Սուրեն Պարսյան

Կառավարությունը և դրսի ուժերը հարցման միջոցով Ամուլսարի հանքի մասին են ակնարկում. Պարսյան

71
(Թարմացված է 16:15 01.06.2021)
ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը Sputnik Արմենիայի եթերում անդրադարձել է ՀՀ Առևտրաարդյունաբերական պալատի և Մասնավոր ձեռնարկատիրության միջազգային կենտրոնի (Վաշինգտոն) անցկացրած հարցման արդյունքներին։ 
Պարսյան. «Ընտրական պայմաններում բիզնեսը սովորաբար սառեցնում է իր նախագծերը»

Սուրեն Պարսյանի դիտարկմամբ` ընտրությունները (առավել ևս արտահերթ) անորոշություն և լրացուցիչ ռիսկեր են ստեղծում բիզնեսի համար, և սովորաբար այսպիսի պայմաններում բիզնեսը սառեցնում է իր նախագծերը։ Հիմա այդ երևույթը Հայաստանում ունի լայն տարածում` հաշվի առնելով քաղաքական անորոշությունը և մոտակա ընտրությունները։

«Անկախ նրանից, թե ընտրություններում ինչ արդյունքներ կունենանք, ակնհայտ է, որ տնտեսական ակտիվությունը որոշակի ժամանակահատված շատ պասիվ է լինելու, ինչը պայմանավորված է ներդրումների կրճատմամբ ու լոգիստիկ տարբեր խնդիրներով, որոնք կարող են ի հայտ գալ մոտակա ամիսներին։ Այստեղ հիմնական նշանակություն կարող է ունենալ պետական համակարգի ինստիտուցիոնալ կառուցվածքը և արդյո՞ք պետությունն ի վիճակի է սպասարկել ներդրումային նախագծերը, կարո՞ղ է արագ լուծել դրանց համար թույլտվությունների տրամադրման հարցը»,– նշեց տնտեսագետը։

Պարսյանի խոսքով` այս պահին կառավարությունը հիմնականում ձախողում է նման գործընթացները, քանզի չի կարողանում սպասարկել փոքր ու միջին ներդրումային նախագծերը, ուր մնաց` խոշոր նախագծերի հարցը լուծի։

Ըստ նրա` մեր կառավարության և դրսի ուժերի ակնարկն այն է, որ այս տարի նրանք կշահագործեն Ամուլսարի հանքը, և այդ հանգամանքը կա հարցման հիմքում` նախանշելով այն իրողությունը, որ հանքի շահագործումը թույլ կտա լրացուցիչ ներդրումներ կատարել Հայաստանում` լուծելով նաև եկամուտների հարցը։

Տնտեսագետի համոզմամբ` հարցումն, ըստ էության, բուն բիզնեսի և տնտեսական ակտիվության իրական գնահատական չէ` հաշվի առնելով Հայաստանի պայմանները։ 

Ամուլսարը` Փաշինյանի պահուստային տարբերակ. Հայաստանը կնստի հանքարդյունաբերության ասեղի վրա

Նշենք, որ ՀՀ Առևտրաարդյունաբերական պալատը և մասնավոր ձեռնարկատիրության միջազգային կենտրոնն (Վաշինգտոն) անցկացրել են ներդումներին առնչվող հարցում։ Հարցված ձեռնարկությունների շուրջ 40 տոկոսը նշում է, որ պատրաստվում է կատարել անցած տարի հետաձգված ներդրումները, ևս 10 տոկոսը ցանկանում է ավելացնել դրանք:

Մնացած 50 տոկոսը մտադիր են ձեռնպահ մնալ ներդրումներից կամ կրճատել արդեն սկսված նախագծերը։ 

Ո՞ր դեպքում Ամուլսարի վերաբերյալ որոշում կկայացվի. պատասխանում է Սուրեն Պապիկյանը

71
թեգերը:
բիզնես, Սննդամթերք, Հայաստան
Ըստ թեմայի
Ինչով է պայմանավորված սննդամթերքի գնաճը. պարզաբանում է տնտեսագետը
ԿԲ–ի խուճապային տրամադրություն առաջացնող քայլը կարճաժամկետ էֆեկտ ունեցավ. Պարսյան
Գնաճն է պատճառը. տնտեսագետը բացատրել է, թե ինչի հաշվին են աճել հարկային մուտքերը
Ահարոն Վարդանյան

Հայ-իրանական օրակարգն ամբողջովին պետք է վերանայել. Ահարոնյան

51
(Թարմացված է 09:39 21.06.2021)
Իրանագետ Ահարոն Վարդանյանը Sputnik Արմենիայի հետ զրույցում նշել է, որ հայ-իրանական հարաբերությունների կարգավորումը օրվա հրամայականներից է և պետք է ամբողջովին վերանայել մեր հարավային հարևանի հետ ունեցած օրակարգը։
«Իրանի նոր իշխանությունների հետ նոր հարաբերություններ կառուցելը ՀՀ օրվա հրամայականներից է». Ահարոնյան

