Մհեր Հակոբյան

Միջազգային գործընկերները կընդունե՞ն մեկի առաջարկը, որը 20 օրից կարող է իշխանության չլինել

230
(Թարմացված է 11:02 30.05.2021)
Ռազմաքաղաքական վերլուծաբան Մհեր Հակոբյանը Sputnik Արմենիայի եթերում անդրադարձել է ՀՀ վարչապետի պաշտոնակատար Նիկոլ Փաշինյանի առաջարկին, որն առնչվում է այն հարցին, թե ովքեր կարող են կանգնել հայ–ադրբեջանական սահմանին։
«Արևմտյան զորքերի առկայությունը հայ–ադրբեջանական սահմանին քիչ հավանական է». Մհեր Հակոբյան
«Արևմտյան զորքերի առկայությունը հայ–ադրբեջանական սահմանին քիչ հավանական է». Մհեր Հակոբյան

Մհեր Հակոբյանը լավատեսությամբ չի վերաբերվում Փաշինյանի առաջարկին, քանզի մի շարք պայմաններ շատ լուրջ կասկածի տակ են դնում ծրագրի արդյունավետության հավանականությունը։ Ըստ նրա` գաղտնիք չէ, որ Հարավային Կովկասը հանդիսանում է միջազգային մեծ խաղացողների մոտ ոչ պաշտոնապես բաժանված աշխարհի հենց ռուսական մասը, հետևաբար, առկա պայմաններում փորձագետը չի կարծում, որ եվրոպական կամ առավել ևս ամերիկյան ծանրակշիռ խաղացողները լրջորեն կգան և կմասնակցեն տվյալ գործընթացին։

«Խնդիրն ունի նաև ռազմական բաղադրիչ։ Արցախում գործում է ռուսական խաղաղապահ առաքելությունը, Սյունիքում շուտով կունենանք երկրորդ ռազմաբազան, Հայաստանի պետական սահմաններին կանգնած են ռուսական զորքերը, և այս պայմաններում իրար այսքան մոտ նաև արևմտյան զորքեր ունենալու հեռանկարը քիչ հավանական է»,– նշեց ռազմաքաղաքական փորձագետը։ 

Հակոբյանի կարծիքով` վերջապես պետք է հաշվի առնել նաև ներհայաստանյան նախընտրական վիճակը, որովհետև նման բարդ հարցերը չեն լուծվում քսան օրում և առկա պայմաններում նման լուրջ մեխանիզմի կիրառման մասին խոսելը ճիշտ չէ։

Բացի դրանից, եթե խնդրին նայենք միջազգային գործընկերների տեսանկյունից, ապա նրանց առաջարկ է անում մի անձնավորություն, որն, ըստ փորձագետի, հնարավոր է` քսան օրից չլինի իշխանության, հետևաբար, որևէ լուրջ ռազմավարական ծրագիր մշակող ուժ նման անորոշ հեռանկարներով թեմա չի քննարկի մի մարդու հետ, որը կարող է չընտրվել, և բանակցությունները ջուրը կլցվեն։ 

Փորձագետի գնահատմամբ` Փաշինյանի առաջարկն ինչ–որ քայլ է, որը նպատակ ունի հասնել նրան, որ ադրբեջանական զորքերը դուրս գան ՀՀ իրավաբանական ու ինքնիշխան տարածքից, բայց մյուս կողմից, նայելով պաշտոնական Բաքվի լպիրշության հասնող լկտի վարքագծին`պարզ է դառնում, որ ծրագրի իրականացումը քիչ հավանական է համարվում։    

Հիշեցնենք` ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

ՀՀ վարչապետի պաշտոնակատարը այսօր` մայիսի 29–ին, թիմակիցների հետ հանդիպման ժամանակ ևս մեկ անգամ պատրաստակամություն  հայտնեց զորքերը դուրս բերելու Սոթք–Խոզնավար հատվածից և ասաց, որ նման պատրաստակամություն ակնկալում է նաև Բաքվից:

 

Արա Այվազյանի հրաժարականի դրդապատճառը միանշանակ քաղաքական է. Թևան Պողոսյան

230
թեգերը:
Ադրբեջան, Սահման, դիտորդ, Նիկոլ Փաշինյան
Ըստ թեմայի
Միջազգային դիտորդների ենթադրյալ տեղակայման գոտիները հայ-ադրբեջանական սահմանին
ԱԱԾ պահեստազորի սպաների միության անդամները մեկ ելք են տեսնում սահմանին ստեղծված իրավիճակից
Ռուսաստանի սահմանապահ զորքերն ընդլայնում են իրենց ներկայությունը Սյունիքում. ՌԴ դեսպան
Ատոմ Մարգարյան

Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին

31
Տնտեսագետ Ատոմ Մարգարյանը Sputnik Արմենիայի եթերում անդրադարձել է դրամի փոխարժեքի կայունացմանը և նշել, թե որ դեպքում կարող են ցնցումներ գրանցվել։
«Հնարավոր են որոշակի ֆինանսական-տնտեսական ցնցումներ». Մարգարյան

Եթե ընտրություններն անցնեն անցնցում, և հետընտրական անցանկալի զարգացումներ չլինեն, դրամի փոխարժեքի կայունությունը կշարունակվի, և հնարավոր է` էլ ավելի ամրապնդի դիրքերը։ Sputnik Արմենիայի հետ զրույցում նման կարծիք հայտնեց տնտեսագետ Ատոմ Մարգարյանը։

«ԿԲ ռեզերվները, որոնք շուրջ 3 մլրդ դոլար են կազմում, թերևս գտնվում են պատմականորեն ամենաբարձր մակարդակի վրա, այնպես որ այս իմաստով խնդիր չի լինելու, եթե քաղաքական գործընթացներն ընթանան օրենսդրության շրջանակում, հակառակ պարագայում հնարավոր է ամեն ինչ, այդ թվում նաև որոշակի ֆինանսական-տնտեսական ցնցումներ»,- ասաց նա։

Նրա խոսքով` փոխարժեքի որոշակի կայունացումն արհեստական չէ. մեծ հաշվով մակրոտնտեսական ցուցանիշները հավասարակշռված են, սակայն գնաճային միջավայրն է որոշակի լարված, հատկապես արտաքին շուկաներից եկող ռիսկերի կամ ճնշումների համատեքստում։

Կենտրոնական բանկը խստացնում է վարկեր տրամադրելու կանոնները

«Հատկապես պարենային ապրանքների և վառելիքի թանկացումները միջազգային շուկայում ավելի շատ էկզոգեն գործոններ են, որոնք ազդում են հայաստանյան թե՛ սպառողական, թե՛ արտարժութային շուկայի զարգացումների վրա, արհեստականության տարր այստեղ չկա»,- նշեց Մարգարյանը։

Նշենք, որ վերջին օրերին դրամի փոխարժեքը դոլարի նկատմամբ որոշակի կայունություն է գրանցել։

Ինչպիսին կլինի ապագա իշխանությունը. ընտրության մասնակիցների կեսը տնտեսական ծրագիր չունի

31
թեգերը:
դրամ, Ատոմ Մարգարյան, Հայաստան
Ըստ թեմայի
Գնաճը զարգանում է. ԿԲ–ը դարձյալ բարձրացրել է վերաֆինանսավորման տոկոսադրույքը
Հայկական արժույթ` Եվրասիական բանկից․ ԵԱԶԲ-ն դրամով պարտատոմսեր կթողարկի
ԿԲ նախագահը կանխատեսում է՝ ընտրությունները չեն հանգեցնի գնաճի
Սուրեն Սուրենյանց

Ինչով առանձնացավ այս քարոզարշավը մյուսներից. ամփոփում է քաղաքագետը

66
(Թարմացված է 16:23 18.06.2021)
Քաղաքագետ Սուրեն Սուրենյանցը Sputnik Արմենիայի եթերում անդրադարձել է այն հարցին, թե ինչպիսին էր արտահերթ խորհրդարանական ընտրությունների քարոզարշավը։ 
Սուրենյանց. «Մենք այդպես էլ ականատես չեղանք քաղաքական, ծրագրային մրցակցության»

Սուրեն Սուրենյանցի դիտարկմամբ` մենք ըստ էության գործ ունեցանք ոչ թե քաղաքական, ծրագրային մրցակցության, այլ անտագոնիստական ռեժիմի հետ և ամենամեղմ բառերը, որ հակադիր երկու–երեք բևեռները միմյանց հասցեագրում էին, «կապիտուլյանտ» և «թալանչի» բառերն էին։

Ըստ նրա` կողմերից ընթացքում հնչեցին բառեր, որոնք ոչ նորմատիվային էին, ավելին` առաջին անգամ մեր պատմության մեջ ականատես եղանք, երբ պետության ղեկավարը հանդես եկավ բռնություն խորհրդանշող գործիքով` մուրճով, շրջեց մարզերով և սպառնաց մրցակիցներին` խոսելով քաղաքացիական վենդետաների մասին։

