Տարոն Հովհաննիսյան

Ինչո՞ւ է Ալիևն արհամարհում միջազգային կառույցների բանաձևերը, որն է սանձարձակության պատճառը

268
(Թարմացված է 11:53 30.05.2021)
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի դիրքորոշմանը, որով նա իր վերաբերումքն է արտահայտել միջազգային կառույցների բանաձևերի ու հայտարարությունների նկատմամբ։
Հովհաննիսյան. «Միջազգային կառույցները պետք է ստիպեն Ադրբեջանին հարգել իրենց հայտարարությունները»

Տարոն Հովհաննիսյանի կարծիքով` տվյալ դեպքում կարևոր է, թե ինչու է Ալիևը հիմքեր ստացել նման հայտարարություններ անելու համար, որովհետև նախկինում էլ, արցախյան պատերազմից առաջ էլ լինում էին հայտարարություններ կամ բանաձևեր եվրոպական երկրներից, Եվրոմիությունից, միջազգային կառույցներից, որոնք սակայն մնում էին թղթի վրա։ Ըստ Հովհաննիսյանի` Ալիևը սանձարձակ է, քանզի միջազգային բանաձևերը մեծամասամբ գործնական քայլերի չեն վերածվում և բացառություն են միայն Մարդու իրավունքների միջազգային դատարանի որոշումները։

«Եթե կա հայտարարություն, սակայն չկա գործնական քայլ, ապա Ալիևն այդ հանգամանքն ընդունում է որպես ազդանշան` շարունակելու իր որդեգրած վարքագիծը, հետևաբար նման հայտարարություններն իր քաղաքականության համար վտանգ չեն ներկայացնում»,– նշեց վերլուծաբանը։

Հովհաննիսյանի դիտարկմամբ` գործնական քայլ կարող է լինել օրինակ պատժամիջոցների կիրառումը, ինչն այսօր միջազգային ասպարեզում առկա ամենաազդեցիկ գործիքներից մեկն է, եթե ոչ լավագույնը։ Պատժամիջոցների կիրառումն Ադրբեջանի ղեկավարությանը կստիպի իրականացնել նշված հայտարարությունները, հակառակ դեպքում` Ալիևն ինքն իրեն այդքան էլ պարտավորված չի զգա։ 

Վերլուծաբանի համոզմամբ` ազդեցիկ խաղացողների, միջազգային կազմակերպությունների պարագայում կարևոր է նաև այն հանգամանքը, թե արդյո՞ք նրանք իսկապես ցանկանում են միջամտել, ունե՞ն արդյոք իրական ազդեցություն։ Հայտարարություններն, ըստ նրա, շատ ողջունելի են, բայց եթե ուզում են հասնել իրենց բանաձևերի կատարմանը, ապա պետք է ցույց տան Ադրբեջանին, որ իրենց հայտարարություններն արհամարհելը բացասական հետևանքներ կունենա Ադրբեջանի համար։ Հակառակ դեպքում` այդ հայտարարությունների արդյունավետությունը շարունակաբար կասկածի տակ կառնվի։        

Հիշեցնենք, որ Ադրբեջանի նախագահ Իլհամ Ալիևը մայիսի 28-ին այցելել էր Ակնա (Աղդամ)` մասնակցելու քաղաքի վերակառուցման հիմնարկեքին։ Նա հայտարարեց, որ արևմուտքում ընդունվող բանաձևերն ու հայտարարություններն իր քաղաքականության վրա չեն կարող ազդել։

Ոչ ոք Ալիևին «տհաճ հարցեր» չի տալիս. Սատանովսկին՝ հերոսների հուշարձանները քանդելու մասին

Ալիևը նշել էր, որ որոշ հայամետ երկրներ ինչ–ինչ հայտարարություններ են անում, դա իրենց գործն է, Եվրախորհրդարանն էլ հերթական բանաձևն է ընդունել սուտ տեղեկությունների հիման վրա։

Ադրբեջանի նախագահը շեշտել էր, որ երբեք այդ հայտարարությունների ու բանաձևերի վրա ուշադրություն չի դարձնում, դրանք իր համար կարևոր չեն։   

268
թեգերը:
Ադրբեջան, միջազգային կառույցներ, Իլհամ Ալիև
Ըստ թեմայի
Ալիևը կարծում է, որ խաղաղության համաձայնագրի համար ՀՀ-ն պետք է քաղաքական կամք ցուցաբերի
«Մենք պատրաստ ենք». Ալիևն անդրադարձել է ՀՀ–ի հետ հնարավոր պայմանագրի ստորագրմանը
Ալիևն ու Լուկաշենկոն քննարկել են հայ-ադրբեջանական սահմանին տիրող իրավիճակը
Գարիկ Միսակյան

