Ալեքսանդր Մարկարով

Ո՞ւմ են պետք հակառուսական տրամադրությունները Հայաստանում. Մարկարովի պատասխանը

109
(Թարմացված է 19:46 07.06.2021)
Քաղաքագետ, ԱՊՀ ինստիտուտի հայաստանյան մասնաճյուղի տնօրեն Ալեքսանդր Մարկարովը Sputnik Արմենիայի եթերում անդրադարձել է ընտրական քարոզարշավի ընթացքում հնչող հակառուսական հայտարարություններին և արևմտամետ ուժերի վարքագծին։

 

Քաղաքական ուժերի մեծամասնությունն այսօր իր հայացքն ուղղում է դեպի Ռուսաստանը

Հայաստանում սովորաբար հակառուսական տրամադրություններ են տարածում քաղաքական այն ուժերը, որոնք երբեք չեն կարողացել իրենց տեղը գտնել «իշխանական» արևի տակ։ Sputnik Արմենիայի հետ զրույցում նման կարծիք հայտնեց քաղաքագետ Ալեքսանդր Մարկարովը՝ մեկնաբանելով ԱԺ արտահերթ ընտրությունների որոշ մասնակիցների հայտարարություններն այն մասին, թե Հայաստանը պետք է աստիճանաբար թուլացնի կախվածությունը Ռուսաստանից։

 

Նշենք, որ այսօր մեկնարկած քարոզարշավի ժամանակ լրագրողների հետ զրույցում «Հանրապետություն» կուսակցության ղեկավար Արամ Սարգսյանը հայտարարել է, որ Ռուսաստանը մեր դաշնակիցն ու մեր գործընկերը չէ, այն կախվածությունը, որ ունենք Ռուսաստանից, պետք է քայլ առ քայլ դրանից դուրս գանք։

Մարկարովի դիտարկմամբ` հակառուսական հայտարարությունների հետևանքներն ու ռիսկերը մեծ հավանականություն կստանան այն դեպքում, եթե քարոզի փոխարեն լինեն կոնկրետ գործողություններ, երբ կոնկրետ ուժերն անցնեն քաղաքական դաշտի պառլամենտական հատված։

«Արտաքին քաղաքական դիրքորոշումը հիմնական ուժերի մոտ շեշտադրված կերպով խարսխվել է Հայաստանի և Ռուսաստանի միջև համագործակցության վրա։ Կուսակցությունները, որոնք ավելի շատ նեգատիվ տրամադրվածություն էին ցուցաբերում, իրենց տեղը չէին ուրվագծում այն բևեռում, որն հանդես էր գալիս որպես քաղաքական որոշումներ ընդունող դաս»,– ասաց քաղաքագետը։

Մարկարովի կարծիքով` հակառուսական հայտարարությունների հետևանքների մասին պետք է մտածեն քաղաքացիները, նրանք պետք է դիտարկեն Հայաստանի զարգացման համապատասխան վեկտորն այս կամ այն քաղաքական դաշնակիցների հետ, պետք է հաշվի առնեն այն քաղաքական ուժերին, որոնք հանդես են գալիս իրենց համար ավելի նպաստավոր դիրքերից և հաշվարկեն հնարավոր ներքաղաքական զարգացումներն այս կամ այն ուժերի ներգրավվածության պարագայում։

«Կարելի է հիշել նաև այն հանգամանքը, որ քաղաքական դաշտում ունեցել ենք ուժեր, որոնք գալով իշխանության`փոփոխության են ենթարկել արտաքին քաղաքականության վերաբերյալ սեփական դիրքորոշումը։ Տվյալ դեպքում խոսքն այն մասին է, որ մենք ուղղակի պետք է հաշվի առնենք, թե քաղաքական ուժերի դիրքորոշումներն ինչ պոտենցիալ ազդեցություն կարող են ունենալ քաղաքական որոշումների վրա»,– նշեց քաղաքագետը։

Մարկարովի հավաստմամբ` հայաստանյան հասարակությունը մեծամասամբ ցուցաբերում է պրոռուսական դիրքորոշում, թեև կա որոշակի զանգված, որն ավելի շատ շեշտադրում է համագործակցությունն արևմտյան ուժերի հետ։ Ըստ նրա` եթե նայենք թիրախային խմբին, որին ուղղված են «Հանրապետություն» կուսակցության ղեկավարի խոսքերը, դա հենց վերոհիշյալ զանգվածն է։

