոշտ, կեղտոտ տեխնոլոգիաներով, արդարացվում են, որովհետև իշխանության համար սա սոսկ ընտրություն չէ, այլ սեղանին դրված է իր անվտանգության երաշխիքների հարցը, հետևաբար փորձելու է ամեն կերպ ազդել ընտրողների վրա` օգտագործելով վարչական ռեսուրսը և այլ գործիքակազմ, որպեսզի իր համար բացասական արդյունք չստանա։ 

Ընտրություններից հետո կարող է մտնենք քաղաքական և տնտեսական անորոշության շրջափուլ. Քթոյան

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են  Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

Այսօր ավելի շատ հնարավորություններ կան. Փաշինյանը` ղարաբաղյան հարցը լուծելու մասին

416
թեգերը:
Հայաստան, քարոզարշավ, Ազգային ժողովի ընտրություններ
Ըստ թեմայի
Ի՞նչ էր ակնարկում Տեր–Պետրոսյանը Նիկոլ Փաշինյանին
Ինչ ակնկալիք ունի Փաշինյանը նախագահների հետ բանավեճից և ինչու է շրջանցել Սերժ Սարգսյանին
Ինչո՞ւ են Ավինյանն ու Միքայելյանը դուրս մնացել ՔՊ ցուցակից. պարզաբանում է քաղտեխնոլոգը
Միքայել Նահապետյան

«Քաղաքացու որոշում». Մենք խնդիր ենք ունենալու ոչ միայն Արցախը, այլև Հայաստանը պահելու հետ

45
«Քաղաքացու որոշում» կուսակցության գործադիր մարմնի անդամ Միքայել Նահապետյանը Sputnik Արմենիայի հետ զրույցում անդրադարձել է նախընտրական քարոզարշավի ընթացքին, նշել կուսակցության նախընտրական ծրագրում ներառված հիմնական թիրախները։
«Մենք խնդիր ենք ունենալու ոչ միայն Արցախը, այլև Հայաստանը պահելու հետ». Նահապետյան

Ընտրապայքարի մեջ մտած քաղաքական թիմերում կան մարդիկ, բևեռներ, որոնք ատելության մթնոլորտ են գեներացնում, բևեռացնում են հանրությանը, փորձում այս կամ այն կերպ ցույց տալ, թե ներկայիս իրավիճակի համար բոլորը մեղավոր են, բացի իրենցից։ Sputnik Արմենիայի հետ զրույցում նման կարծիք հայտնեց «Քաղաքացու որոշում» կուսակցության գործադիր մարմնի անդամ Միքայել Նահապետյանը։

«Հայաստանի նախորդ 4 կառավարությունները վարում են քարոզարշավ և ընտրություններին մասնակցում են մեկ նպատակով, որպեսզի պատմության մեջ, պատմության դասագրքերում  իրենց կառավարման ժամանակաշրջանը գրվի որպես ճիշտ քաղաքական կուրս, մյուսներինը` հնարավորինս անհաջող, որոնք փչացրին ամեն ինչ»,- ասաց նա։

Մինչդեռ, ըստ Նահապետյանի, իրականությունն այն է, որ Հայաստանն այս աղետալի վիճակում հայտնվել է 30 տարի անընդմեջ, մեկը մյուսին հաջորդող սխալ քաղաքականության հետևանքով, հետևաբար` ժամանակն է, որ ժողովուրդը հաշվի նստի այդ ամենի հետ և վերանայի քաղաքական կուրսը, ոչ թե անձերին։

«Մինչև մենք չստեղծենք պետություն, որտեղ քաղաքացու համար ապրելն արժանապատիվ է, հարմարավետ է, մենք խնդիր ենք ունենալու ոչ միայն Արցախը, այլև Հայաստանը պահելու հետ»,- նշեց նա։

Իշխանության գալու դեպքում «Քաղաքացու որոշումը» խոստանում է կարճ ժամկետներում ստեղծել ժամանակակից անվտանգության համակարգ, վերակառուցել երկիր, որտեղ որակյալ կրթությունը հասանելի կլինի բոլորին և որի քաղաքացիները չեն մահանա առողջապահական ծառայությունների դիմաց վճարելու գումար չունենալու պատճառով։

Պատգամավորի թեկնածուին մեղադրանք է առաջադրվել բնամթերքի գործով. նա կկալանավորվի՞

Հիշեցնենք` հունիսի 20-ին կայանալիք ԱԺ արտահերթ ընտրությունների քարոզարշավը մեկնարկել է հունիսի 7-ին: Ընտրություններին կմասնակցի 25 քաղաքական ուժ՝ 21 կուսակցություն և 4 դաշինք։