Իրանը կարող է զսպել Սյունիքում ադրբեջանա-թուրքական ակտիվության ճիգերը. Միսակյան

78
(Թարմացված է 17:20 19.06.2021)
Իրանագետ Գարիկ Միսակյանը Sputnik Արմենիայի եթերում անդրադարձել է Իրանում տեղի ունեցած նախագահական ընտրություններին և հայ-իրանական հարաբերություններին։
«Իրանը կարող է զսպել Սյունիքում ադրբեջանա-թուրքական ակտիվության ճիգերը». Միսակյան

Պահպանողական էբրահիմ Ռաիսին կարող է ավելի կոշտ դիրքորոշում որդեգրել Ադրբեջանի նկատմամբ և Հայաստան-Իրան հարաբերությունները նոր հարթություն տեղափոխել։ Sputnik Արմենիայի հետ զրույցում նման կարծիք հայտնեց իրանագետ Գարիկ Միսակյանը։

«Իրանում մինչ Ռայիսիի ընտրվելը և նախագահական ընտրությունները թե՛ խորհրդարանի, թե՛ փորձագիտական մակարդակում եղել են հայտարարություններ, Իրանի խորհրդարանի գիտական ուսումնասիրությունների կենտրոնը նաև զեկույց է հրապարակել, որտեղ նշվել է, որ Իրանի առաջնահերթություններից է լինելու տնտեսական հարաբերությունների բարելավումը Հայաստանի և Ադրբեջանի հետ»,- ասաց նա։

Նրա խոսքով` Իրանը տնտեսական ակտիվությամբ կփորձի կանխել թուրքական աննախադեպ ազդեցության աճն Ադրբեջանի Հանրապետության տարածքում, իսկ Հայաստանում` տարանցիկ ենթակառուցվածքներ ստեղծել և մեծացնել իր տնտեսական ազդեցությունը Սյունիքում։

«Սյունիքում իրանական ներկայության մեծացումը իրանական փորձագիտական շրջանակների կողմից կարևորվում է նրանով, որ Իրանը, տնտեսապես ակտիվանալով Սյունիքում, կարող է նաև որոշ չափով միջամտել Սյունիքի հետ կապված ադրբեջանա-թուրքական ձգտումներին»,- ընդգծեց Միսակյանը։

Նշենք, որ Իրանում նախագահական ընտրություններն անցկացվել են երեկ` հունիսի 18–ին։ Հաղթել է դատական իշխանության ղեկավար Իբրահիմ Ռայիսին։

Իրանի գործող նախագահ Հասան Ռոհանին չէր առաջադրվել, քանի որ լրանում էր նրա պաշտոնավարման երկրորդ ժամկետը:

78
թեգերը:
Գարիկ Միսակյան, Իրանի Իսլամական Հանրապետություն, Սյունիքի մարզ, Հայաստան
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

59
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

59
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
Տիգրան Արզաքանցյան

Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները

0
(Թարմացված է 13:45 20.06.2021)
Տիգրան Արզաքանցյանը դիմել է քաղաքացիներին` նշելով, որ իրենց կուսակցության վերաբերյալ խախտումներ նկատելու դեպքում կապ հաստատեն իրենց հետ։

ԵՐԵՎԱՆ, 20 հունիսի – Sputnik. Հայաստանի Դեմոկրատական կուսակցության կողմից վարչապետի թեկնածու Տիգրան Արզաքանցյանն ահազանգում է, որ Երևանի ընտրատեղամասերից մեկում բացակայում են իրենց կուսակցության քվեաթերթիկները։ Նա ֆեյսբուքյան իր էջում է նման գրառում կատարել` հայտնելով այդ մասին։

«4/36 տեղամասում, Արաբկիր, թիվ 15 ՀԴԿ ընտրաթերթիկները բացակայում են»,–գրել է նա։

Նշենք, որ մեկ այլ գրառմամբ էլ Արզաքանցյանը դիմել է քաղաքացիներին` ասելով, որ եթե ինչ-որ բան են նկատել 15-ի կամ Դեմոկրատական կուսակցության դեմ, ապա կարող են կարող են կապ հաստատել իրենց հետ ֆեյսբուքյան էջի միջոցով կամ այլ աղբյուրներով։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Սերժ Սարգսյանը քվեարկեց. նույնականացնող սարքը դարձյալ «չճանաչեց» նրա մատնահետքերը

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

0
թեգերը:
Ընտրություններ, Տիգրան Արզաքանցյան
Ըստ թեմայի
Քաղաքապետարանը հավաքում է Քոչարյանի նկարով թերթիկները
«Պառկեցի անգիտակից հորս վրա, բայց շարունակում էին հարվածել». Ազատաշենի կրակոցների հետքերով
Փաշինյանի կուսակցությունը կբողոքարկի ԿԸՀ որոշումը