Քաղաքագետը վկայակոչեց նաև այն իրողությունը, որ վերջին տարիներին եթե նույնիսկ որոշ չափով նվազում էր ռուսական դիրքորոշում ունեցողների զանգվածը, ապա դա միանշանակորեն չէր նշանակում, որ ավելանում էր արևմտամետ դիրքորոշում ունեցողների թվաքանակը։ Ըստ նրա`քաղաքականություն մշակելիս անհրաժեշտ է հաշվի առնել սեփական երկրի առաջնային շահերը և նախընտրել այն գործընկերներին, որոնց հետ հնարավոր է ավելի նպաստավոր ու ռացիոնալ կերպով դրանք պաշտպանել։

Մարկարովի պնդմամբ` քաղաքական ուժերի մեծամասնությունն այսօր իր հայացքն ուղղում է դեպի Ռուսաստանը, դեպի համագործակցության վեկտորի շարունակությունը, այլ ոչ թե արտաքին քաղաքականության մեջ կտրուկ շրջադարձերի իրականացմանը։ Քաղաքագետի գնահատմամբ` Ռուսաստանը մեզ համար ունի կարևոր նշանակություն, այդ թվում նաև հետպատերազմյան շրջանում, ու թեև մեզանում միշտ եղել են արևմտամետ ուժեր, սակայն այդ հանգամանքը չի վերածվել ջրբաժանի։

109
թեգերը:
Ռուսաստան, Հայաստան
Ըստ թեմայի
«Մեղրիի միջանցք» տրամադրելն անթույլատրելի է, ես գիտեմ` ինչ է Թուրքիան ուզում. Քոչարյան
ՌԴ-ի հետ հարաբերությունների խորացում, Ադրբեջանի հետ հակամարտության դադար. ՀԱԿ-ի ծրագրից
Ինչպես կարող ենք գոյատևել այս վտանգավոր խաչմերուկում. Զոհրաբյանը` իրենց նպատակների մասին
Գարիկ Միսակյան

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

64
(Թարմացված է 17:20 19.06.2021)
Իրանագետ Գարիկ Միսակյանը Sputnik Արմենիայի եթերում անդրադարձել է Իրանում տեղի ունեցած նախագահական ընտրություններին և հայ-իրանական հարաբերություններին։
«Իրանը կարող է զսպել Սյունիքում ադրբեջանա-թուրքական ակտիվության ճիգերը». Միսակյան

Պահպանողական էբրահիմ Ռաիսին կարող է ավելի կոշտ դիրքորոշում որդեգրել Ադրբեջանի նկատմամբ և Հայաստան-Իրան հարաբերությունները նոր հարթություն տեղափոխել։ Sputnik Արմենիայի հետ զրույցում նման կարծիք հայտնեց իրանագետ Գարիկ Միսակյանը։

«Իրանում մինչ Ռայիսիի ընտրվելը և նախագահական ընտրությունները թե՛ խորհրդարանի, թե՛ փորձագիտական մակարդակում եղել են հայտարարություններ, Իրանի խորհրդարանի գիտական ուսումնասիրությունների կենտրոնը նաև զեկույց է հրապարակել, որտեղ նշվել է, որ Իրանի առաջնահերթություններից է լինելու տնտեսական հարաբերությունների բարելավումը Հայաստանի և Ադրբեջանի հետ»,- ասաց նա։

Նրա խոսքով` Իրանը տնտեսական ակտիվությամբ կփորձի կանխել թուրքական աննախադեպ ազդեցության աճն Ադրբեջանի Հանրապետության տարածքում, իսկ Հայաստանում` տարանցիկ ենթակառուցվածքներ ստեղծել և մեծացնել իր տնտեսական ազդեցությունը Սյունիքում։

«Սյունիքում իրանական ներկայության մեծացումը իրանական փորձագիտական շրջանակների կողմից կարևորվում է նրանով, որ Իրանը, տնտեսապես ակտիվանալով Սյունիքում, կարող է նաև որոշ չափով միջամտել Սյունիքի հետ կապված ադրբեջանա-թուրքական ձգտումներին»,- ընդգծեց Միսակյանը։

