Բենիամին Պողոսյան

Վերջին 101 տարվա ընթացքում սա մեզ համար ամենածանր վիճակն է. ինչ պետք է անի Հայաստանը

79
Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանը Sputnik Արմենիայի եթերում անդրադարձել է Մերձավոր Արևելքում և Հարավային Կովկասում ստեղծված իրավիճակների համեմատական նկարագրությանը։ 
Պողոսյան. «Անհրաժեշտ է նախևառաջ մի կողմ թողնել ներքին տարաձայնությունները»

Բենիամին Պողոսյանի համոզմամբ` Հայաստանը ստեղծված իրավիճակում պետք է վարվի Իսրայելի պես. այդ երկրի քաղաքական ուժերը և քաղաքական վերնախավը մի բանում միասնական են, այն է` եթե որևէ բան սպառնում է Իսրայելի կենսական շահերին, ապա դրա դեմ անհրաժեշտ է պայքարել հնարավոր բոլոր մեթոդներով։

«Հրեաները որևէ մեթոդի առջև կանգ չեն առնի և հաշվի չեն առնի այն հանգամանքը, թե այդ մեթոդը որքանով է համապատասխանում միջազգային նորմերին կամ ինչ արձագանք կարող է լինել միջազգային հանրության կողմից։ Այդ առումով` նույնիսկ միջազգային հումանիտար իրավունքը Իսրայելին բացարձակապես չի հետաքրքրում, հետևաբար շատ երկրներ, այդ թվում` Հայաստանը, սովորելու շատ բան ունեն Իսրայելից»,– նշեց Քաղաքական գիտության Հայաստանի ասոցիացիայի գործադիր տնօրենը։

Պողոսյանի կարծիքով` նման վարքագիծ ցուցաբերելու համար պետությունը պետք է ունենա համապատասխան ռեսուրսներ, և թեև յուրաքանչյուր երկիր այսպես թե այնպես` տիրապետում է որոշակի ռեսուրսների, կոնկրետ Հայաստանին նման վարքագիծը չէր խանգարի։ 

«Եթե խնդիրը վերաբերում է մեր կենսական շահերին, ապա մենք նույնպես պետք է մի կողմ դնենք միջազգային իրավունքն ու միջազգային հանրության արձագանքը, բայց իհարկե, գործելով մեր ռեսուրսների շրջանակում։ Նման իրավիճակում անհրաժեշտ է նախևառաջ մի կողմ թողնել ներքին տարաձայնությունները։ 1920 թվականի աշնանից հետո, երբ Առաջին Հանրապետությունը պարտվեց հայ–թուրքական պատերազմում, վերջին 101 տարվա ընթացքում սա մեզ համար ամենածանր վիճակն է»,– նշեց քաղաքագետը։

Պողոսյանի պնդմամբ` յուրաքանչյուր մարդ պետք է իր հնարավորությունների սահմաններում փորձի գոնե մեկ կաթիլ ավելացնել երկրի կենսական շահերի պաշտպանության գործում։  

Իսրայելը զորք կմտցներ Գազայի հատված, եթե անհրաժեշտություն լիներ. Նեթանյահու

Հիշեցնենք` Իսրայելի և Պաղեստինի սահմանին տիրող իրավիճակը սրվեց մայիսի 10-ի երեկոյան։ Մինչ օրս պաղեստինյան կողմից Իսրայելի ուղղությամբ արձակվել է ավելի քան 4 070 հրթիռ, որոնցից մոտ 600-ն ընկել են Գազայի հատվածում։

Վերջին տեղեկություններով` Իսրայելում 12 մարդ է զոհվել, ավելի քան 50-ը վիրավորվել են: Իսրայելական պատասխան ավիահարվածների հետևանքով զոհված պաղեստինցիների թիվը հասել է 230-ի, զոհերի թվում 65 անչափահաս կա: Վիրավորվել է ավելի քան 1,7 հազար մարդ։

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

79
թեգերը:
Մերձավոր Արևելք, Անդրկովկաս, Բենիամին Պողոսյան, Հայաստան
Ըստ թեմայի
Իսրայելի պաշտպանության բանակը հայտարարել է, որ ոչնչացրել է ՀԱՄԱՍ-ի թունելները
Գազայի հատվածից շուրջ 2900 հրթիռ է արձակվել Իսրայելի ուղղությամբ
Իսրայելն ավիահարվածներ է հասցրել Ռաֆախի և Գազայի հատվածում գտնվող շենքերին. տեսանյութ
Գագիկ Ծառուկյանը, Արման Աբովյանն ու Միքայել Մելքումյանը

«Քաղաքագետները չարաչար սխալվում են». ԲՀԿ–ն գնահատական կտա ընտրությունների վերաբերյալ

0
(Թարմացված է 15:03 21.06.2021)
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում անդրադարձել է հունիսի 20-ին կայացած արտահերթ խորհրդարանական ընտրությունների արդյունքներին։

Արման Աբովյանի խոսքով` խորհրդարան ԲՀԿ–ի չանցնելու հետ համակերպվել–չհամակերպվելու խնդիր ընդհանրապես չկա, քանզի իրենք երբեք մանդատակռիվ չեն արել, և մանդատը բնավ չի կարող հանդիսանալ պարտադիր պայման հայրենիքին ծառայելու համար։

«Չարաչար սխալվում են քաղաքագետները կամ այն մարդիկ, որոնք կարծում են, որ ԲՀԿ–ն այնքան էլ հակված չէր խորհրդարան անցնել ընտրարշավի փուլից սկսած։ Մենք առավել քան ակտիվ քարոզարշավ էինք իրականացնում, սակայն միտումնավոր չմտանք ատելության ու լարվածության գեներացման դաշտ»,– նշեց «Բարգավաճ Հայաստան» խմբակցության քարտուղարը։

Անդրադառնալով այն հարցին, թե ինչու ԲՀԿ–ն չանցավ խորհրդարան, Աբովյանն ընդգծեց, որ պատճառը ռադիկալիզացիան էր, ինչին միշտ իրենք եղել են դեմ, սակայն այս ընտրություններում հաղթեց հենց այդ երևույթը։ Ըստ նրա` ԲՀԿ–ն շարունակելու է կուսակցական գործունեությունը, պետականամետ ու հայապահպան գործունեությունը, և այդ առումով նախագծերում ոչ մի էական փոփոխություն չկա։

Աբովյանի կարծիքով` երբ ընտրախախտումների հետ կապված պատկերն ավելի հստակ կլինի, այդժամ ԲՀԿ–ի քաղխորհուրդը կհավաքվի ու կտա գնահատական կայացած ընտրությունների վերաբերյալ։    

Հիշեցնենք` հունիսի 20-ին Հայաստանում քվեարկություն է անցկացվել 2008 ընտրատեղամասերում։

Հայաստանում ընտրելու իրավունք ունեցող 2 593 572 քաղաքացիներից արտահերթ ընտրություններին մասնակցել է 1 281 174–ը կամ 49.4 տոկոսը։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Փաշինյանի կուսակցության արդյունքները չեն արտացոլում ՀՀ–ում տիրող իրական վիճակը․ փորձագետ

0
թեգերը:
Արման Աբովյան, ՀՀ Ազգային ժողով, ԱԺ, Բարգավաճ Հայաստան կուսակցություն (ԲՀԿ)
Ըստ թեմայի
Եթե իշխանությունը Սյունիք մտած թուրքի դեմ չի կռվում, ռուսը պիտի ասի՝ չէ, կռվե՞նք. Աբովյան
«Բարգավաճ Հայաստանը» միանում է ԱԺ արտահերթ նիստ հրավիրելու նախաձեռնությանը
Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին
Վարդան Այվազյան

Ինչ կլինի, եթե «Հայաստան» դաշինքը որոշի հրաժարվել մանդատներից. բացատրում է սահմանադրագետը

96
(Թարմացված է 14:38 21.06.2021)
Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանը Sputnik Արմենիայի եթերում անդրադարձել ընտրական գործընթացին առնչվող սահմանադրական որոշ իրողությունների։

