ատոմ մարգարյան, պետական պարտք, հայաստան, atom margaryan, novosty armenii, petakan partq
Ատոմ Մարգարյան

Եթե ցանկանում եք երկիրը փլուզել ներսից` պարտք տվեք, կամ ինչ է պետք անել պետական պարտքի հետ

52
(Թարմացված է 18:47 02.06.2021)
Տնտեսագետ Ատոմ Մարգարյանը Sputnik Արմենիայի եթերում անդրադարձել է Հայաստանի պետական պարտքի ավելացման դրդապատճառներին ու միտումներին։
Մարգարյան. «Պետական պարտքի ավելացումը ոչ մի լավ բան չի խոստանում»

Ատոմ Մարգարյանի դիտարկմամբ` պետական պարտքի աճը վերջին տարիներին գրանցել է թռիչքաձև աճ, ինչը, սակայն, պայմանավորված է օբյեկտիվ պատճառներով։ Ըստ նրա` համավարակն ու լոքդաունները, տնտեսության արգելափակումը, արտաքին շուկաների հետ կապերի խզումն են հանգեցրել առկա իրավիճակին։

Տնտեսությունը լիարժեք չի աշխատում, պետական բյուջեի եկամուտները էլ չեն համալրվում, ուստի հավասարակշռությունը պահպանելու համար Փաշինյանի կաբինետը գնացել է լայնածավալ արտաքին և ներքին փոխառությունների ճանապարհով, ինչի արդյունքում աճել են արտաքին ու ներքին պարտքը։

«Պետական բյուջեի դեֆիցիտը փաստորեն գերազանցել է կայունության սահմանագիծը, որը սովորաբար դիտարկվում է 3 տոկոսի չափով, բայց մեր պարագայում 5,5 տոկոս է, և կանխատեսումները ցույց են տալիս, որ նման տեմպերի պահպանման դեպքում այն ավելի կաճի։ Երկրորդ գործոնը արցախյան 44-օրյա պատերազմն է և ստեղծված իրավիճակում առաջացել են ֆորսմաժորային ներարկումներ անելու հնարավորություններ ու պարտադրանքներ։ Անկախ ամեն ինչից` պետական պարտքի ավելացումը ոչ մի լավ բան չի խոստանում»,– նշեց տնտեսագետը։

Մարգարյանը վկայակոչեց գնդապետ Դանի նոթերի այն հատվածը, ըստ որի` եթե ցանկանում եք երկիրը փլուզել ներսից` պարտք տվեք։

Ըստ նրա`ստեղծված իրավիճակում անհրաժեշտ է ունենալ եկամուտներ գեներացնելու հնարավորություններ, որպեսզի ոչ միայն զարգանա տնտեսությունը և լուծվեն պաշտպանական, սոցիալական խնդիրները, այլև պատշաճ ձևով սպասարկվեն արտաքին ու ներքին պարտքը։ 

Տնտեսագետի խոսքով` արտաքին աղբյուրներից, ինստիտուցիոնալ դոնորներից հնարավորինս ներգրավվել է պարտք, որոնք Արժույթի միջազգային հիմնադրամի և Համաշխարհային բանկի տրամադրած վարկերն են։

Գումարները բացառապես տրամադրվում են որոշակի ծրագրերի իրականացման նպատակով, բայց տնտեսագետը չի կարծում, որ փող կտան ՀՀ կառավարությանը, որպեսզի լուծի իր ծախսային խնդիրները։ Նրա կարծիքով` պետական պարտքը պետք է սպասարկվի հավուր պատշաճի, բայց քանի որ չկա արդյունավետորեն կառավարվող բարձր արտադրողական և մեծածավալ արտահանումներ ունեցող տնտեսական համակարգ, ուստի կառավարությունը փորձում է այդ ամենն անել ներքին աղբյուրների հաշվին, ինչը լավ բան չի խոստանում կայունության առումով։   