«Ցավոք սրտի, անտագոնիզմի աղբյուրն իշխանությունն է։ Հանրային հեռուստաընկերության կազմակերպած բանավեճերն ըստ էության չստացվեցին։ Բանավեճերից մեկին 13 քաղաքական ուժերի փոխարեն ներկա էին չորսը, այսինքն` մրցակցային միջավայր չձևավորվեց։ Երկրորդ առանձնահատկությունն այն է, որ այս ընտրություններին ուղղակի կամ անուղղակի կերպով մասնակցում են ՀՀ գործող և նախկին բոլոր ղեկավարները, ինչը նշանակում է, որ դիսկուրսը ոչ թե ապագայի շուրջ է, այլ անցյալի, ուստի այս ընտրությունները ցավոք սրտի զարգացման ռեսուրս չեն կարող պարունակել»,– նշեց քաղաքագետը։ 

Պեսկովը խոսել է Հայաստանում կայանալիք ընտրությունների մասին

Սուրենյանցի կարծիքով`երկրորդ կարևոր առանձնահատկությունն այն է, որ տոտալ կերպով կիրառվեց վարչական ռեսուրս, հետևաբար այս ընտրություններում, ըստ քաղաքագետի, նույնսիկ հունիսի 20-ին կլինեն վարչական ու ֆինանսական ռեսուրսների չարաշահման համատարած դեպքեր։      

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:

Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։ 

Քարոզարշավի շրջանակում հասարակությանը բևեռացրին 2 ուժերի շուրջ. Սամվել Բաբայան

66
թեգերը:
Հայաստան, քարոզարշավ, արտահերթ նիստ, Սուրեն Սուրենյանց
Ըստ թեմայի
Ռազմագերիներով Ադրբեջանը լուծել է մի քանի խնդիր. Սուրենյանցը` քարտեզի և զորակոչի մասին
Ո՞ր թեկնածուներն են ձեռնտու Ռուսաստանին. քաղաքագետի կարծիքը
«Կոմպրոմատ չեմ համարի». քաղաքագետը` Սերժ Սարգսյանի ձայնագրության մասին
Պուգաչովայի և Գալկինի զավակները

«Սա հիթ է». Գարի և Լիզա Գալկինները հայրիկի ծննդյան օրն անակնկալ են մատուցել. տեսանյութ

36
(Թարմացված է 23:59 18.06.2021)
Ալլա Պուգաչովան երեխաների հետ երաժշտական համար է նախապատրաստել հայտնի շոումեն ամուսնու համար։

ԵՐԵՎԱՆ, 18 հունիսի – Sputnik. Մաքսիմ Գալկինի և Ալլա Պուգաչովայի երեխաները` Գարին և Լիզան, որոշել են ուրախացնել հայրիկին արտասովոր շնորհավորանքով։ Հայտնի երգիծաբան և հեռուստահաղորդավար Մաքսիմ Գալկինը հունիսի 18-ին 45 տարեկան դարձավ։

Մեկնաբանություններում օգտատերերը նշել են, որ Գալկինն ու Պուգաչովան հրաշալի ընտանիք ունեն, երեխաներն էլ շատ դաստիարակված են։ Նրանց տոնական երգը հավանության արժանացել շատերի կողմից։

Արտիստը շնորհավորանքներ է ստանում ընկերներից, գործընկերներից և երկրպագուներից։  Բայց նախևառաջ ընտանիքի անդամներից։ Գարի և Լիզա Գալկինները հոր համար ռեփ են կատարել։ Այդ երգով նրանք շնորհավորել են հայրիկի ծննդյան օրն ու նշել, որ «նա արժանի և խելացի, օրինակելի, հավատարիմ և ուժեղ տղամարդ է մեծացել»։

Գարին և Լիզան խոստովանել են, որ ուրախ են նրա երեխաները լինելու համար և ուզում են նրա պես լինել։

«Սա հիթ է», «Վաու։ Ինչ հիանալի շնորհավորանք է։ Երեխաները հրաշք են», «Որքան լավ է նման բան տեսնելն ու լսելը», «Բրավո ռեփի աստղերին», – այսպիսի մեկնաբանություններ են թողել Գալկինի երկրպագուները։

Ալլա Պուգաչովան և Մաքսիմ Գալկինն ամուսնացած են 2011 թվականից։ Ամուսինները երկու երեխա են դաստիարակում` երկվորյակներ Լիզային և Գարիին։ Հեռուստահաղորդավար և երգիծաբան Գալկինի  համար սա առաջին ամուսնությունն է, երգչուհու համար` հինգերորդը։ Պուգաչովայի ավագ դուստրը` հայտնի երգչուհի Կրիստինա Օրբակայտեն, 50 տարեկան է։

 

36
թեգերը:
ծնունդ, երեխա, Մաքսիմ Գալկին, Ալլա Պուգաչովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ինչպես է հաջողվում 9 տարի շարունակ ապրել միասին. Գալկինը փակագծեր է բացել
Ծիրանագույնից մինչև «Կիմ Չեն Քարդաշյան»․ Գարիկ Մարտիրոսյանը զվարճացրել է հետևորդներին