Վարդան Այվազյանի դիտարկմամբ` սահմանադրական մեծամասնության կողմից կառավարություն ձևավորելու իրավունքն ամրագրված է Ընտրական օրենսգրքով, եթե տվյալ քաղաքական ուժն ընտրություններում ստացել է քվեների առնվազն 54 տոկոսը։ Ըստ նրա` դեռ վաղ է կարծիք հայտնել ընտրությունների վերաբերյալ, քանի դեռ հայտնի չեն «Հայաստան», «Պատիվ ունեմ» դաշինքի և մյուս ուժերի մոտեցումները: Նրանք կարող են բողոքարկել ընտրությունների արդյունքները և բացառված չէ, որ խորհրդարան անցած ընդդիմադիր ուժերն ընդհանրապես հրաժարվեն մանդատներից և առաջանա նոր քաղաքական ճգնաժամ։

«Այդ դեպքում խորհրդարանը կազմված կլինի միայն մեկ քաղաքական ուժից, որն, ըստ էության, կունենա լեգիտիմության հետ կապված խնդիր ու կհայտնվի ճգնաժամային իրավիճակում։ Բայց պետք է հստակեցվի, թե ինչպիսի դիրքորոշում կցուցաբերեն հիմնական ընդդիմադիր միավորները։ Իրավական տեսակետից` սկզբում ընտրված պատգամավորներն են հրաժարվում մանդատից, այնուհետև ցուցակից դուրս գալու դիմում են գրում մյուսները։ Սա տեխնիկական կողմն է։ Եթե քաղաքական ուժը որոշի հրաժարվել մանդատներից, դա իրավական առումով իրագործելի է, որևէ խոչընդոտ չկա»,– նշեց իրավագետը։

Այվազյանի կարծիքով` ընտրություններին մասնակցած հաջորդ ուժերը չեն կարող մանդատ ստանալ, նման ընթացակարգ գոյություն չունի, քաղաքական ուժն Ազգային ժողով անցնելու համար պետք է հաղթահարի օրենքով սահմանված անցողիկ  շեմը կուսակցությունների համար` 5 տոկոս, դաշինքների համար` 7 տոկոս։ Ըստ նրա` եթե «Հայաստան» դաշինքը չհրաժարվի մանդատներից, ապա այս խորհրդարանում կլինի 105 պատգամավորի տեղ, որովհետև 101 տեղը նախատեսում է Սահմանադրությունը, որին գումարվում են չորս պատգամավորներն ազգային փոքրամասնություններից։

ԿԸՀ–ն արձանագրություն կազմեց. Մուկուչյանը հայտնեց ընտրությունների նախնական արդյունքները

Իրավագետի խոսքով` Ընտրական օրենսգիրքը նախատեսում է, որ իշխանության և ընդդիմության փոխհարաբերակցությունը չի կարող լինել ավելին, քան 2/3–ը 1/3–ից։ Որքան էլ իշխանությունը ցանկանա ձայն ստանալ, ընդդիմությունը պետք է կազմի խորհրդարանի առնվազն 1/3-ը։ Եթե ամեն ինչ ընթանա իր հունով և զարգացումներ չլինեն, ապա ԱԺ–ն կունենա 105 պատգամավոր, որի 58 տոկոսը կկազմեն իշխանության ներկայացուցիչները։

Հիշեցնենք` հունիսի 20-ին Հայաստանում քվեարկություն է անցկացվել 2008 ընտրատեղամասերում։

Հայաստանում ընտրելու իրավունք ունեցող 2 593 572 քաղաքացիներից արտահերթ ընտրություններին մասնակցել է 1 281 174–ը կամ 49.4 տոկոսը։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

96
թեգերը:
ԱԺ, խորհրդարան, Ընտրություններ, Վարդան Այվազյան (սահմանադրագետ)
Ըստ թեմայի
Նիկոլ Փաշինյանը քվեարկության արդյունքների ամփոփումից հետո գրառում է արել
Քվեարկության արդյունքները 08։00-ի դրությամբ․ ամփոփվել են 1997 ընտրատեղամասի արդյունքները
ՀԱՊԿ ԽՎ-ն Հայաստանում չի հայտնաբերել թերություններ, որոնք կարող էին ազդել քվեարկության վրա