Վերջին 3 տարում հայ-իրանական հարաբերությունները գտնվում ենք տուրբուլենտության գոտում, մեզ մոտ վայրիվերումներ են և դեռ պարզ չէ` երբ կհանդարտվի այդ վիճակը, որ կարողանանք Իրանի նոր իշխանությունների հետ լավ հարաբերություններ կառուցել։ Sputnik Արմենիայի հետ զրույցում նման կարծիք հայտնեց իրանագետ Ահարոն Վարդանյանը։

«Անկախ օրվա իշխանություններից` պետք է զարգացնել և մեծ ծավալով առաջ տանել կենսական նշանակություն ունեցող հայ-իրանական հարաբերությունները։ Այստեղ խնդիրը պետք է ոչ թե իրանական կառավարության մեջ փնտրել, այլ մեր»,- ասաց նա։

Այն, որ Հայաստանը կարիք ունի Իրանի նոր իշխանությունների հետ նոր հարաբերություններ կառուցելու, ակնհայտ է բոլորին։ Ահարոնյանն ասում է` մենք չենք կարող մեզ այնպիսի ճոխություն թույլ տալ, որ հրաժարվենք մեր հարավային սահմանից։ 

«Երկու սահման ունենք` հյուսիս և հարավ։ Հյուսիսը կարող է փակվել թուրք-ադրբեջանական տանդեմի պահանջների հետևանքով, ինչին մենք երբեմն-երբեմն ականատես ենք լինում, իսկ մեր հարավային սահմանակից պետության հետ, փաստորեն, 3 տարի է` չունենք նորմալ օրակարգ»,- նշեց Ահարոնյանը։

Նրա խոսքով` Իրանի նորընտիր նախագահ Էբրահիմ Ռաիսին կփորձի ուժեղացնել իր տնտեսական ակտիվությունը նաև Ադրբեջանում` այդպիսով թուլացնելով հատկապես վերջին շրջանում Թուրքիայի ներկայությունն այնտեղ։

Նշենք, որ Հայաստանում ևս ընտրություններ են, արդյունքների մասին դեռ ամբողջական տեղեկություն չի հրապարակվել։

Իրանում նախագահական ընտրություններն անցկացվել են հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

Ռոբերտ Քոչարյանի գլխավորած «Հայաստան» դաշինքը հայտարարություն է տարածել

51
թեգերը:
Ազգային ժողովի ընտրություններ, Հայաստան, Իրանի Իսլամական Հանրապետություն, իրանագետ
Ըստ թեմայի
Կտրուկ շրջադարձ. Իրանում կառուցվելիք տրանսպորտային միջանցքը կանցնի Հայաստանի տարածքով
«Իրանն Ադրբեջանի վրա ազդելու մեծ լծակներ ունի». Վարդանյանը` Զարիֆի այցի մասին
Ի՞նչն է թևեր տալիս Իրանին. Վարդանյանը` մեր հարևանի կոշտ հռետորաբանության մասին
Լարիսա Ալավերդյան

ՀՀ–ն և Արցախը փախստականների հարցով չեն դիմել միջազգային կառույցներին. Ալավերդյան

32
Հայաստանի առաջին օմբուդսման, «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանը Sputnik Արմենիայի եթերում անդրադարձել է Արցախյան 44-օրյա պատերազմի արդյունքում փախստական դարձած մարդկանց խնդիրներին։
Ալավերդյան. «Արցախից բռնի տեղահանվածները չունեն փախստականի պաշտոնապես ամրագրված կարգավիճակ»

Լարիսա Ալավերդյանի դիտարկմամբ` մինչ օրս Արցախից բռնի տեղահանվածները չունեն փախստականի պաշտոնապես ամրագրված կարգավիճակ, ընդ որում` այդ կարգավիճակի մասին կամ միջազգային կոնվենցիա, որն ընդունվել է դեռ 1951 թվականին։ Ըստ նրա` կոնվենցիային կից արձանագրության ներքո պետք է դիտարկվեն վերոհիշյալ անձինք։

«Որքան ինձ հայտնի է, նրանց ոչ մի կարգավիճակ դեռ տրված չէ։ Նման դեպքերում մենք պետք է հստակեցնենք, թե փախստականներն ինչ են հայցում և ինչ է տվյալ դեպքում նախաձեռնում Հայաստանի հանրապետությունը` որպես այդ անձանց ընդունող կողմ։ Դրա մասին նույնպես չկա պաշտոնապես հայտարարված մոտեցում, ինչն էլ հիշյալ անձանց վիճակը դարձնում է այդքան անորոշ, մինչդեռ նրանք օգտվում են Հայաստանի և Արցախի հանրապետությունների կողմից հատկացվող օգնությունից»,– նշեց Ալավերդյանը։

Նրա կարծիքով` իրական վիճակն այն է, որ փախստականները մնում են անորոշության մեջ, և արդյո՞ք Հայաստանն ու Արցախը նախաձեռնելու են ինչ-որ քայլեր կամ դիտարկելու՞ են արդյոք իրենց մշտական բնակության վայրերից բռնի կերպով տեղահանված անձանց հարցը որպես ժամանակավոր խնդիր, թե՞ այդ մարդիկ, չստանալով իրենց հուզող հարցերի պատասխանները, բռնելու են արտագաղթի ճամփան։   

Հայաստանի առաջին ՄԻՊ–ի խոսքով` միջազգային հանրությունը նման խնդրի արձագանքում է միայն այն ժամանակ, երբ իրենց դիմում են, բայց Ալավերդյանի տեղեկացմամբ` ո՛չ Հայաստանը, ո՛չ էլ Արցախը նման հարցով պաշտոնապես չեն դիմել համապատասխան կառույցներին, մասնավորապես ՄԱԿ–ի փախստականների հարցերով զբաղվող հանձնակատարին։ Ըստ նրա` ստեղծված իրավիճակը էապես տարբերվում է նրանից, ինչ ունեցել ենք արցախյան առաջին պատերազմից հետո և մինչև անգամ դրանից առաջ։ 

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Ռուս խաղաղապահներն Արցախում մարդասիրական օգնություն են հասցրել բազմազավակ ընտանիքներին

 Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

44-օրյա պատերազմի արդյունքում Արցախի հանրապետության հազարավոր քաղաքացիներ դարձան անօթևան ու փախստական։

32
թեգերը:
Լարիսա Ալավերդյան, Փախստական, Պատերազմ, Լեռնային Ղարաբաղ, Արցախ
Նիկոլ Փաշինյան

Փաշինյանի կուսակցության արդյունքները չեն արտացոլում ՀՀ–ում տիրող իրական վիճակը․ փորձագետ

0
(Թարմացված է 12:57 21.06.2021)
Ռուս փորձագետը կարծում է, որ գլխավոր զարգացումները դեռ առջևում են. Փաշինյանի հաղթանակի մասին խոսելը դեռ վաղ է։

ԵՐԵՎԱՆ, 21 հունիսի – Sputnik. ՀՀ վարչապետի պաշտոնակատար Նիկոլ Փաշինյանի գլխավորած «Քաղաքացիական պայմանագիր» կուսակցության արդյունքները ԱԺ արտահերթ ընտրություններում անսպասելի էին, քանի որ կանխատեսվում էր, որ նա 40 տոկոսից շատ քվե չի հավաքի։ Սանկտ Պետերբուրգի համալսարանի պրոֆեսոր, փորձագետ Ստանիսլավ Տկաչենկոյի կարծիքը մեջբերում է ՌԻԱ Նովոստին:

«Սպասվում էր, որ Փաշինյանն առաջինը կլինի, բայց փորձագետներից քչերն էին կարծում, որ նա 40 տոկոսից շատ ձայն կհավաքի։ Որ նա ավելի քան 50 տոկոս է հավաքել, իհարկե անսպասելի էր»,-ասել է Տկաչենկոն։

Նրա խոսքով՝ դա մի քանի բացատրություն ունի։ «Գլխավորը պատերազմում պարտության գործոնն է և մարդկանց ինտուիտիվ, հոգեբանական ցանկությունը՝ առանց ցնցումների աջակցել գոյություն ունեցող իշխանությանը»,-նշել է Տկաչենկոն։

Երկրորդ գործոնը, քաղաքագետի կարծիքով, այն է, որ քիչ մարդիկ են մասնակցել ընտրությանը, և այդպիսով իշխանությունն առավելություն ունի, քանի որ նրանք, ովքեր իշխանության համար են քվեարկում, ընտրությունների գնում են, իսկ նրանք, ովքեր իշխանություններից հիասթափված են, չեն գնում։

«Ուստի չարժե համարել, որ այս ցուցիչն արտացոլում է Հայաստանում տիրող իրական վիճակը, թեև ակնհայտ է, որ այս պահին Փաշինյանը Հայաստանի ամենաազդեցիկ քաղաքական գործիչն է, բայց այնուամենայնիվ նրա հաղթանակի մասին խոսելը դեռ վաղ է»,-նշել է փորձագետը։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցեցին 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։

Ըստ օրենքի` եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

0
թեգերը:
Ընտրություններ, Նիկոլ Փաշինյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Փաշինյանը քաղաքական խորհրդակցություններ կսկսի
Նիկոլ Փաշինյանը քվեարկության արդյունքների ամփոփումից հետո գրառում է արել
Բաց ու թափանցիկ. ԱՊՀ դիտորդները լուրջ խախտումներ չեն արձանագրել ընտրությունների ընթացքում