Նշենք, որ Իրանում նախագահական ընտրություններն անցկացվել են երեկ` հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

64
թեգերը:
Գարիկ Միսակյան, Իրանի Իսլամական Հանրապետություն, Սյունիքի մարզ, Հայաստան
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

55
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

55
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
Արմեն Չարչյան

Ինչու դատարանը չի հրապարակում Արմեն Չարչյանի վերաբերյալ որոշումը․ պաշտպանն իր վարկածն ունի

231
(Թարմացված է 23:57 19.06.2021)
Չարչյանի պաշտպանները հայտարարել էին, որ անգամ վարույթ իրականացնող մարմինը կասկած ունի, որ ձայնագրության մեջ լսվող ձայնը Արմեն Չարչյանինն է:

ԵՐԵՎԱՆ, 19 հունիսի – Sputnik. Երևան քաղաքի Ավան և Նոր Նորք վարչական շրջանների ընդհանուր իրավասության դատարանը «Իզմիրլյան» բժշկական կենտրոնի տնօրեն Արմեն Չարչյանի ձերբակալության իրավաչափության վերաբերյալ որոշումը պետք է հրապարակեր այսօր՝ ժամը 20։00-ին, սակայն հրապարակումից առաջ՝ ժամը 19։34-ին, պաշտպանները դատավորի օգնականից տեղեկացել են, որ նշանակված ժամին որոշման հրապարակումը տեղի չի ունենալու։ Տեղեկությունը հայտնում է Չարչյանի պաշտպան Էրիկ Ալեքսանյանը։

«Իսկ թե կոնկրետ երբ կհրապարակվի դատական ակտը, դատավորի աշխատակազմից որևէ տեղեկություն չի հաղորդվել և չի հաղորդվում մինչ այս պահը: Այս ամենը թույլ է տալիս պաշտպանության կողմին ողջամտորեն ենթադրելու, որ դատարանի նկատմամբ հենց այս պահին բիրտ ճնշումներ են գործադրվում իշխանության համար ցանկալի որոշում կայացնելու առումով։ Սա ևս մեկ անգամ հաստատում է այն հանգամանքը, որ պարոն Չարչյանի նկատմամբ իրականացվում է քաղաքական հետապնդում։ Հորդորում ենք դատավորին հավատարիմ մնալ իր երդմանը, մերժել բոլոր տեսակի ճնշումները և գործել բացառապես օրենքով»,- Facebook-ի իր էջում գրել է նա։

Նշենք, որ այսօր դատարանում տեղի էր ունեցել Արմեն Չարչյանի ձերբակալության դեմ բողոքի քննությունը:

Գործով քննիչը և դատախազը չէին ներկայացել դատական նիստին։ Քննության ավարտից հետո պաշտպանները հայտնել էին, որ Չարչյանի ձերբակալության իրավաչափության վերաբերյալ դատական ակտը կհրապարակվի 20։00-ին։

Չարչյանի պաշտպաններ Էրիկ Ալեքսանյանը և Արամ Վարդևանյանը լրագրողների հետ զրույցում հայտարարել էին, որ գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Նրանք արձանագրել էին, որ վարույթ իրականացնող մարմինը երեկ որոշում է կայացրել ձայնագրային փորձաքննություն նշանակելու մասին և ի թիվս այլ հարցերի հարց է առաջադրել` արդյո՞ք այդ ձայնագրության մեջ խոսող անձն Արմեն Չարչյանն է: Ըստ նրանց` ստացվում է, որ անգամ վարույթ իրականացնող մարմինը կասկած ունի, որ այդ անձն Արմեն Չարչյանն է:

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

231
թեգերը:
Դատարան, Արմեն Չարչյան, Հայաստան
Ըստ թեմայի
Պրոֆեսոր Չարչյանը պետք է անհապաղ ազատ արձակվի. Արա Բաբլոյան
Գորիսի «Գուսան Աշոտ» մշակույթի կենտրոնի տնօրենը կալանավորվել է
Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է