Ռազմական ծախսերը պարտքո՞վ են արել. ինչու է աճում պետական պարտքն ըստ տնտեսագետի

Հիշեցնենք` ՀՀ ֆինանսների նախարարի պաշտոնակատար Ատոմ Ջանջուղազյանն ԱԺ–ում 2020 թվականի պետական բյուջեի կատարմանն առնչվող քննարկումների ժամանակ հայտնել էր, որ Հայաստանի պետական պարտքը կազմում է 7 միլիարդ 968 միլիոն դոլար, որից 7 միլիարդ 509 միլիոնը կառավարության պարտքն է, իսկ մնացածը` Կենտրոնական բանկինը։

ՀՀ ֆինանսների նախարարի պաշտոնակատարի հայտարարության համաձայն` կառավարության պարտքում արտաքին պարտքի մասնաբաժինը կազմել է 5 միլիարդ 593 միլիոն դոլար, ներքին պարտքը` 1 միլիարդ 915 միլիոն։ 

Հայաստանի պետական պարտքն ավելացել է 647,2 մլն դրամով

52
թեգերը:
Ատոմ Մարգարյան, տնտեսություն, պետական պարտք, Հայաստան
Ըստ թեմայի
2021 թ.–ի առաջին ամիսների տնտեսական ցուցանիշները լավատեսություն չեն ներշնչում. տնտեսագետ
Արտաքին պարտքի ավելացումը՝ գնաճի «հարուցիչ». ինչո՞վ է զբաղված կառավարությունը
Գնաճը Հայաստանում կվերադառնա կանխատեսված միջակայք. Մարգարյան
Նիկոլ Փաշինյան. արխիվային լուսանկար

«Պողպատե մանդատ» և հաշտության մեկնած ձեռք. կհաջողվի՞ Փաշինյանին համախմբել ընդդիմադիրներին

65
Կոնֆլիկտների կառավարման մասնագետ Արթուր Մարտիրոսյանը Sputnik Արմենիայի եթերում խոսել է Նիկոլ Փաշինյանի` ընդդիմադիրների հետ հաշտության առաջարկի մասին։
«Պողպատե մանդատ» և հաշտության մեկնած ձեռք. կհաջողվի՞ Փաշինյանին համախմբել ընդդիմադիրներին

Ընդդիմադիր ճամբարի և գործող իշխանության միջև համերաշխ գործակցությունը գրեթե անիրատեսական է, քանի որ ընդամենը օրեր առաջ միմյանց բնութագրում էին «դավաճան», «կապիտուլյանտ», «թալանչի», «մարդասպան» բառերով ։ Sputnik Արմենիայի հետ զրույցում նման կարծիք հայտնեց կոնֆլիկտների կառավարման մասնագետ Արթուր Մարտիրոսյանը։ 

«Չեմ պատկերացնում, որ այդպիսի համագործակցություն մենք կտեսնենք ապագայում, չնայած խորհրդարանական դիվանագիտության հարթակում այն ինչ-որ ձևով հնարավոր է, բայց երկու ճամբարների միջև համերաշխություն չի կարող լինել»,- ասաց նա։

Նրա կարծիքով` Փաշինյանի հայտարարությանը պետք է հաջորդեին կոնկրետ գործողություններ, որոնք գոնե մինչ այս պահը տեսանելի չեն, իսկ դրանց բացակայության դեպքում հաշտության հայտարարությունը այդպես էլ կմնա օդում։

«Ինքը պետք է փոխի իր ամբողջ հռետորաբանությունը, որը չի կարող անել, իր ընտրազանգվածը սպասում է, որ ինքը պետք է պողպատ ցույց տա»,- ընդգծեց մասնագետը։ 

Նրա խոսքով` եթե նույնիսկ ինչ-որ պահի կողմերն իրար հաշտության ձեռք մեկնեն, հաջորդ ընտրություններում երկու քաղաքական ուժերի ընտրազանգվածն էլ զգալի կկրճատվի, քանի որ ընտրողների մի մասը սպասում է «պողպատե մանդատի» գործարկմանը, մյուսները`«նախկինների» աշխատանքին։ 

«Հեռանում եմ, քանի որ Շուշին ինձ համար դժգույն քաղաք չէր». Աղբալյանն ազատման դիմում է գրել

Միաժամանակ` հատկապես ընդդիմադիր թևում գրեթե համոզված են, որ հաջորդ արտահերթ ընտրությունները «յոթ սարի հետևում չեն»։

«Եթե նստեն, սկսեն բանակցել կարող է և այդքան դժվարությամբ ձեռք բերած 21-22 տոկոս ձայներն էլ կորցնեն, բայց քանի որ իրենք համոզված են, որ նոր ընտրություններ լինելու են, հետևաբար նման քայլի չեն գնա»,- ասաց Հարությունյանը։

Նշենք, որ հունիսի 22–ից Նիկոլ Փաշինյանն ընդունում է խորհրդարան չանացած կուսակցությունների ղեկավարներին։

Նա արդեն ընդունել է «Հանրապետություն» կուսակցության նախագահ Արամ Սարգսյանին, նորաստեղծ «Արդար Հայաստան» կուսակցության նախագահ Նորայր Նորիկյանին, Շիրինյան-Բաբաջանյան դաշինքից՝ Լևոն Շիրինյանին և Արման Բաբաջանյանին, Սամվել Բաբայանին, ՔՈ վարչության անդամ Սուրեն Սահակյանին, նաև Տիգրան Ուրիխանյանին՝ «Մեր տունը Հայաստանն է» քաղաքական ուժի ղեկավար, Պահպանողական կուսակցության նախագահ Միքայել Հայրապետյանին, Տիգրան Արզաքանցյանին, Դավիթ Սանասարյանին։

Հիշեցնենք, որ հունիսի 21-ի հանրահավաքի ժամանակ Նիկոլ Փաշինյանը երկխոսության կոչ էր արել բոլոր «սեգմենտներին», որոնց հետ մինչ այդ բանավեճ է ունեցել։ Այս հրավերը որոշ ուժեր, օրինակ, «Ազգային ժողովրդական բևեռը» և Կարին Տոնոյանի «5165» շարժումը, մերժել են:

Կադրային ջարդեր լինելու են, մեզ տվեք կադրային ջարդն անելու մանդատը. Փաշինյան

65
թեգերը:
Ռոբերտ Քոչարյան, Ընտրություններ, ընդդիմություն, Իշխանություն, Նիկոլ Փաշինյան
Արմեն Մանվելյան

Ինչ կտա Իրանի պատժամիջոցների չեղարկումը ՀՀ-ին. փորձագետը՝ նոր հնարավորությունների մասին 

34
(Թարմացված է 23:58 24.06.2021)
Իրանագետ, էներգետիկ փորձագետ Արմեն Մանվելյանը Sputnik Արմենիայի եթերում նշել է, որ  Արևմուտքի կողմից Իրանի նկատմամբ կիրառված պատժամիջոցների չեղարկումը որոշակի հնարավորություններ է բացում նաև Հայաստանի համար։
Ինչ կտա Իրանում պատժամիջոցների չեղարկումը Հայաստանին. փորձագետը`նոր հնարավորությունների մասին

Ամերիկյան պատժամիջոցների չեղարկումը նոր թափ կհաղորդի Իրանի տնտեսության զարգացմանը և կընդլայնի այլ երկրների հետ համագործակցության հնարավորությունները։ Sputnik Արմենիայի հետ զրույցում նման կարծիք հայտնեց իրանագետ, էներգետիկ փորձագետ Արմեն Մանվելյանը։

«Մեխանիկորեն այդ պատժամիջոցների տակ էին ընկնում բոլոր այն երկրները, որոնք էներգետիկ բնագավառում փորձում էին համագործակցել Իրանի հետ։ Հիմա այդ սահմանափակումները կհանվեն ոչ միայն Իրանի, այլ այն երկրների և ընկերությունների նկատմամբ, որոնք սկսել են համագործակցել ԻԻՀ հետ էներգետիկայի, նավթի և գազի բնագավառում»,- ասաց նա։

Նրա խոսքով` սահմանափակումների վերացումը որոշակի հնարավորություններ է ստեղծում նաև Հայաստանի`հատկապես Հայաստան-Իրան գազամուղի գործարկման համար, որն աշխատում է իր հզորության ընդամենը 10-15 տոկոսով։

«Սա թույլ կտա նաև գազամուղն ավելի լայն թափով աշխատացնելու, «Հայաստան-Իրան. գազ էլեկտրաէներգիայի դիմաց» ծրագիրն ավելի խորքային իրականացնելու համար»,-նշեց նա։

Հիշեցնենք` մայիսի 20-ին Իրանի նախագահ Հասան Ռոհանին հայտարարեց, որ Վիեննայում իրանական միջուկային ծրագրի շուրջ բանակցություններում Արևմուտքի ներկայացուցիչները համաձայնվել են չեղյալ հայտարարել Իրանի դեմ հիմնական պատժամիջոցները նավթի, նավթաքիմիայի արտադրանքի, փոխադրման և ապահովագրման ոլորտում, ինչպես նաև Իրանի Կենտրոնական բանկի նկատմամբ: 

Լավրովը համարում է, որ ԱՄՆ-ում ՌԴ-ի դեմ պատժամիջոցների մասին շիզոֆրենիկ նոտաներ են հնչում

34
թեգերը:
պատժամիջոցներ, Իրանի Իսլամական Հանրապետություն, Հայաստան
Ըստ թեմայի
Իրանի դեմ կիրառված պատժամիջոցները չծառայեցին իրենց գերնպատակին. Տոնոյան
Եվրամիությունն ընդլայնել է Իրանի դեմ պատժամիջոցները
Բայդենը Ռուսաստանի դեմ պատժամիջոցներ սահմանելու մասին հրամանագիր է ստորագրել
Նախընտրական պաստառներ Երևանի կենտրոնում

Ե՞րբ կհանեն «թեկնածուական» գովազդները. պարզաբանում են պատասխանատուները

0
(Թարմացված է 12:54 24.06.2021)
Ընտրություններն անցյալում են։ Որքան կարող են Երևանի փողոցներում կախված մնալ նախընտրական պաստառները։

 

ԵՐԵՎԱՆ, 25 հունիսի – Sputnik, Նանա Մարտիրոսյան. Այս խորհրդարանական ընտրությունները նախորդներից տարբերվեցին ոչ միայն մասնակցող քաղաքական ուժերի առատությամբ, այլև քարոզարշավի համար ծախսած միջոցներով ու նախընտրական գովազդի քանակով։ Քաղաքական ուժերը նախընտրական արշավի համար գումար չխնայեցին` բոլորից շատ ծախսել էր «Քաղաքացիական պայմանագիր» կուսակցությունը` 373 մլն դրամ, իսկ «Ազատական» կուսակցությունը չէր ծախսել և ոչ մի լումա։

ՀՀ պատմության ամենաանկանխատեսելի ընտրություններն էին. Փաշինյան

ԿԸՀ–ն Հայաստանի ողջ տարածքում հաստատել էր 495 գովազդային վահանակի տեղադրում։ Բնականաբար, դրանց մեծ մասը կենտրոնացած է Երևանում։ Արտաքին գովազդի արժեքը` կախված տեղից և չափերից, տատանվում էր 5.000-2.000.000 դրամի սահմաններում։

Агитационный баннер партии Гражданский договор в Ванадзоре
© Sputnik / Aram Nersesyan
Նիկոլ Փաշինյանի նախընտրական պաստառը

Ընտրություններն անցան, եթերում այլևս քաղաքական գովազդներ չկան, սակայն քաղաքի փողոցներում գովազդային վահանակների, ստենդերի և կանգառում տեղադրված բաներների վրա շարունակում են կախված մնալ այս կամ այն ուժի համար քվեարկելու կոչերը։ Քաղաքացիներից շատերը բողոքում են`գովազդը աչք է ծակում։

Sputnik Արմենիայի թղթակիցը ԿԸՀ քարտուղար Արմեն Սմբատյանից հետաքրքրվել է, թե որքան ժամանակ կարող է  կախված մնալ թեկնածուների և կուսակցությունների գովազդը։ Սմբատյանն ասաց, որ ընտրություններից հետո իրենց գերատեսչության լիազորությունները գովազդի ծավալի նկատմամբ սպառվում են։

Агитационный баннер партии Просвещенная Армения в Еревaне
© Sputnik / Aram Nersesyan
Էդմոն Մարուքյանի նախընտրական պաստառը

Արտաքին գովազդով զբաղվող գործակալություններից մեկում ասացին, որ քաղաքական ուժերի հետ պայմանագրերը հիմնականում կնքվել են մեկ ամսով` քարոզարշավի մեկնարկի օրվանից սկսած, կամ երկու շաբաթով` միայն նախընտրական քարոզարշավի ժամանակահատվածի համար։ Դեռ շուրջ երկու շաբաթ գովազդային վահանակները կարող են մնալ, բայց հետո դրանք կհանվեն, քանի որ այժմ արտաքին գովազդի համար ամենապիկ սեզոնն է։

Քաղաքացիների ծայրահեղ հակադիր կարծիքները ընտրությունների արդյունքների մասին. տեսանյութ

«Ամառն ինքներս ենք շահագրգռված բաներները և վահանակները պայմանագրերի ավարտից հետո անմիջապես հանել, քանի որ, որպես կանոն, գները բարձրանում են և նույն տեղը կարելի է ավելի թանկ վաճառել», – նշեցին գործակալությունում։

Агитационный баннер блока Честь имею в Еревaне
© Sputnik / Aram Nersesyan
«Պատիվ ունեմ» դաշինքի նախընտրական պաստառը

Մեկ այլ գործակալությունում էլ պատմեցին, որ քաղաքական որոշ ուժեր արդեն իսկ դիմել են նախընտրական գովազդները հանելու համար, սակայն գործընթացը կարող է մեկ շաբաթից ավելի տևել` վահանակները շատ են, աշխատակիցները` քիչ։ Սակայն կան նաև այնպիսի կուսակցություններ, որոնք խնդրում են նախընտրական գովազդը փոխարինել «ամենօրյայով»։

«Քաղաքական ուժ կա, որը պահանջում է, որ գովազդը մնա մինչև պայմանագրում նշված վերջին օրը։ Նրանք դրա համար գումար են վճարել, և մենք պետք է կատարենք պայմանագրային պարտավորությունները», – ասացին գործակալությունից։

Рекламный баннер благотворительного фонда Тиграна Арзаканцяна на трассе M-4
© Sputnik / Aram Nersesyan
Տիգրան Արզաքանցյանի նախընտրական պաստառը

Միևնույն ժամանակ քաղաքապետարանի մամուլի ծառայությունից հայտնեցին, որ գովազդային բաներների և վահանակների վերահսկումն իրականացվում է առկա չափանիշների և մի շարք օրենքների համաձայն, և հնարավոր չէ պարտադրել, որ դրանք հանվեն։ Պայմանագրային պարտավորություններ են գործում գովազդի պատվիրատուի և գործակալության միջև, որոնք պետք է պահպանեն գովազդի տեղադրման ժամկետները։ Բայց քաղաքապետարանից խոստացան վերահսկել, որ քաղաքական գովազդը պայմանագրում նշված ժամկետից ավելի չմնա։

Агитационный баннер Демократической партии Армении в Еревaне
© Sputnik / Aram Nersesyan
Հայաստանի Դեմոկրատական կուսակցության նախընտրական պաստառը

«Գործակալություններն արդեն նախազգուշացված են, նախընտրական գովազդը (պայմանագրի ժամկետն ավարտված) հանելու գործընթացը մեկնարկել է երկուշաբթի օրվանից», – ասել են քաղաքապետարանի մամուլի ծառայությունում։

Агитационный баннер партии Процветающая Армении в Ванадзоре
© Sputnik / Aram Nersesyan
ԲՀԿ–ի նախընտրական պաստառը

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

0
թեգերը:
գովազդ, Ազգային ժողովի ընտրություններ, Հայաստան, Երևան
Ըստ թեմայի
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
«Էշեր». ընտրողի քվեարկությունը զարմացրեց հանձնաժողովականներին. տեսանյութ
Ընտրության արդյունքներն անկանխատեսելի էին. Փաշինյանը շարունակում է խորհրդակցությունները