45
թեգերը:
Ընտրություններ, «Քաղաքացու որոշում» կուսակցություն
թեմա:
ԱԺ արտահերթ ընտրություններ 2021
Ըստ թեմայի
«Հայոց Արծիվներ, միասնական Հայաստան» կուսակցությունը չի մասնակցի ընտրություններին
Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Սիմա Չիտչյան

Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները

101
(Թարմացված է 20:58 11.06.2021)
Սիմա Չիտչյանը Sputnik Արմենիայի հետ զրույցում պատմեց` կութեցիներին ասել են, որ շուտով բոլոր խնդիրները կլուծվեն, իրենք դարձյալ հանգիստ կապրեն։
Ադրբեջանցիները հետ կքաշվե՞ն հայկական տարածքներից. Կութում խոստացել են խնդիրը լուծել մինչև ընտրությունները

Կութ այցելած պաշտոնյանները համայնքի ղեկավար Սիմա Չիտչյանին հուսադրել են, թե մինչև ԱԺ արտահերթ ընտրությունները սահմանային միջադեպերին, հայերի ու ադրբեջանցիների բախումներին վերջ կտրվի։

«Շուտով սահմանազատում կլինի, մենք մեզ համար կապրենք այստեղ, իրենք իրենց տարածքները կգնան»,- Sputnik Արմենիայի հետ զրույցում ասաց նա։

Հարցին, թե այդ լուծումների մեջ մտնո՞ւմ է նաև ադրբեջանցիների հայկական տարածքներից հետ քաշվելու հարցը, Չիտչյանը կարճ պատասխանեց. «Ոչ թե հետ են քաշվելու, այլ գալու են, սահմանները ճշտեն»։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

101
թեգերը:
գերի, Սահման, Կութ, Ադրբեջան, Հայաստան
Ըստ թեմայի
Գեղարքունիքում և Սյունիքում ադրբեջանցիները գողանում են հայերի կենդանիներին. ՄԻՊ–ի փաստերը
«Սյունիքում պահպանվում է իրադրության սրման վտանգը». ՀԱՊԿ գլխավոր քարտուղար
Գեղարքունիքից գերեվարված 6 հայ զինծառայողի հարցով ՄԻԵԴ–ը միջանկյալ միջոց կկիրառի
ԼՀԿ

Կան քաղաքական ուժեր, որոնք հատուկ շրջում և 3 սուտ են տարածում ԼՀԿ–ի մասին. Անի Սամսոնյան

0
Անի Սամսոնյանն ահազանգում է, որ ոչ միայն ստեր են տարածում իրենց ուղղված, այլ նաև նախընտրական պաստառներն են շարքից հանում։

ԵՐԵՎԱՆ, 12 հունիսի - Sputnik. ԱԺ «Լուսավոր Հայաստան» խմբակցության պատգամավոր Անի Սամսոնյանը վստահեցնում է, որ կան քաղաքական ուժեր և մարդիկ, որոնք հատուկ շրջում են և անհատական զրույցներում 3 սուտ են տարածում ԼՀԿ–ի մասին։ Սամսոնյանն այդ մասին հայտարարեց այսօր Երևանում քարոզարշավի ժամանակ։

«Սուտ համար առաջին` ասում են, որ մեզ ձայն չտան, քանի որ ԼՀԿ–ն ընտրական շեմը չի հաղթահարելու։ Երկրորդ սուտն էլ այն է, որ ասում են` ԼՀԿ-ին ձայն չտաք, քանի որ օգնելու ենք վերարտադրվել իշխող ուժին։ Եվ, վերջապես, սուտ համար երրորդ` շրջանակներում, որտեղ դեմ են Ռոբերտ Քոչարյանին, ասում են, թե ԼՀԿ–ն նպաստելու է նախկինների վերադարձին»,–ասաց Սամսոնյանը։

Նրա խոսքով` իրենք մրցակից են որոշ ուժերի, ինչի հետևանքով էլ մարդիկ չեն ալարում և բարձրանում ու ավտոճանապարհներին փակցված պաստառները դիտավորյալ վնասում են։

Սամսոնյանը հայտնեց, որ Շատին գյուղի մոտակայքում` բավական բարձր հատվածում տեղադրված իրենց պաստառն են վնասել հենց այն հատվածում, որտեղ պատկերված է ԼՀԿ առաջնորդ Էդմոն Մարուքյանը։

Մարուքյանը Փաշինյանին հրավիրում է բանավեճի. խոստանում է` քաբաբի մասին չեն խոսի

0
թեգերը:
Ընտրություններ, քարոզարշավ, «Լուսավոր Հայաստան» կուսակցություն, Անի Սամսոնյան
թեմա:
ԱԺ արտահերթ ընտրություններ 2021
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել